وماذا بعد 30 يونيو

[herohero]

http://www.youtube.com/watch?v=57Jzw9h3Nzc

حاجه اهي لرفع الروح المعنوية وعشان برده ابقى ماشي وفق قواعد المنتدى ونعرف ناكل عيش في المنتدى اهو بشجع الناس ع النزول !!!!

[moamana]

استاذ شرف الدين انت ليه مصمم تشخصن الموضوع ايوه اسمه حكم عسكر و حكم عسكرى انت سبت كل كلامى و مسكت في كلمة عسكر امال اقول حكم ايه ملكى و لا مدنى اسمه حكم عسكرى اخى الفاضل و انا مرضتش ارد اساسا على فكرة الديكتاتورية العادلة التى سوقتها انت و لا اعترف بها اساساحتى لا ادخل معك في جدال ملوش داعى

ايوه انا اخترت الاخوان و اعتقد ان في ظل الظروف اللى فاتت كنت برده هختارهم معلش اصلى مكنتش بحب البنبونى اللى بيوزعه شفيق و بينى بينه تار شخصى لانه كان سبب في اصابة احد ابناء عمومتى بجلطة ادت الى عمى بعد مشروع نفذه هو و شركته في المطار و مخدش لقائه اى فلوس

و بعدين حضرتك شايف الجيش نافع اوى امال السنة و نص اللى فاتوا قبل الاخوان كانوا ايه مصر اللى كانت على حافة الافلاس كانت ايه

بلاش حضرتك دخلت الجيش في بلدنا عارف وضع الجيش في مصر للمجندين عامل ازاى عارف فساد الجيش اد ايه و لا تحب انا ااقولك و على فكرة انا من عيلة اغلب افرادها من الجيش ماعدا ابى فعارفة كويس اوى انا بتكلم عن ايه تحب حضرتك نتكلم عن مرتب الضابط و مرتب اللواء و الفرق اد ايه تحب حضرتك نتكلم عن المخابرات اللى بالوسطة مش بالكفاءة

اظن اى شخص يعلم احوال الجيش جيدا و اى بنى ادم عاش معانا السنة و نص اللى حكم فيها المجلس العسكرى عارف الهبل اللى كنا فيه

حضرتك حاطط الاعلان ماذا بعد 30 يونيو و لا تسوق الا لفكرة عودة مجلس رئاسى عسكرى مرة اخرى بينما انا اريد من يطرح افكارا اخرى فانا لا ارى الاخوان او العسكر او المعارضة فالحين و اظن الوقت اثبت ذلك على الجميع

و نرجع تانى لعنوان الموضوع ماذا بعد 30 يونيه

[herohero]

http://www.youtube.com/watch?v=yO4shwwo02k

شوفت السياسة اللي اتربينا عليها يا استاذ شرف شوفت رجال النظام السابق رضي الله عنهم

ربنا يسهل بعد 30-6 يجلنا ناس كده تتعامل معانا بالالفاظ الراقية ده

تم تعديل 25 يونيو 2013 بواسطة herohero

[Alshiekh]

فيديو ذو صلة،

مش عايز أقول الفاظ تجرح لساني!!!

http://www.youtube.com/watch?v=1e5mdEufC7M

[herohero]

يا استاذ محمد الشعب اتربى ع العنف اللفظي والبدني ماحضرتك شوفت كلام وزير داخلية مصر قبل كده فيعني هتيجي ع القنابل والسيارات المفخخه ماكله بيسخن ويعني الثانيين نازلين ببونبون

---------

الا صحيح بتاع البونبون جاي من دبي امتى ولا مستني عمرة رمضان ف دبي

تم تعديل 25 يونيو 2013 بواسطة herohero

[Alshiekh]

يا استاذ محمد الشعب اتربى ع العنف اللفظي والبدني ماحضرتك شوفت كلام وزير داخلية مصر قبل كده فيعني هتيجي ع القنابل والسيارات المفخخه ماكله بيسخن ويعني الثانيين نازلين ببونبون

