حكاية بنت اسمها كليو

[عصام]

كان يا ما كان فى سالف العصر والأوان .. بنت واسمها كان

كليو

كليو يا سامعين كانت بتشتغل فى شركة قائمة على نظام work from home يعنى كل عملها تنجزه من خلف شاشة كمبيوتر ولوحة مفاتيح ..

كانت ذكية .. شعلة نشاط ..

تحب الحياة .. مثقفة ..

ومتفائلة ..

وفى ذات مرة يا سادة يا كرام ..

ضرب الخلاف أركان الشركة التخيلية التى تعمل بها ..

ظهرت المشاكل .. وكثرت الخلافات

شد وجذب .. إتهام واتهام مضاد

وهو ما أدى إلى استقالة جماعية لبعض الموظفين زملاءها

كليو حزنت كثيرا

فكرت كتيرا فى ما حصل .. وحاولت القيام بدور الوسيط النزيه

أحست أنها من هؤلاء .. ومن هؤلاء ..

شعرت بالمسئولية .. فحاولت التوفيق ..

أعلنت أنها تحب هؤلاء .. وتحب هؤلاء .. وتتمنى للشركة البقاء كما كانت دوما ناجحة ومؤثرة ..

وبعد طول شد وجذب بين طرفى النزاع .. قرر المستقيلون تأسيس شركة جديدة .. تعمل فى ذات المجال ..

ولما كانت كليو محتارة .. ومما يجرى غير سارة ..

قررت أن تعمل فى كلا الشركتين .. ولا مانع من ثالثة .. أو رابعة طالما كانت فى نفس المجال ..

قررت أن تنسحب دون الرجوع إلى الخلف ..

قررت أن تتواجد هنا وهناك وهناك .. بل وهناك .. لكن بشكل مختلف عما تعودها الجميع ..

فأصبح إنتاجها معدوما .. وكلامها قليلا

فقدت ابتسامتها .. وأفقدتهم ابتساماتهم

ولأن الجميع يحبها .. فإن الجميع يفتقدها بينما هى بينهم .. تمارس عملها ليس انطلاقا من حب العمل ذاته .. ولكن انطلاقا من حبها للبقاء بينهم

إنها تمارس عملها فقط كى لا تفقد هؤلاء أو هؤلاء .. أو حتى هؤلاء .. فإنها تحبهم جميعا ..

كليو يا سامعين .. لم تحزم أمرها بعد .. لكنها قررت ألا تحزمه .. قررت أن تبقى كذلك .. انتظارا للزمن .. فقد يأتى بما يتوافق مع ما تتمنى ..

كليو يا سامعين .. إنسانة مصرية طيبة خجولة .. يسهل على من يراها أن يتعرف عليها .. فإن رآها أحدكم .. فليبلغها أن زملاءها يفتقدونها كثيرا :blink: stnd:: mfb:

[هندى]

استاذ عصام

احييك على هذا السرد الممتع ... فقد اوصلت رسالتك باسلوب قصصى شيق :blink:

[Guest Mohd Gramoun]

أفتقدها فعلا... ولكني أراها من آن لآخر في المنتدي دون مشاركة و هذا وحده يبعث علي الإطمئنان...

تحياتي لها و أتمني لها عودا حميدا

[Ahmed Mohsen]

برافو يا عصام ....... :blink: stnd::

أسلوب رائع في صياغة ما تريد أن تقوله ..... mfb:

كليو ...... عودي يا كليو

[se_ Elsyed]

عودي يا كليو ...

عودي وما تسمعيش كلام الناس التانيين ( على فكرة إحنا الناس التانيين )

عودي وهانسفرك الأناضول على حسابنا ...

وحشتينا يا كليو ( ده إسم شريط جديد لحميد الشاعري )

مش عارف ليه حاسس إن عصام كاتب مرثية مش نداء إستغاثة :blink: ..

لونك بقى حزايني قوي اليومين دول يا عصعص

[عصام]

مش عارف ليه حاسس إن عصام كاتب مرثية مش نداء إستغاثة  :D ..

