توريث الحكم بين مؤيد ومعارض

[Guest Mohd Gramoun]

الأخوة الأعزاء ببساطة أشد

جمال مبارك لايحق له أن يرشح نفسه لأي منصب ولايحق له أن يكون موجودأ علي الساحة السياسية من أصله

ده أنسان اتفرض علينا غصب من البداية...

بصراحة انا مش فاهم الأخ جرامون ...عايزها ملكية والرئيس يكون وكيل الملائكة علي الأرض

احنا فعلا امامنا عدة عقود حتي نعرف كيف نختار ونستاهل اللي بيجرالنا ...

أنا زهقت خلاص rs:  :angry:  :angry:

ولماذا تصادر حقه...أليس هذا ضد أحد أهم مبادئ الديموقراطية او الحرية او الشوري..علي إختلاف المسمي... طالما انه مواطن مصري صالح (أقصد بها يصلح للرئاسة) لماذا نمنعه هذا الحق إذا رغب هو في ذلك؟!!!

ولا أعلم كيف تقول أنه قد فرض علينا... كيف تم فرضه؟؟ و علي من فرض؟..

الرجل تم إختياره من قبل الحزب الوطني..ليكون رئيسا للجنة السياسات به... و لم يتم إختياره من قبل البرلمان ليكون رئيسا للوزراء...

بالمناسبة هو لا يتولي أي منصب حكومي..(حاسس ان الناس فاكراه أن لقب جمال ولي العهد حفظه الله)

ويا أخي أنت زي ما كتبت أنك angry انا كتبت برضه في لحظة إنفعال متبادل أني عايزها تبقي ملكية.. وأيا كانت ملكية او جمهورية فبلا شوري و ديموقراطية فلن تقوم لها قائمة.

بصراحة أنا سأؤيد جمال لو ترشح...لكنه قالها لن اترشح و نحترم رغبته و وجهة نظره فهو يعلم تماما أنه سيخسر الرهان لا لشخصه او لبرنامجه ولكن لأن اسمه جمال مبارك..

أعذرني في الإطالة ولكن ساحكي لك قصة قصيرة ستعلم معناها و مغزي ما قلته.. في إنتخابات نادي هليوبوليس الدورة قبل الأخيرة ترشح أحد أصدقائي من أبناء عمومة مبارك (تحت السن).. وهو شخص محبوب و إجتماعي و رياضي و معروف جدا في النادي وكان متفائلا جدا ويوم الإنتخاب ورغم إحتدام المنافسة سمعت من يقول دي حاجة تسد النفس هيبقي برة و جوة....إحنا ناقصين.. فتكلمت مع أحد هذه الأصوات..وقلت له ما هي عيوب صديقي ..قال لا توجد أية عيوب و لكن لن أنتخبه عشان أسمه...قلت له و هل تكره الرئيس ..او تكره طريقة تداوله للأمور..قال لا.. ولكن هو كده...حالة نفسية يا أخي... ;) طبعا كان بيضحك..(و صديقي خسر لأن منافسه كان أفضل منه)

بس الهدف من وراء القصة أعلاه.. ان فيه بعض الناس لا يتبني فكرا أو نهجا ولكن يكون لديه إحساس داخلي يرغب في التغيير لمجرد الزهق... زهقان من أسم مبارك عايز أسم نوال السعداوي مثلا ، وبعد يومين عايز اسم تاني و هكذا.

والموضوع موش محتاج عقود...محتاج دراسة متأنية للوضع و تكاتف الجهود لتضافرها مع التغيير الحادث في المؤسسة الرئاسية...

أسالك سؤال واحد..قرار الرئيس بتغيير أحد مواد الدستور لو لم يكن أتخذه بمبادرة فردية(او تحت ضغوط كما يشاء للبعض تفسيرها)...كم من الوقت كنا سنمكث لإقناع تلك المؤسسة بتغييرها؟

[Guest Mohd Gramoun]

الاخ المصرى محمد جرامون

دائما افضل الاستماع عن المشاركه فى الموضوعات السياسيه لوجهة نظر خاصه بى ولكننى تابعت ردودك فى اكثر من موضوع ودفعنى ذلك لتوجيه سؤال لحضرتك

يا ترى انت مصرى فعلا وعايش فى مصر وحاسس بمعانات المصريين ولا مبعوث رسمى

الناس هنا تتحاور لتعبر عن عدم عجزها او لتتوهم ذلك فتظل تشعر انها مخلوقات كرمها الله ولم تكرمها الظروف الراهنه

لماذا تدافع بحرقة عن النظام وهل هذا الدفاع المستميت المكشوف لوجه الله؟

اطمئن اخى فليس من بين المتحاورين مرشح للرئاسه وللاسف لن تتغير اوضاعنا المهينه بالكلمات انها فقط فرصه للتنفيس فلا تحرم المصريين من هذه الفرصه وسعيكم مشكور

لا أفهم ماذا تقصد بسعيكم مشكور؟؟؟

أيضا لا أفهم ما تقصده بكلمة مبعوث رسمي؟

ولكن لدي رجاء طالما انك تقول انك تفضل الإستماع او القراءة أكثر من المشاركة أن تقول كلمة الحق حينما يتطاول البعض علي الرئيس او أسرته ان تتدخل أيضا لتمنعهم ...أهو حاجة من باب التنفيس برضه...و تكون دايما فاكر أن موش أسمه حسني مبارك بس... دا أسمه رئيس جمهورية مصر العربية...يعني أي أساءه او تشويه لشخصه ..معناها لبلدك أيضا.

وبالمناسبة ان شايف أن الشعب لا عاجز ولا مكتوف ولا غيره...الشعب حر و اللي موش عاجبه الرئيس بنشوفهم كل يوم في الفضائيات و زي ما كتبت هنا قبل كده علي بنشوفهم علي سلالم النقابات و بس هي المشكلة فينا احنا...

متعرفش...و متعرفش ليه؟؟؟

خوف... و...جبن..

ولا رضا بالأمر الواقع...

ولا واقع فعلا أنه لا يوجد البديل...

ولا خوف من اللي هيجي علي رفرف دبابة أمريكية

ولا تفادي التفكير بطريقة الأدمغة المغسولة

ولا حبا في الرئيس و أبنه

ولا نكاية فيه...عايزينه يفضل فيه عشان نفضل نشتمه و نحمله مسئولية تخلفنا..

أرجوا انك تشارك و تقلع عن عادة الإستماع... فليست كل المحطات لا علي درجة النقاء ولا علي درجة الصفاء..وليس كل فكر عكسي هو إيجابي و يصب ي مصلحة الوطن و المواطنيين..

أيه رأيك في عمل ثورة...زي قيرغيزيا.....

[se_ Elsyed]

مش عارف ليه جرمون من ساعة ما حطلنا صورته وهو أراءه وأفكارة إتغيرت .... ليته لم يفعل ....

[New]

الاخ محمد جرامون

شكرآ على الاطراء....

بس انا مش عارف ليه الدفاع المستميت عن جمال مبارك ؟؟ علما بانه غير مرشح!!!! يعنى الراجل ده معندوش برنامج او خطة!!! ومع كده بتقول لو رشح نفسه انا حانتخبه!!! مش ده برضه حكم بالغيب؟؟ والا جمال مبارك راجل مفيش زيه ولازم نرشحه!! انا اعتقد انها ثقة عمياء فى رجل منعرفهوش. والا بلاش ثقة عمياء ده كانه شيك على بياض سيادتك بتديهوله.

وبعدين اسمحلى اختلف معاك. مبارك فعلا رئيس جمهورية مصر العربية. بس الاساءة له لا تمثل اساءة لمصر. احنا بنتكلم فى محاورات (المصريين) يعنى احنا بنتكلم مع اخوتنا فى الوطن وخارجه اللى كلهم مصريين يعنى مش حنغش بعض والكل عارف انه رئيس فاسد. وفى نظرى ونظر ناس كتير ان اللى شايف غير كده منتفع من النظام الحاكم.

