وماذا بعد 30 يونيو

[شرف الدين]

عزيزي / هيرو

بالتأكيد لم تكن مصر مثل سويسرا في عهد مبارك ..

ولكن لم تكن بكل تأكيد على أعتاب الصوملة .. مثل ما نحن فيه الآن ..

بالنسبة لكونك مغترب .. وسعيد بالثورة المباركة .. التي ستنهي اغترابك .. فلماذا لم تنه هذا الاغتراب وتعود لمصر .. لتبدأ حياتك أصلا .. فأنت لم تعش بمصر من الأساس تقريبا ( حسبما أعلم ) .. حتى تتحدث وتقول أنك قد اغتربت عنها .. لماذا لم تنه رحلة الغربة هذه وتعود لمصر لتستمتع بثورتها المجنونة وتجرب نهضتها المجنونة ..

أعزائي المغتربون .. وأنا منكم .. بالله عليكم .. لا نريد أن نرمي أحمالنا وأوزارنا على الآخرين ..

وأما الأخت ( مؤمنة ) التي انضمت حديثا إلى حزب الكنبة .. مرحبا بك في هذا الحزب فهو يسع الكثير .. ولكن قبل انضمامك للحزب .. فمن كنت تشجعين يا ترى ومن انتخبت في انتخابات الرئاسة ؟

بخصوص حديثك عن الديكتاتورية وعن القوة اللازمة لإدارة البلاد .. وحديثك عن سيدنا عمر ابن الخطاب كان ديكتاتورا .. فيسعدني أن أقول لك .. نعم كان ديكتاتورا عادلا على مفهوم الأب الروحي للجماعة ( التي اعتقد أنك قد ساهمت في إيصالها لحكم البلاد ) .. هل سمعت عن هذا المصطلح من قبل ؟ مصطلح الديكتاتور العادل ..

وأما حديثك الآخر

والا لكانت مصر من اعظم الدول في عهد الديكتاتور مبارك

ليس منطقيا ولا عقلانيا أن كل الدول الديكتاتورية ستكون دولا عظمى .. وإلا لكانت مصر على مدار تاريخها دولة عظمى إذن .. لكن هذا لا يمنع أن هناك دولا ديكتاتورية - ومع ذلك فهي دول عظمى سواء من الناحية السياسية أو الاقتصادية ..

على العموم عزيزتي

رأيك على العين والرأس .. ولك تحياتي.

[Alshiekh]

جنازة واحد مش مصري ويمكن جاسوس اسرائيلي ولا حاجه

http://www.youtube.com/watch?v=wW42Ctc7gnA

حبوب الضغط موجوده وادوية السكر موجوده معلش عشان فيه ناس هنا ف المنتدى بيتعبوا فمعلش

ان شاء الله المشهد ده هيتكرر كثييييييييييييير الفترة القادمة عادي ويمكن يتعمل برنامج وثائقي مستقبلا اسمه حرب مصر زي برنامج حرب لبنان اللي اتعمل ع الجزيرة

بس نفسي الناس تبقى فرحانه ومبسوطة وتحتفل ماهي حاجه تفرح مصريين بيموتوا بعض

وياريت محدش يجي يقولي الاتحادية ومش عارف ايه لان كلها احداث تقرف ومهما ما الافاضل هنا ماهيقولوا العنف مدان من الطرفين

أعتقد انك اخترت المتلقي الغلط لتوجه له هذه التوجيهات.

من يحتاجون هذه التوجيهات هم من يقومن بالدعاء على المصريين،

هم من يتوعدون المصريين بالسحق والويل والثبور وعظائم الامور

اعضاء المنتدي ليسوا دعاة عنف او حمل سلاح

من تدافع عنهم هم الدعاة لذلك.

هؤلاء هم من يجب ان توجه لهم خطابك!

[حسين امبابي]

عبد الله بن عمرو بن العاص أنه قال: بينما نحن حول رسول الله صلى الله عليه وسلم إذ ذكر الفتنة فقال:

إذا رأيتم الناس قد مرجت عهودهم، وخفت أماناتهم،

وكانوا هكذا وشبك بين أصابعه قال فقمت إليه فقلت:

كيف أفعل عند ذلك جعلني الله فداك؟

قال: الزم بيتك، واملك عليك لسانك، وخذ بما تعرف، ودع

ما تنكر، وعليك بأمر خاصة نفسك، ودع عنك أمر العامة.

رواه أحمد وأبوداود والحاكم وصححه ووافقه الذهبي.

تم تعديل 24 يونيو 2013 بواسطة حسين امبابي

[herohero]

عزيزي الاستاذ شرف الدين الثورة قبل ان تكون مباركة او شريرة هي كانت تعبير عن التغيير ،وهذا التغيير كان مطلوب وكانت سنة 2010 مليئة بالارهاصات التي تنذر بحدوث شئ ما وانا كنت من مؤيدين بقاء الرئيس مبارك ل6 شهور ومن ثم تسليم السلطة وكنت سعيد جدا بهذا وكنت أراه البديل المناسب لتداول السلطة

لكن ياعزيزي الا ترى ان ما نحن فيه هو من نتاج ديموقراطية الرئيس مبارك يعني اذا كان ساعد في ايجاد حياة ديموقراطية سليمة وانهى شبح التوريث وتعامل مع الأمور بجدية الم يكن وقتها الشعب مؤهل ويحسن الاختيار وكانت كل القوى السياسية معروف توجهاتها ونواياها ورأينا افعالها بدلا من ان نتوهم في الكثير الخير

وبالله عليك هل حضرتك كان عندك رؤية لمصر 2012 او 2013 عزيزي كيف لبلد تحكم من رئيس ليس له نائب والرؤية ضبابية وغامضة وده كلام مستثميرن كثيرين وأكيد انت تتذكر عندما سأل الرئيس مبارك عن خليفته من قبل مراسل ايطالي فضحك وقال بسخرية العلم عند الله ، عزيزي انا عندي قاعده كلما كان النظام الحاكم قوياااااااااا كلما كانت المعارضة قوية اما النظام الضعيف فمعارضته ايضا ضعيفة وغير منظمة ولا ترقى للمستوى المطلوب

اما موضوع الاغتراب فأنا على المستوى الشخصي غادرت بلد الاغتراب 24-1-2011

وماكنت أراه في وجوه الناس ف اوائل أيام الثورة شئ لم أكن اتوقعه ابدااااااااااااا الشباب الي انا منهم كان فاقد للامل ثم فجأة اراه يتناقش ويعمل ف تنظيف الشوارع واللجان الشعبية شئ لم أكن اتوقعه واحمد الله اني رأيته بعيني لانه الشئ الوحيد اللي يديني أمل ان رغم السواد والقتامة الموجودة فالشباب اللي نزل نظف الشوارع وكانت روح الحميمية بين الشعب لم ارى مثلها وكانت وحده وطنية عن حق تجعلني على يقين من أن هذا الشعب ليس بخانع ولا قابل للذل والمهانة كما كنت اقول واعتقد اننا شعب اعتدنا على القمع فأصبحنا خانعين لذا فتهكمك على الثورة المباركة حق لك لكن بالنسبة لي فأنا أرى ان ال18 يوم دول كانوا بمثابة الصورة الحقيقة للشباب المصري وفي نظري ان ماحدث في 25 يناير هو تغيير نعم لم نحسن استغلاله لكنه شئ جميل اظهر ان هذا الشعب ليس بخانع

وانا على المستوى الشخصي مكثت في مصر لمدة 7 شهور وكان كلي أمل ان يكون هناك تغيير فعلي لكن للاسف سرعان ما وجدت فئات من الشعب تسئ استغلال الحرية والكثير يبحث عن مصالحه الشخصية والكل ينتفع مما حدث وصراعات على الكعكة

