اتصرفتوا ازاي؟؟

[بنت شعنونة]

اسمع كتير عن المشاكل اللي بتحصل قبل الزواج بكام شهر

وانه الفترة دي بتكون فترة توتر عااااااااااااالي جدا

وانه معظم الأنفصالات بتتم فيها من شدة التوتر و التنشنة!

الكلام دا بجد؟

ولو بجد..

طب ليه بيحصل كدا؟

مع انه مفروض تكون الفترة ديفترة سعيدة

تكون شقة الزوجية و الأستعداد للزواج و الحياة الجديدة

ليه بتكون متوترة؟

واتصرفتوا فيها ازاي؟

[yasovinas]

والله يا شانا انا اول مرة اسمع الموضوع ده منك انت بس هو يمكن ينطبق على حالات الزواج التقليدي وممكن يكون السبب بعض او كل ما يلي

شعور الطرفين باقتراب الانتقال لحياة جديدة

القلق مما سوف يكون عليه الوضع بعد نرك بيت الاهل

القلق من اقتراب تحمل المسؤوليه

نقص او لنقل هروب المال وتسربة من بين الايدي طبعاً بسبب التجهيز للبيت والفرح وما الى ذلك وطبعاً الشعور بالزنقه المادية يؤدي تلقائياً الى التوتر

وايضاً اظن والله اعلم انه يكون هناك توتر عائلي بالنسبة للفتاه اكثر من ناحية الام والاب والناتج عن شعورهم بالقلق والحزن لترك ابنتهم المنزل وهذا ينتقل على الابناء

ام كيفية تجاوز كل هذا فهو بسيط ومعقد جداً وهو الحب والمودة بين العرسان فبحسب هذه العلاقه يمكن تجاوز هذه المرحلة

اللي انا اعرفه ان بعد الزواج بعام واحد هي اصعب فترة في الزواج واكثر فترة تكون فيها شجار ونقار بين الازواج ربنا يهدي كل الازواج ويبعد عنهم الشجار يارب

[Scorpion]

حلاوتك يا ياسو .. راجل متجوز قديم و عارف...

انت قلت بالظبط كل اللي كنت حقوله... و بالذات نقطة اول سنة بعد الجواز دي...

ليه .. لأن فترة التوتر دي طالت او قصرت حتخلص يعني حتخلص.. و يوم الفرح حييجي يعني حييجي ...

لكن بعد الجواز ( مش علي طول يعني )... خليي أول اسبوع يعدي .. و كل واحد حيحاول من غير ما ياخد باله يفرد شخصيته علي التاني .. ده طبيعي جدآ ...

و انا متعود مسلوق .... لأ انا بحب المقلي ..

الكومودينو د هنا شكله وحش..

ليه هو ذوقي وحش

مش عارفة انام من الشخير...

ما ترميش هدومك ال..بيييب... علي الكرسي و حطها في الغسالة..

ما تيجي نخرج .. لأ ما بحبش الخروج..

فين الكرافتة الزرقا ... ما فيش حاجة في مكانها ..

يمين.. شمال .. فوق .. لأ تحت...

و هوباااااااااا تلاقي الخناقات أبتدت...

هنا تفرق الحكمة في الأول .. و الحب في المقام التاني ...

اما لو دخلت في عند و كرامة ... تبقي العملية باظت...

و هي أول سنة يا شانا .. و كل واحد حيعرف بعد كده شخصية التاني بجد و علي أي اساس ممكن يتصرف في أي مشكلة... بعدين العيال تيجي و مش هيبقي عندكم وقت من أساسه تتخانقوا فيه...

بس صدقيني .. أحلي خناق في الدنيا ....

والله و حتتجوزي يا شانا و حنفرح بيكي..

rs:

[بنت شعنونة]

هههههههههههههههههه

والله هم يضحك وهم يبكي يا سكوب... rs:

بس ماشي..

لايا سيدي

مش باينلي جواز خاااااااااااااااالص

بس الحمدلله على كل شيء..