ايام ماكنت طالب فى كلية الهندسة اوائل التسعينيات ومصر وقعت على اتفاقية الجات وتناقشت فيها مع اصدقائنا كنا حاسين بالخطر وكنا متوقعين الحالة اللى البلد حتوصلها الا اذا الحكومة تنبهت ودفعت صناعتها لمجال المنافسة. اتفاقية الجات اعطت فرصة للدول الناميه سنوات وسنوات لتطوير صناعتها. نجحت دول عديدة فى الوصول للهدف. زى ماليزيا واندونيسيا و كوريا الجنوبية وغيرهم. وفشل حكومتنا فى الوصول الى شئ اللهم مزيد من التخلف. وبدلا من تطوير الصناعة والزراعة كان هدف مبارك ازاى يخللى علاء (اسم النبي حارسه) يكوش على كل شئ فى البلد.

كلام اننا (بنواكب) عصر التقدم واننا بنعمل اصلاحات جبارة و (بندفع) عجلة الانتاج والانطباع ان لو مبارك ساب الحكم مين يحكمنا وحنروح فى داهية والبعبع حايكلنا ده كله كلام فاضى وانا باسميه سياسة الضحك على الذقون

السياسة دى فشلت مع دخول الفضائيات وانترنت لمصر. انا طبعا ما بقولش ان كل المحطات الفضائيه ومواقع الانترنت صادقة بس دلوقت الشعب ممكن يسمع صوت تانى غير صوت الحكومة ورأي تانى غير اخترناك انت وعيالك.. والشعب يقدر يفرق بين الكويس والردئ و يحكم بنفسه...

[Mohammad Abouzied]

ماشي يا اخواننا

جمال يترشح

مش مشكلة

جمال يكسب مش مشكلة

فين المشكلة

الموضوع في وعي اللي بيروح ينتخب (وده ضايع عند الاغلبية)

و عدالة الاجراءات ( و دي ضايعة تماما)

و لو دول مش موجودين

و لا زيد يفرق عن عبيد

ليه برضو

علشان لو سعادتك عندك وعي و داري باللي حواليك

هتعرف تحاسب حكامك صح

و لو في اجراءات سليمة و شفافية و اتاحة فرصة حقيقية للعمل السياسي

مكانش جه علينا يوم نحتار في مين ممكن ينفع يبقى ريس

او يوم نسمع فيه ان عيب جمال الوحيد انه ابن الريس

ما علينا

هو دا الكلام الى يتقال فعلا المهم النظام الى موجود واسلوب المحاسبة وكمان المواطن الواعي الى عارف يأخذ حقه ويدافع عنه وبعد

حطه الضو وشالوا شاهين

كله واحد

[Guest Mohd Gramoun]

الاخ محمد جرامون

شكرآ على الاطراء....

لم يكن إطراءا ..بل كان تأكيدا علي إتفاق الرأي...عموما الرأي السديد المتعقل بالتاكيد يستحق الإطراء و الإشادة..

بس انا مش عارف ليه الدفاع المستميت عن جمال مبارك ؟؟

بالعكس انا لا أتفق معه في بعض الأمور.. لكن الهدف من دفاعي السابق و الحالي لم يكن عن جمال مبارك الشخص او المنصب.. بل دفاعا عنه ممن يستغلون اسم جمال لخلق جو معركة سياسية داخل الوطن بحجة التوريث.. ودفاعي عنه سينقطع بتواري هذا الموضوع.

علما بانه غير مرشح!!!!

وهذا هو السبب الحقيقي في دفاعي عنه لأنه وضع حدا للمهاترات والتسوق السياسي.

يعنى الراجل ده معندوش برنامج او خطة!!!

الراجل موش مستقل ليكون لديه خطة او برنامج مستقل... ..ده راجل حزبي... يعني يشارك في بناء برنامج الحزب الذي ينتمي اليه و بالتالي يعمل علي تحقيق هذا البرنامج.

ومع كده بتقول لو رشح نفسه انا حانتخبه!!! مش ده برضه حكم بالغيب؟؟

إفتراض مشروط... وليس تنبؤ بالغيب..

والا جمال مبارك راجل مفيش زيه ولازم نرشحه!!

بالعكس قد أجد نفسي أفضل منه في بعض من الأمور(ضربت المثل بنفسي لقناعتي و حتي لا يتسرب الشك لدي الجميع بأن جمال مبارك.. هو المهدي المنتظر ..او المسيح المخلص). ولكن العمل السياسي يتطلب مهارات وقدرات هو أفضل مني و من جميع من في الساحة السياسية ولذلك أؤيده..كشخص ولم اجبر أحدا علي الإنصياع لرأيي.

انا اعتقد انها ثقة عمياء فى رجل منعرفهوش. والا بلاش ثقة عمياء ده كانه شيك على بياض سيادتك بتديهوله.

كتب في الرد السابق أن ذلك رأيي الشخصي ولا أملك أجبارك او احدا من المشاركين عليه..وبالتالي تنتفي صفة الشيك عنه...مع انه شيك و بدله من ماسيمو دوتتي.. rs:

وبعدين اسمحلى اختلف معاك.

أحنا هنا ليه....عشان نتناقش و نتفق و نختلف بمنتهي الأدب و الأحترام...وقبول الرأي و الرأي الآخر.

مبارك فعلا رئيس جمهورية مصر العربية. بس الاساءة له لا تمثل اساءة لمصر.

أختلف معاك... ده حتي المثل العربي بيقول..لو ان رب البيت بالدف ضارب..لكان شيمة أهل البيت الرقص.

وعندنا في البلد مثل بيقول..الجواب بيبان من عنوانه.

احنا بنتكلم فى محاورات (المصريين) يعنى احنا بنتكلم مع اخوتنا فى الوطن

وهو الرئيس ده رئيس مصر ولا دوله تانية؟؟

وخارجه اللى كلهم مصريين يعنى مش حنغش بعض

قطعا لا..

والكل عارف انه رئيس فاسد. وفى نظرى ونظر ناس كتير ان اللى شايف غير كده منتفع من النظام الحاكم.

ده إتهام ولا حكم؟؟.. وبعدين اللي شايف غير كده هيتنفع بإيه من النظام... يعني شخص مثلي لا هو عضو الحزب الوطني ولا أية حزب.. ولا عضو بجمعية أهلية ولا غيره..حاجتين بس اللي أنا عضو فيهم..النادي و النقابة..وبدفع الضرايب و المخالفات وبقضي مصلحتي من أية إدارة حكومية زي أي واحد تاني..لكن لي وجهة نظر مختلفة..يتحكم عليا بالإنتفاع..منا عايش نفس الهموم و المشاكل..لكن أصدقائي من جنسيات اخري يعيشون هموما و مشاكل أكبر ولا ينتقد احد دولته و رأسها أو ينتقصهم..

ايام ماكنت طالب فى كلية الهندسة اوائل التسعينيات ومصر وقعت على اتفاقية الجات وتناقشت فيها مع اصدقائنا كنا حاسين بالخطر وكنا متوقعين الحالة اللى البلد حتوصلها  الا اذا الحكومة تنبهت ودفعت   صناعتها لمجال المنافسة. اتفاقية الجات اعطت فرصة للدول الناميه سنوات وسنوات لتطوير صناعتها. نجحت دول عديدة فى الوصول للهدف. زى ماليزيا واندونيسيا و كوريا الجنوبية وغيرهم. وفشل حكومتنا فى الوصول الى شئ اللهم مزيد من التخلف.

طب أيه أسباب التخلف موش نناقشها ولا عندنا صندوق المهملات المسمي فساد الريس عشان نرمي فيه كل مشاكلنا.. وإنا في الكلية برضه ..درسنا أن مصر إقتصاديا و تنمويا و فكريا وصناعيا كانت متقدمة علي الهند و كوريا الجنوبية حتي منتصف الستينات وبعدها توقفنا ليه...

الحروب

الإنغلاق الإقتصادي و طرد رؤوس الأموال

فقدان الثقة الدولية في الدبلوماسية المصرية

محاربة الدين و التدين و مصادرة الفكر و الرأي

الإستخفاف بالعقول المستنيرة

عدم وجود هدف

إنشغال الشعب بالإستهلاك وليس الإنتاج

تشويه المناهج الدراسية و الإستخفاف بالتعليم.