مما جعلني اشد الرحال مرة أخرى ،وعن حقي في الحديث عن مصر فياعزيزي ده حق مشروع ليا مادمت احمل جواز السفر المصري وحق أيضا لكل عربي ان يتحدث عن مصر بل لا أكذبك الحديث عندما أقول لك ان أمريكيا لم يزر العالم العربي أبدا صدمت بانه متابع جدااااااااااااا للأحداث في مصر ومتابع كل الموقف السياسية ومتابع لأخطاء الدكتور محمد مرسي

وما أعنيه ان من كان يرى ان حكم مبارك رائع وممتاز ولا غبار عليه اذا لما اغترب وابتعد عن هذا الحكم الرائع عزيزي كثير من المغتربين ابتعد عن مصر ليس لاسباب مادية بل دعنا نقول انها في البداية كانت بحثا عن فرصة عمل "هي في البداية كانت عن مرتب أفضل انما بعد كدة كان المصري بيسافر لانه مش لاقي شغل أصلا ووصل به الحال الى مراكب الموت في الهجرة غير الشرعية "

واستمر في غربته لانه لما بينزل بيلاقي الحياة زحمة وفوضى وتعامل المرور سئ فانا اتعجب ممن يلصق كل شئ بما حدث في 25 يناير ويتناسى ان 25 يناير مع الوقت اظهرت حقيقتنا بل اظهرت اسوأ ما فينا يعني لا أظن ان الشعب الراقي اللي اتعلم النظام والرقي طول 30 سنة في حكم الرئيس مبارك فجاة لما حدثت 25 يناير انحرف وبقى شعب فوضوي !!!!عزيزي شرف الدين ده تربية جيل مبارك انا 31 سنة ويعتبر لم أرى رئيسا لمصر الا مبارك وهو ده اللي عمل نظام تعليم فاشل وثقافة اكيد حضرتك عارفها باختصار ده التربية والثقافة اللي خدناها في عهد الرئيس مبارك الهنص في الدانص يا اكسلانس وماتبعه بعد كدة"

فأظن انك بهذا ياعزيزي الاستاذ شرف الدين تريد ان تسلب مني حقا اعطاه لي الدستور ، عموما موضوع حب الوطن والولاء له لا علاقة له بالاغتراب فمن قام بتدمير مصر وسرقتها كانوا مصريين ولم يغتربوا عنها وانت تعلم ان الكثيرين ممن تغنوا بحبها وبالشرب من نيلها كانوا عاوزين عيالهم يتولدوا ف أمريكا للحصول ع جنسيتها فموضوع ان المصري المغترب لا يكن ولاء لوطنه ده موضوع خاطئ وثبت فشله وها انت ترى ان من افسدوا البلاد والعباد كانوا مصريين تربوا وعاشوا فيها

----------------

الاستاذ محمد

انا لم اوجه الكليب للطرف الخاطئ انا أوجه هذا لكل من يرى ان العنف حل لمشاكلنا اليوم قتيل من طرف وغذا قتيل من الطرف الاخر ولنتهيأ لسماع دعاء كل طرف على الاخر وان نتهيأ لنعوش محمولة من الطرفين لاننا باركنا العنف وحمدناه وقولنا ماهو رد فعل

كلا الطرفين مخطئ عندما اختار العنف

تم تعديل 24 يونيو 2013 بواسطة herohero

[شرف الدين]

عزيزي / هيرو

نعم كان عام 2010 .. يموج بإرهاصات كثيرة حول قرب حدوث تغيير في البلاد .. ولكن للأسف أغلب هذه الإرهاصات لم تكن نابعة من جماعة وطنية خالصة .. فهي إما كانت نابعة من شباب تلقى تدريبات في الخارج على أيدي أميركا وتابعيها .. وإما من جماعة الإخوان .

وأما بخصوص أن التغيير مطلوب .. بكل تأكيد التغيير يكون مطلوبا .. ولكنه عندما يكون محسوبا .. وليس مثلما حدث في يناير 2011 .. ولنراجع معا التاريخ .. عام 52 حدث انقلاب عسكري .. فهل نتج عنه أي فوضى ؟

راجع معي تاريخ الانقلابات العسكرية .. تجد أنها دائما تكون مستقرة وليست فوضوية .. نظرا لأن خطواتها تكون محسوبة .. وهدم النظام القديم خلالها وإحلاله بنظام آخر يتم بخطى مدروسة وعليه .. فلا يمكن أن ينتج عنها فوضى .. أما ما فعلناه في يناير 2011 .. أننا قمنا بعملية الهدم الغير محسوب .. ونتج عن هذا أن صارت الأمور فوضوية كما هو حادث الآن .. فليس كل التغيير مطلوبا ولا محبوبا ..

بخصوص الحديث عن مبارك - يا سيدي - نعم بكل تأكيد أخطأ مبارك في الإدارة السياسية للبلاد في الفترة الأخيرة .. وما أقصده بالإدارة السياسية ليست إدارة الملفات المصرية الهامة .. ففي موضوع مياه النيل مثلا .. ظل مبارك وكما شهد عمر سليمان على تهديده لإثيوبيا بالتدخل العسكري في حال إقامة سدود على مياه النيل .. ولم تستطع إسرائيل في عهد مبارك أن تقتل 6 من جنودنا على الحدود دفعة واحدة .. ولم يقتل في عهده سواء أوله أو آخره 16 جندي من الجيش .. وبكل تأكيد كانت مصر في عام 2010 أفضل سياسيا واقتصاديا واجتماعيا بمراحل مما نحن عليه الآن.

وما أقصده بالخطأ .. هو أنه تأخر جدا في تعيين الديكتاتور البديل له ( صحيح أنه كان منذ فترة طويلة جدا .. منذ بداية الألفية الجديدة وهو يجهز عمر سليمان لخلافته ) لكن تأخره الشديد في تعيينه رسميا كنائب له كان خطأ كبيرا.. خصوصا أنه قد تبين لاحقا بعد يناير 2011 .. أن وجود سليمان كرجل ثاني في الدولة لم يكن بعد محل اتفاق بين مبارك والجيش.

وكنت وما زلت أقول أن عام 99 كان ينبغي أن يكون عام خروج مبارك من السلطة .. وأنه أخطأ بشدة يوم دخل انتخابات 2005 .. هذه هي الأخطاء السياسية التي أقصدها ..

وأما بخصوص موضوع التوريث فللعلم أنا ما زلت واثقا أن مبارك لم يكن ينوي هذا الأمر .. وإن لم أنف أبدا أنه كان هناك محاولات من مجموعة الحزب الوطني في هذا الاتجاه .. لكن واثق كل الثقة أن مبارك لم يكن ينوي هذا الأمر .. لسبب بسيط جدا وهو أن الجيش لم يكن ليوافق أبدا على هذا .. ومبارك كان يعلم هذا جيدا ..

بخصوص حديثك عن الديمقراطية السليمة وأن مبارك لم يؤسس ديمقراطية سليمة .. عزيزي الفاضل .. في مصر لا توجد معارضة أساسا منذ عام 52 سوى جماعة الإخوان وما يتفرع عنها من الجماعات الإرهابية .. وها قد اختفى مبارك من الساحة منذ عامين .. وأصبحت حرية تكوين الأحزاب مكفولة للجميع بمجرد الإخطار .. فهل تجد أن هناك معارضة أصلا قوية ولها أصول ثابتة على الأرض .. ؟ أم أنك تتفق معي على أن هذه المعارضة لا تعارض إلا على شاشات التلفاز .. وليس لها علاقة بالواقع ..

وأما حديثك عن يناير وأنها أظهرت روح الشعب الجميلة خلال 18 يوما .. فلا اعترض .. ولكن ماذا بعد 18 يوم .. هل استمرت حملات تنظيف الشوارع وطلاء الأرصفة ؟ أم أن ريما قد عادت لعادتها القديمة .. وأصبحت أطنان الزبالة والقمامة أمرا معتادا في كل المناطق حتى الراقية منها .. عزيزي الفاضل .. في حياة كل شعب توجد دائما لحظات جميلة .. ولكن أحب الأعمال إلى الله أدومها ولو كان قليلا ..

وكان كلي أمل ان يكون هناك تغيير فعلي لكن للاسف سرعان ما وجدت فئات من الشعب تسئ استغلال الحرية والكثير يبحث عن مصالحه الشخصية والكل ينتفع مما حدث وصراعات على الكعكة

عظيم أنك تقول أن وجدت فئات من الشعب تسيء استغلال الحرية وتبعث عن مصالحها الشخصية وتتصارع على الكعكة .. مما جعلك تشد الرحال مرة أخرى .. أي أن اغترابك ليس بسبب مبارك .. كما يزعم كثيرون ( للعلم كان هناك موضوع قديم في المنتدى بعد الثورة مباشرة يتحدث عن عودة المغتربين بعد الثورة .. وأراهنك أن أحدا منهم لم يعد إلا للضرورة - وللعلم أيضا كان توقيع أحد الإخوة هنا قد تغير بعد ثورة يناير من - مهاجر إلى الأبد - إلى - ما عدت مهاجرا للأبد بعد ثورة يناير - وأنا أراهنك أنه سيظل مهاجرا للأبد ) وللعلم أن أرى أن خير عقاب للمغتربين الذين أساؤوا الاختيار وأصروا على نسبة سبب غربتهم إلى مبارك ونظامه .. وبنوا اختيارهم الرئاسي على هذا الأساس .. أرى أن خير عقاب لهم هو بقاؤهم هكذا مغتربين ..

المهم .. من حقك بكل تأكيد أن تتحدث عن مصر .. لا يمكن لأحد أن ينزع عنك هذا الحق .. ما دمت مصريا وتحمل جواز السفر المصري .. لكن عذرا .. كما يقول المثل ( أهل مكة أدرى بشعابها ) .. وأنت نشأتك الكاملة كانت خارج مصر .. فلم تر من الطريق الدائري مثلا سوى مطباته ( وأنا أجزم أنه يوجد به مطبات كثيرة بسبب العقلية المصرية التي للأسف لا تدرك معنى حديث النبي صلى الله عليه وسلم - إن الله يحب إذا عمل أحدكم عملا أن يتقنه ) لكنك يا عزيزي لم تجرب الحياة في مصر ولا الانتقال في القاهرة قبل هذا الطريق الدائري .. حتى تقارن ما قبل بما بعد .. أنت نزلت مصر فوجدت أن هناك طريقا جاهزا .. فقمت بمقارنة هذا الطريق بما اعتدت على رؤيته في الكويت .. ولم تقارن حالة المواصلات في مصر قبل هذاالطريق ( الذي وإن كان يوجد به مطبات كثيرة ) لكنه بكل تأكيد ساهم في سيولة مرورية كبيرة في القاهرة لم تكن موجودة قبل إنشائه ..

يا عزيزي ( هيرو ) .. لا يحق لنا نحن المغتربين أن يكون لنا نفس القدر والأحقية في اختيار حكومة للبلاد .. أو رئيسا لها .. ما دامت التأثيرات الناتجة عن هذا الاختيار لن تنعكس بصورة مباشرة علينا .. فأنا وأنت مثلا .. ما يضيرنا مما يحدث الآن في مصر ..

سأخبرك بصورة شخصية .. أن كل مايحزن زوجتي هو أننا في الإجازة القادمة قريبا جدا سوف نعاني من انقطاع التيار الكهربي وما سيتبعه من الحر والناموس .. هذا كل ما يشغل بالها في الأمر ..

فهل تعتقد أن من يعيش في الغربة بالعشرين عاما أو أكثر لا يربطه بمصر سوى زيارات متفرقة وأحيانا وأنا أقولها لك .. هناك من لا ينتوي العودة لمصر أصلا .. ومع ذلك ذهب بكل حماس لانتخاب مرسي ودعا الناس لانتخابه بكل حماس أيضا .. وظل بعد انتخابه في الغربة يتابع مصر وأخبارها من على التلفاز بينما يترك الناس في مصر يعانون من آثار اختياره ..

هل تعتقد أن هذا الشخص يستحق أن يكون له صوت في الانتخابات مثل هذا الذي يجلس في مصر ويعاني بصورة مباشرة من جراء هذا الانتخاب ..

هل - وأنا ارتضي ضميرك - يستوي هذا مع ذاك ؟

هناك مثل يقول ( ليست النائحة الثكلى كالمستأجرة ) ..

وللعلم هذا الحق الذي تتحدث عنه .. ثق أن الإخوان سيسلبونك إياه - هذا لو استمروا في الحكم - لأنهم يعلمون جيدا أن غالبية أصوات المغتربين ستنقلب عليهم .. لأنهم أيضا سيلقون بتبعية ما هم فيه من استمرار الاغتراب على حكومة الإخوان .. ولو أحس الإخوان لحظة واحدة أن أصوات المغتربين من الممكن أن تخرجهم من الحكم فسوف يطردونهم من الخريطة الانتخابية مثلما طردوا أمس نائبا بمجلس الشورى لأنه عبر عن رأي مخالف لهم ( والرئيس بتاعنا والحكومة بتاعتنا والبرلمان بتاعنا والمشايخ بتوعنا والورق ورقنا والدفاتر دفاترنا )

بخصوص تقييم حكم مبارك مرة ثانية .. أقولها لك ثانية يا عزيزي .. أنا أقيم الحكام بطريقة المقارنة .. كيف كان الأمر قبله .. وكيف صار الأمر بعده .. ماذا استلم وماذا سلم .. هذا هو ما أقارن به الحكام فقط لا غير .. فإذا كنت تقول أن هناك من اغتربوا بحثا عن فرصة عمل نتيجة البطالة .. فلماذا إذن لا تذكر أيضا أن عدد سكان مصر تضاعف من 40 مليون إلى 80 مليون خلال فترة حكم مبارك .. وقد ظهر للجميع الآن تماما أن مصر فقيرة في الموارد فعلا كما كان يقول مبارك .. فلماذا نلقي التهمة على مبارك في هذا الأمر ولا نلقيها على الزيادة السكانية مثلا ..

أعلم منك ردا جاهزا وهو أن الزيادة السكانية ليست دائما نقمة .. وأنا أصدق على كلامك هذا .. لكن هذا ينبغي أن يكون مصحوبا بطبيعة مثابرة في الشعب .. أن يكون شعبا محبا للعمل .. وليس هو الشعب الذي يعتبر معدل أداء موظفه الجدي وفقا للمقاييس العالمية من أقل المعدلات ..

نعم كنا شعبا فوضويا في عصر مبارك وما قبله .. ولا زلنا شعبا فوضويا بعد الثورة المباركة .. الفارق كان هو الديكتاتورية التي أتحدث عنها التي كانت تلجم هذه الفوضى وتردعها .. وما إن انتهت هذه الديكتاتورية حتى رأينا ما رأينا .. ورأينا الإسلاميين الذين ما انفكوا يطالبون بالحرية يهتفون في مظاهرتهم الأخيرة ( الشعب يريد .. يد من حديد ) ...

