امتى هانخلص بقى ؟؟

[pink rose]

هو اللي احنا فيه دا هايخلص امتى ؟؟

دا لو كان هايخلص اصلا

انا زهقت فعلا و اعصابي تعبت

ايه كمية الكره و الغل و الانقسام و الفرقة اللي بقينا فيها دي

الانقسام طال البيوت

الاستعلاء مالي الدنيا

بجد قرفت

كل ما حد يفتح بؤه و يقول رأيه تلاقي عليه هجوم بشكل يغم النفس

النهاردة مثلا شيف مشهورة جدا اكيد تعرفوها نرمين هنو كاتبه رأيها على صفحتها

الناس داخلة اسفة في اللفظ زي الكلاب بينهشوها

انتي اصلا لا عندك دين و لا اخلاق خاليكي في الاكل احسنلك ما تخليناش نكرهك

ايه دا .. ايه القرف دا

الامثلة كتير

معتز بالله عبدالفتاح خلااااااص بافتح الصفحة بتاعته بقيت حافظة التعليقات اللي بتتكتب في ثواني كانها كوبي باست و كلها اهانة و تهزيق و قلة ادب

في محيط العيلة باقول لحد قريبي هو ينفع الحريم دي كده تبات في الشوارع و باتكلم فعلا عادي انا متضايقة عشانهم لاني باحط نفسي مكان الستات دي ليه يا ستي تنزلي بعيالك تباتي في الشوارع عشان ايه و لا عشان مين و تبقي عرضة لسخافات و اهانات مالهاش لازمة و وجودك في بيتك اكرملك من البهدلة دي

و يجي الرد الفظيع "" ما هو اللي قاعد في التكييف عمره ما هايحس باللي واقف في عز الحر صايم .. دا مبدأ و قناعة""

طبعا حزنت في قلبي لكن لاعتبارات صلة الرحم و السن قولتله ربنا يوفقك و قفلت الحوار فورا

-----------------------------------------------------------------------------------------------------

ماما سلوى

عمو ابو محمد

استاذ عادل

استاذ محمد

انتوا اكبر مننا سنا و اكتر خبرة

قولولي اللي احنا فيه دا عدى عليكم قبل كده ؟؟

خلص امتى و خلص على ايه ؟؟؟

قولولي هانرجع تاني نحب بعض و نخاف على بعض و لا انسى الاحلام دي و انسى مصر معاها ؟؟؟؟؟؟؟

[herohero]

هو اللي احنا فيه دا هايخلص امتى ؟؟

دا لو كان هايخلص اصلا

انا زهقت فعلا و اعصابي تعبت

ايه كمية الكره و الغل و الانقسام و الفرقة اللي بقينا فيها دي

الانقسام طال البيوت

الاستعلاء مالي الدنيا

بجد قرفت

كل ما حد يفتح بؤه و يقول رأيه تلاقي عليه هجوم بشكل يغم النفس

النهاردة مثلا شيف مشهورة جدا اكيد تعرفوها نرمين هنو كاتبه رأيها على صفحتها

الناس داخلة اسفة في اللفظ زي الكلاب بينهشوها

انتي اصلا لا عندك دين و لا اخلاق خاليكي في الاكل احسنلك ما تخليناش نكرهك

ايه دا .. ايه القرف دا

الامثلة كتير

معتز بالله عبدالفتاح خلااااااص بافتح الصفحة بتاعته بقيت حافظة التعليقات اللي بتتكتب في ثواني كانها كوبي باست و كلها اهانة و تهزيق و قلة ادب

في محيط العيلة باقول لحد قريبي هو ينفع الحريم دي كده تبات في الشوارع و باتكلم فعلا عادي انا متضايقة عشانهم لاني باحط نفسي مكان الستات دي ليه يا ستي تنزلي بعيالك تباتي في الشوارع عشان ايه و لا عشان مين و تبقي عرضة لسخافات و اهانات مالهاش لازمة و وجودك في بيتك اكرملك من البهدلة دي

و يجي الرد الفظيع "" ما هو اللي قاعد في التكييف عمره ما هايحس باللي واقف في عز الحر صايم .. دا مبدأ و قناعة""

