نقل الكفالة من على النت

[AbuZeyad]

السلام عليكم ورحمة الله وبركاته

ماشي حالياً في موضوع نقل الكفالة من شركة لشركة اخرى والشركة الاولى معندهاش مانع في نقل الكفالة و الحمد لله اخدت منهم خطابات نقل الكفالة لمكتب العمل والجوازات بالموافقة

وحسب النظام الحالي المفروض ان الشركة الجديدة تطلب نقل الكفالة من على النت وتوافق الشركة الاولي وينتهي الموضوع

وفعلا الشركة الجديدة طلبت النقل من على النت لكن المشكلة ان الشركة الاولى اللى لسه عليها كفالتي استقال مدير الشئون الادارية فيها واللى كان عنده امكانية الدخول على الموقع والموافقة على الطلب ونتيجة الاستقالة ان حسابه في مكتب العمل اتلغى وكان دا الحساب الوحيد للشركة الاولى

الشركة الجديدة قالولولي ان الطلب متعطل في مكتب العمل علشان مطلوب تفعيل الشركة الاولى بمكتب العمل وهما فعلا قدموا ورق بتفويض لشخص جديد يكون مسئول عن الحساب على موقع مكتب العمل وحسب كلامهم ان التفويض اتقبل فعلا في مكتب العمل وان فعلا اصبح فيه شخص جديد مسئول بدل المستقيل وان المفروض ان مكتب العمل يبعت كلمة سر جديدة علشان الشركة تتابع اعمالها من على النت خلال 24 ساعة من تقديم التفويض

المشكلة ان الكلام دا له حوالي اسبوع ولسه مكتب العمل مبعتش كلمة المرور الجديدة وانا حالي واقف على موافقتهم خصوصاً ان اقامتي انتهت والمعاملة عند مكتب العمل

السؤال دلوقتي : هل انا لا يمكن انقل الكفالة غير بموافقة الشركة الاولى من النت فعلاً وان الخطابات الورقية لا تغني عن الموافقة من على النت؟ طيب لو كدا ايه لازمة كل الخطابات الورق والموثقة من الغرفة التجارية بالموافقة على طلب النقل؟ علماً بأن الشركة الاولى نطاقها بلاتيني.

هل معنى التفعيل اللى طلبه مكتب العمل ان الشركة الاولي يكون لها شخص مفوض لدى مكتب العمل؟ ام انه المقصود هو الموافقة على الطلب اللى طلبته الشركة الجديدة؟

هل توجد طريقة ان مكتب العمل يسرع موضوع اصدار كلمة مرور جديدة علشان يوافقوا من على النت؟

هل لو انا اخدت الشخص المفوض الجديد مع المعقب ورحنا مكتب العمل ممكن المفوض الجديد يخلص الموضوع هناك مباشرة بدل موضوع الاونلاين اللي طول جدا دا؟

وشاكرا لكم اهتمامكم وكافة الردود مقدماً

[خالد شحاته]

الاخ الفاضل

طبعا الكلام ده غير صحيح بالمره

لان الشركه الثانيه الا هي طلبه نقل كفالتك ممكن بخطاب الامعها من كفيلك القديم وطلب الا قدمته علي النت المندوب الشركه الجديد يروح مكتب العمل خمس دقائق ويفعل الطلب

ومش محتاج اي شي من الشركه القديمه

[حسام الغرباوي]

أول مرة اسمع الحوار دا

اصلا طالما معاك خطابات من الشركة القديمة خلاص الكلام ...والكلام دا اكيد لان واحد صحبي لسة نقلينو كفالة الاسبوع دا ...لا الكفيل الاول عندو نت ولا التاني اصلا

[herohero]

معلش عشان انا اتلخبطت يعني مفيش نقل الكتروني ؟؟؟
عندي قال اننا هنعمل الطلب ع النت والكفيل القديم يعمل موافقة ومش محتاج خطابات هل ده صحيح ؟؟ او ع الاقل كبداية مش محتاج خطابات ف الاول

[حسام الغرباوي]

يمكن النقل من الانترنت ...ودا لو مفيش خطابات اصلا

يعني عندك حلين

اما النقل التقليدي انك تاخد خطابات من كفيلك القديم وجوازك وتديهم لكفيلك الجديد ينقل كفالتك

