علي عبد الله صالح يُقدم مزيداً من القرابين لأمريكا

[se_ Elsyed]

طالعتنا صحيفة خضراء الدمن المعروفة بالشرق الأوسط اللندنية والتي يُشرف علي تحريرها صحفيين سعوديون ..بخبر يوم الأربعاء الماضي في صدر صفحتها الأولى ( على فكرة النسخة الإلكترونية يبان الخبر فيها غنه في الداخل .. ولكن النسخة الحقيقة هو أول خبر في اعلى الصفحة الاولى ) وكنت حاسس إن الصحيفة ناقص تضع موسيقى تصويرية مُبهجة حوالين الخبر .. ولكن للأسف التكنولوجيا دي لم توجد بعد ...فهي صحيفة علمانية قذرة ومعروفة بمعاداتها لك ما هو إسلامي ...

والخبر يقول بإن اليمن قررت غلق 24 ألف مدرسة دينية ... ليه يا عم الشاويش عبد الله صالح ؟ قالك عشان نجفف منابع الإرهاب !!!!!!!!!!!!!!..

وبالطبع اليمن من اولها لأخرها ما عندهمش 24 ألف مدرسة ولا جامعة أساساً ، ولكنهم يقصدون هنا شيء أشبه بكتاتيب أو زوايا تعليم القرآن حيث إن طبيعة اليمن قبلية ويغلب عليها طابع الفقر وبالتالي بيدبروا أنفسهم على قدر إمكاناتهم الضعيفة لكي يتواصل هؤلاء الشباب مع دينهم ...

ومن المعروف إن الاخ الشاويش علي عبد الله صالح أراجوز من الأراجوزات العربية والمحسوبين علينا كحُكام وهو يفعل أي شيء من أجل الكرسي ...

شويه وحدة مع مصر والاردن والعراق ..

وشويه يقف مع العراق في غزوها للكويت ويقبض من المجحوم صدام ويشبرق نفسه ..

وشويه ينقلب على العراق ويقف مع امريكا ويفتح لهم محطات بنزين بحرية لتموين سفنهم ..

وشويه يتعاون مع الامريكان ويفتح لهم مجاله الجوي لكي يطاردوا ما يسمونهم بالإسلاميين الإرهابيين ويغتالونهم بكل خسة بصواريخههم الموجه ...

وأخر قربان ذبحه تحت أقدام الألهة الامريكية هو غلق تلك المدارس الدينية .. وإحتمال طبعاً يدرس إستبدال اماكن تلك المدارس بصالات ديسكو ودانس لتعليم الشباب الدين الامريكي الصحيح ...

وهو الآن ينتظر مكافأته من أمريكا والتي بالطبع ستكون ضربة بأقدم حذاء أمريكي على رأسه ... ونظراً لتاريخه المُشرف كرجل عسكري مُخضرم فستأخذ امريكا في إعتبارها بان يكون الحذاء هو بيادة عسكرية لكي تتناسب مع مركزه ...

ولا ادري ماذا سيقول هؤلاء عندما يقفون أمام الله في يوم لا ينفع فيه رُتبة ولا رئاسة ولا سلطان ؟

الوصلة

[Salwa]

هو مش عبدالله صالح فى يوم من الأيام كان حزين وبيولول لأن بلده لا تقع على الحدود بينه وبين اسرائيل ؟؟؟ وفضل يقول اين الدم العربى والنخوة وال ..وال ..وال ..

لحد ما اجبر الرئيس مبارك يقول له طيب تعالى وانا اعطيك ارض على الحدود وحارب انت زى مانت عاوز ؟؟؟

ويمكن دى كانت النقطة الوحيدة اللى انا اتفقت فيها مع مبارك وشعرت فعلا انه بيتكلم باسمنا كلنا ؟؟

اصل هو قال للقذافى .........

انتم السابقون ونحن اللاحقون ....

ونفذت .....

ولسة ؟؟...

عمالين يقعوا كما افراخ الحمام...تخشى من بندقية صدأة لصياد عنده باركينسون ...

[se_ Elsyed]

عمالين يقعوا كما افراخ الحمام...تخشى  من بندقية صدأة لصياد عنده باركينسون ...

دي أختلف معاكي فيها يا مدام سلوى ( إستنى خدي الوردة دي بمناسبة يوم الامهات قبل ما أنسى :) )

فرخ الحمام بيبقى مغلوب على امره ولو إتنش بطوبة ممكن يقع ..

