من هو الامام البخارى وما السر الطعن فى كتبه هنا وهناك

[ابا فاطمة]

السلام عليكم ورحمة الله وبركاته
الاخوة الافاضل

استاذتنا الفاضلة كل سنة وحضرتك وزوجك واولادك واهلك جميعا فى خير نعمة واتم سلام

ياااااااااااااه ده الناس اللى فى المنتدى اتغيرو خالص وكأن الذى تكتب المداخلة السابقة شخص اخر غيرك انتى وانتى بالذات
كلامك متحامل جدا وانا لااقصد منه كل ماتم تحليله عند ادق معامل التحاليل الانجليزية وخلينا شوية فى الانجليزى لانه تخصصك
ممكن تعرفى ترطمى بالصينى مثلا بعد هذا العمر وتتعلميه وتتقينه كاهل البلد وتتكلمى احسن من اوشين مثلا صعب جدا جدا طيب تقدرى تكون فى دقة مشرط مجدى يعقوب وهو بيلعب فى قلوب الناس زى ابو تريكة كده مثلا ===انا اقصد بهذا عقلى وعقلك وعقل الافاضل اللذين فى مثل حالنا الان فعقلنا وقدرتنا محدودة لتعلم العلم الشرعى ونبرع فيه الا من ابتدى صغيرا ليس من كان فى مثل سننا ==فمثلا لن تصل قدراتى العقلية الى ان احفظ مثل البخارى او الشافعى رحمهم الله

اه صح مش علشان انا وانتى قرانا فى الدين بقينى زى الامام الاعظم ابو حنيفة مثلا
مش علشان دبحنا فراخ وخرفان فى العيد ببقينا اكبر جراحين زى مجدى يعقوب ==معذرة احنا يدوب جزاريين مش جراحيين وهذا هو الفرق بين ان تكون جراح وجزار وهذا ماقصدته بالعقول المحدودة والجهل الذى لااتفوق فيه عنك وعن الاخريين وزى ماقولتى الجهل مش عيب لكن العيب انى اقرا كتاب او كتابيين واظن نفسى امام التابعيين

طبعا انا لاطعنت فى القران ولا فى الصحابة ولافى اى حد حتى
انتى تفننتى فى الصاق وارسال تهم بلا دليل او بينة على كلامك كلام مرسل حتى لفظى لم يتضمن مافهمتيه

الغلو الغلو الغلو ؟؟؟؟؟؟؟؟؟؟؟؟؟
كلمة كبيرة وفضفاضة زيها بالظبط زى الارهاب الارهاب الارهاب ؟؟؟
عموما انا مش هعلق على الغلو ؟؟

برضه انا مش زعلان على وصفك لى بكل هذا ومسامحك
اشهد ان لااله الالله وان محمد رسول الله ==والله مسلم سنى وموحد وبعبد نفس الرب
ومتصدقيش كلام الحجار ليكو رب ولينا رب


تحياتى

تم تعديل 24 أكتوبر 2013 بواسطة ابا فاطمة

[ابا فاطمة]

معلش بس نسيت حاجة ربنا علق على ناس بانهم كالحمير

وخلق ناس بالغباء والعته والهبل ومحمدو العقل كما خلق الافعى بسمه وخلق الشياطين وخلق المسيخ الدجال كل هذا صنيعة الله

هل نعيب على خلق الله له فى هذا حكم ==هل من نزل من بطن امه مشوها نعيب خلق الله

اه صح برضه لما نتكلم عن العقول وتفاوتها هل نعيب على خلق الله

من يكفر لعدم ادراكه التدبر الذى نصت عليه الايات السابقة هل نعيب على خلق الله

معلش بلاش التفساير اللى على الهوى ===بلاش اقول الغلو وتكفير الاخر

طبعا انتو لاكفرتوا حد ولاحاجة ==انا بقول ممكن الزقها فى وسط كلامى

بجد المنتدى اتغير كثير

نمسك على خيالنا ومايدور فى عقولنا نحن اخطاء الاخر

برضه ياجماعة الخير ماحدش يعول على كلامى كثير لان عقلى محدود ومخطوف ذهنيا

كل سنة وانتو طيبين

[عبير يونس]

