اي سؤال لمرحلة مابعد الوصول لكندا عموما و فانكوفر خصوصا

[MZohairy]

صباح الخير على الجميع

الموضوع ده لأي حد عايز يعرف اي معلومه عن مرحلة (مابعد) الوصول لكندا عموما و فانكوفر اللي انا عايش فيها خصوصا

تحياتي و تمنياتي بالتوفيق للجميع

تم تعديل 3 أغسطس 2013 بواسطة mzohairy

[عربي اجنبي]

صباح الخير على الجميع

الموضوع ده لأي حد عايز يعرف اي معلومه عن مرحلة (مابعد) الوصول لكندا عموما و فانكوفر اللي انا عايش فيها خصوصا

تحياتي و تمنياتي بالتوفيق للجميع

شكرا على الموضوع وسؤالى هو

هل يتم منح الجنسية الكندية بعد فترة معينة من الاقامة

وهل الطقس فعلا كما نسمع تحت الصفر ام انه متغير

شكرا لك

[بيبو كندا]

مرحبا بالاستاذ العظيم

محمد منور المحاورات مع انها بيتك و مطرحك

[MZohairy]

شكرا على الموضوع وسؤالى هو

هل يتم منح الجنسية الكندية بعد فترة معينة من الاقامة

وهل الطقس فعلا كما نسمع تحت الصفر ام انه متغير

شكرا لك

تمنح الجنسيه بعد مرور 1050 يوم من الاقامه الدائمه خلال الأربع سنوات الاولى

الطقس مختلف من ولايه لولايه و من الصيف للشتاء

ولايات كتير في الشتاء بتوصل ل 50 تحت الصفر و ولايه زي بي سي مهما نزلت بتوصل للصفر بالعافيه

اما الصيف فهو معتدل يعني اوائل العشرينات في المتوسط

[MZohairy]

مرحبا بالاستاذ العظيم

محمد منور المحاورات مع انها بيتك و مطرحك

العفو يا بيبو كتر خيرك

[أدهم الشرقاوى]

با أهلاً بالحج زوهيرى الفنان و بأهل بى سى الجدعان..

أنا متابعك من سنين و بقرا مشاركاتك دايماً... أنا مقدم كيبك و غالباً هستقر فى كالجرى عشان ليا ناس هناك و فى معلومات كافية و كتيرة عن البلد فى المنتديات بس فعلاً ماجاش فى بالى أبداً إنى أستفر فى فانكوفر على سبيل المثال، السؤال بقى، إية اللى خلاك تستقر فى فانكوفر يعنى ليه مثلاً مش تورونتو عند إيهاب أو إدمونتون عند أخونا التهامى؟ إية اللى شوفته فى فانكوفر و شدَّك و إحنا مش شايفينه ؟

تم تعديل 3 أغسطس 2013 بواسطة أدهم الشرقاوى

[حسين امبابي]

انا بلمتس من سعادتك توصيلنا الي كندا وليس معلومات عن ما بعد الوصول لكندا

ويل سلام لو حد يتبناني ... اهو ارملة او مطلقة او حتى عجوز كله ماشي

انا محامي اعزب خالص مالص 35 سنة ومعي 1300 ج م في البوسطة !

سافرت بلاد عربية كتيـــــــــــــــــــر وموش عارف اسافر دولة اوربية !

وتكسب فينا ثواب يا دكتور / زوهيري :flr1: :flr1: :flr1: :flr1: :flr1: :flr1: :flr1:

[MZohairy]

با أهلاً بالحج زوهيرى الفنان و بأهل بى سى الجدعان..

أنا متابعك من سنين و بقرا مشاركاتك دايماً... أنا مقدم كيبك و غالباً هستقر فى كالجرى عشان ليا ناس هناك و فى معلومات كافية و كتيرة عن البلد فى المنتديات بس فعلاً ماجاش فى بالى أبداً إنى أستفر فى فانكوفر على سبيل المثال، السؤال بقى، إية اللى خلاك تستقر فى فانكوفر يعنى ليه مثلاً مش تورونتو عند إيهاب أو إدمونتون عند أخونا التهامى؟ إية اللى شوفته فى فانكوفر و شدَّك و إحنا مش شايفينه ؟