لونك بقى حزايني قوي اليومين دول  يا عصعص

يا بنى دى لا هى مرثية ولا نداء .. :D

دى إسمها خواطر فنان مرهف الحس يا عديم الـــ ... الفن :P

أنا قولت يمكن الحساسية زادت على كليو اليومين دول وللا حاجة واحنا ما نعرفش .. فادخل أقول للبنت وحشتنيا مثلا .. الاقيها اتغيرت اليومين اللى غابتهم .. وتدخل فيا شمال بالجامد .. mfb: وتفهمنى غلط وللا حاجة ha) وانت فاهم بقى هى غايبة بقالها كتير .. وممكن تكون بقت عصبية وللا حاجة .. الله أعلم :D

فقولت بقى إيه .. خليها كدا عايمة :blink: .. قوم لما تيجى هى تدخل فيا شمال أقول لها "مش انتى .. انا كنت باكتب خواطرى .. :D "

فهمت stnd::

[daktara]

؟؟؟؟؟ :lol:

[Mohammad Abouzied]

هي ممكن تعود بس ها تدفعو كام :lol:

[سقراط المصري]

هي ممكن تعود بس ها تدفعو كام

ياعم انا ادفع اللي هي عاوزاه بس ترجع

من ساعة ما سابت البيت، وانا اتبهدلت خالص

كنس مسح ترتيب ، تغيير للواد الصغير ، مذاكره للواد الكبير

فواتير اشي كهربه واشي ميه ، والتليفون بطل يرن عندنا

وروح يا سقراط وتعالى يا سقراط....هدوا حيلي منهم لله

خلاص زهقت ، خدوا اللي انتم عاوزينه ورجعوها تاني

يالهووووووووووي

هو اصلا احنا بنتكلم عن فين وليه

سقراط :lol:

تم تعديل 27 مارس 2005 بواسطة سقراط المصري

[وليد صفوت]

هي ممكن تعود بس ها تدفعو كام

ياعم انا ادفع اللي هي عاوزاه بس ترجع

من ساعة ما سابت البيت، وانا اتبهدلت خالص

كنس مسح ترتيب ، تغيير للواد الصغير ، مذاكره للواد الكبير

فواتير اشي كهربه واشي ميه ، والتليفون بطل يرن عندنا

وروح يا سقراط وتعالى يا سقراط....هدوا حيلي منهم لله

خلاص زهقت ، خدوا اللي انتم عاوزينه ورجعوها تاني

يالهووووووووووي

هو اصلا احنا بنتكلم عن فين وليه

سقراط :o

:D :lol: :P lo::

[kokowawa1979]

كليو بالفعل تستحق الثناء من جميع الإخوة الذين قاموا بمداخلات في شأنها .

هي إنسانة ملتزمة علميا وخلقيا تشعرك حينما تقرأ مداخلاتها بأنها أخت لك من أبيك وأمك

عودييييييييييي ياكليو

[محمود تركى]

أعتقد أن الأخت كليو قد قرأت الآن كل ما أرادالأخوة التعبير عنه,

و لكن , ألا ترون إن التزايد فى هذا يعتبر ضغطا عليها لا لزوم له؟

لماذا لا تتركونها فى حالها, لكى تقرر ماذا تريد؟

السؤال عن الغائب أمرمرغوب, لكن تحليل لماذا الغائب هو أو غائب, هو تدخل فى حياة ألأفراد, فاجتنبوه.

[عصام]

لكن تحليل لماذا الغائب هو أو غائب, هو تدخل فى حياة ألأفراد, فاجتنبوه.

عزيزى متفرج ..

سواء قرأت كليو هذا الكلام أم لم تقرأه بعد (أنا متأكد إنها قرأته للأسف) .. ما يهمنى بالمقام الأول أننى - بالتأكيد - لم أقصد التحليل أو التفسير .. إنما قصدت استثارتها واستفزازها للرد .. وهو ما اكتشف أنه فشل بالفعل .. :D

سؤال بقى .. هو ليه كل موضوع "خفيف" يتحول إلى موضوع "تقيل" فجأة ..؟ :o

[محمود تركى]

عزيزى السيد عصام,

هناك مثل شعبى يقول:

كثرة السلام يقل المعرفة.

كما أنى لم أقل أنك الذى تححل الأسباب, أنا أتكلم عن الموضوع كله, فلا تاخذها شخصية يا سيدى..