نيجي للجد

سسسسسسسسسنة؟؟؟؟؟؟؟

يااااااااه

دا عمر بحاله

مش كتير شويتين يعني سنه عشان اتنين يعرفوا بعض؟

يالله

اهوكله خنااااااااااق

[Ahmed Mohsen]

بصي بقي يا ستي ....

أنا هانقلك تجربتي المتواضعة في الجواز بما إني لسة متجوز جديد بقالي 9 شهور وبما إننا شباب زي بعض ونعتبر قريبين في السن (انا ماشي في ال27 وعارف إنك ماشية في ال18 rs: )

إسمعي يا شانا .....

هاقولك بس بكرة .... أصلي خلاص هامشي من الشغل دلوقتي ....

مش عايز ضرب s-:

[ماجد]

شوفى يا ست شانا

انت بتسألى عن الفتره ما قبل الجواز ....

انا ماشفتش جوازه مافيهاش مشاكل ....... الا جواز المصلحه

يعنى الوضع الطبيعى يكون فيه مشاكل مش العكس

لو العكس يبقى لازم تقلقى .

نوعية المشاكل دى اما ماليه أو توافقيه أو عاطفيه .

الماليه : عارفينها وهى رغبة طرف او الطرفين فى استغلال الطرف الآخر بحق أو بدون حق .

التوافقيه : و تعنى اختلاف الطباع لأختلاف البيئة و طريقة التربيه .ايضا اختلاف الممنوعات و المسموحات للطرفين .

العاطفيه : و تعنى ارتباط أحد الطرفين أو كلاهما بالأب أو الأم بصوره مبالغ فيها أو العكس ارتباط الأم أو الأب بطرف ارتباط مرضى .

حل جميع هذه المشاكل - أو عدم حلها - يتوقف على حاجه واحده : فترة الخطوبه

أخبرينى كيف يستغل الطرفان فتره الخطوبه اخبرك بكيفية حل هذه المشاكل و اكتر منها .

اذا استغل الطرفان هذه الفتره للفسح و اظهار احسن ما عنده ... يبقى باى باى .

اذا استغلها الطرفان لوضع قواعد و اسس البيت و اظهار الأمور جميعها بصراحه و الترابط فيما بينهما ضد باقى العيلتين يبقوا وضعوا اساس متين جدا للبيت الجديد .

و باعتبارى - وبلا فخر - أحد حلالى المشاكل العائليه فلقد مررت بأشكال و ألوان من هذه التجارب و كل مشكله و لها حل اذا اراد الطرفان و بصدق هن يجدوا حلا .

و لأن مافيش قواعد ثابته غير اللى قلتها . فأتعامل مع كل حاله على حده .

أما مشاكل السنه الأولى من الزواج فهذا موضوع آخر لكنه حله فى الأساس يأتى من فترة الخطوبه .

نصيحه أخيره : يجب أن لا تقل فترة الخطوبه بأى حال من الأحوال عن ستة شهور ( فى حالة وجود معرفه عائليه مسبقه و قويه ) و لا تزيد عن سنتين ( فى حالة عدم وجود معرفه قويه )

تمام و الا ازيد الأمور ايضاحا ... rs:

[بنت شعنونة]

عرفت انه لازم يكون فيه مشاكل

انما لما ناس تقف لكل طرف ونحسسه انه صحححححححح جدااااا

انا بكره الموضوع دا اوووووووووي

يعني مثلا تيجي عاوز تحط التلفزيون جنب الباب وجوزها عاوزه تحت التلفزيون وكل واحد محكم رايه لسبب هوا شايف انه مقنع جدا وكلها اسباب عملية يعني الشمس الصوت طريقة القعدة كدا يعني

تتحل ازااااااااااي بقى المشاكل العبيطة دي؟؟

وبعدين حضرتك بتقول الحل في فترة الخطوبة

طب لو كانوا واضحين جدا مع بعض

لكن

مش بيشوفوا بعض اصلالالالالالالالالالالالالالالالالالالالالالالالالالالالالالالا

يبقى ايه الحل!