تم تعديل 24 يونيو 2013 بواسطة شرف الدين

[herohero]

يبقى الحل كان في الهجرة يا استاذ شرف الدين اللي للاسف فقدتها في اخر لحظة وأصدقائي ف كندا وريحوا نفسهم لانهم كانوا مقتنعين ان لا أمل وريحوا دماغهم

ماهو معنى كلام حضرتك ان الشعب لازم يتغير وانا كنت مقتنع قبل 25 يناير ان الحل الوحيد هو ان يجي طاعون او كارثة طبيعية تبيد الشعب ويطلع شعب متربي ومتعلم صح جديد لان الشعب الحالي صعب اصلاحه لكن لما شوفت روح التعاون اللي حصلت في الايام ال18 لرغبة التغيير في 25 يناير ظننت ان هناك مستقبل قادم قد يكون مشرقا

-----

اما عن ان المغتربين لا تفرق معهم أحوال مصر فياعزيزي ذكرتها مرارا وتكرار مادام معك الجواز المصري فقط اي انه لا مفر لك فمصر ستظل شغلك الشاغر ليس باختيارك بل لان ملكش مكان غيرها فاخرك لها وعيالك لها ،انا مغترب ابن مغترب وكان مبدئي اما انجح ف الحصول ع اقامة في دولة غربية دائمة وجواز سفرها او سأظل هااااااااااااااااااااارب لكن مستقري سيطون في مصر واكيد ده حال اي مغترب في بلد لاتعطيه حق الاقامة الدائمة سنجده مشغول بمصر وصدقني ما يحدث في مصر حلو او وحش بيأثر عليه أيضا

صحيح مش التاثير القوي لكن بتأثر عليه وانا ف راي ان المغترب اراح الحكومات المصرية من همه وحل هو مشاكله بنفسه ووفر المكان في الموصلات والطرق واللقمة لاخوه اللي ف مصر واضاف للبلد عائد مادي عن طريق التحويلات

وياسيدي حضرتك بتحب انك تقارن في فترة حكم الرئيس كيف كانت البلد عزيزي السادات سلم مبارك مصر من غير حروب ولا تنسى ان مبارك اتعلم السياسة ع ايد ثعلب مكار وسياسي ف راي ابرع السياسيين اللي حكموا مصر واتعلم منه الصنعة

فمبارك كانت لديه مصر 30 سنة وعمليا نقارن الفترة والظروف المحيطة بالانجازات وعموما راي حضرتك وراي لن يغير في الامور فالتاريخ يذكر كل شئ ولكل رئيس ماله وماعليه

الرئيس مبارك مشكلتي معه انه كان موظف برتبة رئيس كان تقليديا لابعد الحدود وهاهي نفس المشكلة تظهر مع الدكتور مرسي وكانت ايضا مع أحمد شفيق

عزيزي الاستاذ شرف الدين استحلفك بالله الا ترى ان قمع الحركات الطلابية والتهميش الفكري والسياسي للشباب كان متعمدا من مبارك !!!!!

الا ترى ان الرئيس مبارك لو كان افسح المجال للشباب لممارسة السياسية الصحيحة وانتخابات اتحادات طلبة سليمة كان علم الشباب وحصنهم صح ضد اي افكار خاطئة وغلط !!!!!

عزيزي الجميع كان مشتاق للتغيير وانا اتذكر2009 تقريبا كنت في موقف عبد المنعم رياض مع صديق لي عشان نركب ميكروباص وكان السواقين رافعين الاجرة استعباط ولما روحنا نشتكي لامين الشرطة ضحك باستهزاء ولا عبرنا ،المهم كان وقتها ان لم يخني التاريخ الرئيس مبارك قالوا انه بيعمل المرارة ف المانيا حاجه زي كده والناس كلها في الموقف كانت بتسب وتلعن وعماله يدعوا عليه

عزيزي استاذ شرف الدين اللي كان يمشي في شوارع القاهرة ويحتك بالناس كان يعلم ان هناك قنبلة موقوته هتنفجر ف الوقت القريب وقد كان ف 2011 انظر الى كم الاعتصامات الفئوية والاضرابات وانظر كم المتظاهرين امام مجلس الوزراء نسيت اعتصام الملابس الداخليه ووقفوا بالحلل !!!!

للاسف الرئيس مبارك كانت امامه فرصة ذهبية وهو اضاعها عزيزي كل ما يحدث الان في مصر هو مسئولية مبارك نعم ذنب كل من يقتلون في رقبته

الاخوان كانوا شركاء له لو كان يرى انهم ضرر له كان قضى عليهم لكنه كان بيستخدمهم وقت ما يحب عزيزي الشعب المصري كان هو الضحية

حتى لا اكون بعدت عن موضوع النقاش "ماذا بعد 30يونيو" ارى ان الرؤية ضبابية وما قد يزيل ضبابيتها هو ان يتولى الجيش مقاليد البلاد وليس لفترة مؤقتة بل لفترة طويلة

[طارق مصرى]

يا باشمهندس أنا شايفك بدأت تفقد أعصابك وتستعمل ألفاظ حتخلينى أغير رأيى فيك

وبعدين ازاى وانت شاب كده - ما شاء الله - بتنسى

أومال العواجيز يعملوا إيه ؟ .. يعنى هم اللى يفكروا الشباب ؟

هى الدنيا اتقلبت ولا إيه ؟

تحب أفكرك منذ ولاية الدكتور مين اللى بدأ مسلسل العنف ؟

افتكر كده يوم "جمعة كشف الحساب"

افتكر يوم الاتحادية

العنف جزء من خطة التمكين التى ضبطت فى مكتب سلسبيل بخط خيرت الشاطر

http://www.youtube.com/watch?v=fWshReEksxU

سؤال يا أ- ابو محمد و يا ريت ترد بوضوح الله يكرمك بدون تورية

لو المتظاهرين اللى حضرتك بتأيدهم نزلوا سلميين فى امان الله ضد مرسى و بعدين قام اتباع مرسى بالاعتداء عليهم بالاسحلة النارية و العصى و خلافه و ساعدتهم الشرطة فى ذلك و لم يتدخل الجيش حضرتك شايف ايه الصح اللى الثوار يعملوه يعنى لو لك كلام معاهم تنصحهم بايه يقابلوا عنف اتباع الرئيس بعنف اخر اسلحة اخرى و ضرب نار و لا يفضلوا سلميين لحد ما يقضى عليهم و لا يرجعوا بيوتهم و يرضخوا لمرسى ؟

[أبو محمد]

يعنى حضرتك شايف إن أنصار مرسى حيعتدوا على السلميين بالأسلحة النارية

وإن الشرطة حتساعدهم .. يعنى هى كمان حتضرب فى المتظاهرين السلميين

وإن الجيش لن يتدخل

حضرتك بتحط سيناريو موقعة الجمل يعنى

والإجابة ستكون تكملة السيناريو .. يعنى سقوط النظام

أما الإجابة اللى أنا باقولها فهى "نهاية التيارات الاسلامية للأبد"

والإجابة التى تريدها أنت هى "يرجعوا لبيوتهم ويرضخوا لمرسى"

إختار إجابة من التلاتة

[شرف الدين]

الحشد بدأ .. بحثت عن تاريخ نشر الفيديو فوجدته بتاريخ 24 ..

اعتذر مقدما عن بعض الألفاظ الواردة في الفيديو ..

http://www.youtube.com/watch?v=ltFhKgOHn0k

يا ترى - إذا كانت هذه هي البداية .. فكيف ستكون النهاية ؟

تم تعديل 24 يونيو 2013 بواسطة شرف الدين

[herohero]

الحشد بدأ .. بحثت عن تاريخ نشر الفيديو فوجدته بتاريخ 24 ..

اعتذر مقدما عن بعض الألفاظ الواردة في الفيديو ..

http://www.youtube.com/watch?v=ltFhKgOHn0k

يا ترى - إذا كانت هذه هي البداية .. فكيف ستكون النهاية ؟

استاذ شرف الدين حضرتك بتعتذر ليه ؟؟؟ ماالناس ده ده أكل عيشها مش عارف هو حضرتك شوفت فيلم خالتي فرنسا !!!!

