اقتلاع صراف آلي في نجران وسرقة ربع مليون ريال

[se_ Elsyed]

شر البلية ما يُضحك .... منتهى البجاحة والجرأة

تعرض صراف آلي تابع لأحد البنوك المحلية في منطقة نجران فجر أمس للسرقة وبداخله ربع مليون ريال تقريبا.

وأوضح مدير شرطة منطقة نجران العميد سليمان بن علي الخليوي أنه في حوالي الساعة الرابعة والنصف من فجر أمس اقتلع لصوص جهاز الصراف الآلي الموجود في الشارع العام بجوار المدينة الصناعية بالعريسة على طريق مطار نجران، وقد استخدم اللصوص إحدى المعدات الثقيلة في اقتلاع الصراف من مكانه ووضعه في سيارة "ونيت" لم يتحدد نوعها بعد وفروا إلى جهة غير معلومة.

ووصلت الجهات الأمنية المختصة إلى موقع الحادث فور تلقي البلاغ لإجراء التحقيقات اللازمة، وتم التعرف على صاحب الآلية التي انتزع بها الصراف وجار البحث للقبض على الجناة. ( إبقوا قابلوني )

[emmyyy]

هما معندهمش كاميرات مرقبه علي ATM ????

[se_ Elsyed]

هما معندهمش كاميرات مرقبه علي ATM ????

ما انا سألت نفسي نفس السؤال يا إمي ... وشكلهم كده خدوا البيعة بحالها بما فيها الكاميرا .. واهو يستفيدوا منها في تصوير الأفراح والليالي الملاح ...

[وليد صفوت]

تفتكر يا س س أقدر أنا و شوية المقاطيع صحابى اللى فى المنطقة نعمل كده فى الصراف الآلى بتاع البنك اللى على أول الشارع ؟؟؟؟

أصل العسكرى اللى واقف جنب الصراف بشوفه على طول نايم ....... تقريباً هو ميت بس محدش واخد باله

و أنا و المقاطيع عايزين رأس مال عشان نفتح سايبر تحت بيتنا ......... :)

[se_ Elsyed]

و أنا و المقاطيع عايزين رأس مال عشان نفتح سايبر تحت بيتنا ......... 

يا فيولين يابني إنتوا لو عملتوا كده واخدتوا الماكينة البيت هاتلاقوا جواها ورقة مكتوب فيها " تبرع يا اخي المؤمن "

وبعدين انا اللي شوفتوا في مصر إن ماكينة الصراف الوش بتاعها هو اللي بيبقى بره البنك اما الجثه كلها ففي الداخل ... يبقى معنى كده إنك عايز تخلع الحيطة القدمانية بتاعت البنك من جذورها .. ولا هاتعمل ثقب في الماكينة وتشفط الدراهم اللي فيها بالكمبروسور أو مكنسة العربية ؟

وبعدين تعالى هنا ..

مشروع السايبر ما بقاش جايب همه يا وليد يا بني ...

خليك يابني في الحلاقة وإنت هاتدعيلي ...

إقرأ الشعار ده كده وقولي إيه رأيك

" راضي عفو الخلاق .... الأُسطى فيولين الحلاق "

[سقراط المصري]

صباح الخير بالليل

اهو موضوع سرقة الصراف الالي ده ، ولمواخذه زعلني قوي عشان ابن مصر الغطسان من كام يوم وسي السيد وسكوربيون "جاءت لهم.......... مش عارف صح املائياً" كام فكره سرقه وكلها باءت بالنجاح العظيم ......... طبعا نجاح الشرطه......... ومجاش لحد منهم سرقه صراف الي بالونش في عز الظهر.

صحيح ياولاد، حراميه كي جي تو :)

سقراط

جزار ومسقف...مثقف

:lol:

[se_ Elsyed]

طب ليه كده الإحباط وتلقيح الكلام ده يا سقراط ؟

وبعدين مش كل حاجة عصابة السنافر تفكر فيها يُمكن طرحها على الورق ( لأسباب أمنية )

ولا أُخفي عليك سراً بإننا فكرنا ذات مرة في تلك الفكرة وده كان في شهر أيلول الماضي وبعد ما ضربنا كام طبق كشري من عند سحس اللي في العتبة وشربنا شاي عند بتعة اللي في موقف القللي .. ناقشنا الفكرة من جميع أبعادها ...

وتاني يوم وتحديداً في ساعة السفر لقيت إبن مصر جاي وكاوي شعره وحالق دقنه ولابس البيجاما الجديدة المخططة بالطول ( بتاعة العيد ) ولما كلنا سألناه : إنت عامل في نفسك كده ليك يابني ؟

يقوم يقولك أصل عرفت إن في كاميرات فوق ماكينة الصراف بتصور فقولت أتقمع وألبس الحتة اللي على الحبل عشان الصورة تطلع حلوه !!!!!!!! :) :lol:

فقولي بالله عليك ... دي أشكال تنفع حرامية غسيل حتى ؟