شركة جديدة للموبيل في السعودية

[se_ Elsyed]

معلومات عن بعض الخدمات التي ستقدمها شركة اتصالات الإمارات لمشتركيها في المملكة العربية السعودية:

1 - سيكون ابتداء الرقم بـ (06 أو 09) وسوف يتمكن المشترك من اختيار الرقم الذي يريده من خلال قائمة تحتوي على ثلاث فئات

(رقم ذهبي - رقم فضي - رقم برونزي عادي) ولكل رقم سعر معين.

2 - سعر الدقيقة (0.25 هلل) أي أربع دقايق بريال وهناك خدمة جديدة باشتراك معين سيكون فيها سعر الدقيقة (0.10 هلل) للفترة من( 1 صباحا حتى 7 صباحا) وستكون الرسائل خلال الأعياد مجانا.

3 - بالنسبة لشرائح الدفع المسبوق ستكون اسعار شحن الجوال (10-20-50-100-200 ريال) وسيتمكن للمشترك نقل او شحن مبلغ معين من جوال الى جوال اخر.

4 - ستصدر الفواتير كل شهرين وستكون مفصلة تفصيلا شاملا لجميع الارقام الصادرة والمستلمة وكذلك التي لم يرد عليها بأوقاتها ومدتها وكذلك للرسايل المرسلة والمستلمة بتفاصيلها.

5 - الاتصال الدولي والتجوال الدولي مجانا من غير رسوم تأمين.

أفاد مسئول في شركة إتحاد إتصالات ، أن الشركة تعتزم تقديم خدمات جديدة للمشترك ، من بينها خدمة الصرف الآلي عبر الجوال ، مما يمكن الشخص من إجراء خدمة الصراف الآلي من أي مكان داخل تغطية الشبكة ، وهذه الخدمة غير متاحة في شركة الاتصالات السعودية

كما تعتزم شركة إتحاد إتصالات في السعودية ، تنفيذ العديد من الخدمات الجديدة ، والتي تقوم الآن بتنفيذها في دولة الإمارات العربية المتحدة .. من بينها ميزة تتيح للمتصل مشاهدة المتصل عليه ، وهذه خاصة بمالكي الأجهزة المزودة بالكاميرا الجيل الثالث فقط .

وهذه بعض الخدمات الإضافية:

1 - (خدمة تحديد الموقع عبر الهاتف المتحرك) طبعا بعد ما تشترك في الخدمه و يشترك الطرف الآخر تقوم بإدخال رقمه في موقع خاص لهذه الخدمه و سيظهر لك في ثواني معدوده موقعه بالتحديد على خريطه واضحة المعالم و المسميات و حتى لو تحرك من مكانه بإمكانك إقتفاء أثره و لكن بشرط أن يوافق الطرف الآخر على طلبك لتحديد موقعه.

2 - (خدمة موبي- توكي ) متوافقه مع بعض الإجهزة المزوده بزر للتحدث بالجوال على طريقة اللاسلكي و بالإمكان التحدث بطريقة جماعية تضم 150 شخص في نفس الوقت و تغطي كافة أرجاء الدولة .

3 - (خدمة البريد) وظيفتها عجيبة تجعل بريدك في الخدمه و بعدين إذا حد أرسل لك رسالة بالعربي أو بالإنجليزي عليك انك تتصل على رقم معين و بعدين بتسمع واحد يقرأ لك الرسالة المرسلة لك بالصوت.

4 - (خدمة الباقات التلفزيونية) على هواتف الجيل الثالث ... وهو استقبال قنوات فضائية و مشفره أيضاً على هاتفك.

[Modest]

ربنا يكرمك يا س س B) .... دايماً مصدرنا الاساسي في معرفة كل جديد في السعودية

انت شغَّال في البلدية؟ :angry:

[Mohammad Abouzied]

اتشه تيجا

[se_ Elsyed]

انت شغَّال في البلدية؟  :angry:

لأ في الصرف الصحي B) tot::

أصل بصراحة غالبية مستخدمي الهاتف بيعانوا الآمرين من شركة الإتصالات السعودية .. وده وضع طبيعي في ظل نظام الإحتكار واللي مش عاجبه يخبط راسه في الحيط او في الجدار زي ما بيقولوا ...

