اين انت يا شانا

[سقراط المصري]

الاخت العزيزه شانا

بقالي مده كبيره لم اقرأ لك كتاباتك وموضوعاتك الشيقه والجديده.

اتمنى ان يكون المانع خيرا.

اتمنى مشاركه او مداخله او حتى بربشه بالكيبورد .

في انتظارك rs:

سقراط

[وليد صفوت]

و انا كمان ( بوكيه ورد )

[Sherief AbdelWahab]

وأضم صوتي لسقراط والموسيقار فايولين كنج..

خلص الكلام

[بنت شعنونة]

ظروف صعبة من كله

والدي تعبان

مشاكل من كل اتجاه

دعواتكم

[الأفوكاتو]

ندعوا لوالدك بالشفاء, و نتمنى لك هدوء البال.

[سقراط المصري]

ادعوا لوالدك بالشفاء

ربنا يخليه لك ان شاء الله

ايا كانت المشاكل فإنشاء الله لها حل

الصبر مفتاح الفرج

عن اخواتك ........ سقراط

[se_ Elsyed]

ربنا يشفيه ويقومه بالسلامه ....

[Sherief AbdelWahab]

ونحن كلنا نبتهل للعلي القدير أن يمن على والدك بنعمة الشفاء العاجل والدائم شفاءً لا يغادر سقماً..

خلص الكلام

[optimistic]

ربنا معاكي يا شانا

[بنت شعنونة]

ربنا يخليكم كلكم

مخنووووقة جدا

تصوروا لما تتهان كرامتي وكرامة والدي وانا واقفة عاجزة مش قادرة اتكلم؟؟

عدى عليا يوم من اسووووووووود ايام حياتي

تم تعديل 27 مارس 2005 بواسطة بنت شعنونة

[montaser]

أدعو الله سبحانه وتعالى له بالشفاء العاجل ، له ولجميع المسلمين ، اللهم آمين

[بنت شعنونة]

ما كنتش اتوقع اني اقولها في يوم من الأيام الكلمة دي...

لكن..

اهوه..

ما باليد حيلة

المنتدى بقى غريب وعجيب الأحوال!!

حتى المواضيع بقت غريبة

عندي احساس بالغربة!!!

تصوروا؟

اول مرة ما احسش نفسي هنا..

عشان كدا

قررت

امشي....

ومش رايحا منتدى تاني...

ماشيا من كله..

سلام عليكم..

[عادل أبوزيد]

الفاضلة شعنونة

لو قمتى بزيارة بيت أحد الأقارب و فوجئت " بالعيال عاملين دوشة" أو "البيت مكركب" ماذا يكون رد فعلك ؟

"لو الأولاد متخاصمين" ماذا يكون رد فعلك ؟

أرجح أنك ستشمرين عن ساعدك و تدخلى و تتصرفى كما تفعلين فى بيتك - هذا لو فيه عشم -

الفاضلة شعنونة ... الأمر الذى لا يدرك كله لا يترك كله

[drhusseinali]

الفاضلة الدكتورة شانا:

انا طبعا مش عضو قديم في المنتدى بالمشاركات

لكني كنت متابعا دوريا لهذا المنتدى ولاعضائه و مشاركاتهم بصفة دورية

و بصراحة اتعلمت منهم كتير قوي.

طبعا حضرتك كنت واحدة من هؤلاء الاعضاء.

كان اول حاجة قراتهالك هو موضوع التكليف,

و بصراحة انا كنت متاثر جدا بهذا الموضوع, و ذلك لسببين

اولا حيث اننا زملاء مهنة واحدة, و قد صادفت كل ما صادفتيه تماما

فكنت اقرالك, و كاني ارى نفسي مكانك.

ثانيا لاصرارك على تكملة الطريق, و محاربة الفساد, حيث كان من الاسهل لكي كثيرا تكبير الدماغ, و التزويغ, او الملاينة و النفاق, و لكنك اصررت علي التمسك بالحق, حتى النهاية

و والله لقد اكبرتك كثيرا عندما رايت فيكي هذا الاصرار على الحق, الذي هو سمة ضائعة في مجتمع قائم على الواسطة والمداهنة و النفاق كمجتمعنا.

