استفسار بخصوص عمل زيارة لأحد أفراد اسرتى لأداء مناسك العمرة و الحج

[احمد محاسب جديد]

السلام عليكم ورحمته الله ..

كان عندى استفسار من حضراتكم .. اولا ازاى اعمل زيارة لحد من أفراد اسرتى علشان يعمل عمرة أو حج ويرجع علطول

انا بقالى اقل من سنة هنا فى السعودية شغال محاسب .. بس المهنة عامل شحن وتفريغ فى الباسبور ..

فأنا عاوز أعرف هو انا ممكن أعمل زيارة لوالدى مثلا علشان يجيى يعمل عمره أو حج ويرجع علطول .. لأن انا شغال فى الدمام فمش هقدر اجبهم يقعدوا معايا فترة

وهل الزيارة ديه بتكون موفرة فى التكاليف عن شركات السفريات فى مصر مثلا .. اتمنى حد يفيدنى ويقولى ايه الاجراءات .. وانتظر ردكم وشكرا جزيلا .

[احمد محاسب جديد]

اين الردود يااخوانى الكرام القائمين على المنتدى ؟؟؟؟؟؟

[مروان]

بص يا احمد

اولا مهنتك لازم تعدلها لاي مسمى يجيب زيارة مثل مندوب مبيعات او محاسب عام

ثانيا لازم اهلك يكونوا هنا الاول(اسمع ان فيه ناس عزاب عملوا الزيارة واتقبلت)

ثالثا لازم سكن مستقل مش تابع للشركة الا لو كفيلك وافق ان الوالد يقيم معك

بعدين قدم على طلب الزيارة

بس ياريت تتحرك بسرعة علشان تلحق السنة دي

مكنش يبقى العام القادم بازن الله

[احمد محاسب جديد]

بص يا احمد

اولا مهنتك لازم تعدلها لاي مسمى يجيب زيارة مثل مندوب مبيعات او محاسب عام

ثانيا لازم اهلك يكونوا هنا الاول(اسمع ان فيه ناس عزاب عملوا الزيارة واتقبلت)

ثالثا لازم سكن مستقل مش تابع للشركة الا لو كفيلك وافق ان الوالد يقيم معك

بعدين قدم على طلب الزيارة

بس ياريت تتحرك بسرعة علشان تلحق السنة دي

مكنش يبقى العام القادم بازن الله

طب ازاى اقدم من خلال النت .. ولو فيه معلومات اكتر على الموضوع ياريت تفيدونى .. وهل شرط انى اغير المهنه ولا مش شرط .. لان فيه ناس قالتلى عادى مش مشكله تغير المهنة

[hakeem]

التقديم من هنا يا احمد

https://visa.mofa.gov.sa/FamilyVisitVisa/create

هتكمل الخطوات مش هتحتاج الا رقم اقامتك ورقم التاشيرة اللى دخلت بيها..وبيانات السجل للشركة او للكفيل..وتكمل الخطوات وتطبع الطلب وكفيلك يختمه ويوقعه بس توقيع غرفه تجارية وتتابع النتيجة ع النت

المهنه هتبقى مشكلة الصراحة حاول تعدلها..وكان فى كلام ان العازب مش بيتوافقله ع الزيارة بس والله الاسبوع اللى فات قدمت لوالدة واخت زميلى والدته بس اللى اتوافق عليها وهو مش متجوز ولا حاجة..

[madey]

اضافة لكلام الزملاء الافاضل

واحد صاحبى فى شركتنا لسه متوافق له امس على زيارة والده ووالدته وهو غير متزوج

وانا الحمد لله اتوافق لى على زيارة والدتى لسه انهارده ...عقبال كل ال مستنى يا رب

[احمد محاسب جديد]

التقديم من هنا يا احمد

https://visa.mofa.gov.sa/FamilyVisitVisa/create

هتكمل الخطوات مش هتحتاج الا رقم اقامتك ورقم التاشيرة اللى دخلت بيها..وبيانات السجل للشركة او للكفيل..وتكمل الخطوات وتطبع الطلب وكفيلك يختمه ويوقعه بس توقيع غرفه تجارية وتتابع النتيجة ع النت

المهنه هتبقى مشكلة الصراحة حاول تعدلها..وكان فى كلام ان العازب مش بيتوافقله ع الزيارة بس والله الاسبوع اللى فات قدمت لوالدة واخت زميلى والدته بس اللى اتوافق عليها وهو مش متجوز ولا حاجة..