[mb14]

نمل ونحل

يشترك النمل والنحل فى صفتى النشاط والنظام

النمل يقوم بجمع الأشياء وحفظها كما هى لحين استخدامها ايضا كما هى بدون تغيير يعنى لو النمل جمع قمح يحفظه زى ما هو قمح لغاية ما يحتاجة يستخرجه من مخازنه ويستخدمة كغذاء الموسم القادم كقمح كما هو .

أما النحل يقوم بجمع اشياء مختلفه كغذاء له ثم بعد ذلك يقوم بمعالجة هذا الغذاء بطريقته ويستخرج نوع آخر من الأنتاج مختلف عن أصل المواد التى جمعها .

كذلك الانسان يوجد كمن هو كالنمل يجمع بعض المعارف والعلوم ويحتفظ بها كما هى وكثير منا يفعل ذلك ثم يستخرج هذه المعارف حين الاحتياج لها كما هى بدون اضافة او معالجة .

ونوع آخر فهو كالنحل يقوم بجمع العلوم والمعارف ثم يقوم بمعالجتها والاضافة عليها ثم يخرج الانتاج شئ مختلف عن أصل المواد المجمعة وهؤلاء قليلون .

الأخت الفاضلة /كليو هى طبعا من النوع الثانى بل هى نحله نشيطة جدا جدا جدا حيث انها استطاعت ان تشارك هنا وهناك وهناك وان يكون لها جمهور هنا وهناك وهناك وينتظر العسل (الانتاج) وبل يسأل عنها مثلما فعل الأخ عصام قام جمهور النحلة النشيطة أقصد كليو فى الحديقة ايضا بفتح موضوع والسؤال عنها بعنوان انتى فين يا كليو

فالجمهور فى كل مكان ينتظر العسل .

ولكن يبدو ان النحله الآن فى انتظارموسم الازهار حتى تتفتح الزهور وتقوم بجمع الرياحيق ثم بعد ذلك تنتج العسل .

على فكرة انا من النوع الأول يعنى انا نملة ومنتظر العسل

والموضوع مازال خفيف يا أخ عصام ما دام بيتكلم عن كليو .

[Cleo]

إهااااااااااااااااااااااااااا..... (وش أحمد زكى الله يرحمه فى العيال كبرت)

شكرا لكل من شارك فى هذا الموضوع بكلام طيب فى حقى من باب المجاملة و جزاكم الله خيرا...

وشكرا لكل من شارك فى هذا الموضوع بكلام طيب فى حقه نابع من أحاسيس صادقه.. وجعلنى الله عند حسن ظنه...

شكرا لعصام على هذا الموضوع "الخفيف" clp:: ولسؤاله الطيب عنى...

أرجو أن نتجنب التلاوم و التعاتب و نعتبر فترة الغياب كأن لم تكن.. ولتكن مداخلتى هذه بمثابة إعادة تسجيل عضويتى فى محاورات المصريين...

لا حرمنى الله منكم أخوة كرام... :ph34r:

ولا حرمكم منى ... clp::

[omtmam]

هي دى كليو اللى كلنا عارفينها و بنحبها قلب ابيض و عقل كبير نورت يا كليو :ph34r:

[وليد صفوت]

إعادة تسجيل ؟؟؟؟؟

دانتى عندك مايزيــــــــــــــد عن أربع بواكى مُداخلات ........... :ph34r:

زائد انك لما بتغيبى باليومين الناس تسأل عليكى .......... taz::

طب ليــــــــــــــــه ؟؟؟ ليــــــــــــــــــــــــــــــــــــــــــــــــــــــــــــه ؟؟؟

و إشمعنى انـــــــــــــــــــــــــــــــــــــــــــــــــــــــــــــــــــــــا ؟!؟!؟! clp::

sdm: sdm: sdm:

شوية جد بقى ...............

مرحب بيكى يا كليو , ..... و نتمنى انك تتخلصى من دور الإكتئاب ده بسرعة ,...