أحب اقول لحضرتك يا أبو فاطمة

أن الغلو مش مقصود به شخص حضرتك حاشاك

دوما اخاطب الفكرة ..التيار ..الاتجاه و ليس الاشخاص

و لو فتشت عن مداخلاتي القديمة ومواضيعي حتلاقي رأيي ما اتغيرش ولا حاجة :)

ده رأيي من زمان و من قبل الثورة حتى و من قبل ما ادخل المحاورات سنة 2008

و كل الاخوة الافاضل هنا المنتمين للتيار السلفي عارفين ده من زمان

و مع ذلك كان ولازال بيني وبينهم كل خير وكل احترام

لأنهم تأكدوا تماما أنني لا أعاديهم و لا أتحامل عليهم

فقط أمارس حقي في رفض أفكار لا تقنعني

بمناسبة لفظة "الحمير" اللي حضرتك ذكرت أن الله تعالى شبه بعض الناس بها

فالمقصود ليس اهانة الحمير و لا اهانة المشبهين بهم

هل تتصور أن الله تعالى ينزل لهذا المستوى فيسب بهذه الطريقة ؟؟؟!!!

تعالى الله عن ذلك علوا كبيرا

و أستغفر الله وأتوب إليه

{مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَاراً بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللَّهِ وَاللَّهُ لَا يَهْدِي الْقَوْمَ الظَّالِمِينَ }الجمعة5

المقصود هنا أنهم يحملون شيئا لا يعلمون ما به

كمثل الحمار عندما تحملّه شيئا على ظهره

فهو يحمله و يوصله لك حيث تريد دون أن يعرف ما الذي كان على ظهره

و هذا ليس غباءا من الحمار

فهو كساعي البريد يحمل الرسائل لأصحابها و لا يفتحها فيعرف ما بداخلها

هو يوصلها فقط

فوجه الشبه هنا هو الجهل بالشيء بمعنى عدم المعرفة .. وربما عدم الاهتمام بالمعرفة أصلا

و عليه فالأمر ليس به لا تحقير و لا اقرار بمحدودية العقل عند البعض فكأنهم كالحمير !!!

و إني لأعجب ممن يحقر مخلوق من مخلوقات الله تعالى و يصمه بالغباء

و هو يقوم بكل ما يوكل إليه و يعرف الطريق أكثر من كثير من الناس!!!

و الأعجب أن نتصور أن يخلق الله الحمار ثم يتحدث عنه باحتقار

بل و يشبه به من يريد ذمهم!!!!!!

قليل من مراجعة النفس عند التفكر في كلام الله تعالى

و في ذاته جل وعلا

و التي استحالة أن يعتريها النقص

تحياتي و سلامي لفاطمة وأم فاطمة

[عبير يونس]

ندخل بقى في كلام حضرتك عن العلم الشرعي

و العقول المحدودة :)

خلينا في مثال اللغات اللي تفضلت حضرتك و ذكرته

و عن نفسي فالحمد لله ..كل ما أعرفه من لغات ( و ليس الانجليزية فقط)

أعرفه بعد ما كبرت .. و لم اتربى في مدارس انجليزية و لا فرنسية :)

و بفضل الله كل لغة أعطاني ربي سرها أتحدثها بشكل يبهر أبنائها و لا يتصورون لثانية أنني لست منهم حتى أصرح أنا بذلك

و اؤكد لحضرتك أنه حتى في التسعين والمائة ( أعطاني الله وإياك العمر ) يمكن لانسان تعلم لغة جديدة :)

لا أصدق أنك لا تقدر نعمة العقل التي أعطاها الله تعالى للإنسان الذي كرمه وفضله على كثير ممن خلق !!!!

العقل معجزة الله في الانسان

و به طاقات هائلة

كون أن هناك من لا يعرف كيف يستعملها فذاك لا يقلل من صنعة الله ..تبارك الله أحسن الخالقين

العقل مثل جهاز خطير متطور و متجدد باستمرار و به طاقات هائلة و امكانيات لا نهائية

قد يقع في يد من يعرف ذلك و متيقن منه فيحصل على أفضل النتائج

و قد يقع في يد من لا يعرف و لا يصدق ... فيعتقد أنه مجرد " حصّالة" يخزّن به ما يتم تلقينه به !!!

