حكاية من بلادنا

[optimistic]

هجمت شياطين الخوف علينا

غمو عينينا

و في ساقية اليوم مشينا

زي التيران

هاتو اللبن و العسل

حاضر

هاتو حتى الامل

حاضر

و خدو عدم الامان

:::

صرخ مننا نفر

قال فوقو يا بشر

رضيتو بالهوان

بعيشة الفيران

:::

اتفزعو قالو هاتوه

امسكوه

احبسوه

لكن الناس هربوه

و نفد من الغربان

:::

و بتنا الليله نحكى

على الواد و نشكي

مر الشكوى للزمان

:::

و الصبح قمنا للسواقى

تيران

نسب و نلعن أي بني ادمين

و قلنا نعمل ايه

ايدينا قصيرين

و اهي دنيا واكلها الحيتان

[عصام]

بسيطة .. قصيرة .. محبِطة .. قوية جدا ..

وفوق كل دا .. فى الجووون ..

mc:

[عابر سبيل]

مباشرة بشكل مستفز

ومشهو ده اللي احنا عايزينه من الشعر يا صاحبي

عيزين الشعر يمس قلوبنا واحساسنا بشكل غير مباشر عشان احنا نفهم انت عايز تقول ايه

انما كدة ما اعتقدش انك أضفت حاجة جديدة ولو عاوز تحسب نفسك علي الشعرا يبقي لازم تركز أحسن من كدة وتقرا كتير وف كل حاجة

مش الشعر وبس

انما ممكن نسمي المشاركة دي كلام صالونات زي ما انت كاتب كدة

اتفضلوا في الصالون ع العموم بداية كويسة حاول تاني

تحياتي لك

عابر سبيل

[هشام الجنيدى]

ارى انك كنت قاسى بعض الشىء يا اخ عابر سبيل

فما تراه انت بصوره ما قد يراه البعض بصوره اخرى

ولولا اختلاف الاذواق لفسدت البضائع

واسف على التعبير بالبضائع فالشعر لا يجب ان يكون بضاعه

ولكن لابد لكل قصيده ان تضيف جديدا فالشعر من وجهه نظرى ت

تراكم ثقافات لدى الشاعر

ولكن المثل للتوضيح

ولكل شاعر اسلوبه

وكل محاوله تستحق التشجيع

وشكرااااااااااااااااااااااااااااا

[optimistic]

شكرا للجميع

لكن لي تعليق متواضع و غلبان على كلام/عابر سبيل

اولا: انا باحكي حكاية من بلادنا

ناس واقفة في سوق

ناس بتشقى في غيط

كلامهم بسيط

كنت بحاول اتكلم باللغة دي لو فاهم قصدي

ثانيا: و الله انا مش عاوز احسب نفسي على الشعراء و لا يحزنون.. (مع ان يمكن في ناس بتجاملني على فترات و بتقول ممكن ييجي مني و مرتين كده خدت جايزة الجامعة و انا صغير.. و حاجات كده)

بس انا ماليش في الشعر اصلا .. بجد

اخوك بس مزنوق في كلمتين .. و نفسه يفضفض

و عزمتك على قعده في الصالون

و انت قبلت الدعوة مشكورا

بس كده

اما موضوع التركيز

فأوعدك - باخلاص- اني هاقرا اكتر مخصوص علشان خاطرك

و صدقني

انا بحاول اركز

بس دعواتك معايا

و شكرا مرة تانية