يمكن أكون

[عابر سبيل]

يمكن أكون

يا هدمتي إن يوم زهقتي م البدن

ما تعرينيش .. خليني أعيش ..

متداري فيكي والسلام

ياما ناس مدارياها الكراسي والحيطان

ونيبان مدارياها الشفاه

حتى التاريخ دكاكين بلدنا مزَيفاه ..

وبكت عليه حتى الكتب وأنا اللي علي انكتب ؟!!

ما أضحك لي يوم

ويا خوفي من يومي اللي جاي

يا هدمتي ما تعرينيش

البنت لو حملت يوم سفاح

فأنا المباح .. عرقي وشقاي ..

خُلعي ودمي مستباح

والديك ما بشرشي بصباح

وبقيت غريبك يا وطن .. أمرك غريب

رغم ان لوز القطن فيك بيفيض حرير

سايب الهدوم عاصرة البنات

َخلِت شوارعك مهزله

خضرة جناينك مخجلة

حتي الدوا أصبح فاشوش

الدود بيرعي في الخلا ما يهمهوش

حتى الرصاص

حتى الجنيه الـ كان دهب أصبح رصاص

قلمي رصاص

ممسوح يا كل اللي انكتبت ع الورق

وعلي القزاز

مضمار حياتنا الظلم فيه هو اللي فاز

جف المداد .. عرقي ما جف

من المشي في الشارع بلا أدني هدف

يا هدمتي ..

ما تعريليش أبداً بدن

بس انفضيني وانتري..

الخوف والزهق

يمكن أكون ..

يوم شئ مفيد

يمكن أموت فيكي شهيد

وتلفني راية الوطن

وتلفني راية الوطن ,,,,,

أحمد سلطان ,,,

[هشام الجنيدى]

:blink: cr((:

بجد رائعه جدا جدا جدااااااااااااااا

بسم الله ما شاء الله

افكارك تجنن

يا هدمتى ان يوم زهقتى من البدن

متعرنيش .......خلينى اعيش ......

متدارى فيكى والسلام.........................................................................

....................................

رائعه

دمت مبدعا

[bentmasria]

يمكن تكون انت اللى كاتبها

وغالبا موش انت

لاننا فقدنا الثقه فيك fsh:: fsh:: fsh::

ارجوك انسحب بهدوء :blink: cr((: فلا مكان لك بين من يستحق ان نقدر جهدهم ومواهبهم

البنت المصريه

[se_ Elsyed]

يمكن تكون انت اللى كاتبها

وغالبا موش انت

لاننا فقدنا الثقه فيك fsh::  fsh::  fsh::

ارجوك انسحب بهدوء  :blink:  cr((: فلا مكان لك بين من يستحق ان نقدر جهدهم ومواهبهم

البنت المصريه

مش فاهمين حاجة !!!!

يعني إيه كلامك ده يا أم محمد ؟

يعني القصيدة مسروقة ولا ده نقد لازع ولا إيه بالظبط ؟ ما تفهمونا يا جدعان

[عابر سبيل]

أعتقد ان العزيزة الأخت البنت المصرية واخده الموضوع على محمل غير مفهوم وعلى العموم انا أعتز بوجودك على صفحتي المتواضعة وان كنت سأنسحب فهذا قراري وحدي وان كانت ثقتك في شخصي الغلبان لا تمثل أي أهمية ولكن أرجو منك مطالعة الرد علي كللامك في مشاركة قصة ( تدليس )

انني مستاء جدا من هذا الموقف وأرجو أن يوضع له حد

علي أي حال انا لا ألقي بالاَ لمن لا يعلمون ,,,

تحياتي لأعضاء المنتدى المحترمين

مصحوبة بكل محبة واحترام ...