طبعا حزنت في قلبي لكن لاعتبارات صلة الرحم و السن قولتله ربنا يوفقك و قفلت الحوار فورا

-----------------------------------------------------------------------------------------------------

ماما سلوى

عمو ابو محمد

استاذ عادل

استاذ محمد

انتوا اكبر مننا سنا و اكتر خبرة

قولولي اللي احنا فيه دا عدى عليكم قبل كده ؟؟

خلص امتى و خلص على ايه ؟؟؟

قولولي هانرجع تاني نحب بعض و نخاف على بعض و لا انسى الاحلام دي و انسى مصر معاها ؟؟؟؟؟؟؟

هو احنا كان جوانا كدة بس الامور كانت مستخبية لكن دلوقت ظهرنا ع حقيقتنا شوفي المصريين بره مصر بيعملوا ايه ف بعض الا من رحم ربي

طبيعي اللي بيحصل جدا لاننا لسه ف اول مراحل الانفتاح والتحرر صحيح زودناها شوية وعيارنا فلت حبتين بس طبيعي اما عن الشحن الزائد فالبركة ف الاعلام شحن كل الاطراف

[Alshiekh]

الفاضلة / pink rose

اللي بيحصل ده ياستي عمرنا ماشوفناه

لكن بفضل وصول الاخوان للحكم شوفناه

كان زمان ممكن يحصل خناقات بين قريتين او بين عائلتين، لكن عمر الخلاف ماكان يوصل أن تحصل فيها المهازل اللي بنشوفها الايام دي.

حتى ايام عبد الناصر لما لم قيادات ونشطاء الاخوان، الشعب لم يكره الاخوان ولم يصل به القرف منهم أي حد، بل كان هناك تعاطف معهم الى حد ما.

لكن بفضل مرسي وعصابته والمتحالفين معهم من الارهابيين الذين هم في الأصل نتاجهم أصبح الشعب يكره كل من ترك لحيته وكل من انتقبت واصبح لدى الجميع شك في شخصياتهم وشخصياتهن ووقعت كل التيارات المتأسلمة في دائرة قرف المصريين ، بل أن هذا القرف دخل بين أطرف العائلة الواحدة.

قد تطول الفترة حتى يتم تطهير البلد من المحرضين على العنف ومن يقومون به فعلا، ولكن أملي في الله كبير أن يتم الانتهاء من ذلك قريبا.

يارب إحفظ مصر وشعبها الطيب مما يبيت لها الارهابيين والمجرمين ادعياء الدين، أعداء مصر وأعداء الحياة وأعداء البشرية.

[مصطفى يونس]

الفاضلة / pink rose

اللي بيحصل ده ياستي عمرنا ماشوفناه

لكن بفضل وصول الاخوان للحكم شوفناه

كان زمان ممكن يحصل خناقات بين قريتين او بين عائلتين، لكن عمر الخلاف ماكان يوصل أن تحصل فيها المهازل اللي بنشوفها الايام دي.

حتى ايام عبد الناصر لما لم قيادات ونشطاء الاخوان، الشعب لم يكره الاخوان ولم يصل به القرف منهم أي حد، بل كان هناك تعاطف معهم الى حد ما.

لكن بفضل مرسي وعصابته والمتحالفين معهم من الارهابيين الذين هم في الأصل نتاجهم أصبح الشعب يكره كل من ترك لحيته وكل من انتقبت واصبح لدى الجميع شك في شخصياتهم وشخصياتهن ووقعت كل التيارات المتأسلمة في دائرة قرف المصريين ، بل أن هذا القرف دخل بين أطرف العائلة الواحدة.

قد تطول الفترة حتى يتم تطهير البلد من المحرضين على العنف ومن يقومون به فعلا، ولكن أملي في الله كبير أن يتم الانتهاء من ذلك قريبا.

يارب إحفظ مصر وشعبها الطيب مما يبيت لها الارهابيين والمجرمين ادعياء الدين، أعداء مصر وأعداء الحياة وأعداء البشرية.

