توريث الحكم بين مؤيد ومعارض

[مخلص]

السلام عليكم

أرفض مبارك .. لأنه لم يمثل إرادة اختيار الشعب بأى حال

ولأنه لم يوف بوعده بأنه لن يستمر أكثر من مدتين

ولأنه كذب حين قال أنه لن يغير الدستور

ولأنه مركز قوة ونفوذ لأولاده

ولأنه لم يرفع قانون الطوارىء حتى الآن

ولأنه يعتمد أساليب ملتوية فى إدارة شئون البلاد

ولأنه افقد مصر ثقلها الإقليمى والدولى

ولأنه وصل بنا داخليا إلى حالة من الفساد لم تمر بنا من قبل على مر التاريخ

ولأنه يرأس حكومة أطفال لا يستطيع أحدهم إشعال سيجارة أو شرب كوب من الماء فى وجوده

ولأنه يحركهم كما قطع الشطرنج بين الوزارات

ولأنه انخفض بدخل المواطنين وزاد من معدل الفقر والتضخم

ولأنه لم يفعل شيئا حيال ارتفاع الأسعار

ولأنه يعتمد سياسة ضد الدين والتدين وتساند الإباحية والجنس

هذا ما تذكرته

وأرفض أيمن نور

لأنه مثار شبهات

ولأنه ليس بالضرورة المنقذ المخلص كما قال أحد الزملاء

ولأنه مثار مناقشة وجدل وتأييد ورفض لمجرد أنه ظهر فى توقيت ملاءم

ولأنه لا يمكن أن يكون محل اختيار صحيح إلا فى حالة وجود آخرين فى المنافسة

ولأنه ليس هناك منافسة من الأساس

ولأنه قضية غير واضحة المعالم بعد

باختصار يا أستاذ جرامون .. أنا لا أوافق على أى مما ورد بكلامك

ومع ذلك لك تحياتى واحترامى

إحتراماتى

[Guest Mohd Gramoun]

باختصار يا أستاذ جرامون .. أنا لا أوافق على أى مما ورد بكلامك

ومع ذلك لك تحياتى واحترامى

ولك ايضا تحية مني وإحتراما لرأيك رغم إختلافي مع بعض مافيه و إتفاقي مع بعض ما فيه أيضا إلا أنه لا يسعني سوي قرائته و التفكير مليا بكل ما جاء فيه.

شكرا لك ولمشاركتك.

الأستاذ / peacefulofmind

إذا تم التعديل الدستوري في المواد 76 و77 فسيأتي اليوم الذي تري فيه 2 رؤساء خارج الخدمة و آخر في الخدمة .. ولكن 6 سنوات فترة ليست بالطويلة مقارنة بالفترة التي قضاه الرئيس مبارك في الحكم دون تغيير أو تعديل الدستور.. الآن الفرصة قائمة و الأيام ستكفل تحقيق ذلك..

شكرا لك و لمشاركتك

[wolly211]

لو سمحتولي ..... اولا انا مليش اي مصلحه في تصويتي لجمال مبارك ولا كمان عضو في اي حزب......... بس باختصار كده عاوزكم تفكرو بالعقل...

اولا.

ده افضل مرشح للرئاسه...

فهم البلد كويس....

ثانيا و الاهم.. ده شبع خلاص... يعني ايلي هيجي لسه قداموا 20 سنه كمان عقبال اما يشبع .....

وعلى فكره انا معنديش بطاقه انتخابيه... بس هروح اعملها عاشان اصوت ل جمال

بس انتو ادعو انه يكون هوا......

ملحوظه مهمه اوي

صرح جمال مبارك في تصريح رسمي سمعته انا شخصيا ... انه لن يرشح نفسه

plz vote To GAMAL MOBARK

mfb: ][

[وليد صفوت]

لو سمحتولي ..... اولا انا مليش اي مصلحه في تصويتي لجمال مبارك ولا كمان عضو في اي حزب......... بس باختصار كده عاوزكم تفكرو بالعقل...

اولا.

ده افضل مرشح للرئاسه...

فهم البلد كويس....

ثانيا و الاهم..  ده شبع خلاص... يعني ايلي هيجي لسه قداموا 20 سنه كمان عقبال اما يشبع .....

وعلى فكره انا معنديش بطاقه انتخابيه... بس هروح اعملها عاشان اصوت ل جمال

بس انتو ادعو انه  يكون هوا......

ملحوظه مهمه اوي

صرح جمال مبارك في تصريح رسمي سمعته انا شخصيا ... انه لن يرشح نفسه

plz vote To GAMAL MOBARK<div align="center"></div> clp:: ][

عمرك سمعت عن حرامى كان شغال سرقة فى الناس لمدة عشرين سنة و البوليس مش عارف يمسكه ,....