الأساس دوما هو اليقين

فما يقينك بصنعة رب العالمين ؟؟؟؟

[ابا فاطمة]

السلام عليكم ورحمة الله وبركاته

الاخوة الافاضل

بجد جزاكى الله خيرا لانى ابتسمت عندما قرات كلامك

لسببين

اولا : ذكاء حضرتك اللى خلينى ارد واكمل حوار مع انى قد اكتفيت لانى تقريبا نسيت الكتابة المطولة وترتيب الافكار فالفيس بوك اسهل واسرع

ثانيا : لان كلام حضرتك فى اول مداخلة ليك وكل مداخلة ليكى بعد مشاركتى الاولى لى فى هذا الموضوع محتاج رد مفصل ومطول وانا اختصرت الرودود بعد انهائى بكلمة الخطف الذهنى ولكن كما قال احمد مظهر اذن هى الحرب ياحمدى غيث

نبتدى بالصلاة على النبى قولوا عليه الصلاة والسلام

من قال ان الله لم يخلق شئ وينكر عليه

هل تتصور أن الله تعالى ينزل لهذا المستوى فيسب بهذه الطريقة ؟؟؟!!!

تعالى الله عن ذلك علوا كبيرا

و أستغفر الله وأتوب إليه

ماذا تقولين فى هذه الايتين

((وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ))

وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالإِنْسِ لَهُمْ قُلُوبٌ لا يَفْقَهُونَ بِهَا وَلَهُمْ أَعْيُنٌ لا يُبْصِرُونَ بِهَا وَلَهُمْ آذَانٌ لا يَسْمَعُونَ بِهَا أُولَئِكَ كَالأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ

قلوب لايفقهون بها المقصود هنا العقول اولئك كالانعام " البهايم "بل هم أضل

صح نرجع بقى لمداخلتك الاولى وهى قصور العقل وحدوده

طبعا حاشى وكلا ان اتلفظ بمثل هذه الالفاظ على نبى الله دواد ولكن لان الله ارشد سليمان الحل وهى ان الحل كان غائبا على دواود مثلما مااقترح سلمان الفارسى وكم احب هذا الصحابى " على فكرة ده اول اسم لى اخترته هنا فى المنتدى وتم تغيره بمعرفة الادمن ومعه حق فى وجهة نظره " عندما اقترح على النبى الخندق وكذلك سيدنا خباب يوم بدر وهنا ان الله هداهم الى هذا الافعال ليكونوا سبب فى انتصار المسلميين فى موقعتتين كبار فى تاريخ الاسلام

نرجع الى نبى الله سليمان بصى القران بيقول ايه

فَفَهَّمْنَاهَا سُلَيْمَانَ ۚ وَكُلًّا آتَيْنَا حُكْمًا وَعِلْمًا ۚ وَسَخَّرْنَا مَعَ دَاوُودَ الْجِبَالَ يُسَبِّحْنَ وَالطَّيْرَ ۚ

مع ان ابيه كان نبى ورسول من اولى العزم من الرسل كما انه انزل عليه الزبور وهو احد الكتب السماوية

وهنا اختلاف العقول فى الفهم والادراك وكلاهما ربنا يصفهما بى ايه "وكلا اتينا حكما وعلما "

و إني لأعجب ممن يحقر مخلوق من مخلوقات الله تعالى و يصمه بالغباء

الغباء ارحم ام النجاسة ؟؟؟؟؟؟؟؟

خلق الله الخنزير ووصفه بالنجاسة

حُرِّمَتْ عَلَيْكُمُ الْمَيْتَةُ وَالدَّمُ وَلَحْمُ الْخِنْزِيرِ وَمَا أُهِلَّ لِغَيْرِ اللَّهِ بِهِ وَالْمُنْخَنِقَةُ {المائدة:3} قُلْ لَا أَجِدُ فِي مَا أُوحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلَّا أَنْ يَكُونَ مَيْتَةً أَوْ دَمًا مَسْفُوحًا أَوْ لَحْمَ خِنْزِيرٍ فَإِنَّهُ رِجْسٌ {الأنعام:145} .

والرجس هى النجاسة

صحيح برافو ان حضرتك تعرفى لغات اخرى بجد انا مبسوط وش حازم صلاح ابو اسماعيل

لكن متعرفيش تبقى زى مجدى يعقوب انا ضربت مثالين وممكن اضرب امثلة صعب تعمليها او تتعلمها وعلى فكرة انا بتكلم عن وضعنا الحالى بعمرنا

معلش تسعين ايه ومائة سنة ايه اللى ممكن نتعلم فيهم حاجة خلينا واقعيين الله يكرمك

انا عايزك ممكن تمسكى المشرط وتعالجى بيه حد تعبان بس ادرسى 7 سنين فى كلية الطب واقتلى اكثر من واحد لغاية لما تتعلمى وتبقى فى مهارة يعقوب مش تقرائى كتاب ولا كتابين عن الفقه والعلم الشرعى

استاذتنا الفاضلة

مصمة تدخلى الغلو فى جملة مفيدة لا شخص ولافكرة ولاتيار

اللى بنا وبينك دليل اللى معاه الدليل والاثر الصحيح عمى وعم فاطمة كمان حتى ولو البوب البرادعى اللى مابيعرفش يقرا ايتين

ولا اى حد من بتوع سورة طلع البدر علينا ولا الاربعة المبشريين بالجنة ولا يكيدوا وانا اكيد واى حد من اللى على الساحة زى الطاهرة الهام شاهين اللى هتعلمنا الدين ولا علامة عصره الهلالى بتاع الراقصة شهيدة وهى خارجة لعملها حتى لو كان على كفتة ولا احمد الطيب بتاع السوربون ==شاورى على اى حد من على التلفاز او اى حد بتاع بطاطا يكون معاه دليل واثر صحيح ======وياريت من كتب البخارى ومسلم اللى مش عجباكوا ==انا هخد بيها

على فكرة اى شبهة مش واضحة ليكى زى بتاعة محاولة انتحار النبى واللى انت مستعجبة منها وانا هوضحها لحضرتك من غير كلكعة الكتب انا تحت امرك

مع انى افضل ان حضرتك تقرائى عنها لتستفيدى من قراء العلوم الشرعية ومتعتها

تحياتى

[ابا فاطمة]

أصابت المرأة وأخطا عمر

يقول البخارى ان الحديث فيه نظر

اختلاف العقول والافهام

[عبير يونس]

محذوف بمعرفتي

تم تعديل 25 أكتوبر 2013 بواسطة عبير الشرقاوي

[عبير يونس]

جميل ان حضرتك ابتسمت يا أخي الكريم أبو فاطمة :)

و هي مش حرب و لا حاجة ولا عداء لي مع أحد حتى لو كان ملحدا مادام يراعي حدوده في التعامل و لا يتطاول فيما يخص عقيدتي

أولا حضرتك مصرّ أن الله يسخر من خلقه و يسبهم ( حاشاه جل وعلا)

و لن أجادلك .. فقد أقمت عليك الحجة من كتاب الله و حتى الآيات اللي حضرتك جبتها تثبت بها كلامك لها تفسير أيضا لا يجعل ما يقوله الخالق سبابا و سخرية

أيعقل أن يؤدب الله أنبياءه بالخُلق الطيب و يأتي هو جل شأنه بالسباب و السخرية ؟؟

سأذكرّ للمرة الأخيرة أن هذه الفكرة أول أسباب الالحاد ..فكيف نعبد إله سباب يسخر من خلقه ؟؟؟ ( تعالى الله عن ذلك علوا كبيرا) و استغفر الله وأتوب إليه

و لن أعود لهذه النقطة مرة أخرى حتى لا أشارك في الإثم

ثانيا مصرّ على أن العقل محدود و تطالبني ان اكون كالجراح د. يعقوب لأثبت لك أن العقل غير محدود!!!