الناس ده كانت شغاله بردة ف الايام الحلوة ايام العز في انتخابات الحزب الوطني مش معقولة مكنتش بتشوفها وكان فيه اللي اشرس منهم بيسلطوهم ع المرشحين اللي نازلين ضد الحزب الوطني

ده اقل واجب يا استاذ شرف الدين ده انت لسه هتشوف مش بقول لحضرتك بقت معركة وكله بيستعد لها والشعب او مصر بالاخص هي الخاسر والرابح الاكبر اعداء مصر ودول كثير قووووووووووووووي

اوعى تكون فاكر كل اللي نازلين دول ضد الاخوان فكريا او سياسيا لا دول ناس كثير منهم اصلا بيتعاملوا بمبدأ فيها لأخفيها واللي متاجرين والله العظيم لو حصلت فوضى والجيش مانزل يبقى غلطان ومش زي الباشوات في جبهة الانقاذ ما بيقولوا موافقين ان الجيش يحكم !!!!!!

واخد بالك مع انهم صدعونا بيسقط يسقط حكم العسكر بس برده عشان الحرج بيقولك يحكم لفترة معينة !!!!

انا بعترف بخطئي ان كنت متصور ان احنا مؤهلين للديموقراطية فعلا كلام احمد نظيف زماااااااااان صح وكلام الراحل عمر سليمان وصدقني افترا وظلم وتعامل الداخليه بقسوة مع الكثير من أفراد الشعب المصري يبدو ان ده كان اللي نستحقه

أتمنى نزول الجيش ويارب يتعامل بيد من حديد ويلغي اي حياة برلمانية مالها الصين بلا ديموقراطية بلا قرف احنا مش وشها

[شرف الدين]

استاذ / هيرو

هو حضرتك متخيل أن الناس اللي في الفيديو دول مأجورين

[herohero]

استاذ / هيرو

هو حضرتك متخيل أن الناس اللي في الفيديو دول مأجورين

زي بالضبط اللي بتتريق عليهم وبيجوا بالاتوبيسات تبع الاخوان ؟؟؟ هل هناك ما يثبت انهم مش جايين بأتوبيسات

يعني هل كل المشكلة انهم مأجورين أم لا ياعزيزي وايه المانع عموما كفاية عليهم أفكار توفيق عكاشة وايا كان ده حقهم ومحدش معترض عليهم لكن اتمنى ان لا نستكثر كمان ع مناصرين الاخوان ان يفعلوا نفس الفعل

واحلى حاجه ان مش هلاقي اي اعتراض ع الالفاظ مادام صادرة من ناس بتهاجم مرسي والاخوان لان للاسف الرسالة اللي نفسي الناس تستوعبها العنف هيولد عنف ومش هنخلص

واكبر مشكلة اننا خلينا الناس كلها تتكلم في السياسة بدون وعي وده برده ناتج من الجهل السياسي اللي كان حاصل طول فترة ال30 سنة

عموما احلى حاجه ان السفارة السعودية هتقفل تجنبا للاحداث ده يلا خلي الناس مصالحها تتعطل وان شاء الله كل السفارات تحذوا نفس الحذو

[moamana]

بجد انا الوضع حتى مش مخلينى عايزة ارد او اعقب من كتر الاكتئاب

بس بجد احنا لو سلمناها للعسكر نتوقع بامارة ايه يكون ادائهم احسن خاصة مع السنة و نص المهببين اللى شوفناهم قبل الاخوان

و خاصة ان الكل هيطالب بحل الشورى و الدستور يتعمل من جديد

يعنى عودة الى الصفر

و طبعا الكل فاكر السنة و نص احداث بورسعيد ........احداث رفح ..........مصر على وشك الافلاس

و اللى مش فاكر يا ريت يرجع لمواضيع السنة و نص اللى فاتت

طيب نمسكها للمعارضة

البرادعى مراته معاها الجنسية النمساوية يعنى مينفعش

حمدين معتقدش انه هيتفق مع شعب طبيعته محافظة و مراته كده و بنته مذيعة و كفاية صورتين تلاتة لبنته بالمايوه زى البرادعى او صداقاته مع الفنانات و يسقط من نظر ناس كثير ده غير ان بعد اتفاقهم مع الفلول اى كان السبب فانا استحالة افكر في انتخابه

فاضل مين عمرو موسى ....خلونا نتكلم بجد احسن عشان كده منبقاش عملنا اى حاجة من عهد مبارك

طيب نرجعها للتيارات الاسلامية و بلاش الاخوان المرة ديه خليها حزب النور ايه رايكم و حازم ابو اسماعيل و ديه بقى تبقى كارثة اكبر من ايام الاخوان و الله لان ما حدث للشيعة هيكون بروفة للى هيحصل

ايه رايكم نطلع جمال من السجن و نمسكهاله رغم انى معتقدش ان لو مسك اى حد من الفلول اساسا هيكون متمول من فلوس جمال و رجال الاعمال فمش هتبقى فارقة

عايزين حل بجد حل كويس

كان الحل طبعا ان المعارضة الزبالة تبنى في السنتين و نص اللى فاتوا احزاب قوية لها سلطة و كلمة في الشارع و نشاطات حقيقية سياسية و غيرها عشان تاخد مجلس الشعب و تعين رئيس مجلس وزرا و تعين اغلب الوزارات و يورينا شغلهم بس دول بتوع مسرحيات اكتر منهم عمل بجد عشان كده معتقدش هيكونوا احسن من الاخوان في حاجة

على فكرة الحسنة الوحيدة اللى عملها الاخوان لمصر انهم انقذوها من شبح الافلاس بفلوس رجال الاعمال اللى صالحوهم و كمان فلوس المعونات و اغلب الجرايد العالمية اتكلمت عن هذا الا جرائدنا بالطبع و كان احد اصدقاء ابى مدير بنك يؤكدله ان الدولار هيوصل لعشرة جنيه بس الاخوان عملوا اللازم و هيثبتوه عن سبعة و نص بالكثير على اخر السنة بس لللاسف سياساتهم غبية و مغرورة جدا

اللى عنده اى مرشح ينفع او نسيته يا ريت يقوله و نقترح حلول للمصيبة اللى احنا فيها و ايه الضمانات اللى ممكن نخدها عشان منرجعش تانى نلف في دوائر

[herohero]

الفاضلة مؤمنة الكلام ده قولته كثيييييييييييير هنا ف المنتدى يقولك واحنا مالنا ده مسئولية السلطة الحاكمة ،الناس تعمل احزاب وتشتغل ف الشارع يقولك لا هي انتخابات رئاسية مبكرة ياعم انتوا كسبتوا ف اتحادات الطلبة وف الانتخابات بقى لكم شعبية برده يقولك لازم نشيل مرسي وهنا فالمنتدى لو شوفت المداخلات هتلاقي المنتدى غالبيته مع انتخابات رئاسية مبكرة طب قولوا ليا البديل يقولك مانعرفش هو كدة

والتوبيك عنوانها ماذا بعد 30 يونيو ؟؟؟اتحدى اي حد يقول ليا ماذا بعد 30-6- حتى المعارضة مش عارفه

يلا خليها تخرب ولما نشوف الافاضل هنا ف المنتدى هيقولوا ايه انا عاوز مرسي يمشي ونشوف بقى جبهة الانقاذ اللي اصلا مختلفة مع بعضها لما نشوف ادينا قاعدين

مادام شايفين اننا بنبارك الناس اللي بتردح اللي فكرتني بخالتي فرنسا وبنبارك العنف المتبادل وبنبارك النقد بقلة أدب فلما نشوف

[شرف الدين]

زي بالضبط اللي بتتريق عليهم وبيجوا بالاتوبيسات تبع الاخوان ؟؟؟ هل هناك ما يثبت انهم مش جايين بأتوبيسات

يعني هل كل المشكلة انهم مأجورين أم لا ياعزيزي وايه المانع عموما كفاية عليهم أفكار توفيق عكاشة وايا كان ده حقهم ومحدش معترض عليهم لكن اتمنى ان لا نستكثر كمان ع مناصرين الاخوان ان يفعلوا نفس الفعل

واحلى حاجه ان مش هلاقي اي اعتراض ع الالفاظ مادام صادرة من ناس بتهاجم مرسي والاخوان لان للاسف الرسالة اللي نفسي الناس تستوعبها العنف هيولد عنف ومش هنخلص

واكبر مشكلة اننا خلينا الناس كلها تتكلم في السياسة بدون وعي وده برده ناتج من الجهل السياسي اللي كان حاصل طول فترة ال30 سنة

عموما احلى حاجه ان السفارة السعودية هتقفل تجنبا للاحداث ده يلا خلي الناس مصالحها تتعطل وان شاء الله كل السفارات تحذوا نفس الحذو

أولا يا عزيزي .. هيرو .. أنا عمري ما اتريقت على حد .. من اللي بيتشحنوا بأتوبيسات أو غيرهم ..

عنف ايه سيادتك اللي شايفه في الفيديو عشان تقول ان العنف هيولد العنف .. هو مين اللي بيتكلم عن العنف في الفيديو ده ؟ يكونوش دول اللي قالوا ( هنرجع السيارات المفخخة وهيبقى في تفجير بالريموت كنترول .. ولا يكونوش دول اللي قالوا اللي هيرش مرسي بالمية هنرشه بالدم .. ولا يكونوش دول اللي قالوا هنسحق اللي هينزل يوم 30 ولا يكونوش دول اللي قالوا .. اللي راجل ينزل يوم 30 ) .. هو تعريف العنف ايه في نظر سيادتك ؟؟ اصل في مفاهيم كتير اتغيرت من ساعة 25 يناير ..

لما في ناس بتيجي في اتوبيسات عشان المظاهرات .. بتكون مظاهراتهم منظمة من جهة معينة زي مظاهرات رابعة العدوية الأخيرة مثلا .. عشان كده بتلاقيس اتوبيسات محافظة المنيا مثلا ( اللي هيا مفروض بتتمون بنزين من فلوسي وفلوسك وفلوس الشعب الغلبان اللي مش لا بنزين ولا سولار - ولا حضرتك بتتكلم على كده ولا حضرتك بتعترض ) المهم بتلاقي أتوبيسات جاية من كل محافظات مصر .. ولهم وجبات وخلافه .. لأن في جهة هيا اللي منظمة الكلام ده كله ..

لكن تقدر تقولي المظاهرة اللي ادام محافظة المنوفية دي .. مين اللي منظمها ؟

يا ريت .. بلاش كل شوية تفضل تتكلم عن التلاتين سنة لأن الموضوع بقى مفضوح قوي ( ليك تار شخصي مثلا مع النظام السابق .. مش عايزين كل موضوع لازم من قريب أو من بعيد ندخل النظام السابق في الموضوع .. زي مرسي بالظبط .. كل خطاباته وأتحدى .. لازم يجيب فيها سيرة النظام السابق ) .. يا جماعة الموضوع بقى مكشوف قوي .. إفلاسكم في إنكم تكسبوا الشارع في صفكم .. ما ترمهوش على النظام السابق ..

وسبحان الله .. دلوقت الشعب ده بقى جاهل .. من شوية كان ده الشعب اللي بينضف ميدان التحرير واللي بيكنس الشوارع واللي عمل أعظم ثورة في التاريخ ..

وسبحان الله بقت المشكلة اننا خلينا الناس تتكلم في السياسة دون وعي .. لكن مش مشكلة أبدا أننا برضه نخليهم يروحوا ينتخبوا حكومة بلد تحدد مصير وطن كامل بدون وعي .. طالما هنقدر نضحك عليهم بالزيت والسكر .. والدين والجنة والنار ..

[شرف الدين]

الأخت مؤمنة ما زالت تقول ( عسكر ) ... ( عسكر في المعسكر ) ..

ما زال هناك بعد من لم يفيق ..

أحيانا أرى أن خير عقاب لهذا الشعب وخير تأديب له هو أن يبقى الإخوان يحكمونه .. لكن المشكلة أننا كلنا في مركب واحد ..

لو أن الإخوان كانوا سيحكمون من انتخبوهم فقط .. لهللت ووافقت وباركت .. وطالبت ببقاء الإخوان يحكمونهم للأبد ..

لكن المشكلة أنهم سيحكمون الجميع ..

[herohero]

لا في خطأ املائي بنتريق

يا استاذ شرف الدين المنوفية خصوصي انا عارف اللي فيها وانت عارف انها ضد الاخوان ومحافظة غالبيتها شرطة جيش موظفين حكومة ومحليات اما عن التمويل فأنت عارف ان المنتفعين من النظام السابق كثييييييييييير وبيحلموا باليوم اللي ترجع فيه عقارب الزمن لما قبل 25 يناير

وطبعا مش دول ياسيدي اللي كانوا بيدهنوا الرصيف دول اللي بيرموا زبالة ف الشارع انا بتكلم ع بنات وشباب راكبين البي ام وخريجين الالمانية والامريكية والفرنسية وكانوا بيكنسوا الشارع طبيبات ومهندسات وده نماذج انا شوفتها بعيني وده النماذج اللي مخلية فيه أمل

الناس البسيطة ده هي اللي بيضحك عليها الاخوان وتوفيق عكاشة الناس ده مالهاش ذنب ان المجتمع لم يوعيها سياسيا ولا ان النخبة كانت بتتعامل معاها بتعالي وان كثير بيتهمها بالسطحية زي انا ما بتتهمها وده مسئوليتنا جميعا اننا نوعيهم عشان يرفضوا يدوا صوتهم مقابل الزيت والسكر وكمان لما يسمعوا لتوفيق عكاشة يبقوا عارفين الصح من الغلط

عموما مازلت بقول لحضرتك ان الهتافات ده ارهاصات لعنف هيحصل وكلام بيسخن والنتيجه عنف ودماء بين المصريين

عارف ان كثيرين هنا ف المنتدى بيباركوها مادام ضد الاخوان المهم نقصي الاخوان والتيارات الي معاهم ،واتعجب كيف لنا ننتقد ونعيب ع الاخوان اقصائهم لمن يخالفهم الرأي ونحن نريد ان نفعل هذا للاسف احنا فعلا غير مؤهلين للديموقراطية ولا نجيد ان نتعايش مع غيرنا وده معروف من زمااااااااااان ان المصريين لا يحاولون التعامل مع المختلف عنهم ودائما حاطين ف دماغنا اننا بس اللي بنفهم واننا اذكى شعب واحلى بنات واجمد رجالة واللي بيحتك وبيتعامل بيكتشف ان الدنيا مش كده وبالتالي بيطلع المصري الاخواني فاهم انه بس اللي بيفهم والليبرالي المصري هو بس اللي بيفهم ف نظري المشكلة ف كونه مصري وبالتالي لا يجيد ان يتكيف مع من يخالفه الراي يمكن الاخواني الهندي او الباكستاني مش زي الاخواني المصري ف رغبته ف الاقصاء

----

اما عن غلطتي اللتي لاتغتفر ان قولت ان الرئيس السابق حسني مبارك هو السبب في الخواء السياسي والثقافي لدى الشعب فاعذرني لان قد مستت الرمز الكبييييييييييييييير عند حضرتك فأنا اسف

لكن ياترى الثقافة في خلال حكم الرئيس مبارك اخبارها ايه ؟؟؟كم مثقف طلع ف عهده كم فنان عظيم طلع ف عهده ومستوى التعليم !!!!عزيزي نحن نعيش ع اسماء من ترعرعوا ف عهد عبد الناصر واواخر فترة الملكية فانا لا ارى ان فترة الثمانينات او التسعينات شهدت غرس لاصول ثقافية بالعكس اشتهرنا بافلام المقاولات وتم بيع التراث الفني للوليد بن طلال ولا نسيت

عموما يبدو ان انا كنت بتعلم ف جامعة القاهرة فرع جنوب افريقيا ولا جامعة عين شمس فرع موزمبيق عشان كده مكنش عندنا حق ممارسة العمل السياسي ف الجامعة اما لو كنت ف هندسة عين شمس فرع جمهورية مصر العربية كنت هلاقي ممارسة للعمل السياسي عزيزي اللي بيتعلموا تعليم محترم واسال اللي حاصلين ع IGCSE او الامريكان ديبلوما