اى حاجه الاخوان هما السبب عند بعض الناس ؟؟

يعنى اما معظم اعلامى وللاسف خسارة فيهم اللقب طلعو قالو اقتلو الاخوان امسحوهم من مصر مكنش تحريض على العنف لكن اما طلعو الاخوان اتكلمو عن رجوع الرئيس الشرعى باى وسيلة ده ارهاب وعنف واسالة دماء ؟

للاسف توجد عند بعض المصريين ارادة لرجوع حكم مبارك ولا رجوع حكم الاخوان

[مروان]

يسال عن ذلك من قام بالانقلاب ورجعنا لورا

وكان ثورة لم تقم وكان شهداء لم يسقطوا

يسال اللي سرق الوطن وافتعل الازمات وبث الاحقاد

يسال من سطا على الحكم وحبس الرئيس المنتخب

في اي دولة في العالم يحبس الرئيس في مكان لا يعرفه احد؟

العميل الانقلابى في حوار له علي قناة CNN

البرادعي :
ما حدث ليس إنقلاب عسكري أنها ثورة شعبية
المذيعة : هو انقلاب عسكري
أليس من قام به هم العسكر البرادعي : لكن العسكر لم يحكم
المذيعة : ولو ولكن العسكر اعطى ما لا يملك الى من لايستحق
البرادعي : ما حدث تصحيح
لمسار الثورة ، لان مرسى اعتدى على الحريات العامة وحريه الاعلام
المذيعة :
لكن بعد بيان القوات المسلحة بعزل الرئيس ب10 دقايق تم غلق 17 قناه بدون اذن قضائى
البرادعي : أعتقد أن ما حدث هو إجراء احترازي للمحافظة علي الامن القومي
المذيعة : لكن مرسي لم يتخذ هذا الاجراء طوال عام كامل
البرادعي : مرسي قسم الشعب و هدد وحدته الوطنية
المذيعة : الشعب منقسم منذ الانتخابات الرئاسية ، فقد حصل الفريق شفيق علي ٤٩ % من جملة الاصوات ، ثم أن هذا لا يعد تقسيم للشعب ، فقد فاز أولاند رئيس فرنسا بنفس نسبة فوز مرسي و لم نستمع لصوت واحد في فرنسا يدعي أن أولاند قسم الشعب
البرادعي : ولكن الأخوان قاموا بالاستيلاء علي جميع مؤسسات الدولة
المذيعة : المعروف عندنا أن الحزب الفائز في الانتخابات هو من يشكل الحكومة ، أما في ديمقراطيتكم أنتم تسمون هذا " أخونة " !؟
في أي ديمقراطية سمعنا عن حزب فائز يشكل الحكومة بالتوافق !؟

[pink rose]

يالهووووووووووي

انتوا داخلين تتخانقوا هنا كمان

[أبو محمد]

الإبنة العزيزة بنك روز

أؤكد لك أن ما نمر به لم نشهد له مثيلا

مرت بنا أزمات .. وكوارث .. لم تنتج مثل هذا الغباء

نعم الغباء .. الغباء انتشر يا ابنتى واستشرى

لا تظنى أن ما ترينه هو وليد سنة أو سنتين ونصف

إنه وليد المتاجرة بالعقيدة والدين على مدى عدة عقود

واستغلال ذلك من المتاجرين ومن بعض الحكام

يؤسفنى ألايكون عندى ما يطمئنك أن الخلاص وشيك

فللخلاص من هذا الوباء سنحتاج إلى عقود .. ولكننا سنتخلص منه إن شاء الله .. فهذا حتمى

والخلاص منه يستحق ما نلاقى حتى يرى أبناؤك وأحفادى أياما أحسن مما نحن فيه

[herohero]

إحنا إزاي بقينا كدة ؟؟؟

من حوالي 7 شهور .. أيام الاستفتاء علي الدستور (أيام أحداث الاتحادية) .. وحرب الشوارع اللي كانت بين الإخوان (المؤيدين للدستور) والمعترضين علي الدستور ..

في أحد الشوارع لمحت عربية أمن مركزي بتجري ناحية المتظاهرين .. تضرب كام خرطوشة وترجع تاني .. تضرب وترجع تاني

ومجموعة من الإخوان .. بيجروا بجانب العربية .. يحدفوا طوب علي المتظاهرين ويرجعوا تاني مع المدرعة و بيحتموا برجال ا...لأمن المركزي ..