وأسباب أخري كثيرة لا أستطيع تذكرها الآن... هل يكون مبارك هو السبب الوحيد فيها ام أنه قد ورث تركة سنوات طويلة هل نحمله وحده المسئولية أم انها مسئولية تاريخية يشترك فيها الشعب مع نظامي حكم سابقيين؟!

وبدلا من تطوير الصناعة والزراعة كان هدف مبارك ازاى يخللى علاء (اسم النبي حارسه) يكوش على كل شئ فى البلد.

من التسعينيات وأنا أسمع ان علاء شارك و لهف و أخد لكن لم اسمع او أشاهد احدا قدم دليلا تكويشه علي أية حاجة...كلام و إشاعات و أي حاجة في كل حاجة..

بالمناسبة نرجع لمجلة الشرق الأوسط سنة 98 لما نشرت أن علاء وجمال وراء تأخر شبكة الموبيل في مصر... المجلة دي بتصدر من لندن...أترفعت قضية و كسبها إبنا الرئيس ليه؟؟؟ لأن لم تكن هناك ادلة بل قال فلان و قال علان.. وأعتذر حتي ولي العهد السعودي و حضر لمصر في زيارة خاصة وقدم إعتذار من الشعب السعودي لنجلي الرئيس بإعتبار ان الشركة المالكة للمجلة سعودية.

كلام اننا (بنواكب) عصر التقدم واننا بنعمل اصلاحات جبارة و (بندفع) عجلة الانتاج والانطباع ان لو مبارك ساب الحكم مين يحكمنا وحنروح فى داهية والبعبع حايكلنا ده كله كلام فاضى وانا باسميه سياسة الضحك على الذقون

السياسة دى فشلت مع دخول الفضائيات وانترنت لمصر.

هي موش سياسة ولكن هي دي إمكانيات الناس المسئولة عن الإعلام في مصر..اللي بيصوروا أن الشعب عاجز أعمي عايز اللي يقوده وأطرش عايز اللي يفهمه و أبكم عايز اللي يتكلم نيابه عنه...

بإستثناء حزب التجمع.. من نهاية السبعينيات و حتي الآن هل يوجد برنامج معارض متكامل؟؟؟ لا يوجد..قص ولصق و شعارات و همبكة...صدقني فعلا همبكة.. ليه لأن زي ما انت قلت ..متهومين أنهم يعملوا مع الشعب زي ما تفضلت وقلت ..الضحك علي الدقون

طيب هل يوجد وزارة ظل في حزب معارض؟؟؟؟ لا يوجد ...حاولوا تجربتها في حزب الوفد في منتصف الثمانينيات و ماتت التجربة قبل أن تولد.

يبقي في ظل المور دي هل لدينا القدرة علي إدارة أمور الدولة لو قمنا بثورة؟؟؟ بالـتأكيد لا... هيكون مصيرنا أما زي السودان..تقسيم طائفي أو زي الأرجنتين.. الحكومة تقطع ورق الجرايد و تدفعه مرتبات ..أو حتي زي جمهوريات الإتحاد السوفيتي اللي موش لاقيين ياكلوا بعد ما حلموا أن الديموقراطية هتشبعهم وتغطيهم و تكسيهم؟!!!

انا طبعا ما بقولش ان كل المحطات الفضائيه ومواقع الانترنت صادقة بس دلوقت الشعب ممكن يسمع صوت تانى غير صوت الحكومة ورأي تانى غير اخترناك انت وعيالك.. والشعب يقدر يفرق بين الكويس والردئ و يحكم بنفسه...

والأصوات موجودة... والبرامج موجودة... والناس بتقدر فعلا تفرق.. وأنا واحد من الناس دول...

[daktara]

اخى جرامون

الحريه اللى بنشوفها فى الفضائيات مش حريه دى اباحيه من ناس مش عارفه تعمل حاجه وانا لا احبذ التطرف فى الحكم على الاشياء ولا انتقد رأيا حرا ولست ضد السيد الرئيس على طول الخط فيكفيه ما فعله فى حرب اكتوبر لنحبه للابد ويمكن ان نستمر فى حبه وهو خارج الحكم ولكن الانتقاد للمنظومه كلها وليس لشخص الرئيس وان كان فعلا ناجحا لما تردت احوال الشعب لحد التمرد الجماعى اما عن جما مبارك فاعتقد ان صد الشعب عنه ليس لشخصه فربما يكون انسانا سويا محبا لبلده واعتقد انه كذلك ولكن عزوف الجميع عنه لانه اخذ فرصا لم تكن لتتوفر لمن هم افضل منه واقحم بضم الالف فى مجتمع قد تمرس على كذب المسئولين وعدم امانته اما ما نسمع عنه من حريه وديمقراطيه ورغد عيش فلا يزال حزب الحكومه يتحدث عنه ويعرف انه يكذب على الشعب ويعرف ان الشعب يعرع انه يكذب عليه بضم الياء (او بفتحها اوكسرها زى ما انت عايز) يعنى الخلاصه يا عزيزى نحن شعب يريد الا يضحك عليه بضم الياء

اما رايى فيمن يستحق ان يكون رئيسا لمصر فللاسف لا يوجد احد وربما يكون افضلهم فعلا فى تلك الفتره الرئيس حسنى مبارك واعلم انى ساقذف بضم الالف بما لا استحقه

وارى اخيرا ان يتم تعديل الدستور واحده واحده ثم تجهز كودر جديده قادره على حمل الامانه يتم تجهيزها بمبدأ البقاء للافضل لا لابن فلان او علان ولا اقصد جمال مبارك فقط انما اى ابن لاى مسئول

عزيزى ما يحدث فى كرسى الرئاسه يحدث تماما فى كل مؤسسات مصر بدأ من اى اداره صغيره مرورا بالكليات والجامعات الى كراسى الوزراء التى يجلس عليها مشتاقون يرون انهم فى عليين والشعب فى اسفل سافلين

الموضوع كبير جدا وما دام فى قبضه واحده او قبضه رجل واحد لن ينصلح حال الامه وللاسف لن يكون غير ذلك لان الاختيار فى مصر او الانتخاب دائما ما ياتى باصحاب النفوذ لا لافضل الكوادر

نحن شعب يحب ان يحكم بالعصا الغليظه ويستعذب كلمه آه او أى

كلمه اخيره يا سيدى لا مانع ابدا ان يقول الجميع حسنى مبارك وليس سياده الرئيس فسيدنا رسول الله كان يقال له يا محمد

[yasser6666]

الأخوان الكريمان جرامون وهوايت هارت

واضح أن الأخ جرامون يعيش في عالم وردي خيالي لايمت للواقع المصري بصلة من قريب أو بعيد ولا يشعر بالفقر المدقع الذي ألم بمعظم طبقات الشعب في السنوات العشر الأخيرة بالذات

وحسب أخر أحصائية لجهاز التعبئة والأحصاء (المصري مش الأمريكاني) أن اكثر من 40% من الشعب يعيشون تحت خط الفقر

وذلك نتيجة الحكم المباركي الهزيل وتفشي السلب والنهب والفساد لدرجة لم يسبق لها مثيل حتي في عهد الملكية التي تحلم بها.

وأذا أنا كنت مخطئ في هذا التحليل فأرجو اُثبات العكس.!!!

وحضرتك مازلت تتمسك بتلابيب هذا النظام وأتباعه وترغب في استمراره في صورة الأبن...والله العظيم حرام تتمني لشعب مصر الطيب 23 سنة أخرين من الأستبداد

الأخ هوايت هارت.بالنسبة للعلمانية التي تتمناها لأهل بلدك الكرام وتهوي تطبيقها وتتهمني بأن مفهوم العلمانية خاطئ عندي وعند غيري فأنني انقل لك مفهوم العلمانية هنا

لأنه ربما حدث عندك لبس وأعتقدت أنه منهج يصلح لبلد أسلامية عربية مثل مصر

العلمانية هي ترجمة للكلمة الانكليزية  Secularism   والتي تعني لغويا "الدنيوية " ، وقد يكون من الانصاف اللغوي ان تترجم " باللادينية " وهي تلك الافكار التي ظهرت كنتيجة لأعمال الكنيسة التي بلغت حدا جعل الناس يمقتون القساوسة لتحالفهم مع الحكام الظالمين ومحاولة جعل اعمال الحكام شرعية ، الامر الذي جعل ظهور العلمانية كمهرب للكنيسة وبداية ابعاد الكنيسة والدين عن الدنيا ، اي السياسة والاقتصاد والعلوم والاجتماع وكل شيء

بصراحة لاأعرف لماذا اكتب في هذا الموضوع من أساسه

ياجماعة أشعر أن مصر تمر هذه الشهور بمرحلة جديدة وأن الشعب بدأ يفوق من غيبوبته استحلفكم بالله ليس من الوقت المناسب هذه الأفكار الهدامة وجزاكم الله كل خير

[New]

للاسف الشديد انى معنديش كيبورد عربى علشان اكتبلك باسهاب اكتر (حلوة اسهاب دى) بس ما علينا. :angry: وافند لك معظم ما كتبت. ولكن فى شوية نقاط :

1- جمال مبارك موجود فى الساحة السياسية مش علشان خاطر يقزز لب. ده موجود لسبب... ايه هوه ايه حلم اى واحد سياسي...تفتكر ايه؟؟ rs:

2- سيادتك قلت بالحرف الواحد...