و الحقيقة لا أعرف هل ابتسم أنا أيضا ؟؟ :)

لأن يبدو أننا نتكلم في اتجاهين مختلفين تماما

حضرتك تخلط بين الميول و القدرات
ودعنا من هذه النقطة أيضا

لأن حضرتك مقتنع تماما بالبرمجة " عقلك محدود"

و لتعديل أي برمجة لابد أن يتم ذلك باحساس الشخص نفسه أن هناك خطأ ما فيما تمت برمجته عليه

و هو ما ليس موجودا عند حضرتك

فحضرتك مطمئن تماما لهذه البرمجة و لا ترى بها أي خطأ

لذا لن تجدي مناقشاتنا في هذه النقطة

أما وصلة السخرية الشديدة من أسماء بعينها يتضمن سب عرض و استهزاء بدينهم وعلاقتهم بالله التي لا نعرفها لا أنا ولا أنت

فبالطبع لن أشاركك فيها

و سأذكرك أن هذا كبر و سخرية

و سأرد كما رددت على أخ فاضل هنا كان يسخر من زميلنا الفاضل متعب :)

لا حول ولا قوة الا بالله

ألم تسمع يا أخي يا من أقمت الحجة بهذا الحديث ؟؟

لا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ

الحديث رواه الإمام مسلم في صحيحه من حديث عبد الله بن مسعود رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ:

(( لا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ، قَالَ رَجُلٌ: إِنَّ الرَّجُلَ يُحِبُّ أَنْ يَكُونَ ثَوْبُهُ حَسَنًا، وَنَعْلُهُ حَسَنَةً، قَالَ: إِنَّ اللَّهَ جَمِيلٌ يُحِبُّ الْجَمَالَ، الْكِبْرُ بَطَرُ الْحَقِّ، وَغَمْطُ النَّاسِ))

[ مسلم، الترمذي، أبو داود، ابن ماجه، أحمد ]

هل يجوز للمسلم أن يخاطب أحدا بهذا الكبر ؟؟

حتى وإن كان على ملة أخرى؟؟

فما بالك بمن يقول لا إله إلا الله محمد رسول الله

Quote

(ياكل معاك وغيرها) واحد بيتكلم بهذه الطريقه هل ممكن نناقشه في البخاري

ههههههههههههههههههههه

أما فيما يخصني شخصيا ..فأنا لا أتحرج أن أقول لا أعلم و اقرأ و أبحث و اعمل عقلي فيما قرأت و وجدت لأعرف ( طبعا مع فتح الله عليّ) فتوفيق الله تعالى للفهم يأتي قبل الشروع في القراءة والبحث

و متعتي الحقيقة هي أولا القرآن الكريم المنزّل من عند الله تعالى

ثم الروايات التي توافقه و لا أستشعر بها شذوذا لا يقبله عقل و لا ترتضيه فطرة

و لا مانع من قراءة كتب المجتهدين جزاهم الله خيرا و حاسبهم على نياتهم التي لا يعلمها إلا هو سبحانه

الموضوع بسيط يا ابو فاطمة

و أكرر أنني لا أطعن في البخاري أو غيره كأشخاص

و لكن أقف و بكل صرامة أمام كل رواية لا توافق ما قيل في كتاب الله

و استأذن حضرتك أنني قد أنهيت ما لدي في هذا الأمر

و عليه لن تجد لدي ما قد يفيد الاستمرار في الحوار بهذا الشأن

و يسعدني كدوما و يشرفني أن اتحاور معك في نقاط أخرى و مواضيع أخرى

أرق تحياتي و ودي لشخصك الكريم

و جمعة مباركة على الجميع

[ابا فاطمة]

السلام عليكم ورحمة الله وبركاته

الاخوة الافاضل

مش عارف ليه النقاش اما يدخل فى معمة الحروب طبعا بهرج علشان لما قولت احمد مظهر وحمدى غيث بدل انها الحرب ياريتشارد وبرضه لو قيلت بهذا الاسلوب يفهم انه مزاح بس الظاهر اننا لامؤاخذة دمنا يلطش حتى الهزار مابنعرفش فيه او الناس بتصر تفهمه غلط مع علينا