ساعتها .. مش هعرف أوصفلكم إحساسي .. خصوصا لما جه فبالي إني انتخبت مرسي .. وسجدت لله شكرا لما أعلنوا فوزه علي شفيق .. وافتكرت لما كنا في جانب واحد في ثورة يناير ضد الداخلية والبلطجية والنظام كله ..

اربط بين الموقف ده مع اللي حصل من أسبوع كدة .. (المتظاهرين) وقفوا مع الشرطة والأمن المركزي في ناحية .. والإخوان في ناحية تانية .. أدام مبني الإزاعة والتليفزيون .. والمتظاهرين بيحتموا بمدرعات الشرطة ..

نفس الموقف مع تغيير الأدوار

.......................

موقف تاني عمري ما هنساه ..
أيام (محمد محمود) الجيش كان بيضرب علينا غازات غريبة .. المصابين كانوا بيدخلوا علينا في حالات عمرنا ماشفناها .. بعد كدة عرفنا أنها غازات أعصاب و قنابل فوسفور ..

مش هنسي منظر الظابط اللي دخل ضرب الدكاترة وطلعوا يجروا من الخوف .. ورمي قنبلة غاز علي المصابين وقفل عليهم الخيمة وماتوا كلهم ..

إحساس يخليك تموت ألف مرة كل لما تفتكره ..
أيامها الإخوان كانوا سمنة علي عسل مع العسكر .. وكل ما كان يشغلهم وقتها الدعاية لانتخابات مجلس الشعب الجولة الأولي ..

بعد كل ده .. مات فينا أحاسيس كتير

دلوقتي لما بشوف الشرطة بتضرب فيهم غاز وخرطوش ( مبزعلش ) .. رغم إني عارف كويس أن بتوع الأمن المركزي أغبياء في تعاملهم مع المتظاهرين

رغم إني اتعاطفت معاهم لما الجيش ضربهم أدام الحرس الجمهوري .. إلا إني سرعان ما افتكرت اللي اتعمل فينا قبل كدة .. فضاعت كل ذرة شفقة عليهم في ثواني ..

والنهاردة لما اتضرب عليهم غاز وخرطوش وأكيد ناس ماتت وإصابات بالجملة .. إلا إني مش زعلان ..

رغم إني دكتور وعارف يعني إيه قنبلة غاز في وسط حشد من الناس وناس مش عارفة تجري وناس عندها مشاكل فالتنفس أصلا .. كارثة ومش أقل خطورة من الخرطوش .. إلا إني (مش زعلان)

قول عليا معنديش دم .. قول إني مش إنسان .. أنت صح

أنا مش هكذب علي نفسي .. أنا مش فرحان بس برضه مش زعلان ..

الإنسان اللي جوايا مات لما شفت إيدك في إيد طنطاوي وهي مليانة بدم شهداء كتير .. وعيون ناس أكتر راحت غدر .. وأنت كنت فرحان بأغلبية البرلمان

.................

قبل متسأل إحنا ليه بقينا كدة .. إحنا بنسألكم أنتو إزاي خليتونا كدة ؟؟

[Salwa]

تحية طيبة .

كيف حالك ياحاجة ام مريم ..؟؟

لاتتعجبين يابنيتى الغالية ...

اعطيت تقييم ايجابى للفاضل هيرو هيرو ..للمداخلة السابقة ..لسبب بسيط جدااا .لأنها تعبير عن احاسيس الكثيرين .

لاتتعجبى يابنيتى .......الأفكار تتغير والأحاسيس تتغير نظرا لكل ما نعيشه وما نراه .اشياء كثيرة غريبة علينا.

المثل يقول ..(( تذئب والا اكلتك الذئاب ))....

بداية ...
تذئب الاخوان .((( عندما استطاعوا ذلك ))) ...ونفضوا عنهم بلا أى حرج اثواب الحملان....وطغوا ...طغوا ....((( كفروا الناس بكل شئ )))..
و..
دارت الكرة مرة اخرى واصبحت هذه المرة فى ملعب (( باقى الشعب ممن هم ليسوا مع الاخوان ولا ضدهم ))..
ماذا حدث ؟؟؟
تذئب الشعب الضعيف........واصبح اكثر شراسة أمام من كان يظنهم (( الفريق المغلوب على امره ))..
ولنعد لأمثالنا الشعبية مرة اخرى ...
أدى مالك للى عنده مال .وأدى عيالك للى عنده عيال ......صح؟؟؟
هذا ينطبق عى كل شئ.كل شئ.كوووووول شئ...
الاخوان.....لاخبرة لهم بادارة اى شئ.......الاخوان يعيشون (( حلم )) لم يتحقق وصعب ان يتحقق فى عصرنا هذا ولا جدوى من تحقيقه لأنه يعيش فقط فى مخيلة افراد سهل ان نعدهم على اصابع اليد الواحدة...
حلم....خلافة اسلامية ....يعيش الكل فيها حياة رغدة كلها عدل ومساواة وايثار و...و...و...,.الى آخر القصيدة العصماء النبيلة ...
الحلم وحده لايكفى ياأم مريم...الحلم وحده بلا داب واثبات أنه حلم يستحق التحقيق .لا يكفى ولا جدوى منه.

هل تستطيعى ان تقولى لى أو توضحى لى .....مجرد عشر اسماء .((((( عشرة فقط ولا اطلب اكثر من عشرة اسماء ))))).........من الممكن ان نعتبرهم ..
فى عدالة سيدنا عمر بن الخطاب .وفى نزاهة الخليفة عمر بن عبد العزيز ....وفى صدق سيدنا ابو بكر ...وفى شجاعة خالد بن الولد ...وفى حكمة سيد الخلق محمد بن عبد الله ..

وفى كرم حاتم الطائى وايثار الغير على النفس ..
اذكرى لى عشرة من الاخوان ....على مر كل السنين الماضية .من الممكن ان نتخذهم قدوة ...
وحتى ....حسن البنا ..(( لانستطيع ان نقول عنه....كان قدوة )) تاريخه معروف لتعاونه مع الانجليز,,,

اذن...

هى تراكمات يابنيتى الغالية ...تراكمات السنين ..
غيرت جوهر الانسان المصرى البسيط...
وحتى يكون القول .....منصف للحقيقة ....هى تراكمات زادت واستفحلت فى عصر مبارك.....زادت ...زادت ..لدرجة ان الناس اصبحت تهرب حتى من نفسها وتختبئ داخل عباءة الدين .
وهو دين مستحدث .....دين غريب لم نسمع عنه أو نراه ....دين ينادى بقطع يد السارق اذا سرق ثمرة من الفاكهة ليأكل .ويدافع عن من يسرق قوت الشعب ويعطيه للغير بحجة ..(( اننا اخوة )).

أول مرة ارى ....رب البيت...

يترك اولاده يتضورون جوعا ...حتى يعطى ابناء الجيران قوت اولاده...
مع العلم....(((( وفى تاريخ المحاورات ما يثبت ذلك ))))

كان لدينا هنا عضو فلسطينى ..دخل بأكثر من عضوية .عضويات حريمى ورجالى ..
وكتب مواضيع كثيرة .....لازالت موجودة .تتحدث عن مليارديرات فلسطينيون ...يعيشون فى دول اميركا اللاتينية ...هم معروفون بالأسماء فى تشيلى وفى فنزويلا والبرازيل والأرجنتين ..ولهم مقاطعات و..و..و...

اذن..

منطق العاقل يقول ...........اذا كان أهل هؤلاء الفلسطينيون.الذين يفتخرون على صفحات المنتديات المصرية ...يثروات ابناء جلدتهم ....

يمدون ايديهم ((( فى جيوبنا ))) ....بهذا الشكل .لأن اولياء امورنا ..(((( يريدون تحقيق احلامهم ))))

الشئ الطبيعى ..
والطبيعى جداااااااا

ان يكشر الشعب المطحون..عن انيابه..

معايا ياأم مريم؟؟؟
شئ طبيعى جدااااااااا..........ونرجع لأمثالنا تااااانى...
يقول المثل......متعاكسش القطة الا تخربشك.......صح؟؟

الاخوان وصلوا للحكم.....قلنا خير...
رضينا...

جوعوا الناس ..
قطعوا الكهربا..

