تاتا تاتا بعد الهجرة الي كندا

[arabiccanada]

بالنسبة للعروض والفلايز اللي بتيجي في البريد كنت اسمع عنها بردو قبل ما اجي وكنت فاكرها انها بتوفر,,,,بس في الحقيقة التخفيضات بسيطة و مش بتبقي تستاهل,,,غير انك علشان تروح تجيب من كل محل الاوفر بتاعه مش هتعمل حاجة غير انك تروح تشتري من المحلات. فعلشان توفر الوقت بتلاقي نفسك بتشري من سوبر ماركت واحد كل الحاجة مرة واحدة.

[arabiccanada]

شكرا يازهيري علي الرد. يبقي فعلا المعونة الاجتماعية صغيرة كدة,,,,اللي هيجنني: الناس اللي عايشة عليها عايشن ازاااااااي؟!!

[أدهم الشرقاوى]

هو الاون لاين ريسيفر ده نجيبه منين؟ ده ممكن يوفر شوية . بالنسبة لتليفون المنزل مستحيل الاستغناء عنه لان فيه مصالح هنا كتير بالتليفون,,

انا واخدة اقل بلان موبايل ,,,ده انا حتي وقفت الاشتراك لمدة شهرين علشان عايزة اوفر,,,بس مافيش فايدة المصاريف بردو 3000 دولار شهريا.

بالنسبة للأونلاين ريسيفر: http://www.zaaptv.com/distributor/canada/

إختراع عبقرى، بيجيب معظم قنوات النايل سات و أقمار تانية و مش غالى.

[أدهم الشرقاوى]

رغم اني ارجع واقول انك تعرف حاجة وانك تعيش الوضع حاجة تانية خالص

طبعاً بلا شك، اللى تسمعه حاجة و اللى تعيشه حاجة تانية و اللى إيدة فى المية مش زى اللى إيده فى النار.

ربنا يهون علينا الصدمة و يلهمنا حسن التصرف.

[أدهم الشرقاوى]

بالنسبة للعروض والفلايز اللي بتيجي في البريد كنت اسمع عنها بردو قبل ما اجي وكنت فاكرها انها بتوفر,,,,بس في الحقيقة التخفيضات بسيطة و مش بتبقي تستاهل,,,غير انك علشان تروح تجيب من كل محل الاوفر بتاعه مش هتعمل حاجة غير انك تروح تشتري من المحلات. فعلشان توفر الوقت بتلاقي نفسك بتشري من سوبر ماركت واحد كل الحاجة مرة واحدة.

كلام سليم بس أنا أقصد إن ساعات الشراء بالجملة من أماكن بعينها فى أوقات العروض و التخفيضات يمكنك توفير السعر، ممكن تشترى بكميات كبيرة - لو عليها عرض - المشتروات اللى بنحتاجها على طول و مش هتبوظ من التخزين، أكياس زبالة، مناديل، رز و سكر و دقيق مثلاً يعنى ممكن توفر شوية لو فى عرض محترم على الكميات.

طبعاً خلاص أنتى إشتريتى العفش بس أنا كنت هقولك إن العفش كله ممكن يتجاب ببلاش من ناس معزلين عندك من العمارة أو من مراكز مساعدة المهاجرين أو من Kijiji بتلاقى حاجات بأرخص الأثمان عشان تكلفة نقلها أكتر من ثمنها.

طبعاً دى إقتراحات مش أكتر.

[MZohairy]

خلي بالكم من البد بجز

البق يعني

العفش المستعمل ممكن جدا يكون فيه بق

و لو دخلت بيتك بقه واحده خلال شهر هيبقوا 100 الف بقه ومن المستحيييييييل القضاء عليهم الا بالعزال لشقه تانيه و القاء كل العفش في الزباله

[شعبان متولي]

ازيكم يا جماعه ..

أولا أشكركم على الحوار المفيد جدا .. من خلال مناقشتكم قدرت أفهم حاجات كتير عن وضع المهاجر في كندا ..

أنا مصري عندي 32 سنة و بشتغل مهندس مدني .. مقيم حاليا في ألمانيا من 3 سنين .. عملت ماجستير في ألمانيا و حصلت على وظيفة بعدها كباحث في الجامعه بمرتب 3630 يورو .. صافي بعد خصم الضرائب و التأمين 2250 يورو .. انا كنت قدمت قبل ما اروح ألمانيا على هجرة كيبيك و جاتلي و عملت لاندينج في أبريل 2011 .. كنت وقتها في ألمانيا عملت اللاندينج و رجعت ألمانيا تاني ..

سؤالي هو .. ايه رأيكم؟ الموضوع يستحق انني اسيب اللي انا فيه في ألمانيا و اروح كندا؟!! انا عاجبني في كندا انها فيها تعددية عرقية و بلد مهاجرين بمعنى الكلمة .. مش ححس فيها انني اجنبي و شكلي مختلف زي ما بحس في ألمانيا .. ده غير انني اعتقد انني بعد ما احصل على رخصة المهنة كمهندس في كندا حقدر احصل على مرتب اكبر بكتير في كندا .. و لا ايه رأيكم؟ ايه رينج المرتبات في كندا للمهندسين؟؟

أنا أميل للإستقرار في فانكوفر

تحياتي

تم تعديل 15 ديسمبر 2013 بواسطة شعبان متولي

[أدهم الشرقاوى]

خلي بالكم من البد بجز

البق يعني

العفش المستعمل ممكن جدا يكون فيه بق

و لو دخلت بيتك بقه واحده خلال شهر هيبقوا 100 الف بقه ومن المستحيييييييل القضاء عليهم الا بالعزال لشقه تانيه و القاء كل العفش في الزباله

كلام مظبوط و سمعته كذا مرة، من الآخر اللى ياخد عفش مستعمل ياخد باله و يستنضف :)

[أدهم الشرقاوى]

حاجة كمان كنت عاوز أضيفها لطرق التوفير، بالنسبة للمكالمات الدولى دلوقتى فى برامج بتشتغل على الإنترنت ممكن توفرلك ياما لو بتكلمى مصر كتير زى الفايبر و السكايب و ممكن تشترى سكايب كريديت و تكلمى أى تليفون فى العالم بسعر زهيد بس أنا أنصح بأحسن حل فيهم و هو الماجيك جاك، الأقوى و الأنقى صوت و الأحسن جودة و غالباً الأرخص سعراً.

[شعبان متولي]

ايه الحلاقة دي :) .. انتم ليه مش بتردوا؟

[بيبو كندا]

حيايبي كلهم هنا انا مطاريدى برضو و خرجت من فترة هوجهالادارة على الكفاتسه امثالي منورين المندى انا اسمى هناك samuel

مع تحياتي للجميع

[MZohairy]

اسره من 4 اشخاص (ولادهم كبار)

فاتورة الجاز و الهايدرو حوالي 250 دولار في الشهر (ماينفعش يقللوا عن كده)

فواتير الموبايلات حوالي 200 دولار لأربعة اشخاص (ماينفعش يقللوا عن كده)

فاتورة التليفون و النت و التليفزيون الكندي و التليفزيون العربي 180 شهريا (ماينفعش يقللوا عن كده)

تأمين العربيه 150 شهريا (ماينفعش يقل عن كده)

كده حوالي 800 دولار من غير اكل و شرب و سكن

1500 سكن

1600 مصروف بيت اكل و شرب و خلافه بمعدل 400 كل اسبوع

يعني 3900 على الأقل

ماذكرتش مصروف الاولاد اليومي او الشهري

ماذكرتش فاتورة التأمين الطبي الشهريه

ماذكرتش نقاط كتير مخفيه

حد يقدر يقولي من اللي عايشين في كندا ازاي ممكن يقلل المصروف اللي تحته خط فوق ده؟

[بيبو كندا]

اسره من 4 اشخاص (ولادهم صغار)

عندنا في كيبك مونتريال ارخص يا محمد

فاتورة الجاز و الهايدرو حوالي 90 دولار في الشهر

فواتير الموبايلات حوالي 80 دولار 2 اشخاص + ماجيك جاك لبيت ٤٠ دولار في السنه + نت حوالى ٥٠ بالشهر

تأمين العربيه 35 شهريا

كده حوالي 250 دولار من غير اكل و شرب و سكن

660 سكن

1300 مصروف بيت اكل و شرب

يعني 2500 على الأقل

ماذكرتش مصروف الاولاد اليومي او الشهري

ماذكرتش فاتورة التأمين الطبي الشهريه

ماذكرتش نقاط كتير مخفيه

حد يقدر يقولي من اللي عايشين في كندا ازاي ممكن يقلل المصروف اللي تحته خط فوق ده؟

مونتريال الارخص دائما بس مشكلتها الفرنساوى فقط و اللى يقدر عليه بقي علشان كده جايلك يا البرتا

[MZohairy]

مونتريال مشكلتها مليون مشكله

مشكلتها الكبيره هي انك غالبا مستحيل تلاقي شغل محترم (مش كاجوال) نااااااادر جدا

فهمت هي رخيصه ليه؟

علشان مافيهاش شغل و عايزين يجيبوا ناس تخلفلهم عيال يطلعوا مونترياليين...واحنا نعيش على معونة الدوله لغاية ما نموت

و انا لا يمكن اعتمد على معونة البطاله طول عمري

لازم اشتغل و اعيش كإنسان محترم

[بيبو كندا]

يا زهيرى مونتريال دى بلد الشحاتين بجد

كميه الناس اللى عايشه على الويلفير بالهبل

و طبعا اغلبهم عرب و اكيد كلهم بيشتغلو كاش علشان يحوشو فلوس و ينزلوا بيها بلدهم

لانهم عايشين هنا كانهم في الخليج علشان الفلوس

و اقصي اقتصاد مادى (بخل و حرمان ) و اكثر عدد من الاطفال علشان معونه الاطفال تزيد

[arabiccanada]

ازيكم يا جماعه ..

أولا أشكركم على الحوار المفيد جدا .. من خلال مناقشتكم قدرت أفهم حاجات كتير عن وضع المهاجر في كندا ..

أنا مصري عندي 32 سنة و بشتغل مهندس مدني .. مقيم حاليا في ألمانيا من 3 سنين .. عملت ماجستير في ألمانيا و حصلت على وظيفة بعدها كباحث في الجامعه بمرتب 3630 يورو .. صافي بعد خصم الضرائب و التأمين 2250 يورو .. انا كنت قدمت قبل ما اروح ألمانيا على هجرة كيبيك و جاتلي و عملت لاندينج في أبريل 2011 .. كنت وقتها في ألمانيا عملت اللاندينج و رجعت ألمانيا تاني ..

سؤالي هو .. ايه رأيكم؟ الموضوع يستحق انني اسيب اللي انا فيه في ألمانيا و اروح كندا؟!! انا عاجبني في كندا انها فيها تعددية عرقية و بلد مهاجرين بمعنى الكلمة .. مش ححس فيها انني اجنبي و شكلي مختلف زي ما بحس في ألمانيا .. ده غير انني اعتقد انني بعد ما احصل على رخصة المهنة كمهندس في كندا حقدر احصل على مرتب اكبر بكتير في كندا .. و لا ايه رأيكم؟ ايه رينج المرتبات في كندا للمهندسين؟؟

أنا أميل للإستقرار في فانكوفر

تحياتي

جيت للمكان الصح والشخص الصح للسؤال

انا قعدت 4 سنين في ألمانيا وصدقني اجمل ذكريات حياتي واجمل فترة قضتها في عمري

المانيا منظمة ورخيصة وعادلة,,,,الحساب بيحاسبوكك بالسنت وكل واحد بياخد حقه,,,

نصيحة لله افضل في ألمانيا اكتر فترة ممكنة ,,,,,ولو قدرت تقعد علي طول وتاخد الجنسية يبقي حظك حلو, المانيا ضفرها برقبة كندا

بس المشكلة ان المانيا من غير الجنسية نعمة مش دايمة فبمجرد ماعقدك يخلص لازم ترجع مصر,,,وبالتالي افضل اطول فترة في المانيا وتعالي كندا,,,اكيد هي بردو احسن من مصر,,,,

اهههههههههههههههه فكرتني بألمانيا

[arabiccanada]

ياجماعة انا عايزة اخد رأيكم في حاجة بقالي كام يوم بفكر دماغي هتنفجر

دلوقتي انا واخدة قرض دراسي علشان ادرس تكنولوجيا المعلومات, الجزء فيه اللي هيترد سنويا 13 الف دولار يعني في سنتين 26 الف,,,,

انا بقي مرعوبة وخايفة موت لابعد سنتين بردو مالاقيش شغل ويبقي اتراكم عليا قرض كبير وماعرفشي ارده ولا أعرف أرجع مصر حتي!!!

تفتكرو الاسلم اني اكمل الدراسة وافضل علي القرض, ولا اسيب الدراسة واخد معونة اجتماعية وأعيش علي حد الكفاف وبلاها تعليم وشغل لغاية ما اخد الجنسية علي الاقل؟

نفسي طبعا اكمل الدراسة بس خايفة اورط نفسي,,,,انا اصلا صرفت اكثر من نص مدخراتي علي كندا لغاية دلوقتي,,,والباقي مايكفيش اسدد القرض لو ماشتغلتش.

تم تعديل 20 ديسمبر 2013 بواسطة arabiccanada

[arabiccanada]

اسره من 4 اشخاص (ولادهم صغار)

عندنا في كيبك مونتريال ارخص يا محمد

فاتورة الجاز و الهايدرو حوالي 90 دولار في الشهر

فواتير الموبايلات حوالي 80 دولار 2 اشخاص + ماجيك جاك لبيت ٤٠ دولار في السنه + نت حوالى ٥٠ بالشهر

تأمين العربيه 35 شهريا

كده حوالي 250 دولار من غير اكل و شرب و سكن

660 سكن

1300 مصروف بيت اكل و شرب

يعني 2500 على الأقل

ماذكرتش مصروف الاولاد اليومي او الشهري

ماذكرتش فاتورة التأمين الطبي الشهريه

ماذكرتش نقاط كتير مخفيه

حد يقدر يقولي من اللي عايشين في كندا ازاي ممكن يقلل المصروف اللي تحته خط فوق ده؟

مونتريال الارخص دائما بس مشكلتها الفرنساوى فقط و اللى يقدر عليه بقي علشان كده جايلك يا البرتا

زهير تقديره واقعي أكتر بالنسبة لنوفا سكوشيا . هنا بردو مستحيل اسرة تعيش بأقل من 3000 دولار (واحنا 3 افرد بس مش 4),,,,بس اللي غايظني ومجنني اني قابلت واحدة اسرتها 3 بردو وعايشة علي المعونة 1200دولار!!! طب ازاي ياجماعة وانا ب 3000 بعاني

في كيبك 2500 بردو مش قليل بالنسبة لمعاناة الفرنساوي,,,,,علي فكرة بردو في نوفاسكوشيا الوظائف المحترمة قليلة جدا,,,كله كاجوال

ب

[arabiccanada]

احصائيات التوبيك بتقول ان زاره32 عضو مع كدة 6 بالكتير اللي معلقيين,,,,,,,,ياريت ياريت ايها الزائر العزيز تفتيني في موضوع القرض الدراسي ولا المعونة ده, لاني عايزة كل رأي

[أدهم الشرقاوى]

ياجماعة انا عايزة اخد رأيكم في حاجة بقالي كام يوم بفكر دماغي هتنفجر

دلوقتي انا واخدة قرض دراسي علشان ادرس تكنولوجيا المعلومات, الجزء فيه اللي هيترد سنويا 13 الف دولار يعني في سنتين 26 الف,,,,

انا بقي مرعوبة وخايفة موت لابعد سنتين بردو مالاقيش شغل ويبقي اتراكم عليا قرض كبير وماعرفشي ارده ولا أعرف أرجع مصر حتي!!!

