كاتم الانفجار

[عابر سبيل]

كاتم الانفجار

نادى الهرم .. على نسر طاير .. في الفضا

قال له .. يا طير الحلم قرب لي هنا

احمل رسالتي للعراق ..وأمانه لما تروح هناك

سلم لي .. على كل العراق

* * *

على كل نبته ..لسه خضره.. ف أرضها

على كل طفل .. وكل طفله .. ف نعشها

مليون تحيه للشيد

على قبره غنيها نشيد

* * *

سلام أمانه .. لليتامى والثكالى الأمهات

سلام أمانه مننا .. لنهر دجله والفرات

لكل موجه .. لسه شايله .. دم الضحايا والرفات

لكل صفحه .. حروفها باكية .. في الرواية والسكات

* * *

البداية .. تدمير كل قوه في العروبة

لأجل هدم.. ديارنا إحنا.. طوبه طوبة

لاجل نفنا كلنا.. ويفنى تاريخنا

لاجل ما تصير المهانة والزوال هو نهايتنا

* * *

فتشوك ليه يا عراقنا .. فين أي دوله غيرك فتشوها

لاجل يرموك للهلاك .. حبكه للروايه ونفذوها

دمروك قبل النهاية .. يا عراقنا

خط سيرهم لسه مرسوم فيه طريقنا

* * *

النهايه .. لسه في ايدينا النهاية .. بس اصبر

أيوه أصبر يا عراقنا .. ما هو تارك هو تارنا

اوعاك تفكر .. ان يبعدنا فراق

احنا دايما .. أوردتنا في تلاق

* * *

اسأل النسمة .. اللى فيها لهفتي

اسأل النجمة .. اللى شايفه غضبتي

اسأل القمر .. الموشح بالحداد

اسأل ا لليل .. أنا ما دقت الرقاد

* * *

كيف أنام .. وأنا قلبي كاتم الانفجار

أنا لولا خايف م الدمار .. لاشعلها نار

لازم نستنى الوقت المناسب .. وناخد القرار

كل السلاسل تنكسر .. نرمى الحجر ..

نحمل سلاحنا والقدر

نبيد هولاكو والتتار .. ونصلي صحبة كلنا ..

في الأقصى ويزول الخطر....

احمد سلطان ..

[هشام الجنيدى]

مين الى قالك ان النسر رايح للعراق

النسر صوره ترفرف لما يهتز العلم

اصفر وشاحب مريض بداء اسمه الصنم

كل اما اشوفه من بعيد بليد بيركبنى الالم

نفسى اشوفه بجد فوق طاير وسابح فى الفضا

نفسى اقوله يا نسر فوق قبل اما عمرك ينقضا

زمن السكوت الى انتا فيه يا حبيبى ولى وانقضا

قصيده جميله بجد يا عابر سبيل استفزتنى قوى وفكرتنى بالجرح الى احنا عايشين فيه من سنين

بس حسيت فى بعض الجمل انها تقيله على لسانى من حيث الموسيقى

يعنى مثلا (اسال الليل.....انا ما دقت الرقاد)حاسس والله اعلم ويمكن اكون غلطان انه مش على موسيقىالجمله الى قبلها

وكمان جمله (كيف انام ) اعتقد انها لو كانت بالعاميه كانت تبقى ماشيه احسن (ازاى انام )جربها وقول ايه رايك

وكمان جمله (لازم نستنى الوقت المناسب....)طويله شويه وبتكسر الموسيقى بتاعت الكلام

بس بجد عجبتنى قوى وتحياتى لقلمك النابغ الواعد واتمنى ان اقرا لك كمان وكمان .............

[احمد سعد]

تحية حب وإعجاب بمشاعر صادقة

متلونة واللون عربي وطني مقتدر

الى الاخ / عابر سبيل

[عابر سبيل]

عزيزي الأستاذ هشام الحنيدي ,,

أنا معجب أوي بأفكار القصايد بتاعتك الجديدة دايما

وأحب أقول لك أني مش محترف أوي زيك كده أنما بحاول أبقي كويس

يمكن يكون عندك حق لأني فعلا حسيت ان الموسيقى مش مظبوطة في الشطرة دي ..

أنا متشكر أوي لتعليقك ونقدك يا أستاذ هشام ويارب أكون عند حسن ظنك

تحياتي وتقديري ,

أحمد سلطان,,

عــــــابــــر ســـبــــيــــل #

[هشام الجنيدى]

اولا انا مش استاذ ولا حاجه انا زميل وبعدين كلمه استاذ دى كلمه كبيره قوى اعتقد انى لسه موصلتلهاس لا فى السن لانى لسه طالب فى باكلريوس ولا فى القدر لانى لسه طالب فى مدرسه الحياه

ثانيا من الحاجات الى تخليك كويس قوى انك متيأس امام التعبير

وخلى افكارك منطلقه دايما

يعنى لو مثلا تعبير وقف وعصلج معاك متياسش وتكتبه على طول خلى نفسك طويل خلى الفكره تلف وتدور فى راسك يوم واتنين وحتى شهر وحاول تقرا القصيده مرات ومرات والكلام بيجيب بعضه

وزى ما الاخت بنت مصريه نصحتنى ممكن تسجلها بصوتك وتسمعها وانتا تعرف فين العيب فى الوزنوتقدلر تصححه

ثالثا معلش دوشتك ......... jmb-) وشكراااااااااااا