فرقنا المصرية في البطولات الأفريقية

[se_ Elsyed]

بصراحة الفرق الأربعة شرفتنا في بدايتها الأفريقية بدور الـ 32 وجميعهم حققوا نتائج إيجابية وكان أفضلهم الزمالك والإسماعيلي ولنا ان نعرف بإن الاهلي والزمالك يلعبان في بطولة أفريقيا للأندية البطلة ( أبطال الدوري سابقاً ) ... والإسماعيلي والمقاولون يلعبان في البطولة الكونفدرالية :

- حيث لعب الأهلي مع " فيلا " بطل اوغندا في ملعب الأخير وتعادل معه بدون اهداف وسيلاقيه في القاهرة في الفترة ما بين 18 إلى 20 مارس وهي مباراة سهلة للأهلي بكل تأكيد .

- وفاز الزمالك خارج أرضه على " توسكر " بطل كينيا بهدف عبد الحليم علي وسيكون الزمالك في حالة جيدة وهادئة في مباراة العودة إذ يكفيه التعادل او الفوز ليتأهل لدور الـ 16 .

- كما فاز الدراويش على بطل موزمبيق 1/0 بهدف لمحسن أبو جريشه وأيضاً مباراة العدة سهلة .

- وبعد غياب طويل عن الأضواء يعود المقاولون للمشاركة الأفريقية ويتعادل في مباراته مع بطل أثيوبيا الضعيف بدون اهداف خارج ملعبه .

وفي اعتقادي بإن دور الـ 32 ودور الـ 16 سهلان للغاية بالنسبة لفرقنا إذا لعبوا بجدية وعدم إستهتار .. ولكن المعمة تبدأ من دور الـ 8 والتقسيم لمجموعتين حيث أن الفرق الثمانية في كل بطولة غالباً ما تكون جميعها شرسة وتعلب من اجل البطولة ..

تمنياتنا لجميع الفرق المصرية بالتوفيق وخصوصاً بطولة أفريقيا للأندية التي يحصل فيها الفائز على 2 مليون دولار ( مليون للفوز بالبطولة .. و مليون لتأهله لكأس العالم للاندية والتي ستقام في اليابان العام القادم )

يارب الزمالك ييجي في مجموعتنا عشان يبقى ضمننا 6 نقاط رايح جاي بعون الله ...... حد له كلام تاني ؟ :blink: :D

[Modest]

يارب الزمالك ييجي في مجموعتنا عشان يبقى ضمننا 6 نقاط رايح جاي بعون الله ...... حد له كلام تاني ؟  :P  :lol:

يعني انت خلاص افترضت إنه بقى في دور الثمانية و عايزُه كمان معاكم في المجموعة؟ .... مش لما يبقى يعَدِّي من دور الـ 16؟ :blink:

[se_ Elsyed]

لحد كده ماشيين تمام

الإسماعيلي وصل دور الـ 8 بالتزكية في كأس الإتحاد الأفريقي ... بعد تعذر إقامة مباراته مع الجيش الرواندي اللي كان مشغول بالإحتفال بذكرى مذابح رواندا في بداية التسعينات ..

- الأهلي تلقى درساً قاسياً لكنه تجاوزه ووصل إلى دور الثمانية في بطولة أفريقيا للأندية البطلة .. بعد أن فاز على إتحاد العاصمة الجزائري في أرضه بهدف للاشيء في سابقة فريدة بالكرة المصرية إذا أن جميع الفرق الجزائرية صعبة المراس في أرضها وكبيرنا قوي التعادل معاها ، وفي مباراة العودة أول أمس صادف الأهلي سوء حظ غريب وإهدار للفرص أغرب وتهاون من بعض اللاعبين وجدية وإستقتال من لاعبي إتحاد العاصمة ( ضربوا الأعور على عينه ) فهو مغلوب هناك يبقى لما ييجي مصر ماعندوش حاجة يبكي عليها ومش هايحصل أكثر من اللي حصل ، بالإضافة إلى الحكم السوداني الزول اللي جاي من كي جي ون ومكانش عارفين ده بيحكم باسكت ولا كرة قدم .. المهم المباراة خرجت 2-2 وبهذا يصعد الاهلي لدور العمالقة وللبطولة الحقيقية اللي بتلاقي فيها العتاولة مثل الترجي والرجاء البيضاوي وأنيمبا اللي طالع في المقدر جديد وأفريكا سبورت بالإضافة إلى رجالتنا في الأهلي والزمالك ... ومن هنا بقى بتبدأ التكتكة والتفنيش الصح .. إزاي أجمع نقاط بره أرضي وعلى أرضي .. وإزاي أوزع مجهودي ... وهكذا ..

- المقاولون حقق المعجزة في كأس الإتحاد ووصل مع الإسماعيلي بعد أن إنهزم من المريخ السوداني 3-1 بالخرطوم .. ثم فاز بالأمس بالقاهرة في مباراة الأياب 3-0 وهو إنجاز تاريخي على إعتبار إن فريق المقاولون درجة ثاينة وليس لديه الخبرة الكافية بدون النظر إلى الماضي ، فالتاريخ وحده لا يصنع الأبطال ..