يجى بعدها يقول ( لأ خلاص كفاية عليا كده ..... أنا شبعت !!!!! rs: :blink: ;) )

من نفسه !!! ha)

أظن هذا ضد أبسط قواعد علم الاجرام ...... الطمع و الجشع صفة مُتأصلة فى كل مجرم , و من المستحيل أن يتخلى عنها مهما مر الزمن ,....

تحياتى,...

[Guest Mohd Gramoun]

لو سمحتولي ..... اولا انا مليش اي مصلحه في تصويتي لجمال مبارك ولا كمان عضو في اي حزب......... بس باختصار كده عاوزكم تفكرو بالعقل...

اولا.

ده افضل مرشح للرئاسه...

فهم البلد كويس....

ثانيا و الاهم..  ده شبع خلاص... يعني ايلي هيجي لسه قداموا 20 سنه كمان عقبال اما يشبع .....

وعلى فكره انا معنديش بطاقه انتخابيه... بس هروح اعملها عاشان اصوت ل جمال

بس انتو ادعو انه  يكون هوا......

ملحوظه مهمه اوي

صرح جمال مبارك في تصريح رسمي سمعته انا شخصيا ... انه لن يرشح نفسه

plz vote To GAMAL MOBARK<div align="center"></div> rs: ][

الأخ :wolly211

لا يمكن القول بأن جمال شبع...لأنه أيضا لا يمكن الجزم بأنه كان جوعان!!!

المنطق مغلوط و التعبير غير سليم و النتيجة إلصاق تهمة باطلة بشخص محترم .

(رغم إتفاقي أنا وانت علي أفضل المرشحين في حال ترشيح نفسه)

والمهم أنك يجب أن تصدر بطاقة إنتخابية لتقول رأيك حتي إذا لم يرشح نفسه كما صرح من قبل او رشح غيره ...حتي لا نلوم أنفسنا بعد ذلك اننا لم نشارك أو همشنا.

و الحقيقة التي أعلمها جيدا أنه رجل محترم و فوق مستوي الشبهات إلا أن بعض المرضي بدكانة القلب لا يألون جهدا إلا أن يشوهوا أي شخصية بارزة بتهم لا أساس لها من الصحة إلا أنا سمعت و أنا عارف و أنا حاسس... و

حسبنا الله ونعم الوكيل ...

[أشرف حليم]

يا سادة... الشبع والجوع ده موضوع نسبي

الشبهة هنا هى عبارة عن عمليات ( بيزنس على كبير ) و معظمه اشاعات ... و أعتقد أن جمال مبارك ليس له علاقة بها

عموما" هذه العمليات لا يمكن تجريمها أو عدم تجريمها ألا في حدود ما إذا كانت تضر أم لا تضر بالآخرين (رجال أعمال و مواطنين كادحين)

على العموم الموضوع ده شائك جدا" ولا أعرف إذا كان من الجيد مناقشته أكثر ؟؟؟

لكن من الأمور المستفزة والتى أعتقد أيضا" أن جمال لا علاقة له بها....زى

1-الفساد المستشري جدا في التليفزيون و الاعلام

2-توزيع أراضى(سابقا) لعمل مشروعات عقارية فاشلة

3-تمييز بعض رجال الأعمال و إعتبارهم حجر الزاوية و إعطائهم امتيازات لا يستحقونها

و ده كله لن يتم اصلاحه ال عن طريق مجلس شعب تانى خالص غير الموجود ( وطبغا" الموجود ده مصيبة و ده موضوع تانى)

[أشرف حليم]

والأهم فى نظرى هو

بعد طول الأيام السوداء الخاصة بهذه المسائل السلبية ( فى مداخلتى السابقة )

بعدها أعتقد أن الاصلاح بدأ وعن طريق الوزراء (الاهم والأنجح في هذه الوزارة... من لجنة السياسات)

و فعلا شغالين بفكر متطور و مؤسسي.... هذا الفكر المؤسسي اللي سوف يقضي و ينهي على السلبيات الخاصة بالمحاباه و بالأبواب الخلفية

والأمثلة على ذلك قانون الجمارك و الضرائب ومناخ الستثمار عموما"

المجموعة ده بدأت تصلح (وبإشراف وجهد وفكر خاص وتأييد من جمال مبارك )

[أشرف حليم]

المشكلة الكبيرة أنه لما بدأوا يصلحوا

جاء الآخرين بفيتو اعتراض ضخم على التوريث و التمديد

يعني لمصلحة مين (الكرسي في الكلوب ده)...