تفتكرو الاسلم اني اكمل الدراسة وافضل علي القرض, ولا اسيب الدراسة واخد معونة اجتماعية وأعيش علي حد الكفاف وبلاها تعليم وشغل لغاية ما اخد الجنسية علي الاقل؟

نفسي طبعا اكمل الدراسة بس خايفة اورط نفسي,,,,انا اصلا صرفت اكثر من نص مدخراتي علي كندا لغاية دلوقتي,,,والباقي مايكفيش اسدد القرض لو ماشتغلتش.

أنا هقول رأيي و الأجر على الله..

أنتى كدة كدة إتدبستى فى القرض الدراسى و فى الدراسة عموماً يبقى تكملى لحد الآخر بقى، أنتى دلوقتى لا تنفعى تلفى و ترجعى و تقولى بلاها دراسة ولا ينفع توقفى يبقى أنتى أصلاً ماقدامكيش إختيار غير إنك تكملى.

القرض الدراسى مش بيسجن، يعنى مفيش حاجة إسمها أصلى مش لاقى شغل بعد الدراسة و مش هقدر أسدد القرض الدراسى فهيحبسونى، مفيش الكلام دة على حد علمى. هيكلموكى و هتقعدى معاهم و هتوصلوا لإتفاق على مدة رد القرض فبلاش قلق من الحتة دى و مش هيمنعوكى من السفر لو حبيتى ترجعى مصر، ناس ياما ضربوا على قروض و أخدوا الجنسية و فلقوا على الخليج و لبسوا الحكومة فى القرض، حالات السيستم أبيوز مفيش أكتر منها.

الحاجة التانية هى إنك تتفائلى أكتر من كدة شوية و تاخدى بالأسباب و تحاولى تتعرفى على سوق العمل اللى هيتفتحلك بعد حصولك على الشهادة دة و تبدأى تدرسيه من دلوقتى و تشوفى متوسط الدخل قد إية للى معاهم شهادة زى دى و بيشتغلوا فين و فى أنهى مدن و بكم.

بالنسبة للمعونة مش عيب بس فى الأول بس عشان جو الشحاتة - سورى - بالنسبة لى مرفوض جملة و تفصيلاً و حرام علينا إننا نبقى قادرين على الشغل و نمد إيدينا، ربنا بيساعد اللى عاوز يساعد نفسه الأول، إعملى اللى عليكى، خلصى دراستك و سيبى البلد اللى أنتى فيها و دورى على شغل مناسب فى ألبرتا كمثال و إتوكلى على الله. و معلش يعنى فى الكلمة أنتى ماسبتيش بيتك و أهلك و أصحابك و روحتى آخر الدنيا عشان تمدى إيديكى و تعيشى ع الكفاف.

بالنسبة للمدخرات، مش أنتى لوحدك أنا أعرف ناس جت من الخليج و صرفت 100 دولار فى سنتين و بالتقريط يعنى 700 ألف جنية عادى كدة طاروا فى الهوا و شىء معروف إن كندا بلاعة و شفاط فلوس و ستقضى على أى مدخرات أنتى جايباها من بلدك الأصلى.

كل المهاجرين فى نفس موقفك و عدت المشاكل و الدنيا مشيت و كتير منهم زى الفل، ماتقلقيش.

تم تعديل 21 ديسمبر 2013 بواسطة أدهم الشرقاوى