ها توحشني..

[بنت شعنونة]

عمري ما قابلتك..

و عمري ما شفتك..

لكن بحبك..

لما عرفت انك عيان زعلت..

ولما شفتك بعد مرضك على المسرح..هربت..

ولماقالوا انك في الأواخر.. حزنت..

سمعتك وانت بتتكلم يومها عن الحياة..

وحسيت بيك اوي..في كل نفس وكل آه..

كنت بتحاول تبان انك كويس.. بس لا..

ها تضحك ع الناس كلها.. الا انا..

وبرضه بحبك..

رغم كل اعتراضاتي عليك

و منايا ان ربنا يهديك..

بس ما قدرتش امنع دعواتي ليك..

طول عمري المح الحزن في عنيك..

يمكن دا اللي حببني فيك؟

او يمكن لآنك فعلا انسان حساس.. مهما قالوا عليك

وبرضه بحبك

عاوزة اخد بعضي واجي ازورك..

اطبطب عليك والمس ايديك.. واقف جنبك

بس خايفة ومش عارفا..

وبحبك...

احمد زكي..

[رعد الاسكندرانى]

انا بضم صوتى لصوتك واقول ربنا يشفى كل مريض مش بس احمد زكى

لان الدنيا فيها كتير منه ومش لقين الى يعبرهم لانهم غلابه ومحدش ضامن حياته شكلها ايه

وربنا يستر علينا كلنا

وشكرا للبنت الشعنونه مره تانيه على احاسيسك النبيله الى احنا محتاجينها بجد اليومين دول

[optimistic]

الله يا شانا

قلتي اللي نفسي اقوله

[هشام الجنيدى]

ربنا يشفى الجميع

ويتوب على الجميع

ويهدى الجميع

[بنت شعنونة]

رعد.. اوبتي.. هشام

ربنا يكرمكم ويستجيب دعواتكم لكل مريض ان شاء الله..

لس انا فعلا بحب احمد زكي جدا جدا

وها اموت ازورة

عشان اكون جنبه

مش عارفا ليه

حاسا انه فيه حاجات اعرفها ممكن لو عملها تخفف عنه

رغم اني يوم عن يوم اتصدم فيه

لكن بحبه!

زي خبر انه عاوز جنازتة تتصور فيديو ومن مخرج بعينه!

ليه

ها ياحد الفيلم معاه في الأخرة!! :(

[هشام الجنيدى]

حقا الاخسرين اعمالا هم كما قال الله تعالى

(الذين ضل سعيهم فى الحياة الدنيا ويحسبون انهم يحسنون صنعا)

ادعو الله للجميع بالهدايه وان لا نكون من الاخسرين اعمالا

قولو أامين..................