ولكن للأمانة ... هناك أخطاء أخرى تحسب على النظام ماشية فى سكة اجهاض هذا الأصلاح زى موضوع أيمن نور

زى موضوع الأخوة رؤساء المجلس الشعبية

زى الجرائد الصفراء اللى بتشتغل بتوجيهات من هذه الرموز

[peacefulofmind]

اصلاح ايه يا عم.انت مقتنع بالكلام ده ولا دا فكر جديد كمان.

هو راجل محترم او غير دا لا يمنع ان يكون هناك اختيار بين اكتر من مرشح بحرية تامه. والمحترم هو اللي يخلي بلده لها وزن بين الدول مش يخليها فيديل الامم وهي تملك امكانات هاءله وبشر متفتح وواعي.

والله طول ما فيه مجادله علي هؤلاء الظلمه الواضحين وضوح الشمس لكل صغير وكبير لن يصلح الحال .

العمليه مكشوفه وواضحه للجميع والله حرام عليكم الدفاع عن الباطل.

اتقوا ربنا في هدا البلد المسكين وكفايه اللي هم عاملينه

احكيلك علي اللي يحصل كل يوم في مصر باين عليك مش من هنا rs:

فين محاكمةيوسف والي

فين العدل بين الناس

فين احترام الشعب

فين فلوس مصر

فين احنا من العالم

فين ايمن نور فين الناس اللي بتحب البلد كلهم بيعانوا من هدا النظام

ليه الشباب بيخاطر ويضحي ويغرق ويموت علشان يطلع من البلد

ارواح الناس دي امانه في رقبة من

اشرطه اللي واخده اوامرتبهدل في خلق الله ليل ونهار مسولية من

الفلوس اللي تهربت مسؤلية من

السجون والظلم مسؤليةمن

التعديب اللي اكتر مناي بلد في العالم مسؤلية من

الواسطه مسؤلية من

الرشوة مسؤلية من

ياعم كفايةانت محسسني انك بتتكلم عن عمر المختار المجاهد

مش عن ........................................

كفايه حرام

كفايه تعديب وشقا وبهدله في مصر

**********سلام *****************************

[أشرف حليم]

انا لم أقول هو و مفيش حد غيره ينفع

أنا أدافع عن حقه فى الترشيح

وعلى فكرة البلد ده محتاجة فترة انتقالية

أعتقد لو بعض الشمولية الليبرالية لفترة.... ممكن تصلح أدمعة ناس كتير

[أشرف حليم]

معلش أنا قصدى أدمغة ...جمع دماغ

و خاصة اللى دماغتهم بازت في الأيام المهببة اللي فاتت والحالية

[peacefulofmind]

ولا يهمك يا زعيم

ربنا سبحانه وتعالي قادر علي كل شئ ومطلع علي كل البشر

والله اتمني ان تكون مصر احسن بلد في العالم

الواحد حزين علي اللي بيحصل لمصر وحزين اكتر علي لسه بيدافعوا ويقولوا اللي نعرفه احسن مناللي ما نعرفوش

ياعالم دا كلام ياعالم دي بلد كبيره مش عروسه حتديهالواحد وتاخدها منه تاني

اللي يقدر يختار يقدر يحاسب

اللي ممنوع ن الاختيار ممنوع من الاحلام مش بس انه يسال فين بلدي

ربنا علي كل ظالم ومفتري وحرامييييييييييييي

*************************************************************

[Shams100]

كفانا لا مد ولا توريث

جمال مبارك ما هو سبب ظهوره هو والده هو شخصيه عاديه واقل من العادي استثماراته هو واخيه ظاهره فى انحاء مصر يدافع عن الوضع الحالى ويؤيده وفى الوقت نفسه يتمرن على لعبه السياسه وفى فمه ملعقه من ذهب وحوله مجموعه مرهفه

ما هى مميزاته غير انه ابن الرئيس لا مصلحه لمصر ابدا ان يراسها يكفيه ان يتفرغ لاداره ثروته مصر لم تعتد تحتمل ان تكون حقل تجارب لامثاله

ليته يسال السيد والده عن سر عدم محاكمه يوسف والى او يساله ما سبب كم الفساد الذى تغلغل فى مصر او يسال نفسه من اين كل هذه الاسثمارات لابن الشريف والامثله ليس لها حدود

كفانا التغيير اصبح حتمى لانه حق وطنى

[أشرف حليم]