- نيجي بقى للهم التقيل والإبن المشاغب في العائلة الكروية المصرية واللي كل شويه يسيب البيت ويهرب ويضرب المدرسين وينط من فوق سور المدرسة وكل يوم نجيبه من قسم شرطة مختلف .. طبعاً عارفينه وهو " الزمالك " فالزمالك حقق نتيجة طيبة في مباراة الذهاب حيث تعادل 1-1 مع فريق أفياكو الأنجولي ومباراة العودة ستقام اليوم الساعة السابعة بتوقيت القاهرة ولكن بدون مدير فني للزمالك حيث ولى كابرال الأدبار وبلغ فرار وقال مش هالعب إلا لما تقبضوني إكتوبر ونوفيمبير وديسيمبير ... وبالتالي تولى أحمد رفعت إدارة الفريق لحين إنهاء إجراءت التعاقد مع بوكير ( تاني ؟!!!!!!.. جوز الست ) اللي كان بيدرب الإسماعيلي وحالياً يُدرب فريق الكويت الكويتي وبيحقق معاه فشلات مستمرة ... ومعاه هايكون جمال عبد الحميد مدير كرة ... وربنا يستر ..

خليهم بس يعدوا النهاردة وبعدين نتكلم .

[se_ Elsyed]

عملوها الوحوش ..

صعد الزمالك لبطولة الكبار ودور الثمانية لبطولة أفريقيا .. وهاتبدأ المعمعه والضرب في جميع الإتجاهات وخصوصاً إن اللي وصلوا لحد دلوقت عتاولة " الأهلي ، الترجي ، النجم الساحلي ، أنيمبا ، الزمالك ، الرجاء البيضاوي ، ولسه فيه إتنين ما تحددوش )

مبروك للزمالك ، مبروك لمصر صعود فرقها الأربعة في إنجاز مُشرف وعقبال ما يكملوا بنفس القوة .. وأي فريق فيهم ( حتى لو الزمالك :) ) هايكسب بطولة ده شيء بيشرفنا ويبعث السرور في أنفسنا .

[محمد شلبى]

الف مبروك لكل الفرق المصرية

والله يا سى السيد انا فرحت امبارح للزمالك انه وصل(طبعا انت عارف ليه :) )

بس بجد فرحت لانهم قدموا ماتش كويس واعتقد ان الكورة فى مصر من غير زمالك ما تنفعش.

واكتر حاجة عجبتنى امبارح منظر القبانى وهو بيطفش كل كورة توصله :)

[se_ Elsyed]

والله يا سى السيد انا فرحت امبارح للزمالك انه وصل(طبعا انت عارف ليه :) )

<{POST_SNAPBACK}>

لأ مش عارف ؟!! ( وش واحد بيتخابث )

وإذا كنت تقصد إني عارف إن لو الزمالك جه في مجموعتنا يبقى كده ضمننا الست نقاط ( إسماعيلية رايح جاي ... ) فمش هاسمح لك يا دكتور محمد تظن بي الظن السيء ده فمازالت تربطني صداقات وعلاقات طيبة بفلول من الزملكاوية الهاربين أمثال مُحبط وموديس ومحمد أبو زيد قبل ما يطلع معاش.. لإن مهما كان الزمالك فريق كبير - في السن - ومش عشان الأسد عجز يبقى القرود تتنطط على قفاه :)

يارب الزمالك ييجي في مجموعتنا يارب ..  :D

[theblackpirate2005]

عم سى السيد انت عارف اوان عارف ان الزمالك السبب اللى خلاه يقع الوقعه السوده دى ان الفرقه طول الدورى والبطوله العربيه كان على طول بيلعب مين غير اللعيبه الاساسين بتوعه والنجوم بتوعه كانوا متعورين واولهم حازم وطارق السعيد وجمال وتامر وابراهيم سعيد يعنى اللى لعبوا طول الدورى حاجه واللى لعبوا دلوقتى فى البطوله الافريقيه واللى هيلعبوالسنه الجيه حاجه تانيه وانت شفت بنفسك فى اخر ماتشن لما الفرقه كملت (وهى لسه ناقصه طارق لما يدخل الفومه بتعته وتامرل لما ربنا يشفيه ) شكلها بقى عامل ايه بقى اسود فى الملعب فيا ريت تنسى حكايه السته بنط دول اللى انتوا ضمننهم لو انتوا لعبتونا عشان بالوضع الجديد اللى احنا بقينا فيه ممكن الاهلى يغلب الزاملك وممكن الزمالك يغلب الاهلى عادى جدا وبلاش غرور يا ابو السيد ليجرالك حاجه لما نلعبكم ونغلبكم رايح جاى :angry:

[se_ Elsyed]

لما نلعبكم ونغلبكم رايح جاى  :angry:

<{POST_SNAPBACK}>

بكره نقعد على الحيطه يا قرصان ..

وعلى العموم إحنا هانعمل لكم تيست بسيط الإسبوع الجاي .. أعتقد في مباراة لإعتزال خالد الغندور والأهلي هايشارك مجاملة ويلاعبكم .. وسمعت إنه هايسب لكم 3 أهداف وبنالتي ( وبرضوا هانغلبكم ) :angry:

[yasovinas]

ومش عشان الأسد عجز يبقى القرود تتنطط على قفاه 

قصدك مين بالقرود يا ابوعمر :blush:

(وشهد شاهد)