فالسوق السعودية كانت في حاجة إلى منافس خارجي من القطاع الخاص من اجل تقديم خدمات أفضل ومن أجل ان يتأدب بتوع الإتصالات اللي أذاقونا الويل .

بس يا خسارة الشركة الجديدة هاتشتغل في الموبيل بس

[Mohammad Abouzied]

لأ في الصرف الصحي

الصرف الصحي تبع وزارة الكهرباء والمياه وشركة الكهرباء تبع نفس الوزارة

امال انا ما بعرفشي الحاجات الحلوة دي زيك ليه ولا بتوع الصرف الصحي ليهم امتياز عن بتوع الكهرباء :)

[ابو خليل]

المهم سعر المكالمة الدولية لمصر يا سيدي ‍‍‍؟؟؟

وفيه اوقات تخفيض ولا لا؟؟

علشان الغلابا امثالي ؟؟

كمان متي موعد صدور بطاقات (موبايلي ) ‍‍

[se_ Elsyed]

المهم سعر المكالمة الدولية لمصر يا سيدي ‍‍‍؟؟؟

وفيه اوقات تخفيض ولا لا؟؟

علشان الغلابا امثالي ؟؟

كمان متي موعد صدور بطاقات (موبايلي ) ‍‍

لا اعتقد أن للمكالمات الدولية دخل بالشركة الجديدة ...

دي تعريفة بيقى مُتفق عليها من الجميع

[ابو خليل]

لكن المنطق بيقول ان المنافسة بتقلل السعر ..

لاحظ ما احدثته ( الإتصالات السعودية ) من تخفيض في سعر المكالمات والرسائل من فترة ..

علي فكرة بدأ التشغيل التجريبي لشريحة ( موبايلي ) يوم الإثنين الماضي ..

وأعطو عينة من الأشخاص شرائح لتجريبها وتشغيلها ومعهم استمارات لتسجيل اراءهم ..

وحاولت الحصول علي شريحة تجريبية .. علشان ببلاش ..

ومعرفتش ..

اصلها بالواسطة ..

جاتنا نيلة ..

[se_ Elsyed]

لكن المنطق بيقول ان المنافسة بتقلل السعر ..

في الحالة دي بالذات لأ يابو خليل .. يكفي إنهم هايستخدموا البنية الاساسية لشركة الإتصالات السعودية في بداية عملهم لإن الموضوع ده هايستغرق و قت طويل لكي يكونوا مستقلين ...

وبعدين في إتفاق بينهم وبين شركة الإتصالات على عدم ضرب الأسعار .. لذا الكل هايلعب في موضوع الخدمات والمزايا الإضافية ... وهما لو بدأوا صح يبقى هايعملوا شغل حلو لإن الجميع مخنوق من شركة الإتصالات السعودية التي تتعامل مع الناس بمنتهى الصلف والغرور ولا تُفرق بين عميل مهم واخر سكرته وتضع الجميع في موضوع المتهم حتى يثبُت العكس...

يا مؤمن شركتنا لديها أكثر من 400 خط موبيل وعشرات من خطوط الهواتف الثابت وخطوط الهواتف المجانية 0800 والدوائر الإلكترونية التي تُستخدم في مجال الإنترنت ... ومع ذلك ولا هما هنا وفاتحين لمثل تلك الشركات إدارة إسمها كبار المشتركين ولكن مازالوا يُعاملوننا على إننا من صغار القوم ومش إحنا بس ولكن الجميع ... ليه بقى ؟