اهلا بيك يا ادهم ربنا يخليك

انا جيت فانكوفر بالصدفه البحته لوجود صديقه لزوجتي مقيمه هنا و هي اللي شجعتنا

لكن بعد استقراري فيها و داخل على خامس سنه زرت فيهم ولايات كتير هنا اتضحلي ان فانكوفر هي الأفضل طقسا على الاطلاق (مفيش البرد الجامد ابدا)

و الاجمل من ناحية الطبيعه و المناظر الرائعه

قد تكون اغلى شويه صغيرين...لكن قدام مميزاتها كله يهون

[MZohairy]

انا بلمتس من سعادتك توصيلنا الي كندا وليس معلومات عن ما بعد الوصول لكندا

ويل سلام لو حد يتبناني ... اهو ارملة او مطلقة او حتى عجوز كله ماشي

انا محامي اعزب خالص مالص 35 سنة ومعي 1300 ج م في البوسطة !

سافرت بلاد عربية كتيـــــــــــــــــــر وموش عارف اسافر دولة اوربية !

وتكسب فينا ثواب يا دكتور / زوهيري :flr1: :flr1: :flr1: :flr1: :flr1: :flr1: :flr1:

انت وقعت من السما و انا استلقيتك

طلبك عندي يا ريس بس عندك مشكله صغيره

لو تخلي المبلغ 1500 جنيه هتلاقي نفسك في كندا فورا

1300 صعب قوي :inflate:

[حسين امبابي]

انت وقعت من السما و انا استلقيتك

طلبك عندي يا ريس بس عندك مشكله صغيره

لو تخلي المبلغ 1500 جنيه هتلاقي نفسك في كندا فورا

1300 صعب قوي :inflate:

الله يسعد أيامك يا دكتور / زوهيري :welcome:

[أدهم الشرقاوى]

شكراً على الرد مستر زوهيرى..

هبدأ بقى أسأل أسئلة غريبة و مش مرتبطة بفانكوفر بالخصوص، أنا على تواصل بناس فى كذا حتة فى كندا و كذا حد أكلمه هناك بيحكيلى عن حالات إنفصال كتيرة بتحصل بين المصريين و العرب هناك، يعنى مثلاً واحد متجوز من مصر و أخد مراته و عيلته معاه كندا و بعد سنة أو سنتين قفشوا على بعض و إتطلقوا، الطلاق بيحصل عادى فى مصر و برة مصر بس الشاهد هنا و اللى بيتقالى إنها كذا حالة مش مرة ولا إتنين.

الكلام دة حقيقي؟ و لو صح إية الأسباب - من وجهة نظرك - اللى بتخلى الناس تنفصل بعد الوصول؟ يا ترى العقليات بتختلف فبيبعدوا عن بعض؟ أو بعض الرجالة بتتهوس بالحياة اللى هناك فعاوز يعيشها من أول و جديد؟

تم تعديل 4 أغسطس 2013 بواسطة أدهم الشرقاوى

[MZohairy]

شكراً على الرد مستر زوهيرى..

هبدأ بقى أسأل أسئلة غريبة و مش مرتبطة بفانكوفر بالخصوص، أنا على تواصل بناس فى كذا حتة فى كندا و كذا حد أكلمه هناك بيحكيلى عن حالات إنفصال كتيرة بتحصل بين المصريين و العرب هناك، يعنى مثلاً واحد متجوز من مصر و أخد مراته و عيلته معاه كندا و بعد سنة أو سنتين قفشوا على بعض و إتطلقوا، الطلاق بيحصل عادى فى مصر و برة مصر بس الشاهد هنا و اللى بيتقالى إنها كذا حالة مش مرة ولا إتنين.

الكلام دة حقيقي؟ و لو صح إية الأسباب - من وجهة نظرك - اللى بتخلى الناس تنفصل بعد الوصول؟ يا ترى العقليات بتختلف فبيبعدوا عن بعض؟ أو بعض الرجالة بتتهوس بالحياة اللى هناك فعاوز يعيشها من أول و جديد؟

اكيد بيحصل طلاق بس مش بصوره مبالغ فيها يعني

الفتره الاولى بيبقى فيها ازمه ماليه الى حد ما و ده ممكن يخلي الانسان عصبي و ممكن ياخد قرارات غلط

