لماذا يفشل الزواج كثيرا

[هشام عبد الوهاب]

لماذا يفشل الزواج كثيرا وينجح قليلا  و هل السبب فى ذلك الرجل ام المراة

دعونا نرى ماذا يحدث

بعد التعارف تبدأمرحلة الانتظار - ينتظر كل منهما الاخر ان يأتى اليه ،، يحدثه ،،ينتظره فى اى مكان ،، او ينتظر مكالمة تليفونية منه

ثم يتطور الامر الى مكالمات تليفونيه حاره يتخللها تنهيدات وقبلات واحضان  ليس بين العشاق ولكن كل منهم يحضن التليفون او اقرب مخده ومش مشكلة فاتورة التليفون فداك ياحبيبى وفداكى يا روحى وبعد المكالمة يبدأ كل طرف فى الشك بسلامة قواه العقلية

ثم يأتى التطور الثانى و يبدأ الرجل بالزيارات وتقديم الهدايا و لو كانت بصلة فبصلة المحب خروف ومحشى كمان  ،، اما الانثى فتشبع غرور الرجل بأظهار سعادة بالغة بالهدايا مع انها لا تعلم ان الاسورة الذهب هى قشرة وتباع فى العتبة بخمسة جنيهات  ،، وغالبا تعلم ولكنها لا تبالى فى سبيل الهدف الاكبر وهو الزواج اما هو فيتصور انها علانياتها وماتعرفش ثمن الهدية  وهى بالطبع متاكدة انه عبيط

وأخيرا تبدأ البداية ،، بداية الهدف الاكبر ،، الزواج  وتظل تحلم العروسة باللحظة التى يقول لها تتجوزينى يا عمرى ،، وتعيد الحلم كثيرا و كانها اعظم مخرج فتارة تتخيلها يأتى اليها ببدلة بيضاء و يمسك بيده خاتم من الماس ويبكى وهو يطلب يدها  ( بينما هو غالبا يبكى من اللى هايجراله ) و تارة اخرى يصارحها تحت ظل الشجرة الكبيرة فى جنينة العشاق وهو ممسك بجيتار  ثم تعيد السيناريو وتبدل الجيتار بمفتاح شقة الزوجية ثم تبدله فى سيناريو اخر بعقد شقة بأسمها ،، ثم تبدأ تتصور دور البطله وتتسائل ،، هل ابكى ،، ادمع  ،، اتكسف واجرى ،، ثم غالبا ماتستقر الى انها ستبتسم وتسبل  وطبعا الابتسامه دليل السعادة ماهى الا دليل الانتصار ام التسبيله فهى لزوم زيادة التأثير وبالمرة تركز النظر فى حجم فص الخاتم

ثم توافق وتقول له انت عارف ياحبيبى انا بحبك اد ايه ومنتظره اللحظه دى من زمان  ،، وتتنهد  تنهيده حارة وهولا يلاحظ رائحة البصل  بل يتصور انه عبير الزهور

و يرتعش من الفرحه ويقول لها  انا كنت عارف انك بتحبينى اد مابحبك لكن مهما قولتلك مش ممكن اوصفلك حبى ثم يضمها اليه بقوه فترتمى على الارض  وهو متوهم انه روميو الفتاك ويغادر وهو يودعها بأعذب كلمات الحب بينما هى ملقاه على الارض وتنظر اليه نظره لم يعرف معناها بالتأكيد الا فى اليوم التالى  لانه اضطر ان يذهب للمستشفى للاطمئنان عليها بعد ان كسر لها ضلعين

والى اللقاء فى الحلقة القادمة

[ragab2]

حلوة وهو ده اللى بيحصل فعلا

والصور أكثر تعبيرا

بس عاوزين شهر العسل واللى بعده عندما يضربوا بوز ويتشاجروا

الله ينور

[هشام عبد الوهاب]

عمنا رجب فى الحلقة القادمة قريبا جدا جدا ان شاء الله  ،، لو صوابعى او الكيبورد ماحصلهمش حادثة وقيدت ضد مجهول

[متسائل]

قبل شهر العسل...

الكلام عن المهر و الشبكة و المؤخر و خلافه.. يمكن أن تبدأ المشاكل هنا.. و من المستحسن أن تبدأ هنا لينكشف كل واحد على طبيعته.