اففففففففف

كاتها خيبة اللي عاوزة عيال

[Sherief AbdelWahab]

في مباريات الملاكمة ، محدش قال قبل الجواز ، بيفكر الحكم كل من المتنافسين بقواعد وأصول المباراة قبل اللعب ، رغم إن كل واحد فيهم حافظها عن ظهر قلب..

المشاكل ، وأنا أقولها كشخص أعزب ، تظهر لأن الطرفين أو طرف فيهما ينسى أحياناً بعض تلك القواعد..

مثلاً..

أنا اتفقت مع زوجة المستقبل إننا نعمل البيت بسيط ، ونجمع كل حاجة مع الوقت مع البدء بالحد الأدنى..

تيجي تهنج أو أهلها يهنجوا قبل الفرح بأسبوع على حاجات هايفة ، ليه؟

أنا شخصياً مع سكوربيون و ياسو في الحتة دي قلباً وقالباً: الضغوط بتنسي.. وأضيف: الجواز بالذات لازم يتاخد بهدوء وبأقل ضغوط ممكنة ، مش شرط يعني حالة الطوارئ اللي بتسبق الجواز مباشرة.. زي اللي حصلت لما أخويا اتجوز.. والله أعلم..

خلص الكلام

[ماجد]

أقربلك المواضيع شويه .

الشخصيات الأنسانيه أنواع . و عشان كده لازم كل طرف يستغل فتره الخطوبه لمعرفة الطرف الآخر و لكى يتيح للطرف التانى أن يعرفه .

و المثل يقول لا تكن لينا فتعصر و لا يابسا فتكسر .

و كما يقول القانونيون : ان القانون لا يشغل نفسه بالتوافه . فيجب أيضا أن لا نشغل أنفسنا بها .

يعنى أحط التلفزيون هنا ولا هنا هاتفرق ايه . يقوم أحد الأطراف يصمم على رأيه و ياخدها كرامه . ده نوع من الشخصيات لازم أبدأ اراقبه أكتر .

اذا وجدت انه على طول الخط يمشى كلامه بسبب و بدون سبب يبقى الموضوع محتاج وقفه مع هذا الطرف و مواجهه بهدوء .

الأهل ساعات ينصحون اولادهم بنصائح مدمره . أوعى تخليها تمشى كلامها عليك يروح العريس متخن دماغه فى الصغيره قبل الكبيره .

و لذلك فالطرف المرتبط بأهله بشكل مبالغ فيه ..... بصراحه قلته أحسن .

ايضا مبدأ توحيد القياده مبدأ مهم . مين القائد فى البيت لابد و أن يكون الرجل و لكنه يجب أن يكون ديكتاتور عادل يعنى ايه . يعنى ياخذ رأى الطرف الآخر فاذا اقتنع كان بها و ان كانت الأخرى يمشى كلامه لأن ريسين فى البيت ... يغرق .

فى موضوع زى اللى ذكرتيه بتاع التلفزيون مثلا ... ممكن كذا حاجه تتعمل :

1) ممكن اقول للطرف الثانى ... أصلى نفسى يكون هنا و اراقب رد فعله . فاذا فضل أن يرضينى كان بها و ان رفض فاحسبها نقطه عليه .

بس مااستعملش الطريقه دى على طول و انما فى الحاجات المهمه أو الأختباريه .

2) ممكن اقوله انت عاوزها هنا ليه ... فاذا كانت بتوجيه خارجى هايبان و هنا احسبها نقطه عليه . ولو أقنعنى بالسبب أو قاللى نفسى تكون هنا . اقوله علشان خاطرك بس و ييجى الموضوع بلين و اراقب الموضوع التالى هايتصرف ازاى .

لكل ما سبق قلت أن فترة الخطوبه مهمه و اساسيه مش علشان الفسح انما هى فتره اختبارللتوافق بين الطرفين .

لو فيه حاجه مش واضحه اسألى و فتحى لى نقاط للرد .

تحياتى