غير كده ممكن ان اللي مش واخدين بعض على حب مثلا و الراجل عامل فيها عنتر و سي السيد ....و الست تكتشف هناك انها زيها زيه بالضبط في الحقوق و الواجبات بل انها اعلى منه حقوقا بحكم انها الطرف الاضعف جسمانيا مما وفر لها حقوق اعلى لحمايتها

فتبتدي تحس بأن الوضع لازم يتغير شويه شويه...و ده ممكن يكون سبب تاني

[khaled_sabry]

السلام عليكم و رحمة الله و بركاته

انا اعمل مهندس برمجيات (.Net developer) فى شركه مرموقه - 31 سنه - خريج كليه علوم قسم حاسب الى جامعه اسيوط 2003 - خبره عمليه مده 9 سنوات

متزوج و لدى طفلين ( 3 سنوات , 5 سنوات)

فبقيت بفكر جديا فى الهجره - و ده خلانى ادخل على النت و اشوف تجارب اللى قبلى

ووجدت ان البلدان التى تشجع الهجره هى كندا و استرليا - لكن قلبى مستريح لكندا (يمكن علشان بحب الثلج الابيض :) )

لكن لدى كذا سؤال

1- هل فعلا من السهل الهجره لمن هم فى ظروفى من ناحيه العمل (معظم اللى قريت قصص هجرتهم كانو اطباء) و من ناحيه السن و الظروف الاجتماعيه (كل اللى قرأت قصصهم كانو شباب فى مقتبل الحياه العمليه ولم يتزوجو او حديثى الزواج )

2- هل توجد معادله لمؤهلى (كليه علوم - قسم علوم حاسب) ,لأنى اعلم ان كليات الهندسه تتطلب المعادله بينما كليه حاسبات و معلومات لاتطلب هذا

3- هل من السهل العثور على عمل فى مجال تخصصى يوفر مستوى الحياه الكريمه (و هو سبب هجرتى اصلا ) لاسرتى ؟؟ و كم مستوى الدخل الشهرى او السنوى الذى يوفر هذا المستوى - حيث اننى اخشى ان ابداء فى اجرائات الهجره و بعد هجرتى الى هناك افشل فى الحصول على عمل مناسب و ابقى خسرت مركزى اللى فى مصر على الفاضى

4- هل المفروض البحث عن عمل من قبل الهجره ام ابداء البحث بعد السفر الى هناك ؟؟
5- كم المبلغ المطلوب توفيره حتى يكون مخزون لى فى مرحلة ماقبل الاستقرار المادى لى و لاسرتى

وشكرا و اعتذر على الإطاله

[MZohairy]

السلام عليكم و رحمة الله و بركاته

انا اعمل مهندس برمجيات (.Net developer) فى شركه مرموقه - 31 سنه - خريج كليه علوم قسم حاسب الى جامعه اسيوط 2003 - خبره عمليه مده 9 سنوات

متزوج و لدى طفلين ( 3 سنوات , 5 سنوات)

فبقيت بفكر جديا فى الهجره - و ده خلانى ادخل على النت و اشوف تجارب اللى قبلى

ووجدت ان البلدان التى تشجع الهجره هى كندا و استرليا - لكن قلبى مستريح لكندا (يمكن علشان بحب الثلج الابيض :) )

لكن لدى كذا سؤال

1- هل فعلا من السهل الهجره لمن هم فى ظروفى من ناحيه العمل (معظم اللى قريت قصص هجرتهم كانو اطباء) و من ناحيه السن و الظروف الاجتماعيه (كل اللى قرأت قصصهم كانو شباب فى مقتبل الحياه العمليه ولم يتزوجو او حديثى الزواج )

مفيش حاجه صعبه...المهم تكون وظيفتك موجوده من ضمن الوظايف المسموح لها بالهجره

2- هل توجد معادله لمؤهلى (كليه علوم - قسم علوم حاسب) ,لأنى اعلم ان كليات الهندسه تتطلب المعادله بينما كليه حاسبات و معلومات لاتطلب هذا

مفيش مؤهل في الدنيا مالوش معادله

3- هل من السهل العثور على عمل فى مجال تخصصى يوفر مستوى الحياه الكريمه (و هو سبب هجرتى اصلا ) لاسرتى ؟؟

افتى من قال لا اعلم لأنه مش مجالي اطلاقا لكن فيه كتير في تخصصك و شغالين

و كم مستوى الدخل الشهرى او السنوى الذى يوفر هذا المستوى - حيث اننى اخشى ان ابداء فى اجرائات الهجره و بعد هجرتى الى هناك افشل فى الحصول على عمل مناسب و ابقى خسرت مركزى اللى فى مصر على الفاضى