بصراحة أنا سأؤيد جمال لو ترشح...لكنه قالها لن اترشح و نحترم رغبته و وجهة نظره فهو يعلم تماما أنه سيخسر الرهان لا لشخصه او لبرنامجه ولكن لأن اسمه جمال مبارك

يعنى محطش شرط ولا شرطتين والا سقط سهوا.. خلى بالك لان المعنى بيتغير كتير. :angry:

3- كون حسنى و ابنه احسن الموجودين فهذا شئ ممكن يخدعك انت بس مش ناس تانيين كتير. وخداع الفكر ده يرجع لسببين اولهم ان مبارك بيغيب اى وجه معارض وهو بيمارس المهنة دى بمفرده من اكتر من عقدين من الزمن ( فاكر لما تدخل ورجع الجوهرى لتدريب منتخب مصر. يعنى مش بيتحكم ويعمل كل حاجة بنفسه دا كمان بيتدخل فى اللى ملهش فيه). السبب التانى اعتقاد بعض الناس ان الرئيس المفروض يكون عارف كل شئ عن اى شئ وده غلط لان الرئيس المفروض يكون رجل اتخاذ قرار والمستشارين ورئيس الوزراء هما اللى بيقدموله الخيارات المتاحة. السببين دول بيخلوك تعتقد ان اما مبارك او ابنه هما اللى يعرفوا احسن من 70 مليون. يعنى يا تختار الملك او الكتابة. وجهين لعملة واحدة.

4- انا اتفق معاك ان الشعب عليه جزء من المسؤلية بس النصيب الاكبر يرجع للرئيس فى تخلف البلد بس خلال اكتر من عقدين ايه انجازاته والا انجازات حزبه ؟؟ وايه الاجراءات اللى الحكومة عملتها من ساعة التوقيع على الجات؟؟

5- عدم وجود دليل على نهب وسرقة البلد من علاء مبارك. كل اللى فى بالى مثالين. ماهر الجندى محافظ الغربية والجيزة السابق. كانت سمعتة زى الطبل والكل يعرف انه حرامى ولما كان فيه دليل ضده قالوله معلش اللى مش شاطر زينا بيدخل السجن. والمثال التانى يوسف والى وصبيانه وبرضة سمعته معروفة وبدأت شلتة تقع. وعلى فكرة ممكن ترجع لواحدة من اوائل مداخلاتى فى الرد على الاخ جرجاوي وانت تعرف مين سبب ترك الجنزورى للوزارة وكمان موضوع شركة انتل.

فى النهاية اتمنى ان تكون قد توصلت الى ان مبارك فـــاسد وليس هناك اى تعبير اخر ولن انظر اليه بافضل من كده.

تم تعديل 15 مايو 2005 بواسطة عادل أبوزيد

[White heart]

yasser6666 كتب:

...ربما حدث عندك لبس وأعتقدت أنه منهج يصلح لبلد أسلامية عربية مثل مصر

أتعلم؟ مجرد التلقائية و الثقة التى توصف بها مصر هى من وجهه نظرى مفهوم خاطئ، فكيف اتابع معك اى مناقشة حول هذا الموضوع؟؟!!

تستطيع أن تقول: مصر دولة عربية ....

و غيرك يقول: مصر دولة عربية شئتم أم ابيتم ... الخ ... الخ ... و مع ذلك فلن يغير هذا من الحقيقة قيد أنمله (خاصه لدى جميع دول العالم - بإستثناء الدول العربية بالطبع!!) ، و الحقيقة التى اعنيها و التى يكره الكثيرين الإقرار بها (وهذه بالطبع حريتهم الشخصية و لا سلطان لى عليها) هى ان مصر ليست دولة عربية!!! مصر ببساطة دولة مصرية، و ليست بحاجه الى الإنتساب الى حضارة أحدث منها!!!

هذا شق ... أما الشق الأخر و المتعلق "بعقيدة دولة" ... فهو أيضا مفهوم خاطئ من وجهه نظرى، لأنه ليس معنى ان هناك أغلبية عددية تعتنق احدى الديانات بان تصبح الدولة نفسها و كل ما عليها معتنقا لنفس العقيدة تلقائيا!! و بالمناسبه من احد الأسباب ان معظم الذين يطالبون بتطبيق العلمانية فى مصر، هو إصرار البعض على "فرض" هذا المفهوم و على الجميع، و ما يتبعه من خلط فى كثير من الأمور. "الدولة" = كيان مادي و ليس روحاني حتى تختار إعتناق تلك العقيدة، أو تلك!! لهذا السبب فأنا و بكل تأكيد من المؤيدين لتطبيق المنهج العلماني "الصحيح" فى بلدي مصر، و ربما يكون "جمال مبارك" أو غيره ممن قد يظهروا على الساحة السياسية مستقبلا يكونون "حلقة الوصل" تلك.

العلمانية هي ترجمة للكلمة الانكليزية  Secularism  والتي تعني لغويا "الدنيوية " ، وقد يكون من الانصاف اللغوي ان تترجم " باللادينية

هذا هو بكل أسف المفهوم الذى يتم تناقله من دون حتى تكلف عناء البحث عن دقته أو صحته من عدمه! دعني أسألك هل هناك فرق لغوي بين تلك الكلمات الثلاث:Secularism - Secular humanism - Laïcité ... عموما حتى اسهل عليك ... انا من أنصار العلمانية حيث منشأها الحقيقى، و هو المنهج الذى أثمر عن "الإتحاد الاوروبى" بهذه الشاكله التى نراه عليه اليوم ... و رفاهية، و تحضر، و رقى مواطنيه (بنسبة كبيرة) - هذه العلمانية التى أفهمها هى ما نطلق عليه بالفرنسية: Laïcité وقد يكون من الانصاف اللغوي ان تترجم " باللاكهنوتية " .... و بمعنى أشمل (فصل الدين عن السياسة أو الدولة)، ربما هذا الرابط يعطينا فكرة أدق عنها ...

وقد يكون من الانصاف اللغوي ان تترجم " باللادينية "

لا معذرة .. انا متمسك بترجمة كلمة: Laïcité، و اذا اتبعنا نفس القاعدة - أى الانصاف اللغوى فترجمتها الى اللغه العربية هى: علماني = أى غير كهنوتي!