فعلاً فى ناس كتيــــــــــــر مهتمة جداً بالسؤال عنك و عايزين يشوفوا كليو بتاعت زمان ,..... و ماينفعش تغيب عنهم لأنهم أدمنوها ................ حاجة كده زى الحشيش بعيـــــد عنك clp::

الف مرحب بيكى ............... عصام كوباية عصير لكليـــو هانم أفنظم على حسابى clp::

[سقراط المصري]

مييييييين كليو رجعت تاني ، يادي النور

تعالى تعالى ، دا حصلت حاجات كتيره وانت غايبه ، لازم احكيهالك:

حبيبي ابو السيد والشهير ب سي السيد (واللي بعت له رساله من كام يوم ومطنش يرد) :blink: ،ابو السيد بقى مشاركني في نص جاموسه ، ايوه من خير حلفان، ومسمينها ام الخير ،واتفاقي معاه ان في حالة ام الخير خلفت وجابت عجل صغير هيكون من نصيبي ويكتب بإسمي ، اما لو جابت عجله صغنونه ، فهو هيتكلف بمصريف زفافها.

وعلى فكره ، بصراحه انا مش مبسوط من الشركه دي مع سي السيد ، اصل كلام في سرك ، بيحلب الجاموسه من ورايا ، وبيلهط القشطه.

اما العزيز الى قلبي ابن مصر ، فدا وصل من زمان ، اشترى جزمه جديده برباط ومن ساعتها مافيش حد عارف يكلمه. اول مايقابل يولع سيجاره ، ويقعد حاطت رجل على رجل وطبعا لازم يوريكي الجزمه الجديده، وبعدين يسحب نفس طويل، ويطلعه بهدوء ويبص في الدخان. وتيجي تقولي له مالك يا ابن مصر ، يقولك قسط الجزمه هيفرتك نافوخي...............ياعم فرفش، وان شاء الله هتفرج وتشتري الفرده التانيه كمان.

اما سكوربييون ، دا بقى حاله عال العال ، فتح محل عصير قصب ولعبت معاه البليه وبقى من الاعيان...............وغلاوة جنيور الصغير يا سكوربيون، ابقى قلب السكر اللي بتحطه على القصب، اصله بيرقد في الكوباييه.

اما شانا، الشهيره بالشعنونه ، روحت ياختي اسال عليها وفتحت لها موضوع جديد ، ردت وقالت عندنا مشاكل في الاسره، وهب ولقيتها فتحت موضوع وبتقول سلام عليكم، وعايزه تسبنا وتمشي، مش عارف فيه ايه، انا يا كليو يا اختي غلبت مع شانا دي ، اكيد هرد عليها ، بس هتأخر شويه اصل شانا لها اسلوب خاص في الكتابه ، ودي بقى محتاجه - لأ لأ مش جردل قهوه- دي محتاجه ولمواخذه طشت قهوه عشان اكتب لها رد.....................حاضر يا شانا ،اما وريتك.

اما الاخبار السريعه فهي:

المحترم الافكاتو ،بيذاكر كتاب سي السيد عن اللغه العاميه، اصله شكله ناوي لما ينزل مصر يأجر حنطور .........ويصراحه كتاب سي السيد صعب،فأنا ناوي انزل كتاب الأضواء (كمرجع) اهو حاجه عشان الطلاب الجدد.

عصام شوقي، لو عاوزه تقابليه ، فهو ياإما بياكل كبده من عربيه ام محمد ، او قاعد على قهوه محاورات المصرين، وطبعاَ أمشير مطنش على الحساب، اصل الاستاذ عادل ابو زيد - ربنا يكرمه- بيجي اخر الليل ويحاسب على الطلبات.

كليو الف حمدالله على سلامتك :ph34r: :blink:

سقراط

[se_ Elsyed]

حبيبي ابو السيد والشهير ب سي السيد (واللي بعت له رساله من كام يوم ومطنش يرد)  :blink:

إخص عليك يا أبو السقاريط .. وانا اللي خطفت رجلي إمبارح لحد بوسطة العتبة ( مش عشان أشتريها ) لكن عشان أبعت لك جواب مسجل من أبو 175 قرش ...

على العموم انا مش هاتكلم وهاسيب دموعي هي اللي تعبر لك عن حبي

أدي دمعة من دموعي

يالله اتخدتك حقك .. لو سمحت إركن على جنب ناشف ..

كليو ... ويلكوم باك :ph34r: إذا كنتي غيبتي عن المحاورات فأنتي لم تغيبي عن الوجدان

( يا نهار مش فايت .. إيه ماسورة المشاعر اللي ضربت عندي دي ؟!! )

مرحباً بكي مرة اخرى ... ولو سمحتي إبعتيلي رسوم إعادة القيد يا كليو يا ساقطة كيك .