وسأتمر في تقديم ما أعتقد أنه يتناسب مع المستوى العالي في المنتدى

دون أن القى بالاً لمن لا يستحقون ,,,,

أحمد سلطان ,,,

[bentmasria]

الاخ الكريم سى السيد

لا ادرى ان كانت هذه مسروقة ام لا لكنى لا اثق فى صحة الامر وارجو مراجعة مشاركات عابر سبيل ستجد اننا قمنا بتنبيهه لامر السرقات الادبيه اكثر من مرة انا والزملاء محمد ومهيب وما فعلته هو ان اخبرته بهدوء وصدق عن عدم ثقتى فيم يقدمه بيننا ولا يهمنى ان كان يعتبرنى ممن يستحقون او يفهمون فهذا الأمر لا يقرره من يسرق جهد غيره من عدمه وارجو من الادارة ان تحفظ حقوقنا الفكريه

فما ادرانى انه لا ينسخ اعمال هذا او ذاك وينسبها لنفسه فى مكان آخر مثلما فعل هنا من قبل

ربما للحظات حاولت تناسى ما فعلت وقررت تشجيعك يا احمد لكنك افسدت الثقه بتكرار الفعلة فهل هى عادة ام اصل الحكاية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

البنت المصريه

[رعد الاسكندرانى]

اخ احمد اولا انا لا ادرى صحه الكلام اللى بيتقال عليك

حقيقى ان كنت بتسرق الالفكار فده شىء مخزى لاننا كلنا اكيد موهوبين فى حاجه وغيرنا مش موهوب فى الحاجه دى

وانا على سبيل المثال عندى موهبه متواضعه فى مجال القصه لكن فى نفس الوقت معنديش القدره انى اعبر عن طريق الشعر زى الزملاء الاعزاء فى الموقع مبيعبرو ومنهم هشام الجنيدى وبنت مصريه و دكتره ........الخ...يا ريت تقيم نفسك وتعرف انتا موهوب فى ايه........

نيجى لموضوع القصيده حقيقى فى بعد عن حياتنا الواقعيه صحيح فى بنات بتحمل سفاح لكن دى نسبه بسيطه احنا لسه مجتمع محافظ واللى انتا بتتكلم عنه فى القصيده بصوره عامه مجرد ظاهره مسيرها تختفى دى لو كانت موجوده اصلا......

[هشام الجنيدى]

هشام الجنيدى اتخدع يا منز hypr:

ليه كده يا عابر سبيل وانا اللى كنت فاكرك معانا تطلع من الناس التانين ....‍‍‍‍!!!!!!!!!!!!!!!!!

بجد انا اتصدمت حقيقى واتمنى ان تكون ظنوننا فيك خاطئه

لانى لا استطيع ان اتخيل ان انسان اديب مثقف محترم تصورله نفسه انه يسرق مجهود غيره بالبساطه دى ........

[عابر سبيل]

أحبائي وأصدقائي الذين فقدوا ثققتهم في بدون وجة حق

تحياتي لكم جميعا

الموضوع لم يكن سوي عرض لمواضيع جميلة من قبل أو لأشياء لم أفهمها وأردت أن أتعرف علي رأيكم فيها ليس ألا واما عن تذييل أسمي تحت العملين الذا يخصان من تسمى بإيمان بكري والأخ الليبي من موقع بص وطل ..

فلم يكن ذلك سوى برنامج من برامج الكومبيوتر الذي يضع بيانات علي الأنتر نت كنوع من توفير الوقت علي المستخدم حتى لا يضيعة في ملء استمارات المنتديات وما الي ذلك

وانا ظبط اعدادات البرنامج علي انه يحط اسمي بعد نهاية كل موضوع اشارك بيه اتوماتيك..

لقد أصبتموني بالأحباط أعزائي ... أنا عارف كويس أنا مين وماشي في أي طريق \.....

لقد قضيت معكم أحلى الأوقات ...

وأعلن كما طالبتم انسحابي بهدوء من منتداكم المحاور الذي لم يحاول أن يبحث ويحاور وراء من يحاولون .......

ولا بلاش ....

تحيه كويسة

وسلالالالالالالالالالالالالالالالالالالالام

أحمد سلطان ,,,,