إنما لما تلاقي فرخ طويل عريض وزي الحيطه وهو اللي رايح للصياد ويقوله خدني في حنانك خدني .. وإدبحني واطبخني بالفريك يا معلم .... يبقى ده تسميه إيه ؟

أهم حكامنا العرب الخايبين كلهم بدون إستثناء كده

رايحين يحضروا قمة العار العربي في الجزاير ورائحتهم الكريهة سبقاهم ... وطلع سيلفام شالوم وزير خارجية الصهاينة يطلع لهم لسانه إمبارح في التليفزيون ويقول إن هناك العديد من الدول التي تُحضر للقمة هناك الآن وطت وباست جذمة إسرائيل عشان تطبع على قفاهم ...

وإسرائيل لسه بتدرس العرض ده ... وبتحسبها كويس .. يا ترى تديهم على قفاهم اجوازاً وأفراد .. ولا تشكل قفيات على شلاليت على أقلام على أصداغهم...

بصراحة حاجة مُحيرة .. مش كده ؟

عار علينا هؤلاء الحُكام اللي ناقص الواحد فيهم ... ولا بلاش دول ما يستاهلوش ناخد فيهم سيئات ...

أنا عايز أسأل سؤال عشان أرتاح ...

عمركوا سمعتوا عن دولة غربية مسيحية قالت إنها هاتقفل كنيسة ولو ما فيش حد بيروحها حتى عشان تجفف منابع الإرهاب ؟

مع إن عندهم بلاوي زرقا ، على سبيل المثال البروتستانت بتوع إيرلندا الشمالية ..

ولا حركة إيتا اللي مسويين الهوايل في أسبانيا ..

ومع ذلك ولإنهم بيحترموا دينهم مع إنهم لا يمارسوه ويضربون بتعاليمه عُرض الحائط وكل واحد عامل دين مادي لنفسه .. إلا إنهم لا يجرؤوا إنهم يلصقوا أي مصيبة من اللي بتحصل بدينهم المسيحي ...

اما أحنا فكل حاجة بنعملها بمزاجنا ...

تصنيف للمتديينين ما بين أصوليين وسلفيين وتكفير وهجرة وقاعدة وواقفة ونايمة ...

حركات إسلامية .. ومتطرفين .... وفئات ضالة ....

مساجد تُداهم ويدوسوها بالأحذية ... بحجة البحث عن أسلحة ومنشورات ( أقربها إمبارح تمت مداهمة 5 مساجد في بغداد من الجيش العراقي بمشاركة الانجاس الأمريكان للبحث عن أسلحة ) ... ما تستغربوش أصل مصر بتعملها وعملتها كتتتتتتتتتتتتتتتتتتتتتتتتير

بس برضوا أرجع وأقول

بسم الله الرحمن الرحيم

" يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلاَّ أَن يُتِمَّ نُورَهُ وَلَوْ كَرِهَ الكَافِرُونَ " التوبة 32

صدق الله العظيم

ولا يتسرب إلينا شك ولو واحد في المليار بإن الله سيتم نوره ولو كره الكافرون واتباعهم من المنافقين والمُطبعون وأذناب الصهاينة والامريكان ...

[المستشار]

مع احترامي للكاتب هو مايعرفش اليمن كويس

زعيم الارهاب هناك الزاندني وراس المصائب اصلة يمني (بن لادن)

وغالبا المدارس في اليمن معاهد دينية متشددة وفي كمان جامعات تابعة للزاندني

يارجال كن اعمل معلزمات صحيحة قبل ما تكتب انت في القرن الواحد والعشرين

[se_ Elsyed]

يارجال كن اعمل معلزمات صحيحة قبل ما تكتب انت في القرن الواحد والعشرين

ومع إحترامي لحضرتك يا مستشار أنا مش فاهم الجملة الأخيرة دي عشان الأخطاء اللي فيها ... لو سمحت اكتبها تاني ..

ومع إحترامي لحضرتك انا عارف اليمن إلى حد معقول .. وعارف مين هو علي عبد الله صالح ..

وبعدين عشان بن لادن أصله يمني وعشان كان فيه واحد شيعي إسمه الحوثي أو أخر تصنفوه متشدداً إسمه الزنداني أقوم أقفل كل المدارس الدينية ؟

ده في أنهي عرف او شرع ده ؟

وهل لا تستطيع الدولة فرض رقابة على تلك المدارس الدينية بدلاً من غلقها ؟

وهل لو كانت المدارس دي بتعلم الرقص كانت الدولة أغلقتها بحجة تعليم الفساد ونشر الرذيلة ؟

[المستشار]

احنا عندنا محل علشان نعمل لية رقابة الباب اللي يجي لك من ريح سدة وستريح

دي خلايا نائمة ياعم المشرف