حتى أنت يا شعبولا ؟!!

[مصرى]

بعد مبايعة " سماحة " الشيخ الشناوى " المرجع الأعلى " للطرق الصوفية فى مصر .. جاء الدور على شعبان عبدالرحيم الذى أطلق مبايعته الصاروخية " كلمة حق " أغنية جديدة لشعبولا

يعنى القاعدة الشعبية تؤيد مبارك .. بينما المثقفين ينظمون المظاهرات والاحتجاجات والكتابات .. هناك شيىء خطأ .. قد نكون ظلمنا الرجل "مبارك" وهو شخصية محبوبة فعلا إلى هذه الدرجة فى الشارع .. وإما أن يكون كلهم قد خانوك يا مصرى :D

[White heart]

ليس من المعقول أن يتورط شعبوله على طول الخط ... او أكثر من ذلك - فترى لسان حاله يقول ... " هو ما فيش حد غيرى و اللا ايه ؟" ... "اسرائيل" و كرهناها - "الكراسي" و ما بنحباهاش !!! خلاص بقى "كفاية" - شوفوا حد غيرى انا عايز "أصحح اوضاعي" و أربي العيال :D

[yasser6666]

من المعروف عن شعبولا انه انسان جاهل وغير متعلم علي الاطلاق

واحيانا هو يصرح بكده في منتهي الفخر انه لايفقه شئ غير مكواة الرّجل...

وطبيعي الناس اللي بتسمعه معظمهم يشبهوه وده في حد ذاته ليس عيبا

ولكن الناس دي هي اكتر ناس بتعاني في مصر واكتر ناس بتشتم في البلد والنظام والحكومة وايامها السودا.....فلا ضرر منهم

واعتقد ان 99% من الناس مش حتروح تنتخب من أصله يعني مافيش منهم خوف انشاءالله

تقريبا دي حملة الدعاية اللي اتكلموا عليها لمساندة مبارك ونظامه

عجبت لك يازمن ...مبارك بقي عايز سنيدة ومن مين (شعبولا)!!!!

فعلا النظام عندنا بيحتضر والله

[عصام]

سمعت الأغنية من خمس دقايق بس .. :blink:

الحقيقة المكان اللى سمعتها فيه كان زحمة فما فهمتش معظم الكلام ..

لكن لفت نظرى التصوير اللى كان عبارة عن لقطات قليلة جدا لشعبان فى حجرة زى ما تكون مكتب فى التليفزيون .. بكاميرا ذات صورة باهتة وفقيرة جدا .. زى كدا كاميرات برامج المرأة :angry:

بينما 90% من باقى زمن الأغنية عبارة عن سرد لإنجازات الرئيس المصرى المصرى من مترو وتوشكا والرقم القومى :blink: والإعلام والقمر الصناعى إلخ ..

مكشوفة أوى

وبايخة أوى ..

وعيييييييييييب أوى أوى :D

[G.G]

سعيدة جدا إن ده حصل,,

لأنه كان يؤرقني أن تصبح شخص بجهل شعبان عبد الرحيم (لا أعيب عليه سوى جهله و فخره واستثماره لهذا الجهل) مثل للوطنية في مصر..

و اعتبره من أقوى الدلائل المادية على حالة التخلف في بلادنا و فقدان قيمة كل شئ..

و لكن الحمدالله ,, شيئا فشيئا تتضح الأمور..

و تنشغل و تلتف الروؤس والمظاهر الفاسدة ببعضها في اتجاه الإضمحلال..

حتى اذا ما انقشعت هذه الفترة من تاريخنا..

نقدر نبتدي بنظافة بأه,,

سياسيا و ثقافيا و.....

[احمد سعد]

هل نأتي بعد 7000 سنة ونقيم الشعب المصري

الجاهل ليس بالقلم

ولكن الجاهل من يفقد ميزان الأمور

لا يجب ان نعامل الرأي الآخر بهذا االمنطق الاستهزائي

لكي تنجح فكرة التغيير

فبدون الـ 99% لن يكون هناك تغييير

تحياتي

لكم جميعا

[حرفوش]

هل نأتي بعد 7000 سنة ونقيم الشعب المصري

الجاهل ليس بالقلم

ولكن الجاهل من يفقد ميزان الأمور

لا يجب ان نعامل الرأي الآخر بهذا االمنطق الاستهزائي

لكي تنجح فكرة التغيير

فبدون الـ 99% لن يكون هناك تغييير

تحياتي

لكم جميعا

لا مؤاخذة يا أستاذ أحمد, فأنا فهمى على قدى. و لم أفهم التعليق المنشور عاليه, فهل ممكن أن تشرح لى ماذا تقصد سيادتكم؟

و شكرا مقدما.