---------

الا صحيح بتاع البونبون جاي من دبي امتى ولا مستني عمرة رمضان ف دبي

لو حضرتك تقصدني أنا (محمد) بمداخلتك، فأنا لم أعلق على مداخلتك حتى توجه لي هذا الكلام،

وبعدين الحمد لله كارت الصوت سليم وأذناي سليمتان، ولكن زكي بدر راح وراحت ايامه وهو بين يدي خالقه،

أما الموجودون على الساحة الآن فهم الأولى بالمحاسبة والمسائلة، بل والمحاكمة على ما اقترفوه في حق مصر وشعبها.

تحياتي

[شرف الدين]

عاصم عبد الماجد .. على خط الهجوم

أعلن عاصم عبدالماجد، القيادي في الجماعة الإسلامية، مساء الثلاثاء، نزوله ومؤيدي الرئيس محمد مرسي في «30 يونيو» بـ«ثورة هجومية».

وخاطب «عبدالماجد»، في مؤتمر عقده عدد من القوى الإسلامية بمحافظة أسيوط تحت عنوان «الشرعية خط أحمر»، متظاهري «30 يونيو»، بقوله: «يظنون أننا سننزل يوم 30 باستراتيجية دفاعية، ونحن سننزل بثورة هجومية».

وأضاف: «سنرعب الفلول بالعمل والجدية» داعيا الحضور بالعمل على «نصرة الدين»، وقال: «بايعوني على ألا نفر، ولن نفر»، ثم ردد هتافات: «ثوار أحرار هنكمل المشوار، وإسلامية إسلامية رغم أنف البلطجية والعلمانية، وخيبر خيبر يا يهود، وجيش محمد سوف يعود».

واعتبر «عبدالماجد» أن «غضب أهل الصعيد هو غضبة لله، والصعيد الذي نصب الدكتور مرسي هو الذي سيغضب».

وتباع: «أقول لدعاة الفتنة سواء من الماركسيين أو من متطرفي الأقباط أو من مجرمي الفلول الذين لم يتوبوا من الآن، إن الصعيد قادم وهو غاضب، وسنأتيكم بـ100 ألف رجل الرجل منهم بـ100 ألف رجل من صعيد مصر، وهؤلاء الكلاب الذين قالوا سنمنع اللحية والحجاب الراجل منكم يوم 30 يمد إيده».

ووصف «عبدالماجد» الإعلام بـ«الخائن»، مضيفًا: «تحملنا سفاهة السفهاء وكثيرًا من التجاوزات ولكن الآن انتهى هذا الأمر، ومن سيحمل السلاح في وجوهنا فنقول كما قال الشاعر إذا وضع السلاح بوجهنا ضج السلاح، وإذا تآثمت الشفاه تكلمت منا الجراح، والليل ولى وجاء دورك يا صباح».

وشدد على أن «الكرسي الذي يجلس عليه الدكتور مرسي ليس ملكا له ولكن ملكا للشعب وللصعايدة، وإذا حاولوا هدم الشرعية فسنكتب فوق هذا الكرسي لا إله إلا الله محمد رسول الله، لكننا لن نبغي على أحد ولن تمتد يدنا بظلم أبدًا، ونقول لشركاء الوطن لحظة الحقيقة حانت».

واختتم بقوله: «هنروح يوم 28 في القاهرة ومش راجعين»، وسط هتافات «إسلامية.. إسلامية رغم أنف العلمانية».

الرباط الخاص بي

[herohero]

لو حضرتك تقصدني أنا (محمد) بمداخلتك، فأنا لم أعلق على مداخلتك حتى توجه لي هذا الكلام،

وبعدين الحمد لله كارت الصوت سليم وأذناي سليمتان، ولكن زكي بدر راح وراحت ايامه وهو بين يدي خالقه،

أما الموجودون على الساحة الآن فهم الأولى بالمحاسبة والمسائلة، بل والمحاكمة على ما اقترفوه في حق مصر وشعبها.

تحياتي

انا بعتذر ولو اسئ فهم تعليقي بس اللي اقصده ان البذاءات ده معتادين عليها يعني دلوقت احنا ف مرحلة فوضى وكله منطلق انما زمان كانت دولة مستقرة ورغم كده انت شوفت التجاوز اللفظي ده ف نظري عنف برده

[شرف الدين]

الجبهة الإسلامية .. على خط الهجوم على مرسي ..

كويس كده اتأكدت ان اللي بيطالبوا بإسقاط مرسي مش الكفار ..

http://www.youtube.com/watch?v=b4ENeEmQeTo

[شرف الدين]

مرسي بكرة هيقول خطاب برضه ادام جماعته وعشيرته .. في قاعة خوفو بمركز القاهرة الدولي للمؤتمرات ..

يا ترى هيقول ايه ..

خايف بصراحة انه يطلع يقول " إني أرى رؤوسا قد أينعت وحان طيرانها وإني لمطيرها " ..

[Falcon Crest]

و بعدين حضرتك شايف الجيش نافع اوى امال السنة و نص اللى فاتوا قبل الاخوان كانوا ايه مصر اللى كانت على حافة الافلاس كانت ايه

بلاش حضرتك دخلت الجيش في بلدنا عارف وضع الجيش في مصر للمجندين عامل ازاى عارف فساد الجيش اد ايه و لا تحب انا ااقولك و على فكرة انا من عيلة اغلب افرادها من الجيش ماعدا ابى فعارفة كويس اوى انا بتكلم عن ايه تحب حضرتك نتكلم عن مرتب الضابط و مرتب اللواء و الفرق اد ايه تحب حضرتك نتكلم عن المخابرات اللى بالوسطة مش بالكفاءة

الحقيقه مش بحب اشارك انا بس بحب اقراء اراء الناس لكن الحقيقه الكلام الي فوق ده مش قدرت اسكت و مش ارد عليه

اولا انا كنت في الجيش و كنت في تشكيلات مقاتله و اقدر اقولك ان الحمد لله جيش بلدك بخير و قادر علي حمايه البلد

كون ان افراد العائله بيحكو لسيادتك ان الجيش مليان فساد و غير قادر و غير مدرب و مرتبات اولا هما مش حقهم يتكلمو مع اي حد مدني في اي حاجه تخص الجيش و امن البلد

حتي لو الحد ده هو الزوجه و الاخت و اي فرد من افراد العائله

انا بتشرف اني من عائله 3 من افرادها حاربو في معركه العبور و اتشرف اني خدمت في جيش بلدي و الي انا اثق تماما في قدرته علي حمايه البلد

و حضرتك ممكن تشوفي GLOBAL FIRE قايل ايه علي الجيش الفاسد

و بعدين ما وضع طبيعي ان اللواء ياخد اضعاف الملازم هو المهندس حديث التخرج مرتبه وي المهندس دو 15 سنه خبره

انا مرتيي اكتر من 15 ضعف مهندس حديت التخرج ده يبقي فساد

في فرق حضرتك بين واحد بيقود 10 عساكر وواحد بيقود تشكيلات و جيوش و فرق و الويه

ترشيح المخابرات بأمانه لا تعليق لاني من خلال امثله امامي مش بيحصل الي حضرتك بتقوليه

اسف للخروج عن الموضوع

تم تعديل 26 يونيو 2013 بواسطة Falcon Crest

[moamana]

الحقيقة انا سعيدة للغاية ان الاستاذ فالكون كريست رغم انه لا يحب المشاركة جعلته مشاركتى يشاركنا في هذا الموضوع

لكن لى بضع تعقيبات على كلامه

اولا يا استاذى العزيز انا لم اشكك ابدا في مقدرة الجيش على الدفاع عن مصر و اهلها و اعتقد ان قرات مشاركتى مرة اخرى بتانى فلن تجد اننى تكلمت اساسا على الناحية الدفاعية و معروف ان الجندى المصرى من خير جند الارض و معروف و اثبت عمليا في الايام الاخيرة ان الجيش المصرى وطنى جدا و لا ينساق وراء اى تيارات حاكمة و لهذا افتخر به كجيش مصر

ثانيا اقتباصك الموضوع من كلامى يؤكد اننى اتكلم عن الناحية المادية في الجيش المليئة بالفساد و المحسوبية .....الخ

و اعتقد ان كل من عاش على ارض مصر يرى و يسمع ذلك بدءا من عدم خضوع اقتصاد الجيش (الغير متعلق بالتسليحات العسكرية التى اؤمن انها يجب ان تكون سرية )لكن اتكلم عن المشاريع الاقتصادية الكثيرة التى يملكها الجيش التى لا تخضع لاى جهة رقابية مالية مدنية او حتى بها اطراف مدنية شعبية

و اعتقد ان مشاريع نوادى الجيش و قاعات الافراح و قرى الساحل الشمالى و المصانع في مختلف مجالات الاغذية ........الخ هى ما اتكلم عنها

اما بالنسبة لموضوع فرق الراتب بين الجندى و اللواء فلا اعتقد ان كلام حضرتك بان هذا شىء طبيعى له علاقة بالعدالة الاجتماعية في شىء خاصة اذا كان يتعدى ال15 ضعف اللى حضرتك اعطيت مثال بها بكثير بل انها تتجاوزها الى ما فوق 30 و 40 ضعف و انت ادرى بذلك بما انك خدمت في الجيش

و انا اؤمن بالعدالة الاجتماعية و الحد الاعلى و الادنى للراتب في جميع مؤسسات الدولة حتى في الجيش

و لو كان مرتب زوجى الخبرة 7 سنوات يكفى حتى لحياة نص كريمة في مصر لما اتغربت اساسا

و الدليل على كلامى و اللى يثبته و يؤكده ان الجيش نفسه بعد ما مسك المجلس العسكرى السلطة بعد التنحى ضاعف مرتبات و معاشات جميع الجيش ........تفتكر ليه رغم ان ميزانية الدولة و الطلبات الفئوية في بقية المجالات كانت لا تحتمل تلك الزيادة

و زى ما حضرتك رديت على في النقطة اللى انا مذكرتهاش اساسا في كلامى و هى ضعف الجيش المصرى عسكريا فيا ريت حضرتك ترد على في النقطة الاساسية في هذا الموضوع هل يستطيع المجلس العسكرى اللى هيمسك السلطة فيما بعد حكم البلاد مرة اخرى سياسيا خاصة في ظل جميع المصائب اللى ال اليها الحال و لا هنكرر تانى تجربة السنة و النص اللى بعد التنحى

و نرجع للعنوان ماذا بعد 30 يونيه

[شرف الدين]

ايوه اسمه حكم عسكر و حكم عسكرى انت سبت كل كلامى و مسكت في كلمة عسكر امال اقول حكم ايه ملكى و لا مدنى اسمه حكم عسكرى

واضح يا أخت مؤمنة أن هناك اختلافا كبيرا لديك في المفاهيم عن المتعارف عليه عالميا وسياسيا .. فالحكم العسكري يعني في السياسة الحكم العرفي أي الحكم بالأحكام العرفية وفيه تلغى الأحكام المدنية ويصبح الجميع خاضعا للقانون العسكري .. وربما يخبرك الكبار هنا عن معنى تطبيق الأحكام العرفية .. يكفي أن تعلمي أنه أثناء تطبيق الأحكام العرفية لا يمكنك الانتقال من مدينة إلى أخرى إلا بإذن مكتوب من الحاكم العسكري .. أما إذا كنت تقصدين بالحكم العسكري على مفهومك هو أن الحاكم يكون ذا خلفية عسكرية .. فعلى هذا فإن إسرائيل طوال عمرها تقريبا تحت الحكم العسكري ( فيما عدا فترة جولدا مائير على ما أظن ) .. وأميركا وللعجب .. كانت إذن في فترات طويلة في تاريخها منذ الاستقلال تحت الحكم العسكري ..