و مع أننى سمعت كثير من الأعضاء و الأصدقاء يقولون انه لا كهنوت فى الاسلام، اللا ان هذا سينقلنا بالضروره الى الشق الأخر و الأخير من مداخلتك:

وهي تلك الافكار التي ظهرت كنتيجة لأعمال الكنيسة التي بلغت حدا جعل الناس يمقتون القساوسة لتحالفهم مع الحكام الظالمين ومحاولة جعل اعمال الحكام شرعية

انا أزعم انه هناك شئ مشابه قائم فى بلدنا .... و ان كنت اتبعت الانصاف اللغوى كإسلوب متحضر للبحث عن حقيقة ترجمة و معنى كلمة، فمن الأفضل أن نحتكم الى الإنصاف و نقر بأنه من ضمن المشاكل العميقة ذات النتائج السلبية المدمرة ... فهو نوع ما من "التمييز" الواقع فى بلدنا، و هو قد بنى بالأساس على أسباب "عقائدية" بحتة ... و اذا تتبعنا بعض القوانين و بنودها و تحديثاتها على مر السنوات، من قبل أن نتتبع بعض "الفتاوى" الدخيلة، فسنجد ان اصلها "عقائدى" بحت، أظن انه هناك بعض المواضيع التى كان قد تم تناولها هنا فى المحاورات كانت قد تعرضدت على "وظيفه" بعض المسئولين عن المؤسسات الدينية، و السخط فى بعض الأحيان من ردود أفعالهم ... أم ترانى على خطأ؟

عموما انا الاحظ انك مصر على "مهاجمة" إختياري، و محاوله نسفه بكل الطرق، و الحط و النيل منه، و الحكم بأنه غير صالح لشعبنا، فى حين انه:

1- لا يستطيع أحدا منا هنا أن يتحدث بإسم الشعب، طالما لا يوجد "حريات عامة" حقيقية.

2- لا يستطيع أحدا منا هنا أن يتحدث بإسم الشعب، طالما لا يوجد ديمقراطيه حقيقية، و ما يصحبها من شفافيه، و استفتائات، واحصائيات، و دراسات و تكون كلها معلنة - موثقة!

3- لا يستطيع أحدا منا هنا أن يتحدث بإسم الشعب، طالما نصفه أو اكثر قليلا، لا يستطيع حتى قرأة و كتابه كلمة "ديموقراطية" أو "علمانية"، و يعانى من الفقر و الجوع !!

4- لا يستطيع أحدا منا هنا أن يتحدث بإسم الشعب، لأنه ببساطة ليس ببلدنا "شعب واحد" ... مهما تكرر على مسامعنا و ليل نهار ... بل شعب واحد شئتم ام ابيتم!

بصراحة لاأعرف لماذا اكتب في هذا الموضوع من أساسه

الشئ الإيجابي هو انك تشارك و لا تبقى صامتا .. ففقط بهذه الوسيله تخرج الافكار، و تتوضح أكثر و اكثر المفاهيم، و وجهات النظر المختلفة.

ياجماعة أشعر أن مصر تمر هذه الشهور بمرحلة جديدة وأن الشعب بدأ يفوق من غيبوبته استحلفكم بالله ليس من الوقت المناسب هذه الأفكار الهدامة وجزاكم الله كل خير

أما الشئ السلبي من مشاركتك هو الإصرار على القاء الحجارة على المناهج، و الأفكار التى لا تميل اليها لسبب أو لأخر ... و قد سبق و كتبت لك انه من الأفضل بدلا بالقيام بهذا العمل (الذى لن يجدى شيئا) لأنك ربما قد تستطيع أن تنجح فى "إخراس" و "محو" الرأى الأخر من أمام عينيك، و لكن هذا لا يعنى بالمرة من انك نجحت، لأنه تأكد انه سوف ينمو اكثر و اكثر مما تتصور، لأنك "بادرت" بظلمه، و قهره، و قمع رغبته ... حاول أن تطرح البديل مثلما سبق و طلبت منك فى مداخلتي السابقة ... فهذا افضل كثيرا ... ليعرض كل منا بضاعته، و لنترك حريه الإختيار للأخرين، فهذا أفضل كثيرا من القاء حجر على بضاعه منافسك بحجه انها "فاسده" أو "غير طازجه"، أو "غاليه الثمن" .. او .. او .... و بان بضاعتك هى من يجب أن تبقى وحدها فى السوق، لأنك أدرى بما يناسب الاخرين و من مفهومك أنت!!!

تم تعديل 15 مايو 2005 بواسطة عادل أبوزيد

[وليد صفوت]

- لا يستطيع أحدا منا هنا أن يتحدث بإسم الشعب، طالما لا يوجد ديمقراطيه حقيقية، و ما يصحبها من شفافيه، و استفتائات، واحصائيات، و دراسات و تكون كلها معلنة - موثقة!

صدقت ,........

و بالمناسبة : أبقى فكر السادة الاعضاء انك تعبر عن وجة نظرشخصية بحتة و لا تعبر إلا عما يدور داخلك ,........

بينما رأيى و رأى الكثير من الاعضاء هنا هو رأى الشريحة الاكبر من الشعب المصرى الرافض تماماً لهذا الجمال مبارك ,......إذن نحن نعبر عن الملايين من البشر , بينما تعبر أنت عن وجة نظرك الشخصية .......

و لن أعود لأناقشك لأن المناقشة معك إنتهت بالنسبة لى , لكن أقول لك : لا تنسى أن من بين الاعضاء من درس التاريخ الاوربى جيداً و يعلم من أين نشأت العلمانية كمنهج , و ان لها ظروفها و اسبابها التى ساعدت فى نموها و دفعتها نحو الظهور كمنهج جديد أوروبى , فلا مجال نهائياً لأن تتكرر ها هنا , لأن الظروف المحيطة أو the givens غير موجودة , فلا تحاول أن تسقط ما حدث قديماً فى أوروبا على ما يحدث الان فى مصر . لا أنصحك بهذا أبداً .....

كما ان تعريف العلمانية ( كمنهج و ليس ككلمة )- مهما حاولت أن تزينه - يكشف معناه الحقيقى و أهدافه الحقيقية , و التى بالضرورة لا تناسبنا و لا تناسب شعبنا ....

ملحوظة : طبعاً كلامى مش عاجب حضرتك , و بالضرورة حتفرد له رسالة كاملة مليئة بالإقتباسات و الردود المعلبة الجاهزة لمثل هذا الكلام , فأنا كما تعلم لست جديد و أعلم طريقة كل عضو فى الرد ..... لا تشغل بالك بما كتبت , و لا تضيع وقتك فى الرد عليه , ...... أعتبره كأن لم يكن , حتى توفر على نفسك الدخول فى مناقشة جديدة حول العلمانية , و بالتالى خروج الموضوع عن مساره ,......

تحياتى ,.....

[وليد صفوت]

قطع الطريق علي مرتزقة التوريث

أسجل إعتراضى العلنى للمرة الثانية أمام الجميع على وصف من يتهم مبارك يأنه يريد أن يورث الحكم بأنه من المرتزقة !!

فكيف لى و لغيرى أن أدخل مناقشة و أنا موجة لى سبة مباشرة فى عنوان المناقشة ؟؟؟!!!!!!!!!؟؟؟؟!!؟؟

دى أيه الحيادية دى ؟؟؟

تم تعديل 26 مارس 2005 بواسطة Violinking

[White heart]

Violinking كتب:

و بالمناسبة : أبقى فكر السادة الاعضاء انك تعبر عن وجة نظرشخصية بحتة و لا تعبر إلا عما يدور داخلك ,........

لم يحدث و منذ بداية الموضوع ... ان ذكرت كلمة "نحن" ... أو "شعبنا" ... مثل أخرين، بل أنا - و من وجهه نظرى فماذا تريد أكثر من ذلك؟؟!!

بينما رأيى و رأى الكثير من الاعضاء هنا هو رأى الشريحة الاكبر من الشعب المصرى الرافض تماماً لهذا الجمال مبارك ,......إذن نحن نعبر عن الملايين من البشر , بينما تعبر أنت عن وجة نظرك الشخصية .......

بالطبع هى وجهه نظرى الشخصية ... و ذكرتها من قبلك، فماذا أضفت؟

بل ماذا اقترحت كبديل اللا الهجوم المتواصل؟؟!!

و مع الأسف - سامحنى نحن هنا لا نقوم بعمل استفتاء "رسمي"، و حتى لو تم عمله فهو لا يعبر عن اى شريحة، أتعلم لماذا؟ لأنه ببساطه معظم الاعضاء ((( المتفاعلين))) فعلا، لا يتعدوا العشرات (بل فى بعض الأحيان أصابع اليد الواحدة!) و هناك منهم من الأقرباء ، أو الأصدقاء، اذن من الطبيعي أن تتفق أرائهم، يا عزيزى المحاورات لا يجوز اعتبارها مقياس لأى شئ، فدعك من مفهوم "الأغلبية" هنا فى هذا المجتمع "الإفتراضي" و الذى لا يستطيع أحدا منا أن يجزم حتى بحقيقة وجود الأخر!