الاخت الفاضلة, اني اتفهم مرورك بمعاناة او اكتئاب لظروف محيطة

و لكنك قد صمدت سابقا وانا واثق من انك ستجتازين هذه المحنة ايضا.

و لكن اذا كان لك ان تتقبلي نصيحة اخ اكبر, انا دفعة 94 ياعني سنيور عليكي يا جونيور هانم و لازم تسمعي كلامي. :ph34r:

فنصيحتي ليكي فعلا ما تقفليش كل الابواب.

ليكي حق تضايقي طبعا, و ليكي حق تبقي مع نفسك شوية.

بس ده مش معناه انك تسيبي المكان. يا دكتورة ده هنا فيه ناس والله من احلى ما شفت فيكي يا مصر

عندك واحد معلم ابن بلد اصيل زي سس و خفة دمه المعهودة الي تهون اي زعل

عندك 3 زي الاساتذة الافوكاتو و اخناتون وعادل ابو زيد

و الله باعتبرهم زي الابهات و باحب اوي اقرى نصايحهم خصوصا اني ماليش اللي ينصحني و محتاج جدا للي ينصحني.

عندك واحد بقلب ابيض يجبلك ايتها اغنية فيكي يا انترنت

و عندك ناس زي هاندي و مب و مواضعهم الثقافية الجميلة

و عندك بنت مصرية و احلى وصفات اكلات بالذات للمغتربين واحلى دعوات من القلب.

بذمتك ايه في الدنيا اللي يستاهل انك تسيبي ناس زي ديه. clp::

حسين

[TOXIC]

دة بس شوية دلع :ph34r:

[mohamed]

معك حق

المنتدى تغير كثيرا من حيث الاعضاء الذين تعودنا عليهم

لكن هذا ليس سببا لكي نترك المنتدى

واهى كليو رجعت تانى وان شاء الله التانيين راجعين

وفى ناس تانية جديدة حلوين جداااااااااا

عودي يا هاااااااااميييييس :ph34r:

اوعى تمشي يا شانا بجد

[وليد صفوت]

يا آنسة هاميس ........ ..... قصدى يا آنسة شعنونة ...

ممكن حضرتك يعنى تفضفضيلنا عن السبب ؟؟؟ ليــــــــــــــــه ؟؟؟ ليــــــــــــــــــــــــه ؟؟؟ليــــــــــــــــه ؟؟؟

انا مش عارف ليه اللى بيجوا من الشمال دايماً بيرجعوا عندهم حالة إحباط ؟؟ :ph34r: هناك تضاد يوضّح المعنى و يبرزه :blink:

واحد صاحبى رجع من أجازة قصيرة من استنجرية ..... مش عايز يشوف حد و لا طايق حتى يكلم حد فى التليفون ,...! :blink:

بنت عمى الشعنونة نمرة اتنين ( على فكرة هى فى طب برضو ! يا ترى فيه علاقة ؟؟ clwn: ) بنت عمى راجعة من الساحل الشمالى من أسبوع واحد بس ,... برضو بقت خنقة أوى و مش طايقة تكلمنى ؟؟؟ ايــــــــــــه العالم دى ؟؟ :blink:

هو فيه ايه فى شمال مصر ؟؟؟؟

فيروس ؟؟؟؟ mf(

تم تعديل 6 أبريل 2005 بواسطة Violinking

[c'est la vie]

ظروف صعبة من كله

والدي تعبان

مشاكل من كل اتجاه

دعواتكم

أدعو الله أن يوفقك .. ويشفي والدك بإذن الله..

ولكن هوّنى عليكِ .. لو تكتبي ستجدى الجميع كيبوداً صاغية .. أنا أحبك وأحب خواطرك يا شعنونة :blink:

طيب أنا عاوزة أقول حاجة ..

يعنى يعنى .. يعنى يعنى .. انتى حاسة بالغربة .. يعنى يعنى لو الأعضاء اللي مغربينك مشيوا مش هاتحسي بالغربة ؟ لو كدة ..أنا علي إستعداد أقدم إستقلتى من دلوقتى لأرررررررررى ششششششعنننننننننننننونة مرررررررررة أخرررررررررى تتتتتتتتتتكتتتتتتتب في الجججججججد والهززززززززااااار وعجااااااائب الآثااااااار في التررررراجم والأخباااااااار :blink:

:ph34r: