تأخير الباسبور داخل القنصلية

[Alrahiem]

السلام عليكم وتحية طيبة لكل الإخوة الأفاضل

أنا الصراحة عندي مشكلة حبيت استفسر عنها من ذوي الخبرة

أنا جالي وظيفة حكومية في السعودية والمفروض اني مخلص الورق ومقدم الباسبور من أول شهر يوليو في القنصلية ومافيش اي إجراء تم لان على حسب مافهمت من مكتب التوظيف ان الباسبور واقف عند مكتب التوظيف السعودي داخل القنصلية للمراجعة حيث انها وظيفة حكومية ليها معايير خاصة بموضوع السعودة ولازم بيراجعو مع المؤسسة اللي هاشتغل خلالها.

الفكرة كلها هل منطقي ان الباسبور يدخل الوقت دا كله هناك وحتى الآن مافيش آي إجراء

وهل حد عنده فكرة ازاي اتابع الموضوع علشان يمشي لاني ساعات بحس ان الباسبور ممكن يكون ضاع هناك او مركون على الرف

ملاحظة:

انا كنت شغال قبل كدة في السعودية وعملت خروج نهائي

المهنة في الباسبور مهندس كهرباء

التأشيرة بمسمى مهندس

الكشف الطبي عامله بتاريخ 10 يوليو

للأسف معرفش رقم التأشيرة ومعرفتش آخده من مكتب التوظيف

[Alrahiem]

السلام عليكم ورحمة الله وبركاته

الحقيقة أنا كنت بعت الإستفسار الأول وماحدش رد عليا

وكنت اتمنى حد يكون عنده خلفية يقدر يرشدني خاصة بعد تطورات الموضوع

اليوم اتصل بيه حد من الشركة اللي مفروض اشتغل فيها وقالي بسبب مشاكل السعودة والإقامات مؤخرا في السعودية تم رفض طلب التأشيرة الخاصة بية

ونظرا لانهم في الشركة كانو متمسكين بيا فبيحاولوا يشوف حل للموضوع عن طريق توفير تأشيرة زيارة أسافر عليها ومن هناك يحاولو يمشوا في تحويل تاشيرة الزيارة لعمل إن أمكن

بالنسبة للمؤسسة هي مؤسسة حكومية كويسة جدا والوظيفة كويسة

انا كنت ماضي معاهم عقد قبل كدة على أساس هيتبعتلي تأشيرة عمل في الأول.

دلوقتي هما كانو عايزين ردي بالنسبة للموضوع دا

وانا في حاجات مش عارف عنها حاجة

زي أقصى مدة يقدروا يجددو بيها الزيارة لغاية امتى

انا عارف ان الكل بيقول ان مستحيل تتحول الزيارة لاقامة لذا هل دا نهائي ولا ممكن يكون في إستثناءات بالنسبة للمؤسسات الحكومية

هل ممكن لو جالي عمل في مكان تاني هناك احول لية ولا برضه لازم تأشيرة جديدة

وأخيرا العقوبات الممكنة وانا شغال بتأشيرة زيارة

انا عارف ان فيه حاجات زي العربية والاستقدام والكلام دا ماقدرش استفيد من الحاجات دي وانا على تاشيرة زيارة بس دي مش مشكلة كبيرة ليا في الوقت الحالي

اتمنى منكم الرد ولكم جزيل الشكر

[خالد شحاته]

الشركه لو كويسه وحكوميه زاي ما انت بتقول تعمل لك الزياره اقامه في اسبوعين ومفيش حاجه مستحيله هنا كل شي بيتعمل بس اهم شي المعارف

تم تعديل 12 نوفمبر 2013 بواسطة خالد شحاته

[Alrahiem]

شكرا أستاذ خالد على الرد وأعذرني لاني شفت ردك متأخر

والصراحة انا كنت عايز أسألك بخصوص تاشيرة الزيارة

لانهم بالفعل بعتولي تاشير زيارة حكومية بمسمى وظيفي محاضر

وفي الباسبور المسمى الوظيفي مهندس كهرباء

هل ممكن تترفض؟؟؟!!