عتاب للأعضاء الغير مغتربين

[عادل أبوزيد]

أتصور أنى لمست هذا الموضوع من قبل.

كل ما يجرى فى مصر تفرض عليه الدولة ستارا حديديا بمعنى أن وسائل الإعلام الرسمية تفرض عليه سياجا من الصمت.

و من صحف المعارضة أو حتى الصحف غير الحكومية نعرف بعض ما يحدث.

يوم الأربعاء تصدر جريدة الدستور و كذا جريدة الغد و فى الجريدتين بعض التغطية لأحداث مصر تغطية لا تجدها فى وسائل الإعلام الرسمية.

من حق المصريين المغتربين أن يتنفسوا معنا ما يحدث حتى نصيغ أحلامنا كلنا معا.

أناشد أعضاء محاورات المصريين الغير مغتربين أن يتحملوا عبء عرض بعض ما يوجد فى وسائل الإعلام غير الحكومية أيا كان لونها هنا فى محاورات المصريين.

[se_ Elsyed]

لسه واخد بالي من الموضوع ده دلوقت ..

جزاك الله عنا خيراً يا أستاذ عادل ..

بالطبع إحنا لنا حقوق على إخواتنا اللي عايشين في مصر .. وهما برضوا لهم عندنا حقوق ( يعني اللي عايز حاجة مثلاً من السعودية - فيديو متهرب - كوتشي بينور ... كده يعني يقول ما يتسكفش )

فهذه الأيام بنسمع سمع خير عن العديد من الصحف المحترمة التي ظهرت على الساحة السياسية وأصبح لها صوتاً عالياً .. ونظراً لإننا في مصر يعني عالم ثالث أو رابع كمان فتلك الصحف لم تكلف نفسها وتُصمم مواقع إلكترونية إن شالله تعرض فيه ملخص حتى .. مع العلم إن تصميم المواقع بقى اسهل شيء وسوف يعطيها مزيداً من الإنتشار والشهرة .. لكن لسه علينا بدري ..

فعلى الأقل ياخواننا ياللي عايشين في بر مصر إعملوا لنا سكان للمقالات المهمة التي تمس حياتنا السياسية المتسارعة الخطى هذه الأيام ..

أحد الزملاء سيصل اليوم من مصر في مهمة تستغرق عدة أيام وبلغني بذلك يوم الخميس الماضي فكلمته وطلبت منه ينزل يلم الجرايد دي من السوق .. وأنا عارف إنه بالطبع مش هايلاقيها لإن ما فيش وقت.. فعلى حسب علمي بإن الأعدادا المُصدرة منها بتنفذ بسرعه .. وكنت عاملها لكم مفاجأة إنه لو أحضر أي أعداد من تلك الجرايد كنت هاعمل لها سكان وأنزلها على موقعنا الحبيب ..

نداء إلى شريف عبد الوهاب القاطن بدير النحاس: إيه يا عم أومال مشرف الإعلام وبطل الساحات الشعبية وعمال تهاجم البشر كلهم من أول هالة سرحان لحد عم عبدو بتاع الشاي اللي واقف قدام ماسبيرو ... فين يا عم صور المقالات النارية التعبوية التهييجية ؟ الناس هاتنام مننا .. إنزل بالمانشتات يا شرووووف . :)