الرابط مرة أخرى

الرباط الخاص بي

ايوه انا اخترت الاخوان و اعتقد ان في ظل الظروف اللى فاتت كنت برده هختارهم معلش اصلى مكنتش بحب البنبونى اللى بيوزعه شفيق و بينى بينه تار شخصى لانه كان سبب في اصابة احد ابناء عمومتى بجلطة ادت الى عمى بعد مشروع نفذه هو و شركته في المطار و مخدش لقائه اى فلوس

جميل أنك أقررت أنك في لحظة مصيرية كاد أن يتوقف عليها مصير وطن بالكامل لأجيال قادمة .. فإن اختيارك الحاسم في هذه اللحظة قد انبنى أول ما انبنى على أمر شخصي فقط لا غير .. وليس بناء على المصلحة العامة .. أو تاريخ وكفاءة كل مرشح .. فمن هنا يسعدني أن أخبرك أن إسماعيل شيرين آخر وزير حربي في عهد الملك فاروق ( الذي قامت عليه ثورة يوليو وقامت بانتزاعه من منصبه العسكري ) قد تطوع من تلقاء نفسه للتقدم بشهادته في قضية طابا .. وكانت شهادته احدى المستندات التي أفادت مصر في هذه المعركة القانونية .. لم يقل إسماعيل شيرين وقتها ( إن بيني وبين نظام يوليو ثأر شخصي ولا يمكن أن أشارك في أي شيء يمكن أن يفيد هذا النظام ) ..

للأسف أعرف كثيرين بنوا موقفهم في الاستحقاق الرئاسي على مسائل شخصية فقط لا غير حدثت لهم في ظل النظام السابق .. مثلما أعلم أناسا أيضا تناسوا ما مروا به من تجارب شخصية سيئة أيضا في ظل النظام السابق وقدموا مصلحة الوطن على كل اعتبار آخر ..

و بعدين حضرتك شايف الجيش نافع اوى امال السنة و نص اللى فاتوا قبل الاخوان كانوا ايه مصر اللى كانت على حافة الافلاس كانت ايه

المجلس العسكري بالفعل فشل في إدارة البلاد خلال الفترة الانتقالية ( ربما عقابا سماويا له ) .. ولكن لا يعني هذا فشل العسكريين في الإدارة المدنية على الإطلاق .. وإلا ماذا سنقول إذن عن فشل الدكتور المهندس محمد مرسي في إدارة البلاد بصورة أسوأ بكثير مما كانت عليه أثناء إدارة المجلس العسكري . هل سنتخذ منها دليلا على سوء أداء ذوي الخلفية المدنية ؟

بلاش حضرتك دخلت الجيش في بلدنا عارف وضع الجيش في مصر للمجندين عامل ازاى عارف فساد الجيش اد ايه و لا تحب انا ااقولك و على فكرة انا من عيلة اغلب افرادها من الجيش ماعدا ابى فعارفة كويس اوى انا بتكلم عن ايه تحب حضرتك نتكلم عن مرتب الضابط و مرتب اللواء و الفرق اد ايه تحب حضرتك نتكلم عن المخابرات اللى بالوسطة مش بالكفاءة

أنا شرفت بالخدمة في الجيش .. وكنت في قطاع راق جدا فيه وأعلم أن الجيش مثل كل مصر .. به نقاط سلبية كثيرة . لكني مع ذلك أثق في أن رجاله ممن أخذوا خبرات الحياة المدنية من أقدر الرجال على حكم مصر .. وباقي الكلام تكفل الأخ فالكون بالرد عليه