سؤاء كنا هنا او هناك وحضرتك تعلمين جيدا ينتهى هكذا النقاش دوما من طرفك ما علينا فلقد عهدت اذا عديت من ناحيتكم اتفرج وامشى بسرعة من سكات علشان لااتفهم صح اعوذ بالله اننا ممكن نتفهم صح ماعلينا

العقل والنقل خلاصة الكلام

لايتنافى العقل مع النقل الصحيح وان تنافى فهذا معناه شيئنن

اما النقل ليس بالصحيح واقصد السنة لان القران قد تكفل بيه المولى وحفظه

او قصور فى عقل من يتلى عليه الكلام وهذا راجع الى الجهل او الى فساد العقل وهوى النفس

ايات اللى ذكرتها مش انا ولا حضرتك اللى نفسرها لامواخذة بعقلنا وهوانا ==فلا انا ولااحد هنا فى المنتدى ليس عنده من العلوم الشرعية ان يفسر مثل ابن كثير والطبرى

لكن ممكن ترجعى الى التفاسير لتعلمى وتعرفى الايات اللى ذكرتها معنها ايه ومضومنها ايه وشرحها ايه وكى لااطيل على المتابع عليه ان يبحث على النت ليعرف شرح الايات

بقى ان اقول اين العقل ؟؟

فى حجر نقبله ونستقبله ونطوف حوله واخر نرميه " الجمار"فى الحج

فالعقل محدود طالما انه يوجد نص صريح صحيح

انا كمان اتشرف بالحوار معكى استاذتنا الفاضلة

ولكنى اعلم نتيجة النقاش من قبل ان يبدئ

فالنقاش يبتدى دوما بالهجوم وينتهى دوما بالاعتذار ان استكمال الحوار

السخرية والكبر

نعم اسخر من هولاء لانهم يسخرون منا ولكننا لانتكبر عن احد

مش محتاج ادلل او ادافع عما ترميننا بيه سؤاء كنا اشخاص او تيار فلسنا فى حاجة لمن يكفرنا او يعتبرنا خوارج مش قصدى طبعا انتى لكن فى ناس ثانية بتقرا كلامنا وهما عارفين نفسهم كويس ===اه احنا كلاب النار زى ماعلى كفته بيقول

كنا زمان بنوضح ونفهم الناس ونقول لهم اسمعوا منا بدل ماتسمعوا عنا

دولقتى المواضيع وصلت معاكو الى ليكو رب ولينا رب بتكفرونا او احنا خوارج

عموما لو انتو كلكم شعب مصر فاحب اقول لكم ده بس اللى على الفضاء الالكترونى لكن ارض الواقع والشارع بتاعنا احنا ===كلاب النار واحد كفته وصلحه

تحياتى

[متعب]

ما تتفضل معانا هناك يا ابا فاطمه وتتحاور معانا . ولا انته عاوز تلهى الناس عن الكوارث ال بنتكلم عنها ولقناها موجوده فى الصحيحين

عموما لو بالفعل عاوز تلهى الناس عنها . احب انبه عنايه سيادتكم اننا لسه بنسخن ولم نأتى بعد بكوارث الكوارث

فقط عليك متابعتنا ان اردت

واهلا بيك مسبقا فى دائرة النقاشال انا متأكد انك مش هتحضرها اصلا وعارف انك هتخليك هنا xxx

[mhamed]

فعلا نبحث عن ما يهدم فقط ولكن لانعمر ابدا بدأنا بعد الكلام فى السنه النبوية بدأنا هنا نأخذ ملاحظات فى تفاسير القرأن كلا منا على هواه ( القرأن الكريم ) اخر المطاف ماذا تبقى؟

بالله عليكم فى أى شئ تتحدثون ونحن ليس بيننا أهل علم ليفتونا بل كلها كلام ليس له سند عند صاحبه وهل حقيقة هناك كوارث الكوارث

انا لله وانا اليه راجعون

اللهم احينى مؤمنا وامتنى مؤمنا

[mhamed]

نبحث عن ما يهدم وفقط خلصت السنة النبوية بدأنا فى القران كلا يفسر على هواه ( القرأن الكريم ) اخر المطاف ماذا تبقى اذا كنا مسلمين لنتحد علية؟

انا لله وانا اليه راجعون

هل حقيقة هناك كوارث الكوارث !