[Ragaai]

هايل ياعمنا هشام

هايل والله دايما تتحفنا كده ؟

الزواج في رأيي يبدأ من الطفولة   من التربية   من ولد تربى على فكرة أنه لا تجوز مناقشته أو مراجعة ما يقول وفتاة تربت على أنها جميلة الجميلات فيرجينيا والتي يجب أن تؤدب بجمالها ودلالها كل من سولت له نفسه أن يتزوجها أو تلك التي تربت على شعور الأضطهاد وأن الرجال أغلبية والنساء أقلية مضطهدة وبقكر الأقليات تبدأ الحركات اللي انتم كلكم عارفينها ابتداءا بالأيقاع بالرجل في شباك الزواج وانتهاءا بتسليمه إلى معهد السكر أو القلب بأمبابه

[zigzag]

الاخ هشام هل في الامكان منع دخول النساء لذلك الموضوع عشان نأخذ راحتنا  :D

الامر لا يحتاج لحلقة قادمة ، فالنهاية معروفة ( واللا عايزين تقولوا انكم مش عارفينها ) ماهي ياسجن للنهاية مكلبشين اليد منفضين الجيوب ، صوتنا عالي ( في الشغل بس ) ، يالواحد يهرب بجلدة بسبب القضاء والقدر ، وفية نوع ثالث دة بقي اللي لازم يتعمل علية ابحاث ، قال بعضهم يرجع يكرر نفس التجربة مرة اخري ( فية حد فيكم الحاج متولي )

انا حاسس ان دي مشكلة فراعنة ( يعني المدام فرعونة ) ، هل هناك تجربة من احد الاخوة مع واحدة غير فرعونية  :D

[itsme_1666]

مساءءءءء الخير عليكممممم  :D

اخ   zigzag

يعنى ايه بقه  تمنعوا دخوا الستات ا.... :D  :sneaky2:

إحنا لينا النص فى الموضوع  ده .....والا اقولكم بلاش الطيب احسن مش ناقصين خناقات ..انا ماشية اتخانقوا بقه مع نفسكم  :th:  :colgate:

[zigzag]

الاخوة الاعزاء

برضة تركتوا  الباب موارب

الاخت الفاضلة اتس مي

لا ما تفهمنيش غلط ، هو احنا نقدر نمنع حد ، هو  بس انا حسيت ان الموضوع حاياخد شكل فضفضة ، وقلنا بلاش حد يشوف الكلام دة .

دة انت عارفة ان فية ناس ( زي حالاتي ) يادوب خلصوا التأبيدة الاولي ، وداخلين علي تأبيدة ثانية ، والاخ هشام قلب علينا المواجع .

طاب اقترح عليكي فتح موضوع تكتبوا فية ممنوع دخول الرجالة ، عشان برضة تاخدوا راحتكم وتقولوا اللي انتوا عايزين تقولوة .

:(  :D  :D  :cool:

[ragab2]

على فكرة

عندى اقتراح

ممكن يضيفوا لقانون العقوبات .. عقوبة الزواج

عشان يشدوا شوية ع. الرجالة

Edited By ragab2 on May 03 2002 7:08pm

[هشام عبد الوهاب]

ياه د الجواز حلو بشكل ،، انا اسعد واحد فى الدنيا  ،،،،، لأ يا حبيبى فى حد اسعد منك

مش ممكن مين  اللى اسعد منى  ،، انا ياعمرى  ،،  تنهيده  ،، يا حبيبتى  ،،،،،، رقابة

بعد شهر

                  

روميو : ياه ده الجواز مقرف بشكل ،، انا كان مالى ومال الوقعة السودة دى ،، كان يوم اسود  

جوليت : اهىء اهىء اهىء  ،، طبعا م انت مفترى  ،، ربنا ينتقم منك

روميو: ماهو انتقم خلاص واتجوزتك  ،، حاجة تقرف

جوليت : حاجه تغم

بعد سنة

 وكمان سنة          وكمان سنة      

وبعد ............سنة

والى اللقاء فى الحلقة القادمة

يوميات الازواج و الزوجات

[Ragaai]

اللي مجنني ليه بيسموا الشهر الأول شهر العسل مع انه أصعب شهر في الزواج ولا يخلوا من خناقات إلا نادرا ففيه تتكشف الحقائق ويعلم كلاهما حجم الكارثة التي وقعت له واستراتيجيات المرحلة القادمة هي تفكر كيف تنزع منه عصا الصولجان وهو يفكر كيف يكسر انفها وكيف يثبت لها انه سيد الرجالة وتستمر المحاولات حتى يكتشف الرجل أنه قد أعطاها بنفسه العصا وأنها هي التي كسرت انفه

وأنا للأمانة أود إسداء بعض النصائح

أولا:حذار حذار من اللحظات الحلوة ففيها تتم كل التنازلات وفيها يتم إعطاء الوعود وللأسف اللحظات الحلوة لاتدوم بينما التنازلات والوعود تدوووووووووووووووووم

ثانيا :لا تناقش زوجتك وانت عصبي ابدا ابدا ابدا فهن قادرات على التقاط الأخطاء ومعايرة الرجل بها بعد ان تذهب النوبة والرجل يخطأ كثيرا وهو عصبي للاسف

ثالثا :لا تنسوا قول أمير المؤمنين عمر "أكثروا لهن من قول لا فإن نعم تغريهن بكثرة السؤال"وهذه والله حقيقة وللتأكد منها يمكننا مراجعة الماضي

رابعا :لا تكثروا من نهي المرأة فهي كما قيل لم تنهى عن شيئ إلا وفعلته وجرب أن تنهى زوجتك عن أي شيئ فسوف تجدها تحاول عمله لسبب بسيط وهو لتتأكد من قوة ذاكرتك ولسبب آخر وهو أن تجربك في هذه الحالة ولكن إذا فعلت شيئا يغضبك فقل لها "مع ان هذا الشيئ لا يعجبني إلا أنه زي السكر منك مش عارف ليه"ساعتها فقط لن تكرره

وللحديث بقية إن كان في العمر بقية

[itsme_1666]

knock knock knock ???  ???  :cool:  :cool:  :cool:

ممكن ادخل والا لسة  ما خلصتوش  فضفضة وكلا م  وشكوى من الجواز والستاتتتتت :sneaky2:  :sneaky2:  :sneaky2:  :sneaky2:

يا اخ هشام اولا قبل ما ادخل معاكم فى  الحوار الى انا هأسميه حوار من وراء القلب طبعا ...احييك على  طرق هذا الموضوع وبالطريقة  الجميلة ده لإن لو كان بطريقة اخرى كانت هتقوم خناقات للركب :sneaky2:

ثانيا بداية  بداية كلامك كده  معناه ان الحب قبل الجواز وهم مش حقيقة؟؟ لأن الإبتسامات والتنهيدات والتليفونات  كله بيكون قبل الجواز اما بعد الجواز زى ما قا ل الاخragab  الستات بيضربوا بوز و يتخانقوا من الباب للطاق يا عينى اصلهم متجوزين ملايكة  :devil:  :devil:

والاخ  zegzag

مش عاوز يتقلب عليه المواجع  ..يا خبر ابياااااااااااااااض الجواز دلوقتى بقى مواجع .. :sneaky2:

طيب رايحين للوجع برجليكم ليه انا نفسى افهم؟؟؟؟؟ :th:

اخ رجائى  :notify:  :notify:  :notify:  :notify:

مداخلتك الاخيرة  كلها حب وإعزاز للمرأة يا سلام ياريت الناس كلها زى حضرتك

:sneaky2:

طيب ممكن اسأل حضراتكم شوية اسئلة علشان نعرف مين الجانى ومين المجنى عليه فى القضية ده ؟؟؟

1.متى كانت آخر مرة اهدى احدكم باقة ورد لزوجته او حتى وردة واحدة من غير ما يكونوا طالعين يزوروا حد فى القرافة؟؟

2.متى كانت آخر مرة دعى احدكم زوجته لعشاء رومانسى او غداء رومانسى او حتى إفطار رومانسى فى احد المطاعم الهادئة بس مايكونش الاكل فول وطعمية لاننا كلنا عارفين تأثيرهم على الدماغ؟؟؟

:bored:

3.كم واحد منكم  يتصل بزوجته اثناء النهار ليقول لها كلمة حلوة وليؤكد لها انها فى ذهنه دائما ابدا و من غير ما تكون المكالمة لتذكيرها بما يريد من اصناف اكل على الغداء؟؟؟

4. كم واحد منكم يتذكر تاريخ عيد ميلاد زوجته الحبيبة الرومانسية   رفيقة الدرب الوعر؟؟ وإلا هى فى احزانكم مدعية وفى افراحكم منسية؟؟؟

5. ما هى اول هدية قدمها احدكم لزوجته وآخر هدية قدمها لها ؟؟ ده إن كان فاكر تاريخ آخر هدية :sneaky2:  :sneaky2:  :sneaky2: جاوبونى كده بصراحة علشان إيه فى الصراحة راحةةةةةةةةةةةةةةةة

:sneaky:  :sneaky:

[zigzag]

الاخوة الافاضل

النصائح دي ، موجهة طبعا للعاقلين اللي لسة علي البر

طيب والغلابة اللي بيعوموا في بحر العجمي ذو السحب الشديد ، دول يعملوا اية   :

ما ينفعش فيهم اضافة قانون الزواج لقانون العقوبات ( وقعت الفاس في الراس )

التنازلات قدموها سابقا ( غشيم بقي  )

اخطاء العصبية مسكوها علينا ذلة ( وذلنا بيها صباح مساء )

قول ( لا )  نقولة كرد فعل ( في العمل )

النهي والمدح  ( بعد اية )

وقال بعد دة كلة يقولوا لنا حاجة تغم

فكرة ، الاجازة الجاية ، حاروح العجمي اصلهم ما بيعرفوش ( يعوموا )

:cheesy:

[zigzag]

