رأى فى عقد عمل بالسعودية - الرياض - عاجل لو سمحتو

[wello]

ازيكم يا جماعة انا جايلى عقد عمل بالسعودية فى شركة من شركات الخدمات المالية و هى شركة من المجموعات الكبيرةفى الرياض ، الناس عملت المقابلة فى مصر ووافقوا عليا و بعض كده عرفت بعض التفاصيل عايز اعرف رأيكم فيها

انا مبدأيا سنى 31 سنة وخريج تجارة 2003 و معايا دبلوم دراسات عليا فى المحاسبة المالية و عامل شهادة تحليل مالى من امريكا خلصت فيها 2 ليفيلز وفاضل واحد واخد الشهادة ودى شهادة معتمدة وعندى خبرة شغل تقريب 10 سنين

العقد لسه مجاليش بس انا هشتغل محلل مالى فى الرياض و مرتب 10000 ريال + بدل السكن 25% + بدل مواصلات 10% + بونص من شهر الى 3 شهور دول الحاجات اللى عرفتها من المكالمة

لو سمحتو محتاج رأيكم فى العرض ده عشان انا دى اول مرة اسافر

شكــرا جزيلا

[hakeem]

كويس ..والسكن هتلاقى ارخص من كده لو شهرى 2500 هتحصل اقل من كده..والمواصلات هتبقى مثلا 1000 ممكن تدفعهم قسط لسيارة..

انت دارس cfa ..؟

[wello]

شكرا لردك ، اه انا دارس CFA بس لسه فاضلى اخر ليفيل

[wello]

كويس ..والسكن هتلاقى ارخص من كده لو شهرى 2500 هتحصل اقل من كده..والمواصلات هتبقى مثلا 1000 ممكن تدفعهم قسط لسيارة..

انت دارس cfa ..؟

هو حضرتك فى مصر ولا السعودية

[wello]

يا جماعة محتاج رأي كل من يستطيع

شكــرا

[eureka]

مش هقدر افيدك في الاساسي بالنسبة لخبرتك..

بس بالنسبة للميزات فيه حاجات تانية محتاج تعرفها زي مدة العقد واذا كان فيه زيادة سنوية؟

التأمين الطبي شامل الاسرة؟

تذاكر الطيران اول مرة وكل سنة رايح جاي وليك لوحدك ولا للزوجة والاولاد؟

كام يوم اجازة سنوية مدفةعة الاجر؟

اتأكد من المهنة في الفيزا تكون مهنتك فعلا.. وان اجراءات الفيزا والاقامة مدفوعة منهم (اول مرة والتجديد)

اتأكد انك لما تروح هيوفرولك سكن ومواصلات لمدة من اسبوعين لشهر لغاية ما تلاقي سكن

وحاول تطلب one-time furniture allowance

[wello]

مش هقدر افيدك في الاساسي بالنسبة لخبرتك..

بس بالنسبة للميزات فيه حاجات تانية محتاج تعرفها زي مدة العقد واذا كان فيه زيادة سنوية؟

التأمين الطبي شامل الاسرة؟

تذاكر الطيران اول مرة وكل سنة رايح جاي وليك لوحدك ولا للزوجة والاولاد؟

كام يوم اجازة سنوية مدفةعة الاجر؟

اتأكد من المهنة في الفيزا تكون مهنتك فعلا.. وان اجراءات الفيزا والاقامة مدفوعة منهم (اول مرة والتجديد)

اتأكد انك لما تروح هيوفرولك سكن ومواصلات لمدة من اسبوعين لشهر لغاية ما تلاقي سكن

وحاول تطلب one-time furniture allowance

شكرا لحضرتك ، هو انا نسيت اقول ان قالى ان فيه تأمين طبى ليا عشان انا مش عازب بس بقيت الحاجات اللى حضرتك ذكرتها لسه مش عارف حاجة عنها لأن العقد كامل او ال Job offer لسه موصلنيش دى حاجات انا عرفتها فى مكالمة بس الحاجات اللى حضرتك قولتها مهمة جدا ان الواحد يعرفها ، شكرا لتوضيحاتك