اتقوا يوما ترجعون فيه الى الله وتندمون على ما تفعلون

اذا كنت لاتعلم فاسأل اهل العلم لتتعلم

[أبو محمد]

ندخل بقى في كلام حضرتك عن العلم الشرعي

و العقول المحدودة :)

خلينا في مثال اللغات اللي تفضلت حضرتك و ذكرته

و عن نفسي فالحمد لله ..كل ما أعرفه من لغات ( و ليس الانجليزية فقط)

أعرفه بعد ما كبرت .. و لم اتربى في مدارس انجليزية و لا فرنسية :)

و بفضل الله كل لغة أعطاني ربي سرها أتحدثها بشكل يبهر أبنائها و لا يتصورون لثانية أنني لست منهم حتى أصرح أنا بذلك

و اؤكد لحضرتك أنه حتى في التسعين والمائة ( أعطاني الله وإياك العمر ) يمكن لانسان تعلم لغة جديدة :)

لا أصدق أنك لا تقدر نعمة العقل التي أعطاها الله تعالى للإنسان الذي كرمه وفضله على كثير ممن خلق !!!!

العقل معجزة الله في الانسان

و به طاقات هائلة

كون أن هناك من لا يعرف كيف يستعملها فذاك لا يقلل من صنعة الله ..تبارك الله أحسن الخالقين

العقل مثل جهاز خطير متطور و متجدد باستمرار و به طاقات هائلة و امكانيات لا نهائية

قد يقع في يد من يعرف ذلك و متيقن منه فيحصل على أفضل النتائج

و قد يقع في يد من لا يعرف و لا يصدق ... فيعتقد أنه مجرد " حصّالة" يخزّن به ما يتم تلقينه به !!!

الأساس دوما هو اليقين

فما يقينك بصنعة رب العالمين ؟؟؟؟

وحنروح بعيد ليه ؟

الإمام البخارى الذى يتكلم عنه هذا الموضوع

لسانه الأصلى ليس عربيا

ومع ذلك فقد انتقل من بخارى وهو فى العاشرة من عمره

وبدأ منذ ذلك الحين فى جمع مئات الآلا ف من الأحاديث

مع أن القرآن الكريم يفرق بين اللسان العربى واللسان الأعجمى

فى معرض دفاعه عن رسوله الكريم عندما زعموا أن من يعلَّمه القرآن أحد الأحبار

وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ ۗ لِّسَانُ الَّذِي يُلْحِدُونَ إِلَيْهِ أَعْجَمِيٌّ وَهَٰذَا لِسَانٌ عَرَبِيٌّ مُّبِينٌ

والمعجزة هى أن أصح كتابين بعد كتاب الله

لاثنين ؛ لسانهما ليس لسانا عربيا مبينا

ولا أدرى ما الذى حدث فى القرن الثالث الهجرى

لأصحاب اللسان العربى المبين

كل ما فعلوه هو "الكتابة عن الكتاب أو الكتابين"

[Alshiekh]

لماذا خالف البخاري ومسلم حديث صححاه عن رسول الله بعدم كتابة غير القرآن؟

وهل بعد مخالفتهم لأمر الرسول مازلنا نُصِر على الأخذ برواياتهم التي جمعوها والتي تتعارض وتناقض العقل والمنطق؟

ونصف الحديث يوضح أن هناك من سيكذب على رسول الله ويُقُله مالم يقله وهؤلاء انذرهم او دعا عليهم بأن يدخلوا النار.

{ لا تكتبوا عني ومن كتب عني غير القرآن فليمحه وحدثوا عني ولا حرج ومن كذب علي قال همام أحسبه قال متعمدا فليتبوأ مقعده من النار }

[أبو محمد]

بيقولك كلٌ يؤخذ منه ويُرد ما عدا "رسول" الله

بس أول ما تيجى ترد على البخارى

تبقى خرجت من الملة بإنكارك للسنة

(كدهو .. كوم فول)

فيه حلاوة أكتر من كده ؟