استفسار بخصوص عقد عمل بالكويت ...

[Capotchino]

السلام عليكم ورحمة الله وبركاته

ازيكم اخواني الكرام يارب يكون الكل بألف خير وعافية

استفساري بخصوص عقد عمل بالكويت

انا خريج حقوق بس جايلي عقد بالكويت على شغل في مكتب طباعة ونسخ

المرتب 130 دينار والسكن والمواصلات والاقامة وتذكرة طيران على حساب الشركة

محتاج رأيكم هل الرابت ده يكفيني في بداية حياتي هناك ان شاء الله ولا لا مع العلم اني اعزب

وهل فعلا مش هينفع بالراتب ده اطلع رخصة قيادة زي ما قرأت من مشاركة احد الاعضاء الافاضل انه لازم يكون الراتب فوق 250 دينار ؟

وهل ممكن بعد انتهاء مدة العقد مثلا لو لاقيت شغل تاني انقل عليه ولا مش هينفع ولازم موافقة وكده؟

انا عارف انه مش مجالي بس اهو الواحد قال حاجة يبدأ بيها طريقه والرزق على ربنا

بالله عليكم لو حد عنده نصيحة ميبخلش بيها ..

وجزاكم الله كل خير

تحياتي

[Capotchino]

معقولة 71 مشاهدة ولا رد واحد

[حسام الغرباوي]

لو مقفولة قدامك في مصر سافر

مصاريف هتكون في حدود 40 الي 70 دينار حسب شخصيتك ومصاريف الخاصة وكدا يعني كمتوسط ممكن توفر 70 دينار = 1500 جنية

هو راتب اقل من المتوسط ...لو تعرف توصل لراتب 150 يبقي معقول

بخصوص الرخصة ..لازم يكون راتبك 250 فعلا بس ممكن صاحب الشغل يديلك خطاب ان راتبك 250 او اكتر تطلع الرخصة بالخطاب دا

[Capotchino]

الف الف شكر يا استاذ حسام على ردك هو ممكن ان شاء الله يوصل 150 بالحوافز لأنه قالي ان في حوافز زيادة على حسب شغلك وكمان نسيت اقول ان الشغل 10 ساعات

كل عام وانتم بخير

وتسلم مره تانية لردك كفيت ووفيت :)

تحياتي

تم تعديل 15 يوليو 2013 بواسطة Capotchino