جاااااااااااااي نفسي افهم ذي الناس

[ابواحمد]

اين الحقيقة ياجماعه اللي يعرفها يدلني عليها والنبي ... في مصر بيقولوا ان الريس هو الي الغى زيارته لامريكا والسفير الامريكي يقول ان الريس يزور امريكا في اي وقت والباب مفتوح لفخامته والبيت بيته وقبله بوش يرفض مقابله رسميه لابوالغيط وكونداليزا رايس ترفض تيجي مصر والدكتور النظيف يلعن بوش وديمقراطية بوش والصحافة الامريكية تقول ان بوش جدوله مزحوم ومعندوش وقت علشان يقابل الريس بتاعنا وفي نفس الوقت يدعو شارون لزيارة مزرعته وقبله يقابل ملك الاردن وطبعا لانه ابن الحسين وما ادرانا ما الحسين.

وغير ده كله تيجي امريكا وتقول انها عايزه من مصر شوية ديمقراطية بدل المهلبية والناس اللي بتقول انها عاقله وفاهمه بتقول ال ايه ان امريكا مش عايزه ديمقراطية لانها لو جابت حد ديمقراطي وبموافقة الناس يبقى مصيبة امريكا واسرائيل اسود من قرن الخروب لان الشعب المصري بيكره شارون على راي عمنا شعبان عبدالرحيم وكمان وبوش وتوابعهم ... تيجي تسأل طيب امريكا بتعمل كده ليه يقولولك عايزه تستنزف الريس بتاعنا .. الله طب والريس يستنزف ليه وتسمع الناس اللئيمه بتقول قال ايه علشان الناس في مصر مش عايزاه علشان ولا مؤخذه ان الفساد بقى للركب في البلد والناس طلع عنيه من الشكوى ومن قولة مفيش للعيال والجيران والجزار والبقال وبتاع الخضار وطبعا مفيش فاكهه علشان ده من الترفيه اللي ملوش لازمه وان الحال دايما في النازل. الله طب الناس الغلابه واللي مخهم على ادهم ومبيفهموش لا في السياسة ولا يحزنون ولسه فكرين ان الخديوي عايش يعملوا ايه في زحمة الدماغ دي..

ياناس كفاااااااااااااايه وجااااااااااااي

[ابواحمد]

اشكر لطفك ياعزيزي ياوايت لكن اهو نعرف احنا ريسنا مهم وبيروح البيت الابيض ولا انت علشان قلبك ابيض مش عايز حد يبقى ابيض غيرك