كما اكرر دائما اطرح ما لديك بكل حرية، و دع لغيرك نفس الحق، و اللا أصبحنا ديكتاتوريين نحجر على "اختيارات" غيرنا، و بلا أدنى شك!

و لن أعود لأناقشك لأن المناقشة معك إنتهت بالنسبة لى

لا أفهم لماذا؟؟!!

لم اهينك .. لم أتطاول عليك، ... لم أرفضك، استمعت لكل أرائك و احترمت كل كلمه كتبتها و قمت بالرد عليها، فلماذا تتخذ هذا الموقف منى؟؟!!

طبعا أنت فى النهايه حر، و لكن فقط أردت تسليط الضؤ على احدى سلبياتنا كشعب، و المقاييس التى نعتمد عليها لتقبل او لرفض الأخر.

لكن أقول لك : لا تنسى أن من بين الاعضاء من درس التاريخ الاوربى جيداً و يعلم من أين نشأت العلمانية كمنهج , و ان لها ظروفها و اسبابها التى ساعدت فى نموها و دفعتها نحو الظهور كمنهج جديد أوروبى , فى مجال نهائياً لأن تتكرر ها هنا , لأن الظروف المحيطة أو the givens غير موجودة , فلا تحاول أن تسقط ما حدث قديماً فى أوروبا على ما يحدث الان فى مصر . لا أنصحك بهذا أبداً .....

أشكرك على النصيحة ... و لكنها نصيحة نابعه من منظورك انت الشخصي، و لست "مجبرا" على الأخذ بها ... فكما انك لديك قناعتك، و حريتك المصانه، فكذلك أنا ايضا ... و لم احاول ان أتعالى أو شئ من هذا القبيل اذا كنت تقصد هذا المعنى، و لكن ببساطه طالما اننى مقتنع بصحه وجهه نظرى، فسوف اكمل حتى النهايه، و فى الطريق أضع ما هو متوفر لدعم وجهه النظر تلك .... و بصراحه لا أرى الضرر من هذا؟؟ أم ان لأن محاورى فى (حلقة النقاش) قد يمل، أو قد يغضب، أو قد لا يعجبه المنهج الذى أطرحه .. اذن يجب على أن أخرس، و أتفق معه حتى انال الرضاء و القبول؟؟!! ... اما عن الــgivens فأنا من وجهه نظري الشخصية بالطبع أراها متشابهه، حتى و ان كنت و معك جميع ممن يتفقوا معك عقائديا لا ترون هذا ( وهذا أمر طبيعي ) ....

كما ان تعريف العلمانية ( كمنهج و ليس ككلمة )- مهما حاولت أن تزينه - يكشف معناه الحقيقى و أهدافه الحقيقية , و التى بالضرورة لا تناسبنا و لا تناسب شعبنا ....

أساسا محاولات ترجمه اسم المنهج خاطئه و مختلف حولها ... فكيف تحكم على مجرد الأسم .... فى مصر هناك مثلا من يدعى "الحيوان" فهل هذا يعنى بالضرورة ان هذا الإنسان وحش كاسر شرير؟؟!! بالطبع لا .. يجب أولا أن نتعامل معه ( وعن قرب ) حتى يتسنى لنا تكوين فكرة صحيحة عنه ... ثم انا لم احاول أن ازين أى شئ، لقد أوضحت أى منهج علمانى تحديدا أعنيه، و قمت بوضع رابط به من التفاصيل الكثير، فلماذا لم تقم بإقتباس ما تراه لا يتناسب بالضرورة مع (البعض) من شعبنا، و أن تشرح لنا (فى موضوع مستقل) المعنى الحقيقى و الأهداف الحقيقية التى اكتشفتها من خلال ما جاء بالموقع من تعريف، و ليفند كل منا رأى الأخر ...

ملحوظة : طبعاً كلامى مش عاجب حضرتك

من قال هذا؟؟!! بالعكس .. انت تعبر عن وجهه نظرك، و ما تأخذه على، و انا متقبل هذا و بصدر رحب ... طالما بقينا فى جو يسوده الإحترام.

و بالضرورة حتفرد له رسالة كاملة مليئة بالإقتباسات و الردود المعلبة الجاهزة لمثل هذا الكلام

بصراحة أتحفظ على تعبير"المعلبة الجاهزة" ... و لكن لا باس هذا رأيك و انا احترمه ... و فعلا انا احاول مراعاه الدقه، و عدم اسقاط أى جمله دون اعطائها حقها و يزيد ...

فأنا كما تعلم لست جديد و أعلم طريقة كل عضو فى الرد .....

نعم أعلم هذا واضح تاريخ انضمامك الى المحاورات معنا بأسفل صورتك الرمزية، و لأنك تعلم طريقة كل عضو فى الرد، اذن انت كنت تكتب مداخلتك و انت تعلم مسبقا اننى سوف أرد عليك ... ثم ماذا؟؟!!

هل هذا هو موضوعنا؟؟!!

اهل نترك ما نحن به من نقاط و نبدأ فى التعمق بطريقة كتابه كل مننا، و هل سيرد أم لا؟ .. الخ .. الخ ...

لا تشغل بالك بما كتبت , و لا تضيع وقتك فى الرد عليه ... أعتبره كأن لم يكن

لا تقلق يا عزيزى .. انا فى سبيل الدفاع عن وجهه نظرى، طالما انا مقتنع و واثق منها فانا لدى كل الوقت لها .. و بالطبع سوف أشغل بالى بكل ما تكتب، و الا سيفهم من ذلك اننى غير واثق او مقتنع بما اكتب.

حتى توفر على نفسك الدخول فى مناقشة جديدة حول العلمانية , و بالتالى خروج الموضوع عن مساره

فعلا انت فى هذه النقطه محق ... لنبقى فى "حلقة الوصل" من وجهه نظرى الشخصية ... و جمال مبارك، أو غيره .... فى انتظار البديل!

[White heart]

يعني مثلا عندما اتقرب قليلا من بعض ما يقوله جمال مبارك هنا و هناك مثلا نجده يتحدث عن الخطوط العريضة لما اسماه "الفكر الجديد" الذي يؤكد انه يطرحه ومعه مجموعة من الاصلاحيين الشباب معظمهم من اساتذة الجامعات ورجال الاعمال.

ومن المفترض ان يكون هذا "الفكر الجديد" هو الموجه لحكومة الحزب الوطني الديموقراطي، وهو يركز على الاصلاح الاقتصادي الليبرالي ...

ونراه انتقد النظام السياسي الذي كان قائما على الحزب الواحد بعد ثورة 1952 ثم الحزب المهيمن منذ منتصف السبعينات قبل ان يعلن ان مصر "دخلت مرحلة الجدل السياسي".

فما وجه الإعتراض مثلا على مثل هذا الخط ... او المفهوم؟

عموما الرجل اعلن على عدم ترشيحه ... اذن دعونا نفكر فى البديل .. بالمناسبه الم يعلن أربعه أخرين عن عزمهم للتقدم لخوض الإنتخابات الرئاسية .. ماذا عنهم؟

[se_ Elsyed]

ولا أعلم كيف تقول أنه قد فرض علينا... كيف تم فرضه؟؟ و علي من فرض؟..

الرجل تم إختياره من قبل الحزب الوطني..ليكون رئيسا للجنة السياسات به... و لم يتم إختياره من قبل البرلمان ليكون رئيسا للوزراء...

بالمناسبة هو لا يتولي أي منصب حكومي..(حاسس ان الناس فاكراه أن لقب جمال ولي العهد حفظه الله)

تصدق بالله يا جرمون ...

والله العظيم إمبارح جالي إعتقاد إن في حد أخترق جهازك وبقى يكتب الكلام ده باليوزر نيم بتاعك ....