[wello]

شكرا لحضرتك ، هو انا نسيت اقول ان قالى ان فيه تأمين طبى ليا عشان انا مش عازب بس بقيت الحاجات اللى حضرتك ذكرتها لسه مش عارف حاجة عنها لأن العقد كامل او ال Job offer لسه موصلنيش دى حاجات انا عرفتها فى مكالمة بس الحاجات اللى حضرتك قولتها مهمة جدا ان الواحد يعرفها ، شكرا لتوضيحاتك

انا عازب مش متجوز معلش على الغلط فى الكتابة

[eureka]

حتى لو عازب اعتقد العقد ممكن يكون لمتزوج بحيث يقدر يشمل الميزات اللي قلتلك عليها.. لانك ممكن تتزوج في خلال فترة عملك فيستحسن تضمن الحاجات دي من الاول

[wello]

حتى لو عازب اعتقد العقد ممكن يكون لمتزوج بحيث يقدر يشمل الميزات اللي قلتلك عليها.. لانك ممكن تتزوج في خلال فترة عملك فيستحسن تضمن الحاجات دي من الاول

عندك حق لازم الحاجات دى تكون معروفة لأن محدش عارف ممكن يحصل ايه

[hakeem]

لازم طبعا هيكون ليك تامين طبى..بس اسال بردوا ع الاجازة والتذاكر وفى حال الزواج هيتم ادخالهم فى التامين الطبى والتذاكر..بس عموما العرض كويس

انا فى الرياض

[hakeem]

شكرا لردك ، اه انا دارس CFA بس لسه فاضلى اخر ليفيل

طيب احتاجت خبرة فى مجال التحليل ولا اكتفيت بالدراسة..يعنى اشتغلت فى مجال التحليل فى مصر ولا الدراسة للشهادة دى كانت كافية

[wello]

طيب احتاجت خبرة فى مجال التحليل ولا اكتفيت بالدراسة..يعنى اشتغلت فى مجال التحليل فى مصر ولا الدراسة للشهادة دى كانت كافية

بص انا مش فاهم قصدك بالظبط بس لو قصدك على شغلى قبل الدراسة كان تحليل مالى بس قليل لكن بعد الدراسة للشهادة الدنيا اختلفت تماما اشتغلت تحليل مالى كويس ده غير ان الدراسة بتغير طريقة شغلك لانها بتديلك معلومات وطرق شغل كتير قوى بعدها بتبقى محتاج حاجات صغيرة مش كتير عشان تعرف تعمل تحليل مالى كويس

اتمنى ده يكون اللى كنت بتسال عليه لو اى حاجة تانية تحب تعرفها ابعتلى فى وقت

[wello]

لازم طبعا هيكون ليك تامين طبى..بس اسال بردوا ع الاجازة والتذاكر وفى حال الزواج هيتم ادخالهم فى التامين الطبى والتذاكر..بس عموما العرض كويس

انا فى الرياض

طب ممكن اعرف ايه اخبار المعيشة فى الرياض بحيث ان انا عازب و كنت اسمع ان فى مشاكل من ناحية الخروج و الاماكن العامة ممنوع للعزاب ، ياريت تفيدنى

[hakeem]

الرياض خنقه شوية يعنى اخرك تقعد مع واحد صحبك ولا تقضيها نت..او لو معاك عربيه هتلف بيها شوية..بس احب اطمنك هتتعود وحياتك هتتسستم وهترتاح وتتعود..

بالنسبة بئا للشهاده ابقى اعمل موضوع شامل عتها لانى كنت بتكلم فيها مع مديرى بس فى cma وجت سيرة التحليل المالى ففيدنا..

[MZohairy]

انا شايف انك ممكن تاخد 15 الف اساسي بسهوله في اماكن كتير في السعوديه بمواصفاتك دي و خصوصا لو الانجليزي بتاعك كويس