او ان كفيلك الجديد يدخل السيستم ويدخل بيانات ويعمل طلب نقل كفالة ليك عليه .....وكفيلك القديم يدخل السيستم ويعمل موافق علي نقل الكفالة ...ودي مش محتاجة خطابات وانتا بتروح تغير الاقامة فقط وتبقي باسم كفيلك الجديد

يعني دي او دي ....وليس دي و دي

[herohero]

يمكن النقل من الانترنت ...ودا لو مفيش خطابات اصلا

يعني عندك حلين

اما النقل التقليدي انك تاخد خطابات من كفيلك القديم وجوازك وتديهم لكفيلك الجديد ينقل كفالتك

او ان كفيلك الجديد يدخل السيستم ويدخل بيانات ويعمل طلب نقل كفالة ليك عليه .....وكفيلك القديم يدخل السيستم ويعمل موافق علي نقل الكفالة ...ودي مش محتاجة خطابات وانتا بتروح تغير الاقامة فقط وتبقي باسم كفيلك الجديد

يعني دي او دي ....وليس دي و دي

تسلم لنا ياغالي وضحت الرؤية

[AbuZeyad]

شكرا جزيلا لكل الردود وخصوصا الاستاذ خالد والاستاذ حسام

بس يا ترى ليه موظف الموارد البشرية قالى كدا

يعني قلة خبرة ولا بيشتغلني علشان يخلص منى؟

انا ان شاء الله هحاول تاني وربنا يسهل

دعواتكم

[AbuZeyad]

اتصلت اليوم بمكتب العمل على الرقم 920001173 واكدوا كل المعلومات اللي حضراتكم ذكرتوها.

[خالد شحاته]

الاخ الفاضل

لو حسيت ان موظف الموارد بيستهبل خد منه الطلب وصوره التنازل وانا اقولك اعمل ايه علشان مش تتعب نفسك

تم تعديل 10 أكتوبر 2013 بواسطة خالد شحاته

[AbuZeyad]

الاخ الفاضل

لو حسيت ان موظف الموارد بيستهبل خد منه الطلب وصوره التنازل وانا اقولك اعمل ايه علشان مش تتعب نفسك

شكرا استاذ خالد

انا ان شاء الله هاحاول تاني ولو فيه حاجة تانية هاقول لحضرتك

[AbuZeyad]

الحمد لله اخيرا خلصت مكتب العمل وباقي الجوازات

سؤال لو تكرمتم

حالياً انا وضعي ايه؟؟؟ يعني لو فرضنا ان مكتب العمل جه يفتش او الجوازات هل انا كدا وضعي قانوني حتى لو لسه مستلمتش الاقامة الجديدة؟

بمعنى آخر لو جه أول محرم وانا لسه مستلمتش الاقامة الجديدة اروح الشغل ولا اقعد في البيت لحد ما استلم الاقامة الجديدة المكتوب فيها اسم الشركة الجديدة علما بأن الاقامة القديمة منتهية من حوالي شهر؟

شكراً

[AbuZeyad]

سؤال لو تكرمتم

حالياً انا وضعي ايه؟؟؟ يعني لو فرضنا ان مكتب العمل جه يفتش او الجوازات هل انا كدا وضعي قانوني حتى لو لسه مستلمتش الاقامة الجديدة؟

بمعنى آخر لو جه أول محرم وانا لسه مستلمتش الاقامة الجديدة اروح الشغل ولا اقعد في البيت لحد ما استلم الاقامة الجديدة المكتوب فيها اسم الشركة الجديدة علما بأن الاقامة القديمة منتهية من حوالي شهر؟

شكراً

[خالد شحاته]

الجوازات بتخلص في يوم واحد

[AbuZeyad]

الجوازات بتخلص في يوم واحد

معاك يا استاذ خالد

بس للاسف موظفي الموارد البشرية على ما سمعت انهم بيجمعوا اكبر عدد من الجوازات ويدخلوه مع بعض مرة واحدة

واظن ان دا سبب التأخير

علشان كدا كنت بسأل الوضع ايه اول محرم؟؟ هل لو جه تفتيش من مكتب العمل وانا ليه معييش اقامة واقامتى منتهية هل يكون وضعي قانوني طالما انه تم نقل الخدمات من مكتب العمل ؟

ولا مثلا اخد من الشركة خطاب انه تم نقل الخدمات وجاري تجديد الاقامة؟ كدا وضعي قانوني؟؟؟

وشكرا لحضرتك