14 مليون مصري تحت خط الفقر - عشانا عليك يارب

[se_ Elsyed]

قال صحيح يا مسعودي إحنا غلابه ؟

فشر يا لينا ده احنا مساكين يا روحي

إقرأ هذا المقال في أهرام الجمعة .. وهنيالك يا فاعل الخير والثواب ..

‏‏

وزيــر التخطيــط يؤكـــد‏:‏

لا صحة مطلقا لما ادعاه تقرير الأمم المتحدة

بوجود‏34‏ مليون مصري تحت خط الفقر

بقلم‏:‏ محمد زايد

عثمان محمد عثمان

المقاييس الدوليـة تؤكد أن الفقراء في بلادنا عددهم‏14‏ مليونا‏ ( ده وليه اللي يصدقوا يا عثمان ... ماهي العدادات عندكوا وبتلعبوا فيها زي مانتوا عايزين ) ..‏ ومهمة الحكومة حاليا الارتفـاع بمسـتوي معيشـتهم نفي د‏.‏ عثمان محمد عثمان وزير التخطيط نفيا قاطعا صحة ما جاء في تقرير التنمية البشرية الأخير الذي أصدرته الأمم المتحدة وأدعت فيه أن في مصر‏34‏ مليون مواطن تحت خط الفقر ( والأمهات المتحدة هاتتبلى عليكوا ليه ؟ بينها وبينكم إيه ؟ ) وأن من بينهم‏10‏ ملايين و‏700‏ ألف لايجدون قوت يومهم فقد أكد الوزير أن الذي قيل لا أساس له من الصحة‏,‏ فإما أن التقرير وقع في أخطاء إحصائية‏,‏ أو أنه تعمد المبالغة في تشويه الصورة الاقتصادية والانسانية للمجتمع المصري‏.‏

واستند في هذا الي المقاييس العالمية لتحديد الفقراء ومحدودي الدخل‏,‏ فالمقياس الذي يستخدمه البنك الدولي وهو أن الفقير هو من ينفق أقل من دولار في اليوم ولكن الدولار هنا لايقاس بسعر الصرف الرسمي‏,‏ ولكن بالقوة الشرائية للجنيه في مصر‏,‏ وبالتالي إذا طبقنا هذا المعيار فان نسبة الفقراء لاتزيد علي نصف في المائة من المصريين أي نحو‏400‏ ألف‏,‏ هم الذين نعتبرهم فقراء مدقعين‏.‏

أما إذا طبقنا موشر خط الفقر فمصدر القياس السليم يكون من واقع بيانات بحث ميزانية الأسرة الذي يجريه جهاز التعبئة والاحصاء كل‏5‏ ســـنوات‏,‏ ووفقـــا لهـــذه البيـــــانات فــــان الذين يعتبـــرون فقراء أو محدودي الدخل يمثلون نحو‏20%‏ من تعداد المصريين‏.‏

وهذه المقاييس الدقيقة والموضوعية هي التي يجب أن نعتمد عليها في تحديد كافة البرامج والسياسات لخطي الفقر وتحسين أحوال الناس سواء كانت تتمثل في برامج الدعم السلعي‏,‏ أو تقديم خدمات اجتماعية بالمجان‏,‏ أو ما تقدمه الدولة من مساعدات مالية مباشرة مثل معاش الضمان الاجتماعي الذي يفيد منه حاليا نحو‏740‏ ألف أسرة‏.‏

ومن هنا لايصح أن ينتاب المواطنين أي انزعاج بســــــبب الادعـــــاءات الأخيــــرة في تقــــرير التنمية البشرية للأمم المتحدة‏.‏ ( إطمنوا يا رجالة .. المواضيع أندر كنترول .. وكله كويس .. كله تمام )

فضلا عن أنها أصبحت مهمة أساسية للحكومة واللجنة الوزارية للضمان الاجتماعي أن تستخدم البيانات التفصيلية الحقيقية عن الخريطة الاجتماعية في مصر لضمان التوجه الي رعاية أكبر للفئات المستحقة‏,‏ وضمان أن ما يخصص لبنود الانفاق الاجتماعي يحقق الارتفاع بمستوي المعيشة‏,‏ وكافة مؤشرات التنمية ويتجه الي هذه الفئات تحديدا باعتبار أن القادرين وذوي الدخل المرتفع يمكنهم الاعتماد علي دخولهم الذاتية‏,‏ ومن ثم يتحقق بذلك ما تســــتهدفه الحكومــــة من عقــــد اجتمـــــاعي وثيق يقـــــوم بين أطــــراف ثلاثة‏:‏ الحكومة والفئات القادرة والطبقات غير القادرة‏.‏

[ابو حلاوه]

وزير التخطيط المصري من مدرسة الدكتورة ماري منيب الاقتصادية بس بشكل محافظ . يعني بدلا ما يقول" نعمين ياد العدي .. الشعب المصري فقير فشــــــــــــــــــــــــــــــــــــــر ..... الموضوع اصله تار بايت هما مصتنصدنا صحيح هما مصتنصدنا" قال الكلام الخايب اللي في المقال ده

الناس دي طينتها ايه بس :)

[METALLICA]

ومن هنا لايصح أن ينتاب المواطنين أي انزعاج بســــــبب الادعـــــاءات الأخيــــرة في تقــــرير التنمية البشرية للأمم المتحدة‏.‏ ( إطمنوا يا رجالة .. المواضيع أندر كنترول .. وكله كويس .. كله تمام )

<{POST_SNAPBACK}>

انا مش منتابني اي انزعاج من الإدعاءات ديه خالص . . . . أصلي متأكد . . . قال ادعائات قال . . . .