بكل بساطة لإن ماعندهمش حد كبير تكلمه ... ومافيش كوادر مؤهلة وعاقلة تقدر تتحدث إليها وتشرح لهم ما تعانيه من مشاكل .... وما فيش غيرة على العمل ... وهما كانوا مطمئنين إن مافيش حد يقدر ينافسهم .. تصدق بالله ؟ لما كانت بتحصل مشكلة كنا نُرسل موظف لدينا لمناقشة تلك المشاكل معهم أو لتقديم طلبات خدمات جديدة .. ولكن فجأة من اكثر من سنتين طلعوا قرار ديكتاتوري قراقوشي بيقول إن الشخص اللي تبعته الشركة لابد أن يكون سعودي ( عليه الصلاة والسلام :ph34r: ) ... طب ليه يا شركة الإتصالات ؟ وإنتوا مالكم سعودي ولا موزمبيقي ؟.. مش اهم حاجة يكون فاهم وخلاص ويكون معاه تفويض من الشركة ؟ لأ هو كده take it or leave it وطج راسك في أقرب جدار.... وعيش بقى مع الموظفين السعوديين اللي بنعينهم عشان الشغلانه دي فقط بيعملوا فينا إيه عشان تفهمه إنت عايز تقولهم إيه ولازم يبقى جنبك دوا الضغط ومعجون السنان ورقم التليفون الخاص والمباشر للدكتور مجدي يعقوب عشان الذبحات الصدرية المفاجئة .. بالَافة إلى إن لا يفل الحديد إلا الحديد ... إنت عارف لما يكون موظف سعودي وبيتعامل مع اخر سعودي شوف بقى التناحر والتكبر اللي بيحصل بينهم وبتوصل في بعض الاحوال إلى تحدي وإحنا اللي ندفع ثمنه وكثير من الاحيان يبعتوا لنا تهديد بعدم التعامل معانا لو بعثنا فلان الفلاني اللي بيتابع معاهم ....

لكن شركة إتحاد الإتصالات الإماراتية اعتقد إنهم هايتلافوا كل تلك الأخطاء وهايشتغلوا بعقلية الإماراتيين المتفتحة والذين لا يفرقون بين جنسية وآخرى .. ويكفي إنهم هايبدأوا من حيث انتهت شركة الإتصالات السعودية

ولكن مع الأسف مجال المنافسة سيكون في الموبيلات فقط ... لإن الإتصالات السعودية مازالت تحتكر الخدمات الاخرى مثل خطوط الهواتف الثابتة وخطوط الإنترنت ... إلخ

[ابو خليل]

عموما يا سي سي

انا حاطط ايدي في المية الباردة ..

وعمال اتفرج عليها !

اصل انا خلاص حولت كل مكالماتي علي نظام ( تبوك )

اكيد سمعت عنه ..

الدقيقة يا ريس بمصر بـ 1.20 ريال ...

مع أخلص تحياتي للشريحة المصرية الجديدة في السعودية ( شريحة تبوك )!!!!!!

[se_ Elsyed]

لدقيقة يا ريس بمصر بـ 1.20 ريال

- الناس كده بيشتغلوك يابو خليل .. فكل الدنيا هنا بتتكلم وبتحاسبهم على ريال واحد للدقيقة والدفع حين ميسره كل شهر أو كل كام إسبوع ...

وإمسك أعصابك لما أقولك إن هناك خلايا أخرى في تبوك الدقيقة عندهم بـ 60 هلله ...

اصل انا خلاص حولت كل مكالماتي علي نظام ( تبوك )

خلي بالك برضوا إن المكالمات الدولية المباشرة لا غنى عنها ليه بقى :

1- إن تليفونات خلايا تبوك بتكون مشغولة في معظم الأوقات ، يبقى عايز لك تليفون بقى فيه ريدايل وتفضل نايم جنب التليفون لحد ما يشبك معاك الخط .

2- الناس بتوع الخلايا دول عشريين جداً ، وولاد حلال فبيعيشوا معاك اللحظة بلحظتها ، يعني لو متصل إنت وبتتكلم في حاجة كونفيدينشال ، طبعاً بيسمعوا كل اللي إنت بتقوله وبيسمعوا الرد .. وبالتالي ممكن يتدخلوا في حل مشاكلك والمساهمة في رفع المعاناه عنك ( وش واحد بيضحك ) يعني مافيش سرية في المكلمات لأنها أشبه بالكونفرنس كول كده .. أما لو بتتصل تسولف أي كلام في أي كلام وتعيد على الناس وتحكي فبتبقى مناسبة ..