عذرا مداخلتي الاخيرة ، وضعتها قبل ما اشوف الاسئلة الصعبة اللي فوق

[Ragaai]

الأخت ايتسمي

ياسبحان الله

ماأسألتك أرقام 1و2و3و4و5 إلا دليل على ما قلت فكلها تؤدي إلى شيئ واح وهو :اللحظات الحلوة ومايتبعها من تنازلات من الرجل وتسجيل وعود وسرعان ما ينتهى العشاء الرومانسي وسرعان ما تذيل الورود الرقيقة ولا يتبقى إلا الشبكة التي نسجتها المرأة ببراعة شديدة واخونا الرجل الغلبان متكلفت فبها بس بعد إيه يا حلو.......ولات حين مناص

صدقيني يا اختنا الفاضلة تقاعس الرجل عن الرومانسية إنما يدل على أنه تيقن بعد العديد من التجارب المأسوية ان البعد عن الرومانسية افضل  وعلى رأي المثل يانحلة لاتقرصيني ولا عايز منك عسل

اخي زجزاج

أما وقد حصل ما حصل وقع المحظور فليس أمامك إلا تفويض الأمر لله لتنال أجر الصابرين إنشاء الله وهذا لعلمك حال 80%من الرجال المتزوجين لأن 10%منهم خارج البلاد و10%لا يزالون يقاتلون ويقاومون ببطولة في حصارهم أعانهم الله

[itsme_1666]

انا هأعتبر ده هروب من الإجابة على اسئلتى ..وفى علمكم انا مستعدة اجاوب على اى سؤال تسألوه وبكل صراحة ومن غير  مبالغة... :lookaround:  :lookaround:

[freefreer]

سبحان الله فيكى يا اخت اتس مى .. صراحة .. انتى مش عاملة موضوع 11 صفحة لغاية دلوقتى .. قاعدة تقولة فية .. " عليا النعمة الستات أذكى من الرجال" .. طيب .. يبقة فشل الجواز سببة مين .. الذكى و لا الغبى ..

يا عالم حرام عليكم .. لما نتكلم عن الذكاء .. يقولوا احنا الأذكى .. نكلم عن فشل الزواج .. يقولوا ان الطرف الأقل ذكاءا هو السبب؟؟؟؟

سبحان الله .. طب تيجى ازاى ..

دة بيقولوا .. السكران فى ذمة الصاحى ..  :D

الصراحة الصراحة بقى .. الستات هم السبب .. علشان هم بيحبوا يتحكموا فى الكون كلة .. و يمشوة على مزاجهم .. و يا ويييييل .. يا وييييييل .. اللى ما يخضعشى ليهم ..  :D

اتقوا الله بقى ..  :D

[ragab2]

سمعت أن الجواز شر لابد منه

والبعض قال ادمان مضر بالصحة والجيب مثل السجاير والمخدرات

وسمعت أن الجواز أمان للزوجة وحرمان للزوج  .. من الحرية والاختلاط بالأصحاب

[الصاوى]

السلام عليكم ورحمة الله وبركاته

بسم الله الرحمن الرحيم

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ

الروم : 21

أنا أتحدى أى زوج و زوجه يتعاملون فيما بينهم بما يرضى الله وبنوا حياتهم على اساس تقوى الله وتربية أبنائهم لينشئوهم فى طاعة الله أن يكون بينهم أى خلاف

ولمن لا يصدق سآتى اليك بتجربة استمر عليها لمدة اسبوع ثم قل لنا ما النتيجة :

1 - صلى مع زوجتك فى جماعة الخمس صلوات حاضرة

2 - أفرأ معها جزءا من القرآن كل يوم بعد صلاة المغرب

يا أخى لو اتقيت الله فى زوجتك ما قصرت فى حقها ولو قصرت هى فى حقك

ولو أتقت زوجتك الله فيك ما قصرت فى حقك ولو قصرت أنت

والله تعالى أعلى وأعلم

[Byte]

تحبوا تعرفوا ببساطة سبب معظم الخلافات الزوجية؟

ليه معظم الاجانب بيعيشوا مع بعض سنين طويلة من غير جواز، لكن لو اتجوزوا بيطلقوا علي طول؟

السبب في رأيي ان كل طرف بعد الزواج يعامل الآخر كأمر مسلم به، ملكه، وعلي رأي المثل المصري: جوزي وانا حره فيه، جوزي افرده واكويه

اما في فترة الخطوبة فالطرفين يعلمان ان "العصفور" ممكن يطير لو ضايقناه، علشان كده لازم نبقي "زي النسمة" في خلال هذه الفترة

ونفاجأ بعد الزواج ان النسمة اعصار

بس قبل ما نزود العيار ، خلينا فاكرين اننا من اكثر الدول استقرارا في الحياة العائلية، ولولا الفقر لاختفت 80 في المائة من مشاكلنا