حضرتك حاطط الاعلان ماذا بعد 30 يونيو و لا تسوق الا لفكرة عودة مجلس رئاسى عسكرى مرة اخرى بينما انا اريد من يطرح افكارا اخرى فانا لا ارى الاخوان او العسكر او المعارضة فالحين و اظن الوقت اثبت ذلك على الجميع

أنا لا أسوق لفكرة مجلس عسكري رئاسي .. أنا أسوق لفكرة حكم .. حكم .. حكم .. لشخص يختاره الجيش بنفسه .. أن أي الجيش يختار حاكمنا القادم .. وننتهي من كل هذا الجدل .. علنا نعود لما كنا عليه قديما من بعض العمل.. فالله إذا غضب على قوم أورثهم الجدل ومنعهم العمل .. وللأسف بعد تجربة عامين أدركت تماما أن ما يسمى بالحرية السياسية في مصر لا يعني إلا الجدل والجدل والجدل .. وما يصاحبه من مظاهرات واعتصامات وفئويات .. وانعدام للعمل ..

و نرجع تانى لعنوان الموضوع ماذا بعد 30 يونيه

للأسف حتى الآن لا أرى اتفاقا واضحا بين القوى السياسية - صحيح أنها ليست لها وزن - إلا أنها حتى ولو على المستوى الإعلامي لم تتفق .. ولا حتى بين المجموعات الشبابية .. لم أر أي اتفاق بينهم على خريطة ما بعد 30 يونيو ..

وللأسف ما زلت عند رأيي .. بأننا لو عدنا ثانية لفكرة مجلس رئاسي عسكري مدني .. فسوف نعود للجدل مرة ثانية ..

[herohero]

مش عارف هي العملية صعبة قوي اننا نبقى شعب يمارس السياسة صح ؟؟انا بقالي فترة فبفكر ف كدة هو احنا فعلا بجد غيرمهيئين للديموقراطية ولا اصلا احنا كمصريين مش متوفر عندنا القدرة على تقبل الرأي الاخر او ان نتعايش واحنا مختلفين فكريا ، يعني ايام الرئيس السابق مبارك كل الفرقاء حاليا كانوا متحدين طب دلوقت بقوا الاخوة الأعداء ليه جورج اسحاق يحضر كتب كتاب بنت خيرت الشاطر طب ياجماعة اللي يشوفكم دلوقت يقول انكم عمركم ما اجتمعتم على شئ للدرجه ده السلطة لها مضارها يعني الاخوان لما تولوا مقاليد السلطة اتغيروا بالدرجه ده ،وايه يضمني ان اي فصيل آخر مش هيبقى كدة

مش عارف بعد 30-6 كلنا مقتنعين هتحصل مشاكل لان الاحتقان الشديد جدا ده لا يبشر بخير كل طرف مصمم ع اقصاء الاخر ورافض وجوده ماشي هينزل الجيش وهيحكم طب وبعدين خلاص اتكتب علينا الحكم من أشخاص بخلفيات عسكرية !!!!

ماهو الزمن الحالي والوقت المعاصر انتهت موضة حكم رجال الجيش للدول وشوفنا ف العالم العربي النماذج ده لم تؤدي الى نجاحات في دولها طبعا وغيرها برده بس يعني كل الدول الجمهورية وحكامها بخلفية عسكرية فشلت

[ehabmohmmed]

من الطبيعى ان الخناقه تبدأ بالتلافظ بالشتائم والاتهامات المتبادله والتطور الطبيعى هو التحول من شتائم وسباب الى صدام وضرب وقتل

والطرفين أغبياء لأن مفيش عاقل يفتكر ان لغة الشتائم والضرب بتوصل لأى شيئ ايجابى الخناقه في الغالب الطرفين فيها بتتقطع هدومهم لكن العقل يقول انت فشلت يبقى تخرج بكرامتك وتسيب الفرصه لغيرك

