الفاتنه الحسناء التى سرقت قلبى ( صورة رمزية )

[achnaton]

من كام يوم عرض التليفزيون فيلما تسجيليا عن نيل مصر .. على سهرتين متتاليتين.. والحقيقة انا تملكتنى الدهشة والانبهار لصدق السرد وسلاسة العرض والمادة العلمية والخدع التصويريه .. وعشت تاريخ نيل مصر خلال القرون الثلاثة الأخيره .. وندمت جدا انى لم اسجل تلك الحلقات بالفيديو .. وقد لاحظت المدام دهشتى .. واندماجى التام فى مشاهدة الفيلم .. فظنت أنى أحلم بجو بلدى .. فقد كنت فى الحقيقة كما قالت لى فيما بعد غائب عن الوجود .. وارادت ان تنبهنى الىمركب شراعى كبير ومن خلفه لوحه رائعة لضفة النيل الخالد وعليها مبنى فندق كتاركت ..ويسرح فكرى بعيد .. واستعيد المنظر كله من ذاكرتى .. واحس أنى هناك .. اصاحب بعثة التصوير .. وتقترب الكاميرا اكثر من الضفة فستعرض تراس الفندق الجميل .. والتى تطل على النيل .. وفيها كانت تقضى " آجاتا كريستى " وقتها وهى تكتب قصتها الجميلة " جريمة على ضفاف النيل " .. واشارت المدام الى تحفه نادرة تجلس بجوار سور التراس .. فنظرت اليها بكل احتراس .. وصدرت عنى آهة بلا إراده .. اتبعتها بجملة " سبحان الخالق الوهاب " .. غادة لم اشاهد مثلها طول عمرى .. متناسقة التقاطيع .. حلوة الملامح .. مريحة الطلعة .. أنيقة الملبس .. يزيدها جمالا .. غطاء للرأس وردى اللون يخفى كل شعرها وينسدل على صدرها .. منسجم فى لونه مع عباءة تكاد تظهرها كملاك جاء توا من الجنه ليعلم الناس الحشمة والوقار.. هادئة فى حركتها .. منخفضة الصوت القريب من الهمس .. واقتربت بعيناى منها اكثر واكثر .. فرأيت عيونا مثل عيون الجمال .. واسعة .. صافية .. بياضها ناصع وسوادها حالك .. إذا دققت فيها مثلى ستسمع حتما دعوتها الى التسامى فوق نزعات الجسد وغرائز الدنيا .. اخجلتنى بنظرتها فاشحت بوجهى عنها .. ووجهت حديثى للمدام وانا اقول .. مسكينه هذه الصبية الجميلة .. لها وجه الغادة الحسناء ، وقلب العجوز الشمطاء .. ليتها تحس بما يحسه الأحياء .. وتلتقط سيدة عجوز كانت مع زوجها واولادها معنا على المركب الشراعى .. تلتقط بسمعها الحاد ما قلته للمدام .. فترد عنها بعد رسمت ابتسامه عريضه على وجهها المجعد وعلقت فقالت ..

ليس تلك الغادة الحسناء لوم او تثريب .. إنما اللوم كله عليكم ياشباب اليوم .. انكم شباب متخاذل ضعيف عاجز عن ان يستهوى قلب هذه الغادة الفاتنه .. ويستولى على لبها .. ويعلمها كيف تعزف مقطوعة الحب الجميل على اوتار القلوب .. وأتبعت التعليق بآهة ز. عميقة وهى تدندن .. فين راح ربيع العمر وعهد الصبا والشباب ..

وقالت زوجتى .. فى لهجة توبيخ .. الا يحق للجمال الصامت العاقل ان يعيش .. أعتقد انها سمعت كل تعليقاتكم .. لقد أدخلتم الحزن عليها .. فكسا وجهها قناع الخجل الأحمر .. حرام ..

وترد العجوز .. لا تصدقوا هذا المظهر .. إنها ماكرة .. تخفى أنياب الذبة الكاسرة تحت إهاب الحمل البرئ ، والحمامة الوديعة ..

ونظرت الى المدام بنظرة عتاب وهى تسألنى .. هل تعرف هذه الغادة .. ؟؟ قلت نعم أكيد ..

فقالت إذن من هى .. ؟؟ وتنبهت من غفوتى .. ولاحظت أنى مازلت فى غرفتى .. أشاهد التلفزيون .. فقررت أن أسأل اخوتى بالمنتدى .. فيه حد منكم يعرفها .. ؟؟ :P :P cr((:

:o

[عصام]

فقررت أن أسأل اخوتى بالمنتدى .. فيه حد منكم يعرفها .. ؟؟

:)

clp::

لأ

لسه

:)

[achnaton]

يعنى عروستى .. ؟؟

طب اسمع فصل جديد .. بعده حتعرف الحل .. أكيد .. اقرأ وفكر معايا .. قبل ما تدخل الأخت جى جى بالمرايا .. وحتبص فيها .. بالقطع حتلاقيها .. وشوف ياسيدى .. :)

أما العجوز التى كانت معنا فى التراس فتقول :

.. لا تصدقوا هذا المظهر .. إنها ماكرة .. تخفى أنياب الذئبة الكاسرة تحت إهاب الحمل البرئ ، والحمامة الوديعة ..