شكرا ليك ياحكيم انت وكل الردود على مساعدتهم ليا فى استفسارى ... بس انا دخلت الموقع و ضمن التعهد الى فى الخطوة الاولى .. ان تكون موافق على ان الشخص المدعو للزيارة يكون جاى من أجل زيارة عائلية وليس للحج أو العمرة !!! .. ولاكن انا الزيارة هطلبها اساسا من أجل عمرة أو حج لأحد أفراد اسراتى فهل عليا اى نوع من المسائلة القانونية .. وهل انا لازم اغير مهنتى فى الباسبور من عامل شحن وتفريغ ولا مش مشكلة ؟! انتظر الرد وشكرا جزيلا لكم ...

[hakeem]

بص يا احمد سيبك من الشروط..دى بالظبط عارف لما تيجى تسجل فى منتدى ويقولك الشروط بتدى موافق ومش هتبصلها

المهم انت هتغير مهنتك فى الاقامة وهتروح السفارة يختملك الباسبور تقريبا ب70 ريال..بس صراحة مش عارف لو باسبورك جديد ايه الحل..انت فين الاول فى المملكة ..؟

[احمد محاسب جديد]

بص يا احمد سيبك من الشروط..دى بالظبط عارف لما تيجى تسجل فى منتدى ويقولك الشروط بتدى موافق ومش هتبصلها

المهم انت هتغير مهنتك فى الاقامة وهتروح السفارة يختملك الباسبور تقريبا ب70 ريال..بس صراحة مش عارف لو باسبورك جديد ايه الحل..انت فين الاول فى المملكة ..؟

انا فى الدمام ياحكيم .. بص لو عندك اميل ياهو او فيس قلى عليه علشان استفسر منك عليه اسهل .. وشكرا جزيلا

[احمد محاسب جديد]

وازاى اغير المهنة من عامل شحن وتفريغ الى محاسب .. وهل ينفع عن طريق النت ...

[hakeem]

تغيير المهنه من على موقع وزارة العمل..كفيلك ولا شركتك اكيد مسجل فى مكتب العمل وله حساب علية هتدخل وتقدم طلب..وتجهز اصل الشهادة متوثق للاطلاع بس وصورة منها اصل الاقامة القديمة والسجل التجارى بتاع الشركة واستمارة كده بتتعمل من موقع مقيم زى بتاع تجديد الاقامة وتسلمهم للمعقب بعد ما تسدد 1000 ريال طبعا ..سمعت انها مجانا بس اللى راحوا مكتب العمل قالولهم لسه مفيش مجانى

[hakeem]

احمد بعتنا استفسار للجوازات وردوا بان تغيير المهن مجانا حاليا لحين انقضاء فترة تصحيح الاوضاع اللى هى تقريبا فى شهر شعبان..الحق بئا جهز اوراقك..انا معايا صورة من الرد بس مزرجن مش عارف انزله ع المنتدى..

[احمد محاسب جديد]

احمد بعتنا استفسار للجوازات وردوا بان تغيير المهن مجانا حاليا لحين انقضاء فترة تصحيح الاوضاع اللى هى تقريبا فى شهر شعبان..الحق بئا جهز اوراقك..انا معايا صورة من الرد بس مزرجن مش عارف انزله ع المنتدى..

شكرا ليك اولا ياحكيم على كل ردودك المفيدة .. انا عاوز استفسر منك على بعض الاجراءات ... ده اميلى على الياهو ahmed_vip7mx@yahoo.com ياريت تضفنى لو مفيهاش ازعاج ... وعموما شكرا جزيلا ليك