بيعلموهم يعني ايه ممارسة سياسية وديموقراطية وفن الاختلاف فأرجوا ان تعذرني واقول ان الرمز الكبير باني نهضة مصر لم يوفر للشباب بيئة يمكنهم فيها ممارسة العمل السياسي وبالتالي كانوا عرضة لاي تيارات ،يا استاذ شرف الدين انا 32 سنة وصحابي كلهم مهندسين ودكاترة والحمد لله كان بيعتقل منهم الليبرالي والاشتراكي والاخواني ومنهم اللي مستقبله اتوقف لمده 5 سنوات فمش عارف حضرتك اكيد بتتكلم ع بلد ثانية

واهم حاجه هل بعد كل المداخلات ده عرفنا ماذا بعد 30-6-2013

طبعا محدش هيقول ولا هيفكر لان ده مسئولية الاخوان صح ؟؟ وانا من عندي بقى ده مسئولية النظام السابق اللي خلى الشعب فوضوي كده الا لو كنا طول عمرنا ف مصر مش فوضويين

[herohero]

استاذ شرف الدين في لغة السياسة ماذا يطلق ع من امتهن العمل العسكري او مازل يمتهنه ويقوم بأعمال ادارية ؟؟ اتمنى لو كنت خدمت مع الافاضل رجال الجيش المتقاعدين في وزارة الكهرباء او الاتصالات او وزارة الطيران المدني حتى يكون رأيك عن رجال الجيش ولا اقولك

اكس جيش

تمشي كده اشيك وكنت تشوف مدى فشل الادارة العسكرية للامور المدنية

لكنه ف نظري احلى حل ونفسي فيه مووووووووووووووت وعاوز حكم عسكري بالحديد والنار حاجه كده زي الصين وخلي الشعب يعيش واشوف وشك ياحمالة الحطب وانت بتنتقدي حد منهم

----------

[شرف الدين]

يا استاذ شرف الدين المنوفية خصوصي انا عارف اللي فيها وانت عارف انها ضد الاخوان ومحافظة غالبيتها شرطة جيش موظفين حكومة ومحليات اما عن التمويل فأنت عارف ان المنتفعين من النظام السابق كثييييييييييير وبيحلموا باليوم اللي ترجع فيه عقارب الزمن لما قبل 25 يناير

زي مين سعادتك .. يا ريت تقول لنا زي مين .. إنما الكلام المبهم ده معلش مبياكلش معايا عيش ..

وطبعا مش دول ياسيدي اللي كانوا بيدهنوا الرصيف دول اللي بيرموا زبالة ف الشارع انا بتكلم ع بنات وشباب راكبين البي ام وخريجين الالمانية والامريكية والفرنسية وكانوا بيكنسوا الشارع طبيبات ومهندسات وده نماذج انا شوفتها بعيني وده النماذج اللي مخلية فيه أمل

مهي هي دي برضه النماذج اللي ودت البلد في داهية وراحت تصوت في الانتخابات لمجرد العند فقط لا غير .. " وأنا مش نازل أنجح مرسي .. أنا نازل أسقط شفيق " .. مش هي دي نفس النماذج .. وبعدين النماذج دي راحت فين دلوقت .. مبقتش تنضف الشوارع ليه .. اختفوا ولا البي إم والجامعة الأميركية اللي اختفت ؟ ولا هي المهن بتاعتهم اللي اختفت ؟ ولا هي كانت حلاوة روح مش أكتر ؟

الناس البسيطة ده هي اللي بيضحك عليها الاخوان وتوفيق عكاشة الناس ده مالهاش ذنب ان المجتمع لم يوعيها سياسيا ولا ان النخبة كانت بتتعامل معاها بتعالي وان كثير بيتهمها بالسطحية زي انا ما بتتهمها وده مسئوليتنا جميعا اننا نوعيهم عشان يرفضوا يدوا صوتهم مقابل الزيت والسكر وكمان لما يسمعوا لتوفيق عكاشة يبقوا عارفين الصح من الغلط

معاك في إن البسيطة دي يسهل الضحك عليها .. لكن برضه في نفس الوقت .. ما تقدرش تضحك عليهم كتير .. والناس البسيطة دي هما اللي ولادهم حاربوا في 73 .. وهما اللي دفعوا نتيجة نكبة يناير .. ونتيجة الإدارة الفاشلة للبلاد .. مش ركاب البي ام ولا خريجي الجامعة الأميركية .. اه الكل بيدفع التمن .. لكن البسطاء دول بيدفعوا تمن اكتر بكتير من اللي بيدفعوا ركاب البي ام ..

عموما مازلت بقول لحضرتك ان الهتافات ده ارهاصات لعنف هيحصل وكلام بيسخن والنتيجه عنف ودماء بين المصريين

الحديث عن العنف مش بييجي غير من تيار واحد .. هو التيار اللي انت بتأيده .. ومش شايف له ولا غلطة.

اما عن غلطتي اللتي لاتغتفر ان قولت ان الرئيس السابق حسني مبارك هو السبب في الخواء السياسي والثقافي لدى الشعب فاعذرني لان قد مستت الرمز الكبييييييييييييييير عند حضرتك فأنا اسف

مفيش داعي للأسف .. كل المطلوب أنك تبطل من مداخلة للتانية تجيب سيرة النظام السابق عشان من ناحية تانية تحاول إنك تحسن صورة النظام الحالي .. وتحمل الكوارث اللي حصلت واللي لسه بتحصل للنظام السابق .. وبالتالي الإخوان للأسف معذورين .. هما مالهمش ذنب إن البضاعة باظت منهم .. لأنها هيا في الأساس بايظة من الأول ..

لكن ياترى الثقافة في خلال حكم الرئيس مبارك اخبارها ايه ؟؟؟كم مثقف طلع ف عهده كم فنان عظيم طلع ف عهده ومستوى التعليم !!!!عزيزي نحن نعيش ع اسماء من ترعرعوا ف عهد عبد الناصر واواخر فترة الملكية فانا لا ارى ان فترة الثمانينات او التسعينات شهدت غرس لاصول ثقافية بالعكس اشتهرنا بافلام المقاولات وتم بيع التراث الفني للوليد بن طلال ولا نسيت

بصراحة يا استاذ هيرو .. المواضيع دي مش بتهمني قوي .. وأنا سبق وقلت قبل كده .. أني بحكم على الحكام بطريقة المقارنة فقط لا غير .. يعني مثلا من ناحية التعليم مثلا .. كان في كام جامعة سنة 81 .. وبقى في كام جامعة سنة 2011 .. كان في كام مدرسة سنة 81 وبقى في كام مدرسة سنة 2011 .. وفي نفس الوقت .. مستوى الخريج سنة 81 كان ازاي .. ومستواه سنة 2011 بقى ازاي .. وحجم الإنفاق على التعليم من مستوى الدخل القومي الكلي سنة 81 كان كام .. وسنة 2011 بقى كام .. ومعدل الإنفاق على الخريج الواحد كان كام سنة 81 وبقى كام سنة 2011 .. وكان عندنا كام خريج سنة 81 وبقى عندنا كام سنة 2011 .. دي معطيات كتير جدا .. لازم تدرسها قبل ما تحكم .. مش علطول نقول .. احنا ليه معندناش علماء أو ليه مستوى التعليم منخفض .. لأنه باختصار شديد .. ممكن أقولك واشمعنا الكويت ( وهي دولة لها كل الاحترام ) اللي بتمثل بالنسبة ليك حاجة كبيرة .. ليه هيا كمان معندهاش علماء مع إنها معدل دخلها الاقتصادي مرتفع جدا ومعدل الانفاق على الخريج الواحد فيها مرتفع جدا ..