[احمد سعد]

عزيزي الاستاذ حرفوش ابو المفهومية

ماذكر ملخص لمعاناة الرأي الاخر الذي يمقته بعض المطالبين بالتغيير

اقول لهم لماذا التهكم على شعبان

على اساس انه غنى اغنية للنظام

هو حر في رأيه

الي عايز اوصله انه يجب علينا كمطالبين بالتغيير ان نحترم الرأي الاخر

وشكرا

[حرفوش]

شكرا يا أستاذ أحمد على الشرح,

و لكن لماذا تتهكم علىّ و تصفنى ب " أبو المفهومية"؟

هل كان سؤالى مستفز أو خارج عن حدود آداب الحوار؟

تقبل تحياتى.

[ابواحمد]

الرد ببساطه ياجماعه في كلمتين وهي الطيور على اشكالها تقع او كل خلا معجبا بخليله فمثلا جمال عبدالناصر كان الكاتب المفضل ليه الاستاذ محمد حسنين هيكل والمطربه المفضله ام كلثوم والسادات كان الكاتب المفضل ليه الاستاذ موسى صبري والمطربه المفضله ياسمين الخيام اما حسني مبارك فالكاتب المفضل له سمير رجب بتاع الارشيف والمطرب المفضل شعبان عبدالرحيم المكوجي.

وكفاااااااااااااااااية جااااااااااااااااااااااي

[وليد صفوت]

عزيزى الأستاذ أحمد سعد ,....

هذا الشخص ( شعبولا ) لا يدلى برأيه ,.... انه ينافق ! و نفاق علنى كمااااان ,... و كل الناس عارفة انه منافق ,... و هو عارف انه منافق ,... و عارف ان الناس عارفة انه منافق ! يبقى حرام عليا اقول عليه انه منافق ؟؟؟؟

لأ ده منافق و نص و تلات تربع كمان,.... و لأن فى فرق كبير بين اللى بيقول رأيه و بين اللى بينافق ,... و احنا مش صغيرين , احنا بنعرف نفرق بين الفئتين ,.....

بالمناسبة !

و انا بمر بشارع رمسيس بجوار مستشفى الهلال , وجدت يافتة كبيـــــــــرة معلقى على صف المستشفى ,.... أقرأوا معى اللى مكتوب فيها :

قبل التعديل .... بعد التعديل , برضو نبايعك ........... يـــــا زعيـــــــــــم !!!!!! :blink: :blink: :blink:

يبقى حتقول برضو ............ ده واحد بيقول رأيه ؟؟؟؟؟؟؟

الف سلام :D

[Sherief AbdelWahab]

حلوة الحتة الأخيرة دي يا فيولين : قبل التعديل .. بعد التعديل.. وتمشي في ماتش كورة..أكتر منها برقية مبايعة..

بصفتك موسيقي فاهم.. مش ملاحظ إن سيمفونيات المبايعة المرة دي جت نشاز حبتين؟ :blink:

خلص الكلام

[G.G]

:blink:

لأ بس برضه النفاق مدارس في مصر

يعني مثلا يافطة زي:

"نبايعك إلى الأبد"(و بالمناسبة كانت في رمسيس أيضا)

دي نفاقها بيدي على زهق و واحد عايز يخلص كده..

في حين دي:

قبل التعديل .... بعد التعديل , برضو نبايعك ........... يـــــا زعيـــــــــــم !!!!!!

ده واحد نفاقه جي كده ايه,,

بلازقةعلى غلاسة!!

:blink:

[احمد سعد]

بمفهوم الاخوة الكرام يعني لما عم احمد فؤاد نجم قال الكلام اللي جاي ده عام 1968 بعد الهزيمة بسنة كان منافق .. وخاصة انه قالها بعد النكسة .....عايز اعرف الحقيقة ... القصيدة تقول :-

الأولة بلدي

الأولة بلدي

و الثانية بلدي

و الثالثة بلدي

الأولة بلدي باسلطن جو موالي و دا الموصوف

و الثانية بلدي باقول الكلمة بالعالي و ع المكشوف

و الثالثة بلدي ياكنزي و عزوتي و مالي و ملو الشوف

الأولة بلدي باسلطن جو موالي و دا الموصوف

دوا العيــــــــــــــــــــان

و الثانية بلدي باقول الكلمة بالعالي و ع المكشوف

و ف المليـــــــــــــــان

و الثالثة بلدي ياكنزي و عزوتي و مالي و ملو الشوف

آوانـــــــــــــــــــــك آن

تحدي الحد يا بلدي

ما بين الحق و البهتان

و رايتك تعلا يا بلدي

دليل عن صحة البنيان

و دا الموصوف

و الاولة بلدي

و الثانية بلدي

و الثالثة بلدي

[se_ Elsyed]

مال القصيدة دي بموضوعنا يا استاذ احمد ؟

أي كلام بتقوله عن بلدك ووقوفك جنبها وقت الشدة فلا مجال للتملق والنفاق فيه ..

