يوم التراث المصري بمدينة الرياض

[se_ Elsyed]

يا أهل الرياض الكرام ... الحاضر يعلم الغايب ... والصاحي يقول للنايم .... الجاي يقول للرايح

يسر الجالية المصرية بالمملكة العربية السعودية ... إقامة يوم لإبناء الجالية المصرية .... يحضره سعادة الوزير السفير والقنصل العام لسفارة جمهورية مصر العربية ... لتنمية التواصل بين أبناء الجاليه ( بوم بابومبابوم )

وذلك في منتزه " فانتزي لاند " ( طبعاً الناس اللي بتروح تشيش في الثُمامة في الويك إند عارفينه - واخد بالك يا هاندي كرافت - وذلك يوم الجمعة 29/4/2005م وهناك برامج للكبار والصغار ومسابقات وسحب على التذاكر ...

والبرنامج كما يلي :

** برنامج الكبار فقط ( ماحدش يفهمني غلط )

من 4-4.15 عصراً كلمة إفتتاح ( إقلب الصفحة )

4:30 - 30: 5 فروسية وتحطيب ( جالكم الفارس المغوار س س بفرسة الأشهب وشومته الصعيدي يا بني رياض )

5:30-5:50 مسابقات شد الحبل ( يعني كل واحد يجيب حبل الغسيل وهو جاي :D )

6 - 6:30 عرض للكاراتية ( فينك يا محمد يابو زيد ؟ )

7-7:45 عروض فول وعليه كلور ( فلكلور نوبي )

8-8:30 محاضرة عن الإعجاز العلمي بالقرآن والسُنة .

8:30-10 المفاجأة الكبرى فقرة مفتوحة مع الشاعر / عبد الرحمن الأبنودي الشهير بحراجي الجط ( أهو أنا لو هاروح يبقى عشان أسمع الراجل ده وهو بيحكي جصة فطنة جنديل وحراجي الجط في السد العالي )

** برنامج فانتزي لاند

عروض الدولفين من الساعةو الثانية ظهراً حتى 11 م

5-8 برنامج مواهب وأفكار للأستاذ صالح العريضي ( إقلب الصفحة مش ناقصة )

*** برامج الأطفال ( النحت - الرسم - الثلج " حاكم الجو عندنا برد نار " ) - أوبريت الليلة الكبيرة .

أسعار التذاكر : - الدخول للفرد 10 ريال ( إعتقد الأطفال دون سن العاشرة ليسوا مطالبين بتذكرة )

يُمكن تأجير كباين لحد أقصى 8 أفراد -( ممكن تأجرها لوحدك إنت وعائلتك ) بمبلغ 120 ريال للكابينة .

منافذ البيع ( مش هانقول بقى بميدان سفنكس وأمام سنيما روكسي جنب بتاع الهامبورجر ) :

1- صندوق رعاية الجالية المصرية بالقنصلية .

2- فانتزي لاند

3- أمام مقر إمتحانات أبناءنا في الخارج ( مدارس الرواد )

ربنا يسهل وأقدر أروح حيث إن ده هايبقى أخر يوم في جيتكس السعودية ( إوعى حد يفتكر ده جيتكس بتاع دبي ) ده جيتكس شنكوتي ومالوش لزمه .

[فوكس بلس]

الجالية بقية يوم الجمعة 1\5 ياجماعة في فانتزي لاند

[الحر الأشقر]

عايزين في جدة كمان ...... إحنا كمان جالية متغربة هنا يا جماعة

[rkamar]

السلام عليكم

على حد علمى ان المنتزهات بتبقي عوائل بس في نهايه الاسبوع

فبالنسبه للعزاب هيكون مسمحلهم بالدخول؟؟؟

[Alrefaey]

ياشباب لسة الموضوع قائم ولا اتلغا

وياريت حد يدلنا على الوصف بدقة لفانتزى لاند فى اى مكان فى الثمامة يعنى من الدائرى الشرقى ازاى نصل

[se_ Elsyed]

ياشباب لسة الموضوع قائم ولا اتلغا

وياريت حد يدلنا على الوصف بدقة لفانتزى لاند فى اى مكان فى الثمامة يعنى من الدائرى الشرقى ازاى نصل

كإنك رايح المطار من الدايري الشرقي ... وقبل جامعة الامام على اليسار هاتلاقي يافطه مكتوب عليها " مخرج الثمامة والجنادرية " تاخد شمال وتمشي على طول لا يمين ولا شمال .. يجيلك أول دوار سيبه ... وأمشي شويتين كده هاتلاقي على اليسار منتزة الساحل ..سيبه وأمشي تاني ... يجيلك دوار ..... إمشي شويه هاتلاقي منتزة فانتزي لاند ...

[Alrefaey]

ياشباب لسة الموضوع قائم ولا اتلغا

وياريت حد يدلنا على الوصف بدقة لفانتزى لاند فى اى مكان فى الثمامة يعنى من الدائرى الشرقى ازاى نصل

كإنك رايح المطار من الدايري الشرقي ... وقبل جامعة الامام على اليسار هاتلاقي يافطه مكتوب عليها " مخرج الثمامة والجنادرية " تاخد شمال وتمشي على طول لا يمين ولا شمال .. يجيلك أول دوار سيبه ... وأمشي شويتين كده هاتلاقي على اليسار منتزة الساحل ..سيبه وأمشي تاني ... يجيلك دوار ..... إمشي شويه هاتلاقي منتزة فانتزي لاند ...

شكرا جزيلا يا ابو عمر

انا روحت امبارح وكان فية احتلال مصرى للمنتزة وكأنى فى ملاهى فى احد احياء مصر

عرض الدولفين كان جيد