حالة هيام

[محسن احمد عليوة]

كل النجوم

كل النجوم سهرانه تحلم بك معايا

حتى القمر والليل ومن جنبه الشجر

حبوا غنايا والسهر

عشقوكى من كتر الكلام

الكل سهران جنب منى

عمال بيسمعنى اما اغنى

بيدارى فينا لما باخدك جوه حضنى

لما بنتوحد كروح

الكل وف حالة الهيام

بيكونوا غاية فى الانسجام

بيغنوا نفس اللحن ..

ويقولوا فى نفس الكلام

الكل نام ..

عمال بيحلم بينا واحنا طايرين بجناحين

فاردين ايدينا وبعنينا الكل شايف الكون جميل

شايفك صبيه بيداريها الليل كأنه ملاية لف

حتى النجوم علشان عينيك ..

مرصوصة صف .

شعر / محسن احمد عليوه

عضو عامل لقصر ثقافة نعمان عاشور :angry:

[daktara]

شعر / محسن احمد عليوه

عضو عامل لقصر ثقافة نعمان عاشور

يا سلام بتخوفنا يعنى عشان نقول عليك شاعر

لا بقى احنا ما بنخافش

لكل سهران جنب منى

عمال بيسمعنى اما اغنى

يعنى قاعدين جنب منك على الكنبه

يا عم محسن الشعر حاجه تانيه خالص غير ده

[bentmasria]

:::::::::يا سلام بتخوفنا يعنى عشان نقول عليك شاعر

لا بقى احنا ما بنخافش

لكل سهران جنب منى

عمال بيسمعنى اما اغنى

يعنى قاعدين جنب منك على الكنبه

يا عم محسن الشعر حاجه تانيه خالص غير ده :::::::::

فعلا يا استاذ محسن

يمكننا ان نطلق على مشاعرك الجميلة لفظة خاطرة ادبية

ومما لا شك فيه انها تصور حالة هيام او وجد جميلة ورقيقة سنسعد جميها بقراءتها

لكن خانتك الادوات الخاصة بالنظم الشعرى بمختلف اتجاهاته ففقدنا الموسيقى الخاصة بالابيات

ارجو ان تتقبل نقدنا بصدر رحب انما نريد لك الافضل ولسنا بافضل منك فكلنا يتعلم كل يوم

انتظر لك الافضل وننتظر الجديد