ونظرت الى المدام بنظرة عتاب وهى تسألنى .. هل تعرف هذه الغادة .. ؟؟ قلت نعم أكيد .. وما كدت انقل بأسمها حتى قطع الحديث بيننا صوت الجرسون يسألنا .. قهوة كباتشينوا .. وشاى بالنعناع .. ؟؟ أم نشوف حاجة تانية ؟؟ وفوجئت بنفسى أسأله .. هى المدام اللى هناك دى .. طلبت إيه ؟؟ ويرد على تقصد الهانم اللى قاعده فى آخر التراس .. آه .. دى طلبت كوبا من الحليب الدافئ .. وقد سألتنى هى أيضا عنكم .. ودفعنى هذا الرد الى أن اختلس نظره اليها دون أن يلحظ أحد .. والجرسون ينتقل الى الترابيزة المجاورة حيث يجلس بعض السياح .. واعتمدت على معلومة الجسون واستأذنت المدام .. أروح الحمام .. والحقيقة أنى كنت مشدودا الى تلك الحسناء ومصمم بينى وبين نفسى أن أذهب اليها .. وقد تيسرت لى حجة أعتمد عليها .. إذا سألتنى زوجتى لماذا ذهبت اليها .. واثناء عودتى من الحمام .. مررت عليها وكأنى غير متعمد الذهاب .. وغلبت بتصرفى هذا كل الاعيب الشباب .. ولما إقتربت منها أشاحت بوجهها عنى .. ونظرت الى مياه النيل .. فبان لى بوضوح " بروفيل " وجهها الجميل .. ولكنه كان حزين .. واقتربت أكثر .. واكثر ووضحت الكآبه على جبينها .. وظهر الأسى على أسارير وجهها .. ووجدتنى دون إعداد مسبق .. أسألها بعد السلام .. ماذا بك ياخير هدية من الخالق لكل الأنام .. ؟؟ ولما اراك مكتئبة حزينه .. وانت المرحة الرزينه ؟؟

قالت يقولون عنى اليوم أنى من فضلات العهود القديمة .. !! وانى مازلت أعيش بتفكير القرون الوسطى .. لاعتراضى على المجتمع المفتوح .. وتصرفات البعض الطائشة .. والخلق المفضوح .. !! حتى الكبار ..سياسيون و موظفين وتجار .. تجاوزوا الحدود .. فصبغ الشيوخ منهم الشعور .. وكشفوا عن انيابهم مصاصة الدماء فى فجور .. داسونى بالنعال .. بتلك الأفعال ..

وتنادى زوجتى من بعيد .. القهوة بردت .. تشربها بارده ولا أطلب من جديد .. ؟!! فقلت

أروح أشرب قهوتى .. وأجمع عدتى .. وانتظر ردكم .. عرفتوها .. ولا أعيد ؟؟؟ :)

[عصام]

التقاليد

:)

[achnaton]

التقاليد

:)

وليه كده بس تروح لبعيد .. :)

وتخلينى ابدء من اول وجديد .. clp::

ودى واحده بالتحديد ..

تكره التبرج موت .. وبتعتبره قاتلها .. وبتترعب من النفاق لأنه بيختقها .. لا يليق عليها الفستان المحزق .. ولا البنطلون اللى بيزيق .. اللى أسمه الأسترتش .. ولا الحوت ابو كرش .. اللى يرمى عليك السلام .. وفى بيفكر ازاى يخلى اولادك ايتام .. ولا يعجبهاش الديك المنفوش .. ذو الشعر المنكوش .. ولا البكينى على البلاجات .. ولا الصبايا من الحموات .. تبقى بلغت العمر أرزله .. وشايله اسنانها .. وتروح تحب واحد اصغر من عيالها ..

يا خسارة .. كانت موجوده بالمحروسه بكثرة زمان .. لغاية ما اتعلمنا نقلد فرنسا والأمريكان .. وكان اللى كان ..

يعنى مثلا .. نقول كمان ؟؟؟ :) rs:

[peacefulofmind]

SHYNESS

"AL KHAGAL"

[peacefulofmind]

اعتقد انه -الخجل-اي *الحياء*

[عصام]

العِفــــة

:)

[achnaton]

SHYNESS

"AL KHAGAL"

إذا كنت تقصد " الخجل " .. تبقى قربت توصل .. مع تحياتى :)

[achnaton]

العِفــــة

:)

معلش أعذرنى .. العفة.. دى احد سمات بنات بحرى .. وكل بنات بلدى .. لكن صحيح عن الرجال .. بقت سمه بعيدة المنال .. والعفة عادة تبان .. على طرف اللسان .. لما الأنسان .. امرأه او رجل .. يخشى الأكل الحرام .. بل ويمنع المدام .. ان تصاحب النساء اللئام ..

