هئ هئ ...أنا انسة موش مدام

[Guest Mohd Gramoun]

بالأمس و في برنامج تفسير الأحلام الذي يذاع علي قناة المحور...

أستقبلت المذيعة تليفونا من إحدي السيدات و ودار هذا الحوار:

المتصله :السلام عليكم

المذيعة: و عليكم السلام مين معاي

المتصلة: أنا فلانه

المذيعة : أهلا وسهلا

المتصلة : ممكن يا مدام أكلم الشيخ سيد

المذيعة: اتفضلي معاكي الشيخ سيد:

المتصلة :أزيك يا شيخ سيد أنا نفـ... المذيعة: هئ هئ أنا موش مدام...سي أكلمك من زمان أنا عندي حلمين ممكن نخليهم واحد.

الشيخ سيد: لا يا أختي كـ....المذيعة: انا أنسه لسه...ل واحد منفصل عن التاني..

المهم أنا طبعا كنت بقلب المحطات كالعادة و قلت لنفسي أطل طله علي برنامج الأحلام ده مع اني عمري ما حلمت لا حلم و لا كابوس... مريح نفسي... بس الحكاية قلبت كوميديا مع المذيعة اللي كانت مسخسخة من الضحك و هي بتقول انسة موش مدام...

هو فيه أيه يا جماعة... بيختاروهم ازاي المذيعين دول...

مالهومش دورات تدريبية عشان يتعلموا اللباقة و اللياقة و إزاي يتعاملوا مع الضيوف و البرامج و المتصلين و إزاي يتفاعلوا مع المواقف الطارئة..

والله حاجة تغم

طبعا

تم تعديل 5 مارس 2005 بواسطة mgramoun

[yasovinas]

يعني البوووونيه مش عايزة تعنس لما يطلعوا عليها اشاعة يا مدام العرسان هتصرف نظر عنها يمكن واحد بيدور وبيلف على المحطات :D كده تعجبة ويفكر يتجوزها

[Sherief AbdelWahab]

أو بعبارة أخرى:

هناك بعض المغرضييييييييين أطلقوا شائعة حمقاء بأن الهانم مودام.. فجاءت لتنفي أنها ليست مودام ولا موديم.. فهي لا تزال آنسة ..أكرر .. ما زالت آنسة.. وهذا للتوضيح! :D

وما يعزز هذه الفرضية هو كون بعض الاتصالات التليفونية في مثل تلك البرامج مفبرك..

خارج السطر:

أتمنى جداً أن أعرف السير الذاتية للعديد من المذيعين والمذيعات المصريين.. فضول وحشرية على الأقل!

عذراً للخروج جزئياً على الموضوع..

خلص الكلام