الى جميع المهندسين المصريين اللى فى طريقهم لكندا

[Muhammad El Chammakh]

بسم الله الرحمن الرحيم

انا متابع المنتدى الجميل دا من فتره كبيره و لكن سجلت فيه قريب , اخوكم المهندس محمد الشماخ مصرى من هندسه عين شمس , مش بفكر فى قرار هجره لكندا فى الوقت الحالى و لكن ليا اصدقاء كتير جدا مهندسين و دكاتره عايشين فى كندا و استراليا و ما شاء الله ناجحين جدا و دايما على اتصال بيهم .

الحاجه الوحيده اللى لفتت نظرى بعد القراءه فى جميع مواضيع المنتدى هى عدم وجود فرصه عمل خاصه للمهندسين , قريت قصص فشل كتير جدا و حسيت بحالات احباط كتير جدا ممكن يحس بيها اى حد يقرا فى بعض مواضيع المنتدى , انا من الناس اللى بيفكروا فى الهجره بس انا واثق فى ربنا اولا ثم نفسى فى موضوع انى الاقى شغل فى مجال الهندسه ان شاء الله .

كتير جدا من الناس فاكره انها اما تعمل المعادله هتلاقى شغل و لو ملقوش شغل هيقولوا كندا وحشه و استراليا وحشه ( انا بالنسبالى موضوع المعادله دا موضوع وهمى خيالى مش موجود غير فى عقولنا او تقريبا المعادله دى المفروض تكون اخر حل لاى مهندس ) لان بمعنى اصح انت لو مهندس من هندسه عين شمس و سافرت كندا و عملت معادله و قدمت على شغل اكيد صاحب الشركه مش هيخادك و يسيب واحد متخرج من جامعه مونتريال مثلا .

الحلول اللى بتجيب نجاح ملحوظ و اكتريت اصدقائى عملوها هى الدراسه او للوضوح اكتر , احد الحلول اللى كل الناس تقريبا عرفاها و لكن الشائع و الملفت الايام دى هى دراسه و الحاجات دى بتقوى مركزك فى الشغل اكتر من وهم المعادله .

الحاجه التانيه اللى انا فاتح الموضوع عشان اكلم فيها و اللى بتخص مجال الهندسه هى

طبعا مجال معروف على مستوى العالم و لكن ازاى اشتغل مهندس من غير ما اعمل المعادله او ازاى اقوى مركزى عند الشركات , الحل انك تبدا فى دراسه الشهادات العلميه اللى معتمده على مستوى العالم زى ال , طبعا دى كلها حاجات ممكن تقوى مركزك جدا جدا عشان تحصل على وظيفه محترمه

1)FE) Fundamentals of engineerin) :دى شهاده معترف بيها من امريكا

واكتر الشركات الكبيره بتتطلبها و امتحانها فى الجامعه الامريكيه وخد بالك من اللى جايه دى الامتحان دا مش متاح غير فى مصر و امريكا و اليابان .

2)PE ) Professional Engineer ) : اكتر شهاده مهمه بالنسبه لاى مهندس فى العالم , بمعنى اصح لو معاك الشهاده دى و معملتش معادله و سافرت اى دوله فى العالم هتقوى مركزك جدا جدا و هتلاقى شغل بنسبه كبيره ان شاء الله .

3)PMP )Project management professional ) : شهاده محترمه جدا و بقت معروفه جدا على مستوى العالم و معظم الشركات بتتطلبها و بتقوى قرص الحصول على عمل .

http://www.pmi.org/Certification/Project-Management-Professional-PMP.aspx

4)PSP ) Professional Scheduling professional ) : من اهم الشهادات برضو و صعبه جدا

http://www.pmi.org/en/Certification/PMI-Scheduling-Professional-PMI-SP.aspx

5)PgMP ) Program management professional ) : ناس قليله اوى اوى اللى معاهم الشهاده و احد اهدافى . و بتقوى مركزك جدا فى دوله فى العالم