لأ.. لسه شوية على المحطة .. ما تستهلش البطه !! لكن تستهال الوردة دى :)

[عصام]

الحيـــــــــــاء

:)

[achnaton]

الحيـــــــــــاء

:)

يبدو لى يا عزيزى عصام .. إنك شبعان .. مش عاوز بطة ولا سمان .. بقى ياراجل .. بأقولك حسناء وجميله .. تقولى الحياء .. طب الحياء ده مذكر .. والرجل اللى يتحلى بيه بزياده مزاجه يتعكر .. والناس تضربه على قفاه .. وتآخذ اللى معاه .. لأ .. ياعم ارجع تانى مطرح ما كنت .. واركب قطر جديد .. وبلاش بتاع السكه الحديد .. لأن قطاراتها بتتحرق .. قطارات ورق .. لا تواليت ولا شبابيك .. وما تستحقش يا عم عصام .. لا فرخه ولا ديك .. لكن برضه البطة موجوده .. بس شد حيلك وقول لنا على الحل .. ما انت كنت قربت ليه بعدت ؟؟ rs:

[G.G]

حمرة الخجل؟

:)

تم تعديل 10 أبريل 2005 بواسطة G.G

[achnaton]

حمرة الخجل؟

clp::

يا اهلا بالأخت الفاضله ..

الناس دى بتوهك .. أنا حا أقربها لك خالص .. ومالكيش بعد كده حجه .. ونسمع منك الحل الصحيح .. وخدى الأول الوردة دى :)

نقول كمان .. يمكن اثناء الحديث تظهر وتبان .. لأن الحكاية طولت ..

شوفو يا ساده .. حقولكم حقيقتها بلا نقصان ولا زياده .. من صميم واجباتها الدنيوية .. أنها تبشر الناس برسالة العفة والكمال .. وعلى مر التاريخ الف الناس عنها قصص وروايات .. واحيانا غنى لها الرواه الف موال .. والعامل المشترك فى كل رسائل تبشيرها .. التسامى فوق نزعات الجسد .. وغرائز الإنسان .. تحرض فى نصائحها على نبذ التخاذل والضعف .. دائما شايله هم البشر ... وتؤمن بكل الأديان .. ولها كثيرين من المريدين الصالحين .. مسلمين ومسيحيين .. يهود وبوذيين .. الكل بيحترموها بل يكادوا يقدسوها .. وخاصه مشايخ الإسلام .. يحبوا الأنتساب اليها ..

آدى أنا سهلتها على الآخر .. المفروض بقى تعرفوها ..

مين هى .. ؟؟ :)

تم تعديل 10 أبريل 2005 بواسطة achnaton

[عصام]

الأخلاق

:blink:

[achnaton]

الأخلاق

:blink:

الحل ده مش بتاعك يا عم عصام .. لكن كلام الفتان معالى الوزير عبدوس " ارجوز ملك المجوس .. طبعا أنت سألته على الحل .. قام وقعك من فوق التل .. حد ياعصام يستشير فى الوقت المنيل ده وزير ؟؟ ما انت شايف .. وزراء النزيف عاملين فى المحروسه إيه .. !!

طب إسأل : الملك مارينجوس الأول .. عشان يغرقك أكتر .. وياخدك ويطير .. الى حيث البعير .. اللى هلك ..

ما تشوفلك مستشار تانى .. وتركب قطر الغلابا زى ما اقترحت عليك .. ولو سيد الشطار قابلك فى الطريق أسأله هو بيسعد ليه لما الناس تنعم عليه بأسمها .. عرفتها .. طيب .. قولها بقى وخلصنا .. عاوزين نشوف غيرها .. cr((:

تم تعديل 11 أبريل 2005 بواسطة achnaton

[عصام]

:blink:

جى جىىىىىىىىىىىىىىىىىى

cr((:

[peacefulofmind]

عزيزي اخناتون

انها ****** النخوة ********

اي الرجوله والشهامه

ادا كانت صحيحه استحق ديك رومي لان البط ملا البلد***

[achnaton]

عزيزي اخناتون

انها ****** النخوة ********

اي الرجوله والشهامه

ادا كانت صحيحه استحق ديك رومي لان البط ملا البلد***

ياراجل حرام عليك :blink: .. بقى الرجولة والنخوه فاتنه حسناء تخطف لب الرجال .. ومن أمتى الرجولة بتلبس بمبى .. أصوت يعنى .. taz:: ؟!! وآل عاوز ديك رومى .. ؟؟ لأ ياعم هات انت بطه من الكتير اللى عندك .. وانا عشان خاطر الضيافه .. حاشوفلك فحل بصل محترم من خزين جدتى "صبوحه " .. انا قلت دا جاب الديب من ديله وقمت اجرى اشوف اخبار الرومى عندنا إيه ؟؟ يالله معلش المرة دى .. بصل بصل .. كفاية أنت اللى عسل .. حاول تانى .. cr((:

تم تعديل 11 أبريل 2005 بواسطة achnaton

[G.G]

واحدة من الثلاثة دول؟

الطهارة-

النقاء-

صفاء الروح-

ها؟؟ :blink:

تم تعديل 11 أبريل 2005 بواسطة G.G