المصيبه بقى اللى بجد انى مش شايف (غيرك ) دا وكأن وهم ان القامات عديده بمصر كانت أكذوبه ضحكوا علينا بيها من يوم ما وعينا والاكثر اسفآ اننا بجد محتاجين دكر في فترة السيوله اللى البلد فيها حاليا

مش دايمآ الأمانى تتحقق وخصوصا ان مناخ تحقيقها ملغم ... يعنى الحريه والديموقراطيه تبقى حلم محتاج لبيئه صالحه عشان تتحقق

تم تعديل 26 يونيو 2013 بواسطة ehabmohmmed

[herohero]

ياسادة عمر الأمور ماهتستقر مادام القوى السياسية مصرة على اقصاء غيرها بمجرد ماتمسك الحكم وبالتالي فان مثل هذا الفكر لا يوصل لديموقراطية سليمة

[herohero]

http://www.youtube.com/watch?v=PFmRu1ROsjE

[moamana]

سارد عليك يا استاذ شرف الدين في نقاط باختصار لاننى لا احب القص و النسخ و اللصق ...........الخ

اولا في موضوع اختيارى للمرشح على اساس شخصى و عدم تفضيلى مصلحة البلد انذاك

امال حضرتك كنت عايزنى اختاره على اساس ايه طبعا بالتغاضى على ان

1. شفيق مقدمش برنامج مقنع لفترة رئاسته على عكس الاخوان اللى قدوموا مشروع (اسمه النهضة مش عارفة بصراحة راح منهم فين....ربنا يهديهم خدعونا فيه)

و2 بالتغاضى ايضا على انى قلت لحضرتك قبل كده انى مبحبش البنبونى اللى كان هيقدمه شفيق للثوار عشان يتفرقوا و

3.لا اقتنعت بان موقعه الجمل كانت عبارة عن رقصة جمال مع المتظاهرين و

4. لا ان محدش بلغه و هو رئيس وزرا بالمصايب و الشباب اللى بيتقتلوا في التحرير انها مذاعة على جميع القنوات بس كان واضح ان حضرته قافل التلفزيون و التليفون ساعتها

بصراحة ان كل الحاجات ديه اعتبرتها مواقف شخصية ضد شفيق و لم يشفع له للاسف انه كان له تاريخ و كفاءة عسكرىه فشخصيا مقتنعتش به خاصة مع عدم الكفاءة و الخيبة التى اثبتها كرئيس وزرا في وقتها و مانتخبتوش

و تخيل رغم انى لا اطيق مرسى برده الا اننى عصرت على نفسى ليمون و قلت نديه فرصه

ثانيا موضوع فشل المجلس العسكرى في ادارة شئون البلاد انه يكون عقابا سمويا له :unsure: :unsure:

[/sizeفانا مش فاهمة بالزبط يكون عقاب سماوى لهم ليه هم كانت نيتهم سيئة و لا حاجة و بعدين ساعتها كان عقاب سماوى لنا مش ليهم ا

ثالثا

اتفق معك طبعا ان ده مش معناه ان اى مرشح رئاسى عسكرى هيكون فاشل لا طبعا ممكن يكون ناجح جدا بس هو فين خاصة ان الذى ينادى به الان هو مجلس رئاسى مدنى عسكرى او عسكرى خالص تجنبا للمشاكل و الجيش اعلنها قوية و قال انا لا افهم في السياسة الداخلية بالذات و ده سبب مشاكل البلد في تلك الفترة اما لو اتفق الجيش على ترشيح شخص كرئيس جمهورية مدنى له خلفيه في الجيش فاهلا به و نتناقش عنه و ننتخبه بالصندوق

رابعا

حضرتك قلت بالنص

أن أي الجيش يختار حاكمنا القادم .. وننتهي من كل هذا الجدل .. علنا نعود لما كنا عليه قديما من بعض العمل.. فالله إذا غضب على قوم أورثهم الجدل ومنعهم العمل .. وللأسف بعد تجربة عامين أدركت تماما أن ما يسمى بالحرية السياسية في مصر لا يعني إلا الجدل والجدل والجدل .. وما يصاحبه من مظاهرات واعتصامات وفئويات .. وانعدام للعمل