إنت مقتنع بالكلام اللي إنت بتقوله ده وفيه شبه كبير من سمير رجب ؟

بقى الراجل ما أتفرضش علينا يا مؤمن ياللي عارف ربنا ؟

أومال ظروفه إيه ؟ كانوا معلنين عن وظايف خالية وهو اتقدم تحت إسم مستعار وأظهر عبقرية ونبوغ غير مسبوقين وتم إختياره لهذا المنصب بدون النظر مين والده ولا مين والدته ؟

وبعدين هو ما بيتولاش منصب حكومي ؟

والله ... ده مين قال لك كده ؟... اومال أمين عام لجنة السياسات دي إيه ؟ عمل تطوعي إجتماعي خيري ... لله وللوطن يعني ؟

ولما بيقعد أعضاء الحكومة اللي قده في السن مرتين وفي ناس اطول منه مرتين زي أحمد نظيف كده .. لما بيقعدهم زي تلامذة الكي جي ون قدامه ... ده بيبقى بمناسبة إيه ؟

من حقك تشجع الحزب الوطني .. وكمان من حقك تكتب فيهم شعر وزجل وقصص قصيرة .... وبدل ما تكتب موضوع بعنوان " جرمونيات " عدلها وخليها " وطنيات ديمقراطية " وإشجينا يا سيدي وأتغزل فيهم ...( بس مش هانسمح لك بنشر أي قصيدة من دول لإن إنت عارف مكانها الحقيقي فين stnd:: :blink: )

[se_ Elsyed]

وحسب أخر أحصائية لجهاز التعبئة والأحصاء (المصري مش الأمريكاني) أن اكثر من 40% من الشعب يعيشون تحت خط الفقر

وذلك نتيجة الحكم المباركي الهزيل وتفشي السلب والنهب والفساد لدرجة لم يسبق لها مثيل حتي في عهد الملكية التي تحلم بها.

سمعت تقرير الامم المتحدة عن حالة الفقر في مصر بالامس في النشرة الإقتصادية بقناة الجزيرة ... وقلبي يعتصر ألماً على ما وصلنا إيه ... وعلى التحذير اللي وجهته الامم المتحدة للحكومة المصرية بضرورة الإسراع في إتخاذ خطوات إيجابية لمنع تزايد حالة الفقر التي يعيش فيها الشعب المصري وخصوصاً في الصعيد ..

الشعب المصري الحقيقي مش بتاع مدينة نصر ولا مصر الجديدة ولا 6 اكتوبر ولا التجمع الخامس ...

الشعب اللي أصولنا وجذورنا منه وهما اللي في الأرياف والحكومة بتعاملهم على إنهم مواطنين درجة ثالثة ....

كفاية بقى ولموا ورقكم وأرحلوا بلا رجعة ...

كفاية نهب وسلب وديكتاتورية وإرهاب دولة ...

وكفاية نفاق وتطبيل وتزمير للي جابونا ورا سواء هايورثوا ولا مش هايورثوا فكلهم سواء وكلهم وجوه لعملة واحده رديئة...

سمعت إن في حركة بتنادي بالتعاقد مع لاعبين محترفين من قرقيزيا ييجوا يصلحوا لنا حالنا ( بالله عليكم حد سمع عن قرقيزيا دي قبل كده ؟ )

[Guest Mohd Gramoun]

اخى جرامون

الحريه اللى بنشوفها فى الفضائيات مش حريه دى اباحيه من ناس مش عارفه تعمل حاجه وانا لا احبذ التطرف فى الحكم على الاشياء ولا انتقد رأيا حرا ولست ضد السيد الرئيس على طول الخط فيكفيه ما فعله فى حرب اكتوبر لنحبه للابد ويمكن ان نستمر فى حبه وهو خارج الحكم ولكن الانتقاد للمنظومه كلها وليس لشخص الرئيس وان كان فعلا ناجحا لما تردت احوال الشعب لحد التمرد الجماعى

أتفق معك فيما تقوله ولكن ما أراه هو البعض ينتقد المنظومة في شخص الرئيس وأبنه فقط.. و توجوا الإنتقاد بإكذوبة التوريث.

وكما أشرت سابقا...مصر لا تعيش عصر إزدهار وأيضا لا تعيش حالة إندحار.. الدولة في حاجة للتكاتف و إعادة الهيكلة و البناء و لكن في حاجة للبناء الثقافي و الإجتماعي و الديني و هذا لا يتأتي أبدا بالنيل من الحكام و إستهدافهم بطرق لا أخلاقية بحجة الحرية و مقاومة الديكتاتورية...إلي آخره.

ولست ضد السيد الرئيس

كلمه اخيره يا سيدى لا مانع ابدا ان يقول الجميع حسنى مبارك وليس سياده الرئيس فسيدنا رسول الله كان يقال له يا محمد

ما كلنا بشر... وكلنا نعلم أن خير البشر محمد صلي الله عليه وسلم... وسيادة الرئيس لن تجعل حسني مبارك في مصاف النبياء او الصديقين..ولكنها تقال كنوع من الإحترام...فقط والتقدير لكونه رئيس الدولة.

اما عن جمال مبارك فاعتقد ان صد الشعب عنه ليس لشخصه فربما يكون انسانا سويا محبا لبلده واعتقد انه كذلك  ولكن عزوف الجميع عنه لانه اخذ فرصا لم تكن لتتوفر لمن هم افضل منه واقحم بضم الالف فى مجتمع قد تمرس على كذب المسئولين وعدم امانته اما ما نسمع عنه من حريه وديمقراطيه ورغد عيش فلا يزال حزب الحكومه يتحدث عنه ويعرف انه يكذب على الشعب ويعرف ان الشعب يعرع انه يكذب عليه بضم الياء (او بفتحها اوكسرها زى ما انت عايز) يعنى الخلاصه يا عزيزى نحن شعب يريد الا يضحك عليه بضم الياء

معاك حق و اتفق معك... و كذلك الحال بالنسبة للآخرين أيضا... لم ولن يكونوا أفضل شباب مصر وبالتأكيد ان هناك العشرات بل المئات أفضل.. ولكن السياسية لعبة ميكيافيلية ..تتشابك فيها المنافع والمصالح وتبرز الأسماء نتيجة تقاطع تلك المنافع و المصالح و تضيع أسماء أيضا و تختفي من الساحة نتيجة لما ذكرته أيضا..

والحرية و الديموقراطية لن تأتي من الخارج أبدا وكذلك لن تأتي من الحكومة وحدها أبدا و لن تأتي من الشعب وحده أبدا ..بل ستاتي عندما يطالب الشعب بحقوقه و يؤدي واجبته و عندها تظهر لديه القوة النابعة من أحقيته كمواطن صالح بالديموقراطية و الشوري و الحرية و عندها ستقدم الحكومة كل المطالب صاغرة للمواطن.. وذلك دون أن تتلاعب جهات مأجورة أو عصابات سياسية أو منتفعين من القلائل السياسية بهذا المواطن لتصعد علي أكتافه لسدة الحكم.

اما رايى فيمن يستحق ان يكون رئيسا لمصر  فللاسف لا يوجد احد وربما يكون افضلهم فعلا فى تلك الفتره الرئيس حسنى مبارك واعلم انى ساقذف بضم الالف بما لا استحقه

من سيقذفك سيقذف نفسه اولا لأنه يطالب برأيه و يريد مصادرة الرأي الآخر..وإحترام الرأي هو أبسط قواعد الديموقراطية و الحرية..

وارى اخيرا ان يتم تعديل الدستور واحده واحده  ثم تجهز كودر جديده قادره  على حمل الامانه يتم تجهيزها بمبدأ البقاء للافضل لا لابن فلان او علان ولا اقصد جمال مبارك فقط انما اى ابن لاى مسئول

وأنا أتفق معك تماما

عزيزى ما يحدث فى كرسى الرئاسه يحدث تماما فى كل مؤسسات مصر بدأ من اى اداره صغيره مرورا بالكليات والجامعات الى كراسى الوزراء التى يجلس عليها مشتاقون  يرون انهم فى عليين والشعب فى اسفل سافلين

وهل نعتبرهذا سياسية دولة أم ثقافة شعب؟

الموضوع كبير جدا  وما دام فى قبضه واحده او قبضه رجل واحد لن ينصلح حال الامه وللاسف لن يكون غير ذلك لان الاختيار فى مصر او الانتخاب دائما ما ياتى باصحاب النفوذ لا لافضل الكوادر

ماهو الإصلاح بدأ أهو و التغيير بدأ.. بس زي ما قلت ...خطوة خطوة...

نحن شعب يحب ان يحكم بالعصا الغليظه ويستعذب كلمه آه او أى

في هذه لا أتفق معك أبدا....