تحياتي ،،،

وأخيراً عشان نوضح للناس يعني إيه تبوك وإيه الخلايا والكلام الجامد اللي يخلي أمريكا تيجي تضرب موقع المحاورات :

- الموضوع وما فيه إن هناك العديد من المصريين ذوي العقول الجهنمية قاعدين في السعودية بمنطقة تبوك تقع في شمال المملكة وتبعد تقريباً حوالي 200 ك عن البحر الأحمر الفاصل بين مصر والسعودية .. والناس دي ما بتشتغلش حاجة غير إنهم جايبين معاهم العديد من خطوط البيزنس المصرية سواء أم نبيل أو فوده فون ... ومركبين مقويات إستقبال للسيجمل ( signal ) فيقوم إيه يكلم مصر من السعودية على إنها مكالمة داخلية من أم ربع جنية ( ما هو خط بيزنس بقى عقبال أمليتكم ) ...

طيب إحنا إيه دورنا بقى ؟

فدول بيبقى معاهم برضوا خطوط موبيلات سعودية ولهم ناس معارفهم منتشرين في أنحاء المملكة وبيعملوا دعاية للناس بتوع تبوك، وكل واحد بيبقى مسئول عن خليه ..

يعني تلاقي منطقة شرق الرياض مثلاً المسئول بتاعهم إسمه " أبو خليل .. المُكنى بأبي مصعب المحمولي ) وهو بيجند زباين للموضوع ده نقول 10 مثلاً .. الناس دي لو عايزة تتصل على مصر في أي وقت تقوم تتصل الأول بالموبيل السعودي اللي مع قائد الخلية بتبوك أو أحد مساعدية .. ويقولوا على الرقم اللي عايزه سواء ثابت أو محمول وفي أي محافظة مصرية .... بعدين هو بيعمل كونيكت بطريقة معينة بالنمرة الي إنت عايزها في مصر وتلاقي مثلاً أخوك بيسألك : إيه ده إنت بتتكلم منين يا عيسوي ؟ دي في نمرة مصرية ظاهرة عندي ( نمرة مين ... ؟ عليكوا نور النمرة المصرية الللي مع القائد ) ... وفي نهاية كل شهر تلاقي أبو مصعب المحمولي باعت كشف حساب لكل زبون من أعضاء خليته ويلم الغله منهم ويحطها في حساب البنك الخاص بقائد الخلية ..

يبقى القائد كده الدقيقة كلفته ربع جنية وهو حاسب الناس على ريال يعني 1.55 ج ويضرب الفرق اللي هو جنية وربع للدقيقة في جيبه .... وقشطة يا ريس ويعمل دخل ولا أجدعها مدير بينحر في أعصابه طول الشهر عشان بضعة دراهم معدودة ....

وسلم لي على أحمد نظيف وزير الإتصالات السابق أو طارق كامل الوزير الحالي ...

[ابو خليل]

أخي العزيز ...

عمي

سي السيد

استاذي ..

لافيني بخط من أبو 60 هلله !

لأن اخر ما توصلت اليه هو 85 هللة !! ويبدو أن أبو خليل اخر من يعلم !!!

لافيني يا سي السيد

( وش واحد ممعاهوش فلوس وعايز يتصل بخطيبته من 3 أسابيع والرواتب متأخره !!!))

[se_ Elsyed]

أخي العزيز أبو خليل ..

أبشر وأنا أخوك ..

هاجيبلك أرقام الإتصال بالخلايا دي وماليش دعوة لو اتقفشت .

[ابو خليل]

فين يا عم ؟؟

مستني بقايا اسبوع ..

ما تبعث لي بقي الرقم ..

وخذ بالك :

اللي ياكل لوحده ... ( )