مش فاهمة يعنى حضرتك عايز الجيش يجى و يقول احنا اختارنالكم فلان كحاكم لجمهورية مصر العربية و توز في الشعب و في رايه و في العملية الديموقراطيه بالكامل

معنى ان العملية السياسية في مصر بهذا الشكل معناها اننايجب ان نعمل بشكل جدى و مفيد اننا نفهم الناس يعنى ايه ديموقراطيه و يعنى ايه وعى سياسي سليم مش نقول لا خلاص صك على الديموقراطيه يا اخينا فالشعب المصرى ليس مستعد للديموقراطيه نبقى نعلمهم سياسة و ديموقراطية بعدين

اخيرا فاذا ربط كلام حضرتك و افكارك فهى كالتالى من اول الموضوع

الديكتاتورية العادلة مطلوبة

شفيق كان الانسب لمجرد انه كان له خلفيةو كفاءة عسكرية و مرسى اخوان

الافضل نجيب حد من الجيش يحكم مصر الجيش اللى يعينه و الديموقراطية و السياسة الشعب المصرى لسه صغير عليها

اه بمناسبة لسه صغير انا مفهمتش كلام حضرتك اللى هو بالنص

واضح يا أخت مؤمنة أن هناك اختلافا كبيرا لديك في المفاهيم عن المتعارف عليه عالميا وسياسيا .. فالحكم العسكري يعني في السياسة الحكم العرفي أي الحكم بالأحكام العرفية وفيه تلغى الأحكام المدنية ويصبح الجميع خاضعا للقانون العسكري .. وربما يخبرك الكبار هنا عن معنى تطبيق الأحكام العرفية

بصراحة انا مفهمتش يعنى ايه الكبار هنا يفهمونى و يقولولى

ده على اى اساس على اساس انى مبعرفش اقرا التاريخ او ان سنى مش كفاية للنقاش مع حضرتك

بالطبع الكبار هنا في المنتدى على عينى و راسى بس بصراحة انا لما بتناقش مع شخص في الغالب مبراجعش تاريخ ميلاده و بحترم رايه اىا كان سنه و كان عايش احداث او قرا عنها فقط او حتى رايه مخالف لراى

لذلك وجب على حضرتك الاعتذار على هذه الكلمة التى لم ااخذها الا كاستهزاء بى

و انا لن اكتب كلمة في موضوعك حتى تفهمنى معنى كلمة

يخبرك الكبار هنا

[طارق مصرى]

يعنى حضرتك شايف إن أنصار مرسى حيعتدوا على السلميين بالأسلحة النارية

وإن الشرطة حتساعدهم .. يعنى هى كمان حتضرب فى المتظاهرين السلميين

وإن الجيش لن يتدخل

حضرتك بتحط سيناريو موقعة الجمل يعنى

والإجابة ستكون تكملة السيناريو .. يعنى سقوط النظام

أما الإجابة اللى أنا باقولها فهى "نهاية التيارات الاسلامية للأبد"

والإجابة التى تريدها أنت هى "يرجعوا لبيوتهم ويرضخوا لمرسى"

إختار إجابة من التلاتة

ا- ابو محمد انا طلبت من حضرتك بعد اذنك اجابة بدون تورية او بدون معلش لف او دوران

انا بسالك عن رايك لو مش سوف ليه خليت كلامى ان مؤكد ان التيار الاسلامى هيضرب المتظاهرين ؟ و طلبت من حضرتك معرفة نصيحتك اللى هتوجهها للمتظاهرين او ماذا ستفعل فى هذه الحالة... بس خلاص

[herohero]

«إندبندنت»: إجبار مرسي على التنحي ليس حلًا.. وعلى المعارضة إعداد بديل