6)CCC/CCE) Certified Cost Engineer) : ناس قليله جدا برضواللى معاهم

الشهاده دى

كل دى شهادات international Certifications بتقوى فرصك للحصول على عمل

فى اى دوله فى العالم بما فيهم كندا اللى محيره الناس , لانك لو عايز تشتغل فى مجال ال Planning , Cost Control Engineer , Construction management or even Project manager

كل الشهادات دى هتقوى مركزك عند التقديم للوظيفه من غير معادله ولا الكلام الفاضى دا , من الاخر المهندس اللى بيطلع بره بلده لازم يكون معاه شهادات دوليه نخليه ينافس بيها المهندسيين التانيين لان الكل بيدور على الكلام و بيدرسوا و الميزه ان كل الشهادات دى دراستها موجوده فى عكس معظم الدول العربيه , فى مهندس معروف جدا فى ABB Company

سافر سنه 2001 عشان يدرس CCC/CCE فى امريكا , دلوفتى كل دا موجود هنا

ملحوظه كمان المهندس دا اشتغل فى هولندا و امريكا من غير معادله بس الفكره انه كان مهندس معترف بيه دولبا عن طريق الشهادات دى .

اخيرا . اتمنى اكون وصلت للناس الفكره اللى شايف انها نجحت مع مهندسين كتير اوى شغالين فى كندا و استراليا وفى الاخر لازم نفهم اننا لازم نكون معترف بينا دوليا عشان نعرف نشتغل برا مصر . لان شهاده الكليه فى كندا ملهاش لازمه و المعادله بالنسبالى ولا ليها اى لازمه, و المره الجايه هتكلم عن كيفيه كتابه ال CV عشان فى ناس بتترفض بس عشان مش بيعرفوا يكتبوا كويس مش عشان خبرتهم لا تمسح

, عارف انى كتيت كتير و زهقتكوا

السلام عليكم و رحمه الله و بركاته .اخوكم م. محمد الشماخ

[AbuZeyad]

لا كتبت كتير ولا حاجة

كلام كله في المفيد وعملي جدا

بغض النظر عن كندا او غيرها كلام حضرتك دا مفيد في أي مكان في العالم

يعني مثلا انا مش من هواة الماجستير والدكتوراه والشهادات دي لان طريقها طويل ومحتاج تفرغ وممكن الشهادات اللى حضرتك ذكرتها تكون حل بديل وعملي للدراسات العليا

كمل يا هندسة الله يفتح عليك ومنكم نستفيد

تم تعديل 27 مايو 2013 بواسطة AbuZeyad

[Muhammad El Chammakh]

لا كتبت كتير ولا حاجة

كلام كله في المفيد وعملي جدا

بغض النظر عن كندا او غيرها كلام حضرتك دا مفيد في أي مكان في العالم

يعني مثلا انا مش من هواة الماجستير والدكتوراه والشهادات دي لان طريقها طويل ومحتاج تفرغ وممكن الشهادات اللى حضرتك ذكرتها تكون حل بديل وعملي للدراسات العليا

كمل يا هندسة الله يفتح عليك ومنكم نستفيد

انا كل رأيى يا استاذ ابو زايد ان الناس فاكره ان المعادله اخر المطاف .. انا شايفها سبوبه او نوع من الروتين ليس اكثر .. يعنى انا لو عامل معادله مستحيا اتقبل فى اى وظيفه .. لكن معادله + PE = هترفع من فرصتى فى العمل . الفكره ان اكتر الناس مش عندها استعداد تبحث و تدور والله

[khaled_sabry]

انا بشتغل مبرمج .net developer - خريج كليه علوم قسم علوم الحاسب

هل في الشهادات دى حاجه تصلح ليا ؟؟

[Guest م.محمد خاطر]

بالنسبة لي كمهندس طبي اللي بيشتغل في مصر اما في مستشفي لعمل صيانات او للمشتريات او مهندس صيانه في شركة خاصة او مهندس مبيعات 

فهل اي من الشهادات دي مفيده ليا ولا لا