حسب مستوى الاسره الانفاقي الاصلي

يعني اسره بتنفق الفين جنيه في الشهر غير اسره بتنفق 50 الف في الشهر

عموما 4 الاف دولار شهريا مبلغ معقول لأره من 4 او 5 افراد

4- هل المفروض البحث عن عمل من قبل الهجره ام ابداء البحث بعد السفر الى هناك ؟؟

بعد الوصول بدون ادنى شك

5- كم المبلغ المطلوب توفيره حتى يكون مخزون لى فى مرحلة ماقبل الاستقرار المادى لى و لاسرتى

حسب عدد افراد اسرتك.....لكن في المتوسط 20 الف للأسره مبلغ معقول

وشكرا و اعتذر على الإطاله

:flr1:

[أدهم الشرقاوى]

بعد كلام زوهيرى مفيش كلام بس ممكن أرد على خالد بمعلومات مختلفة بتفاصيل، بص يا خالد أنت دلوقتى قدامك سكتين: سكة الفيدرال أو سكة كيبك.

سكة الفيدرال:

• زى ما قال زوهيرى إن لازم تكون وظيفتك فى الليستة و هى فعلاً موجودة فى الليستة: 2174 - Computer Programmers and Interactive Media Developers
• اللستة: http://www.canadavisa.com/new-instructions-federal-skilled-worker-applications.html
• لازم تعدى الـ 67 نقطة عشان تقدر تقدم ملف و تقدر تحسب النقاط من هنا: http://www.canadavisa.com/canadian-skilled-worker-immigration.html
• محتاج لغة إنجليزية متوسطة.
• أقصى عدد ملفات هيتقبل لكل وظيفة: 300 ملف و أقصى عدد ملفات هيتقبل للسته كلها: 5000 ملف يعنى إلحق بسرعة الدنيا بتقفل.
• مفيش مقابلة.
• السكة قصيرة و فى خلال سنة و نص سنتين بتكون معاك الفيزا.

سكة كيبك:

• السكة طويلة أوى يعنى 5 سنين أقل كلام.
• فى مقابلة باللغة الفرنسية.
• محتاج فرنساوى قوى قوى مش أى فرنساوى و إنجليزى متوسط.
• بتاخد درجات زيادة لو وظيفتك فى لستة الوظايف المفضلة، و أنت ظيفك فى اللستة و بتدى 6 درجات إضافية.
• لو مراتك وظيفتها موجودة فى اللستة بتديك درجات إضافية.
• عشان تاخد درجات اللغة الفرنسية لازم تمتحن: TCFQ أو DELF أو TEF و عشان تاخد درجات اللغة الإنجليزية لازم تمتحن IELTS.
• اللستة: http://www.immigration-quebec.gouv.qc.ca/publications/en/diverses/list-training.pdf
• لازم تعدى 57 نقطة عشان تفتح ملف و 63 نقطة عشان تنجح فى المقابلة.
• ممكن تحسب درجاتك من هنا: http://www.canadavisa.com/quebec-skilled-worker-immigration.html
• لو معدى الـ 57 نقطة من غير الفرنساوى ممكن تفتح ملف من غير شهادة إمتحان الفرنساوى و تبقى تذاكر و تمتحن براحتك لحد المقابلة.

أى خدمة...

تم تعديل 6 أغسطس 2013 بواسطة أدهم الشرقاوى

[اغابي]

زوهيرى بيك

تحياتى

:flr1:

سؤالى بقى هل الشغل بيكون فيه فرص اكبر فى فانكوفر عن باقى الولايات وهل الدخل اكبر يناسب مستوى المعيشة

ولا بتلاقى شغل بصعوبة - انت عارف طبعا يا زوهيرى الشغل صعب عموما فى كندا

لكن كمان فيه ولايات بيكون فيها فرص شغل اكتر زى تورنتو مسيساجا والبرتا وكالجارى

ياترى فانكوفر منهم

[MZohairy]

زوهيرى بيك

تحياتى

:flr1:

سؤالى بقى هل الشغل بيكون فيه فرص اكبر فى فانكوفر عن باقى الولايات

خلينا نقسم كندا لستة مناطق:

اونتاريو تورونتو (اكبر ولايه فيها شغل و اكتر ولايه فيها ناس عايزين شغل يعني منافسه شديده)

كيبيك موريال (لا اعترف بوجود وظائف محترمه فيها للعرب حتى من يجيد الفرنسيه)

مانيتوبا ونيبيج (مزارع و ديب فريزر و فيها شغل نسبيا لقلة عدد طالبي الشغل)

ساسكاتشوان ساسكاتون (زي اللي فوقيها)

البيرتا كالجاري (اكتر ولايه فيها شغل و ديب فريزر)

بي سي فانكوفر (موقفها وسط بين تورونتو و كالجاري مع طقس رائع)

وهل الدخل اكبر يناسب مستوى المعيشة

ولا بتلاقى شغل بصعوبة

الحياه اذا كانت اغلى فهي اغلى بحاجات بسيطه لا تقارن بميزة الطقس ابدااااااااااااا

- انت عارف طبعا يا زوهيرى الشغل صعب عموما فى كندا

الشغل المحترم بس هو اللي صعب مش الشغل الكاجوال

ازيك يا اغابي

فينك يا بنتي؟؟؟؟

طمنيني عليكي

[اغابي]

ازيك يا اغابي

فينك يا بنتي؟؟؟؟

طمنيني عليكي

اهو ماشي الحال - عايشة زى العايشين

لكن انا مش عارفة استقر فين فى كندا ومحتارة جامد

ولا هل اعمل لاندنج وارجع الكويت تانى ولا ما ارجعش

المهم عندى ان الولاية يكون فيها شغل

[MZohairy]

اهو ماشي الحال - عايشة زى العايشين

لكن انا مش عارفة استقر فين فى كندا ومحتارة جامد

ولا هل اعمل لاندنج وارجع الكويت تانى ولا ما ارجعش

المهم عندى ان الولاية يكون فيها شغل

والله الموضوع موضوع حظ و مجهود و التوفيق من عند ربنا

انا وضحتلك الولايات كلها فوق و انتي اختاري اللي يناسبك

لو موضوع البرد مش فارق معاكي يبقى روحي كالجاري و خلاص

[Mohamed Reda]

أنا لسة باديء أهتم بموضوع الهجرة لكندا من فترة وقبل كده كنت بفكر في بلاد تانية، بس حاليا بقيت مقتنع بكندا بنسبة كبيرة وبفانكوفر بالذات :dirol: .
سؤالي لحضرتك عن كذا حاجة، ياريت تستحملني معلش:

أنا بدرس بكالوريوس سياحة وفنادق، قسم إدارة فندقية، بعد بحث فترة في منتديات أجنبية وعربية مش قادر أوصل لإجابة السؤال: هل هحتاج أعمل دبلومة لتخصصي لو عرفت أهاجر لكندا عشان أشتغل في أي فندق؟ في ناس بتقول آه، وفي ناس بتقول لأ لأن ببساطة المجال واحد في كل دول العالم.

سؤالي التاني؛ هل فانكوفر أو BC عموماً مقاطعة 'سياحياً' كويسة؟ أنا لاحظت إنها في ال PNP طالبة الناس اللي في مجال السياحة والضيافة بالأسم، بس لازم يكون عندهم عقد عمل هناك. ده غير تميزها العالمي في إستضافتها لأولمبيات 2010 pht: .

وأخر حاجة؛ هل فانكوفر مكان صعب بالنسبة للمهاجرين الجددد (نظراً لغلاء الشقق على سبيل المثال)؟
أقصد على إفتراض إني عرفت أهاجر عن طريق مانيتوبا، وكنت فعلا محتاج أدرس دبلومة وخبرة كندية قبل ما أشتغل في فندق، هل الأفضل أفضل في وينيبيج اللي بحسها أكثر ترحيباً وملائمة للمهاجرين الجدد لمدة سنتين أضبط فيهم مهاراتي قبل ما أتجه غرباً للعزيزة فانكوفر؟ متهيألي قريت رد لحد بيقول إن لو أتدربت ودرست في وينيبيج حيكون فرصك أفضل في الحصول على شغل بداخلها، بمعنى أخر لو عاوز أشتغل وأستقر في فانكوفر، يبقى اللاندنج لازم يكون في فانكوفر.

وشكراً ليك،.