جاتنا نيلة ملينا البلد

[METALLICA]

بس إلا هو صحيح مفهوم الفقر عندنا ايه بالظبط !!!

ان الواحد مايقدرش يفتح بقو علشان يتكلم من كتر الجوع !!! والا عينيه !!!

لأ يا جماعة لازم يكون طبعاً بيتنفس وإلا هيكون ميت . . . .

[New]

الاخوة الاعزاء

بصراحة كلام وزير التخطيط ده استفزنى جدا.

تقرير التنمية البشريه المصري 2004 Egypt Human Development Report 2004 سبق وفتحناه قبل كده وللمرة التانية باقول ان فى الصفحة 39 من التقرير جزء بيقول ان " نسبة السكان ذوى دخل اقل من دولار يوميا هى 3.1% فى الفترة من 1990 الى 2000. و نسبة السكان ذوى دخل اقل من 2 دولار يوميا هى 44%. والنسبة تحت خط الفقر هى 16.7% ."

يعنى لو افترضنا ان تعداد سكان مصر 70 مليون فان:

عدد السكان ذوى دخل اقل من دولار يوميا هو 2170000. و عدد السكان ذوى دخل اقل من 2 دولار يوميا هو 30800000. و عدد السكان تحت خط الفقر هو 11690000

اللى فعلا غايظنى ان التقرير معظمه مكتوب بايدى مصرية ومطبوع فى مصر والموقع على المقدمة وزير التخطيط نفسه وممكن الرجوع للتقرير للتاكد من الكلام ده.

دلوقت ازاى ييجى وزير التخطيط ويكذب ما كتبت يداه وايدى الموظفين اللى شغالين معاه؟؟؟ اذا احسنا الظن وقلنا ان التقرير فيه اخطاء احصائية فياترى فيه حد راجع التقرير ده قبل ما يتم رفعه للامم المتحدة؟؟ وهل من المنطقى لوم الامم المتحدة على نشر تقرير غير مراجع تمت كتابته تحت اشراف وزير التخطيط؟؟؟ واذا كان جهاز التخطيط غير كفء لاصدار تقرير صحيح يبقى لازمته ايه؟؟

لو افترضنا ان التقرير صحيح و مفيهوش اخطاء يبقى وزير التخطيط بيكذب اللى ورد فيه ليه؟؟ ده مش اسمه تهريج؟؟

:angry: :angry: :angry:

الوصلة للتقرير

http://www.undp.org.eg/publications/HDP-2004-E%20.pdf

تم تعديل 25 أبريل 2005 بواسطة New

[New]

على فكرة فيه حاجة تانية مهمة شدت انتباهى غير تصريحات وزير التخطيط.

الاحصائيات دى اتعملت على فترة ما بين 1990 الى 2000 يعنى تقريبا كان سعر الدولار على ما اتذكر كان شبه مستقر حوالى 3.35 جنيه!!!!!!

بعد سنة 2000 تم تعويم الجنيه المصرى ووصل الدولار لاكتر من ستة جنيه!!!!! وبما ان سلع كتيرة سعرها مرتبط بالدولار تضاعفت اسعارها تقريبا بعد تعويم الجنية. وطبعا لم يتم (او بالاحرى لما يتم) زيادة الاجور والمرتبات بنفس نسبة الغلاء او حتى نسبة قريبة منها لمواجهة المشكلة الناتجة عن التعويم. !!!

دلوقت السؤال اللى احب اسأله يا ترى الاحصائيات دى حتكون شكلها ايه بعد سنة 2000؟؟؟

يا ترى فيه اجابة؟؟

:angry: :angry: :angry:

تم تعديل 26 أبريل 2005 بواسطة New

[yasovinas]

طيب معلش انا شرير ومن اتباع الحكومه

خلونا نتكلم بالعقل سيبكم من التقارير والابحاث

الدولار عندنا بكام النهارده (5.8جنيه ) يعني لو الواحد دخله ولار في اليوم يعني الدخل الشهري يبقى 174جنيه في الشهر ايه بقى القدرة الشرائيه لهذه ال174 في الشهر يعني فعلا هل في حد في مصر دخله الشهري 174 جنيه في الشهر ؟؟؟

[New]

الاخ الفاضل يوسى ...

علشان انا عارف انك مش من اتباع الحكومة ومش شرير.. حرد عليك. :angry:

مفهومى من التقرير انه شامل كل الشعب بمعنى آخر التقرير مش قايل ان "نسبة العمال" او "نسبة الاسر"... دى نسبة السكان.

للتوضيح... لو ان اسرة مكونه من ثلاثة افراد... اب وام وابن... لو ان دخل الاسرة دى اقل من 174*3 يعنى اقل من 522 جنيه فى الشهر بيقى كل واحد من افراد الاسره دخله اقل من دولار يوميا. لو الاسرة دى مكونة من اربع افراد ودخلها اقل من 696 جنيه فى الشهر تبقى برضة نفس النظام.

تانى التقرير ما بيتكلمش عن العمال ولا عن الاسر ده بيتكلم عن السكان يعنى كل الافراد.

وبعدين ده طالع من وزارة التخطيط يعنى مفيش حد من المعارضة لفقه للحكومه. معقولة ان الحكومة بتدى تقرير عن ادائها المتنيل الردئ للامم المتحدة واحنا نقول لها طاب راجعى نفسك يا حكومة ممكن يكون فيه صفر على اليمين عينك زاغت عنه كده والا كده.

تحياتى.