إنما ضاربي الدفوف وحملة المباخر الذين يُعلون الفرد متمثلاً في شخص الرئيس عن البلد فهذا هو التملق والنفاق بعينه ..

ما هو شعور حضرتك عندما تسمع جملة " مصر مبارك " ؟

وما هو شعورك عندما يتم نسب جميع الإنجازات التي تحدث في البلد إليه ؟.. يا راجل دول حتى لو ركبوا ماسورة صرف صحي في بين السرايات يقولك بفضل توجيهات سيادة الرئيس ...

لا نريد أن تغطي الفردية على كل شيء لدينا في البلد .

ولا نريد نظام مرتبط بأفراد حتى لو وجدنا الصالح منهم فإنه يتحول في النظام الفردي الشمولي المتملق لحاكمه إلى ديكتاتور تجري الأنهار من تحته ويُرينا ما يرى .

[احمد سعد]

الاخ / سيد

اذكر لي نظام واحد في العالم لا يقترن بالاشخاص

وبعدين شعبان عبد الرحيم حر في رايه

يحب مبارك لا يحبه هذا شانه وهذا رايه

يعني لما ييجي واحد يقول نوال السعداوي احسن واحدة تراس مصر اقول عليه منافق او متسلق

امال فين الديمقراطية اللي بنادي بها

اذا كنا بنبدأها بديكتاتورية الرأي

لابد ان نكون قدوة كي يسير الشعب وراءنا

تحياتي اخي سيد

[وليد صفوت]

عزيزى أحمد سعد ,......

يبدو انك لم تفهم ما قلناه ,.. أو انك تسرعت فى اجابتك ,... أو لم تصلك الرسالة بعد ,.........

هنــــــــــــــــاك فرق بين إبداء الرأى , و بين النفااااااااااااااق

و عليـــــك انت ان تكتشف هذا الفرق , لأنه من الواضح انك الوحيد بيننا الذى لم يكتشف الفرق بينهما .....

الفين سلام و تحية :)

[احمد سعد]

العزيز فيلوكينج

احترم رأيك كثيرا

ولكن لي سؤال ضروري ان تتكرم بالاجابة عليه

لماذا تهتمون بتلك المقالات المضادة لجهاز الحكم

وتهملوا كثير من مقالاتي الجدية التي تناقش اشياء جادة

ارجو الرد عزيزي

فكل موضوعاتي بل اغلبها كي اكون دقيق بدون رد

تحياتي وسلامي

[وليد صفوت]

العزيز فيلوكينج

احترم رأيك كثيرا

ولكن لي سؤال ضروري ان تتكرم بالاجابة عليه

لماذا تهتمون بتلك المقالات المضادة لجهاز الحكم

وتهملوا كثير من مقالاتي الجدية التي تناقش اشياء جادة

ارجو الرد عزيزي

فكل موضوعاتي بل اغلبها كي اكون دقيق بدون رد

تحياتي وسلامي

<{POST_SNAPBACK}>

بالطبع لا أحد يقصد إهمال موضوعاتك يا أخى العزيز

و تستطيع التأكد بنفسك من عدد المشاهدات فى كل موضوعاتك ....

أنا عن نفسى أحب أن يكون ردى إضافة جديدة للموضوع , أو على الأقل للإعتراض على أى نقطة فى الموضوع ,.... غير ذلك فى المعتاد لا أحب أن أتكلم بلا إضافة ,...

و هذا دليل على أن معظم آرائنا تتفق حول معظم الأشياء ,.... :blush:

و كما ترى الأن عندما أجدك تطرح نقاط أنا أختلف معك فيها , أسارع بطرح وجهة نظرى و الإعتراض على وجهة نظرك و بيان وجه الإعتراض ,...... كما حدث فى هذا الموضوع ,... :)

و إن كنت قد فهمت عدم ردى على موضوعاتك إهمال , فأنا أعتذر عن هذا الفهم ,..... :unsure:

تحياتى و تقديرى لقلمك :wub:

[ELSHARIF]

بمناسبة النفاق

ما رأي الأخوه في الحملة الدعائية التي يقوم بها الأستاذ: عماد الدين أديب في البرنامج الموجة لإبراز بطولات و أمجاد أبو زيد الهلالي ؟؟ :unsure:

تم تعديل 27 أبريل 2005 بواسطة ELSHARIF