[Guest Mohd Gramoun]

واضح أن الأخ جرامون يعيش في عالم وردي خيالي لايمت للواقع المصري بصلة من قريب أو بعيد ولا يشعر بالفقر المدقع الذي ألم بمعظم طبقات الشعب في السنوات العشر الأخيرة بالذات

وحسب أخر أحصائية لجهاز التعبئة والأحصاء (المصري مش الأمريكاني) أن اكثر من 40% من الشعب يعيشون تحت خط الفقر

الفقر ليس فقط الفقر المادي.. بدليل ان عصر النبوة كان أشد فقرا وكانوا لا يجدون ما يسدون به رمقهم ولكنهم أستطاعوا بناء الدولة و أجبروا العالم علي إحترامهم لقوة عقيدتهم و بأسهم.

والفقر هو مسئولية الدولة أولا وأخيرا ...شئ لا يمكن النقاش فيه..ومعك حق فيما قلته.. ولكن نرجع مرة أخري و نسأل أنفسنا... هل الفقريعتبر إحدي مشاكلنا الإقتصادية..إذا أعتبرته كذلك فحسني وحده غير مسئول مسئولية مباشرة.... إنها مسئولية مشتركة مع أنظمة سابقة و إرادة شعب سلبت في تلك العهود.. ضيعت موارد الدولة في حرب كحرب اليمن مثلا ..

وذلك نتيجة الحكم المباركي الهزيل وتفشي السلب والنهب والفساد لدرجة لم يسبق لها مثيل حتي في عهد الملكية التي تحلم بها.

وأذا أنا كنت مخطئ في هذا التحليل فأرجو اُثبات العكس.!!!

لن أثبت العكس في واقع موجود..ولكن ألا تري أن مجرد الكشف عن هذا الفساد و محاكمة المتورطين فيه ..شئ جيد.. أم أن الدولة تبارك الفساد و تحمي رموزه؟

وحضرتك مازلت تتمسك بتلابيب هذا النظام وأتباعه وترغب في استمراره في صورة الأبن...والله العظيم حرام تتمني لشعب مصر الطيب 23 سنة أخرين من الأستبداد

وهذا يعني أنك تنفي مستقبلا أية شبه إستبدادية عن أية نظام آخر؟!!!!

بصراحة لاأعرف لماذا اكتب في هذا الموضوع  من أساسه

لأنك مواطن مصري تشعر بنبض الشارع و تعبر عما يجول بخاطرك..

ياجماعة أشعر أن مصر تمر هذه الشهور بمرحلة جديدة وأن الشعب بدأ يفوق من غيبوبته

يفوق و يعبر دون إساءات أو إستغلال للآخرين و بناء مواقف علي إشاعات.

استحلفكم بالله ليس من الوقت المناسب هذه الأفكار الهدامة وجزاكم الله كل خير

هو التعبير عن الرأي الآخر أو تأييد الرئيس بقي فكر هدام...

أبطل أكتب لحسن ألاقي واحد بعد شوية جاي يكفرني؟!!!

[Guest Mohd Gramoun]

للاسف الشديد انى معنديش كيبورد عربى علشان اكتبلك باسهاب اكتر (حلوة اسهاب دى) بس ما علينا. ha)  وافند لك معظم ما كتبت.

احيي فيك هذه الثقة..

1-  جمال مبارك موجود فى الساحة السياسية مش علشان خاطر يقزز لب. ده موجود لسبب...  ايه هوه ايه حلم اى واحد سياسي...تفتكر ايه؟؟ :blink:

لأنه مواطن مصري و يريد أن يتمتع بحقوق المواطنة من عمل حزبي يكفله له القانون و الدستور...

2- سيادتك قلت بالحرف الواحد...

بصراحة أنا سأؤيد جمال لو ترشح...لكنه قالها لن اترشح و نحترم رغبته و وجهة نظره فهو يعلم تماما أنه سيخسر الرهان لا لشخصه او لبرنامجه ولكن لأن اسمه جمال مبارك

يعنى محطش شرط ولا شرطتين والا سقط سهوا.. خلى بالك لان المعنى بيتغير كتير. mfb:

حضرتك فهمت غلط و بالتالي حكمت غلط...

أنا اللي إفترضت و فرضي كان مشروط موش هو..

- كون حسنى و ابنه احسن الموجودين فهذا شئ ممكن يخدعك انت بس مش ناس تانيين كتير. وخداع الفكر ده يرجع لسببين اولهم ان مبارك  بيغيب اى وجه معارض وهو بيمارس المهنة دى بمفرده من اكتر من عقدين من الزمن ( فاكر لما تدخل ورجع الجوهرى لتدريب منتخب مصر. يعنى مش بيتحكم ويعمل كل حاجة بنفسه دا كمان بيتدخل فى اللى ملهش فيه).

ماهو الجمهور كان عايز كده و كل مباراة يسب المتش و يقول جوهرررررري جوهررررري ...اوه... اوه stnd::

السبب التانى اعتقاد بعض الناس ان الرئيس المفروض يكون عارف كل شئ عن اى شئ وده غلط لان الرئيس المفروض يكون رجل اتخاذ قرار والمستشارين ورئيس الوزراء هما اللى بيقدموله الخيارات المتاحة. السببين دول بيخلوك تعتقد ان اما مبارك او ابنه هما اللى يعرفوا احسن من 70 مليون. يعنى يا تختار الملك او الكتابة. وجهين لعملة واحدة.

همشي و وأتفق معاك. مع انه اللي قلته حاجة بديهية بس كأني أول مرة أسمع عنها......ممكن بقي تقدملنا عملة جيدة صالحة للإستعمال بعيدا عن عملة مبارك؟؟؟

4

- انا اتفق معاك ان الشعب عليه جزء من المسؤلية بس النصيب الاكبر يرجع للرئيس فى تخلف البلد بس خلال اكتر من عقدين ايه انجازاته والا انجازات حزبه ؟؟ وايه الاجراءات اللى الحكومة عملتها من ساعة التوقيع على الجات؟؟

معاملش أي حاجة خالص..قاعد طول النهار في شرم... و بالليل بيطل علينا في التلفزيون يفقعنا كلمتين و خلاص..

5

- عدم وجود دليل على نهب وسرقة البلد من علاء مبارك. كل اللى فى بالى مثالين. ماهر الجندى محافظ الغربية والجيزة السابق. كانت سمعتة زى الطبل والكل يعرف انه حرامى ولما كان فيه دليل ضده قالوله معلش اللى مش شاطر زينا بيدخل السجن. والمثال التانى يوسف والى وصبيانه وبرضة سمعته معروفة وبدأت شلتة تقع. وعلى فكرة ممكن ترجع لواحدة من اوائل مداخلاتى فى الرد على الاخ جرجاوي وانت تعرف مين سبب ترك الجنزورى للوزارة وكمان موضوع شركة انتل.

هات دليل واحد الأول علي أن علاء أستغل اسمه و أنه أبن الرئيس في أي عمل غير مشروع و بعدين نفتح موضوع عن علاء...

الجنزوري أستفرد بالقرار السياسي و الإقتصادي و هذا سبب رحيله.

فى النهاية اتمنى ان تكون قد توصلت الى ان مبارك فـــاسد وليس هناك اى تعبير اخر ولن انظر اليه بافضل من كده.

لم تقدم ما يدعم نظريتك...

[Guest Mohd Gramoun]

قطع الطريق علي مرتزقة التوريث

أسجل إعتراضى العلنى للمرة الثانية أمام الجميع على وصف من يتهم مبارك يأنه يريد أن يورث الحكم بأنه من المرتزقة !!

فكيف لى و لغيرى أن أدخل مناقشة و أنا موجة لى سبة مباشرة فى عنوان المناقشة ؟؟؟!!!!!!!!!؟؟؟؟!!؟؟

دى أيه الحيادية دى ؟؟؟

قبل ان تتحدث عن الإتهام بالإرتزاق ...أولا يجب علي من يتهم الآخر بالتوريث ان يثبت بالدليل القطعي إتهامه وإلا اعتبر إفتراءا.... بل نوعا من إثارة المشكلات و بلبلة الرأي العام.