محتاج نصيحتكم فى السفرية دى

[elmontoo]

السلام عليكم ورحمة الله وبركاته

انا مسافر السعودية بقالى سنتين واكتر

حاليا انا شغال فى شركة براتب 2500 ريال + وجبة طعام على حساب الشركة يومية والعمل فى جدة فى شركة مقاولات

جالى عرض أخر براتب 4000 الاف ريال فى معرض سيارات والتاشيرة محاسب عام

مع توفير سيارة اما بخصوص السكن فلسه فيه كلام مش عارف هيكون على حسابى ولا لاء

المشكلة تكمن ان الوظيفة دى فى معرض سيارات لسه فاتح جديد

ومش عنده موظفين ولا عمالة الا حوالى 2 او 3

وصاحب المعرض ده شاب سعودى

والمعرض موجود فى المنطقة الصناعية بجدة فى سوق الحراج للسيارات

فنا مش عارف اعمل ايه هل اطلب خروج نهائى وارجع على التاشيرة دى

ولا اكمل فى اللى انا فيها مع العلم ان اللى انا فيها مرتاح نفسيا الى حد ما بجانب انى بستفاد خبرة منهم

اما وظيفة معرض السيارات دى فمافيهاش اى خبرة لان معندوش اى داتا او برامج شغال عليها

[MahmoudAlaa]

انا لو منك

الى اعرفه احسن من الى معرفوش

وبتقول انت مرتاح نفسيا يبقي خليك فيها احسن

ممكن تروح المعرض دا لو نفترض بـ 70 الاف مش بـ 4

والمعرض جديد ومشتغلش والراجل مشاك

هتعمل اية ؟؟

هيبقي ولا طولت هنا ولا هنا

يبقي خليك فى الى تعرفه احسن

لانى كنت هعمل زيك وبراتب اعلى

بس انا عايش فى ينبع وكنت هروح الرياض

وخلتنى زى ما انا