وأما بخصوص الأفلام والحاجات دي .. فدي يعني مش بتهمني قوي .. لأن عدد قليل قوي من الأفلام اللي ممكن يجذب انتباهي ..

وبما أنك من مؤيدي السادة الإخوان .. يا ريت تقول لنا ميزانية وزارة الداخلية كانت كام في عهد النظام السابق الديكتاتوري .. وبقت كام في عهد النظام المدني المنتخب .. ويا ريت تقول لنا ميزانية رئاسة الجمهورية كانت كام في عهد الرئيس الفاسد السارق .. وبقت كام في عهد الرئيس الزاهد الملتحي ..؟

عموما يبدو ان انا كنت بتعلم ف جامعة القاهرة فرع جنوب افريقيا ولا جامعة عين شمس فرع موزمبيق عشان كده مكنش عندنا حق ممارسة العمل السياسي ف الجامعة اما لو كنت ف هندسة عين شمس فرع جمهورية مصر العربية كنت هلاقي ممارسة للعمل السياسي عزيزي اللي بيتعلموا تعليم محترم واسال اللي حاصلين ع IGCSE او الامريكان ديبلوما..

ممارسة العمل السياسي أثناء الجامعة أرى أصلا أنه خطأ .. فنحن ندخل الجامعة من أجل ممارسة العلم وليس من أجل ممارسة السياسة ..وها قد رأينا ماذا فعل من حاولوا ممارسة السياسة من حدثاء الأسنان اللي لسه في الجامعة .. وازاي ودوا البلد في داهية عشان العند مش اكتر ..

بيعلموهم يعني ايه ممارسة سياسية وديموقراطية وفن الاختلاف فأرجوا ان تعذرني واقول ان الرمز الكبير باني نهضة مصر لم يوفر للشباب بيئة يمكنهم فيها ممارسة العمل السياسي وبالتالي كانوا عرضة لاي تيارات ،يا استاذ شرف الدين انا 32 سنة وصحابي كلهم مهندسين ودكاترة والحمد لله كان بيعتقل منهم الليبرالي والاشتراكي والاخواني ومنهم اللي مستقبله اتوقف لمده 5 سنوات فمش عارف حضرتك اكيد بتتكلم ع بلد ثانية

اوعى تكون فاكر إني هقولك إن مصر كانت في ديمقراطية مزدهرة خلال التلاتين سنة .. لا يا عزيزي .. مصر عمرها ما كانت في ديمقراطية لا في التلاتين سنة ولا قبلهم ولا بعدهم وهتشوف .. كل ما هنالك هو إن هامش الحرية بيختلف من نظام للآخر فقط لا غير.

واهم حاجه هل بعد كل المداخلات ده عرفنا ماذا بعد 30-6-2013

اتفق معاك حتى الآن انه فعلا مفيش اتفاق على ايه اللي هيحصل بعد 30-6 .. ده إذا نجح 30-6 في إسقاط الإخوان وللعلم أنا شخصيا لا أتوقع إن 30-6 هينجح في إسقاط الإخوان .. إلا إذا صاحبه انقلاب عسكري

طبعا محدش هيقول ولا هيفكر لان ده مسئولية الاخوان صح ؟؟ وانا من عندي بقى ده مسئولية النظام السابق اللي خلى الشعب فوضوي كده الا لو كنا طول عمرنا ف مصر مش فوضويين

ههههههههههههههه .. مش بقولك .. انت مفيش حاجة عندك إلا النظام السابق .. طب قبل النظام السابق الشعب كان ايه .. كان منظم ومنضبط .. ولا ايه رأيك ؟ طب ايه رأيك في أحداث الأمن المركزي سنة 86 .. هل كان الشعب منظم ومنضبط .. ولا ده كان بسبب نظام السادات .. طب ايه رأيك في مظاهرات 77 .. يا ترى الشعب ساعتها كان منضبط ومنظم ولا ايه .. ولا دي كانت مسؤولية نظام عبد الناصر ؟

بخصوص حديثك الأخير عن الإدارة العسكرية للإدارات المدنية .. اللي اعرفه إن أعظم 3 رؤساء في تاريخ أمريكا ( واشنطن ولينكولن وروزفلت ) كانوا عسكريين .. واللي اعرفه إن أعظم رئيس في تاريخ فرنسا ( ديجول ) كان عسكري .. واللي اعرفه إن جميع رؤساء وزراء إسرائيل تقريبا عسكريين .. واللي اعرفه إن مؤسس مصر الحديثة محمد علي ( كان عسكري ) .. واللي اعرفه إن أعظم انتصار في تاريخ مصر الحديث تحقق على أيدي العسكريين ..

تم تعديل 25 يونيو 2013 بواسطة شرف الدين

[herohero]

يااستاذ شرف انا بتكلم ع الادارة العسكرية المصرية اللي تعاملت مع كثير منهم وليا اعتراضات ع اسلوب ادارتهم ،وعن الفوضى اللي اتربينا عليها في مصر انا معتبر مصر الحلوة اللي كانت قبل 52 وده وجهة نظروليس واقع عيشته ،وعن موضوع ان مثلا التعليم بينفق عليه ف الخليج كثير ورغم كده ما شوفناش نوابغ طبعا ده له سبب ثاني ان الانفاق ع التلعيم ليس وحده الطريق الى النبوغ ما انا بصرف عليك كثير وانت مالكش رغبة ف التعليم وده شئ موجود عادي ،انما لما بلد كانت منارة للثقافة وكان الخريج صح ومكنش فيه انفاق كبير ولا حاجه لكن كان فيه مناخ يساعد ع كده وللاسف يوم ورا الثاني بنعلي من قيم تانية وبنقلل من قيمة العلم والمتعلمين وشوف الميديا قدمت التعليم والافندية المستوظفين بصورة عاملة ازاي واعلت من شأن الحرفيين مع كامل احترامي لهم ،وبعدين هو انت لما يبقى عندك تربة خصبة وتطلع منها ثمرة اي كلام تيجي تقارنها بتربة جافه كانت صحراوية فمهما ماهتصرف عليها مش سهل تاخد منها ثمرة ناضجة

------

خلافي مع حضرتك انك بتتعامل مع الرئيس مبارك بمبدا ليس بالامكان أفضل مما كان مع ان عندنا نماذج ف دول اخرى لم تتعامل بمثل هذا المبدأ وحتى لا ازعج الاخوة المشاركين دعنا من تقييم الرئيس مبارك واعدك بأنني سأتحاشى ان اوجه اي لوم له ع الرغم من ان حضرتك اكيد بتشاركني ان رئيس الجمهورية منصب عام قابل للنقد لكن يبدو ان الرئيس مبارك ع الاقل بالنسبة لك اصبح من العشرة المبشرين بالجنه

عموما ده حق حضرتك ورأيك من حقك

----------

بالنسبة للمنوفية مش عارف حضر تك تعرف احمد عز منين وابراهيم كامل وكمال الشاذلي وحبايبه وغيرهم فيعني اللي اقصده محافظة المنوفية اكيد حضرتك عارف انها كانت من المحافظات المؤيده للفريق الركن أحمد شفيق

------------

عموما مازلت ادعوا الله من قلبي ان يتم حكم مصر عسكريا

وماتزعلش يا استاذ شرف الدين انا لو رجع الرئيس مبارك بنفسه عادي لان نظام الرئيس مبارك وابنه جيمي اللي أنا كنت مؤيد له لانه من مدرسة الرأسمالية الجشعة وكان يهمني القرية الذكية والدلع ده ومش مهم الناس البسيطة والفقراء

فلو انت شايف ان ده النظام اللي يخدم 90 مليون فخلاص انا اصلا كنت أتمنى ان جمال مبارك يمسك انما أبوه لا

-----------------------------------------------------------------------------------------------------------------------

عموما خلينا ف محاولة للوصول الى اجابة ماذا بعد30 يونيو

تم تعديل 25 يونيو 2013 بواسطة herohero