أنا متفق وغير متفق....معك

متفق في أنه ÷و أو غيره لازم يسأل والده على اللي انت قلته

و لكن غير متفق معك في أن سبب ظهوره ونجاحه فقط هة والده وليس امكاناته ... أعتقد أن امكانياته جيدة جدا

تانى حاجة اللى يقدر يحط يده في عش الدبابير لازم يبقى عارف العش كويس ....والكل شاف لما البلتاجى حاول بدون مساندة فى العلام حصل له ايه

فقط أنا ضد ان واحد أى واحد دلوقتى يهاجم أشخاص(لا أتكلم هنا على جمال فقط ) و يصنفهم

ويقول دول متأمركين أو منبطحين أو .....الخ

اللى عايز أقوله أنه امتى نقيم الناس حسب أفكارهم وليس على أى معسكر ينتمون

[وليد صفوت]

ثُم جمال مبارك يعرف ايه عن مصر ؟؟؟

حد يجاوبنــــــــــــــــــــــــــى rs:

[أشرف حليم]

أنا هجاوب

العصابة و مراكز القوى فى النظام

الكل يعرفهم .... كل واحد فينا.... لكن هو يعرفهم أكثر

السؤال لو واحد من برة النظام حاول يطيرهم و يوديهم فى ستين داهية هل سيؤثر على استقرار البلد.... لو الاجابة نعم هيأثر

يبقى فى الحالة ده ... جمال الأنسب ( بشرط بأنه لا يهادنهم )

النقطة الثانية ان ريحة فسادهم خلاص لا ينفع يتسكت عليها

[وليد صفوت]

أنا هجاوب

العصابة و مراكز القوى فى النظام

الكل يعرفهم .... كل واحد فينا.... لكن هو يعرفهم أكثر

السؤال لو واحد من برة النظام حاول يطيرهم و يوديهم فى ستين داهية هل سيؤثر على استقرار البلد.... لو الاجابة نعم هيأثر

يبقى فى الحالة ده ... جمال الأنسب ( بشرط بأنه لا يهادنهم )

النقطة الثانية ان ريحة فسادهم خلاص لا ينفع يتسكت عليها

( بشرط بأنه لا يهادنهم )

rs: :blink: ;) clp:: ha) B)

[أشرف حليم]

quote][( بشرط بأنه لا يهادنهم )

أنا بارده شاكك زيك ....إلا لو إنت كنت متأكد أنه هيهادنهم أو يرضخ لإبتزازهم

المهم فى نظري إنه حتى لو مبارك خد الولاية القادمة ( معرفش هتكون خامسة ولا سادسة )

لكن ده الأقرب للحدوث لسببين

1- الناس الغلابة هتقول للأسف اللي نعرفه أحسن من اللي ما نعرفوش

2- العصابة مش هتسلم بسهولة

فى هذه الحالة ...فى حالة استمرار مبارك (حسنى مش جمال )

يكون أمرنا لله بس لا نحجر على جمال فى أنه يتواجد

ولكن مع1- ظهور آخرين و مع خلق مناخ يساعد على المنافسة الديموقراطية

2- تغيير فوري فى مجلس الشعب

3-تحسين مناخ الاعلام والصحافة ( تليفزيون محايد و ليس تبع الريس زى دلوقتى

4- مناخ جديد مختلف تماما عن الحالى

ولكن بدون ايجاد حالة ليس لها معنى من عدم الاستقرار

اللي هتخليها تتطربق على الكل ( يعنى بلاش الكرسى بتاع الكلوب )

[أشرف حليم]

مع تحفظ إني أيضا" عارف أن هناك شكوك مؤكدة عن استحالة

توفير طوعى للأربع شروط اللى يجب تحقيقهم

بمعنى أنهم طوعيا" لن يتنازلوا

لكن ييجى هنا دور المعارضة

لكن السؤال إزاى المعارضة تلعب هذا الدور اللى من غيره لن يتم التغيير... تلعبه بقوة و بإستماتة لكن يكون بعقل يهمه مصلحة البلد

ومش كافى أن يكون الشعار الخاص بالتوريث لوحده

أيوة أنا متفق أن هذا الشعار نوعا ما عمل َضغط ( لكن ممكن لما يحقق هدفه ممكن نتخلى عنه... ليه لأ ؟؟؟؟

و لكن يجب ألا نكتفى به بحيث يكون هو الهدف و خلاص و من بعده الطوفان

كل وضع حتى الأوضاع اللي بنتفق أغلبنا على أنها خاطئة .... بالرغم من ذلك ممكن نحاول أن يكون لها إيجابيات لا نصادرها

هنا ازاى يكون دور المعارضة ايجابى و فيه ابداع