منعوا الميه عليهم...
استحوذوا بكل الوظائف المحترمة لأهلهم وعشيرتهم...
لأول مرة ف مصر نجد ...مليشيات مستخبية ..
لأول مرة ف مصر نشوف حاجة اسمها....حد عامل ملابس شرطة وجيش مشابهة لملابس شرطة وجيش مصر..

لأول مرة ف حياتنا نشوف نسبة بلطجة وسرقة وخطف واغتصاب بالشكل الرهيب ده..
لأول مرة ف حياتنا......يتقال علينا ...لأننا غير منتقبات ..الأخت من الاخوان تختلف عن اى اخرى .لاتشبه واحدة من على الرصيف..
الله؟؟
الله؟؟؟؟

لأول مرة نفاجأ....أن الشخص اللى اخترناه .كى يكون رئيس لكل المصريين .....اصبح رئيس فقط (( على المصريين .....وليس لكل المصريين ))

بمعنى ؟؟

من حقه.يأمر بسجن.يأمر بقتل وذبح....يأمر بسحل ...أى مواطن مش على مزاجه ولا مزاج جماعته .........ولالالالا يوجد ما يثبت ذلك..

بنعرف بالصدفة ان من يعذب المصريين (((( حتى لو كانوا مذنبين أو مجرمين أو حرامية ))))) ...هم مجموعة فلسطينيين ...
فهمتى ياحاجة ؟؟؟
كل حاجة اتلخبطت....كل حاجة ...
والله العظيم حافضل اقولها ومش حارجع ف كلامى .........صعبان عليا جدااااا ...شباب الاخوان اللى اتعمل لهم غسيل مخ واللى صدقوا كل الكذب اللى حصل واللى صدقوا ان دول اطهار وابرار ...

صعبانين عليا جدااااااااااا

انا واحدة من الناس ...قلت ف يوم من الايام ......

ان شاء الله حانعيش حالة رضا ف مصر محصلتش ......دول حايحكموا بالحق والعدل حتى لو مكنتش انا اخترتهم ...بس شكل هذا الرجل بيقول انه طيب وحافظ كتاب ربنا ومثقف يعنى اكيد .دمتور مهندس وفاهم....

ومش معنى انى لم اختره ...ان احكم عليه قبل ان ارى وتثبت الايام ...

كل خوفى كان..........ما يقال حتى من أهلى ..
سوف يحكم المرشد وتحكم الجماعة ولن يحكم مرسى ...مرسى فقط ((( للتوقيع على الأوراق الرسمية )))

وهكذا كان ...

حكمت الجماعة .......وحكم الشاطر ...

والشعب لو لم يثر..........كان حايبقى ...شعب خايب حكمه واحد شاطر ..
بس..
مشوفناش يابنتى حد باع البلد بالقطعة بالشكل العلنى ده....مشوفناش ...مشوفناش فلسطينيين وسوريين وعراقيين ....يتحكموا ف مصر..
مشوفناش ولا سمعنا ....عن قتلة رئيس........يجلسون فى مقصورات الرئاسة ....

وامهات شهداء يتم طمس معالمهن ولا أحد يعرف حتى اسمائهن ........وامهات القتلة يتحلون بأوسمة كأنهن .....الخنساء ..

لنا الله ...ولنا رجال مصر الشرفاء ...
اصبرى يابينتى ..

ان شاء الله سوف يعلم شبابنا الطيب .الحقيقة .
وياريت .ياريت ..

كما تم اغلاق القنوات الدينية التى كانت تدعو للفتنة .ياريت يتم تحذير مذيعى القنوات الموجودة .

وكفايا تقطيع فى مصر وكأنها جثة يتناوب الغربان الرقص على اشلاءها ...
مصر بخير ..

وان شاء الله..

اللى جاى احلى ...

دمت بكل ود...

[herohero]

تحياتي للفاضلة الاستاذة سلوي

كما تم اغلاق القنوات الدينية التى كانت تدعو للفتنة .ياريت يتم تحذير مذيعى القنوات الموجودة .

وكفايا تقطيع فى مصر وكأنها جثة يتناوب الغربان الرقص على اشلاءها

صح لسانك هو ده الكلام

تم تعديل 18 يوليو 2013 بواسطة Mohammad