تاتا تاتا بعد الهجرة الي كندا

[MZohairy]

بعد ما تخلصي دراسه عندك 6 شهور معفيه من سداد اقساط القرض

و تقدري تمدي فترة الاعفاء 6 شهور في 6 شهور لغاية ماتلاقي شغل تقدري تدفعي منه القسط الشهري.

بالاضافه الى انهم ناس متفاهمين جدااا

ده غير انك تقدري تخرجي بره كندا في اي وقت و محدش يقدر يمنعك

[arabiccanada]

شكرا يازهيري وياأدهم علي الردود ,,,طمنتوني رغم اني طبعي شكاكة وقلوقة ومش ههبط ابدا الا لما الاقي انا أو جوزي شغل,,, :sweat:

[arabiccanada]

علي فكرة احنا هننقل من هاليفاكس اخر الشهر ده وهنروح قرية صغيرة علي بعد 100 كيلو منها علشان جوزي يشترك في مشروع بحثي هناك(تطوع من غير مقابل مادي) . الخطوة دي لوحدها هتكلفنا كتير غير التعب والارتباك لاني انا كمان هنقل مكان دراستي لكن كل ده علشان جوزي ياخد كام شهر خبرة كندية وريفرنس والكلام اللي انتو عارفينه.

[MZohairy]

علي فكرة احنا هننقل من هاليفاكس اخر الشهر ده وهنروح قرية صغيرة علي بعد 100 كيلو منها علشان جوزي يشترك في مشروع بحثي هناك(تطوع من غير مقابل مادي) . الخطوة دي لوحدها هتكلفنا كتير غير التعب والارتباك لاني انا كمان هنقل مكان دراستي لكن كل ده علشان جوزي ياخد كام شهر خبرة كندية وريفرنس والكلام اللي انتو عارفينه.

محدش يسيب المدينه الكبيره اللي ممكن يلاقي فيها شغل و يروح يعزل و يسكن في مدينه اصغر

الا لو ناويين تعزلوا مره تانيه بعد ما يخلص المشروع البحثي

[شعبان متولي]

ازيكم يا جماعه ..

أولا أشكركم على الحوار المفيد جدا .. من خلال مناقشتكم قدرت أفهم حاجات كتير عن وضع المهاجر في كندا ..

أنا مصري عندي 32 سنة و بشتغل مهندس مدني .. مقيم حاليا في ألمانيا من 3 سنين .. عملت ماجستير في ألمانيا و حصلت على وظيفة بعدها كباحث في الجامعه بمرتب 3630 يورو .. صافي بعد خصم الضرائب و التأمين 2250 يورو .. انا كنت قدمت قبل ما اروح ألمانيا على هجرة كيبيك و جاتلي و عملت لاندينج في أبريل 2011 .. كنت وقتها في ألمانيا عملت اللاندينج و رجعت ألمانيا تاني ..

سؤالي هو .. ايه رأيكم؟ الموضوع يستحق انني اسيب اللي انا فيه في ألمانيا و اروح كندا؟!! انا عاجبني في كندا انها فيها تعددية عرقية و بلد مهاجرين بمعنى الكلمة .. مش ححس فيها انني اجنبي و شكلي مختلف زي ما بحس في ألمانيا .. ده غير انني اعتقد انني بعد ما احصل على رخصة المهنة كمهندس في كندا حقدر احصل على مرتب اكبر بكتير في كندا .. و لا ايه رأيكم؟ ايه رينج المرتبات في كندا للمهندسين؟؟

أنا أميل للإستقرار في فانكوفر

تحياتي

جيت للمكان الصح والشخص الصح للسؤال

انا قعدت 4 سنين في ألمانيا وصدقني اجمل ذكريات حياتي واجمل فترة قضتها في عمري

المانيا منظمة ورخيصة وعادلة,,,,الحساب بيحاسبوكك بالسنت وكل واحد بياخد حقه,,,

نصيحة لله افضل في ألمانيا اكتر فترة ممكنة ,,,,,ولو قدرت تقعد علي طول وتاخد الجنسية يبقي حظك حلو, المانيا ضفرها برقبة كندا

بس المشكلة ان المانيا من غير الجنسية نعمة مش دايمة فبمجرد ماعقدك يخلص لازم ترجع مصر,,,وبالتالي افضل اطول فترة في المانيا وتعالي كندا,,,اكيد هي بردو احسن من مصر,,,,

اهههههههههههههههه فكرتني بألمانيا

شكرا على التعليق ..

أنا عارف ان ألمانيا كويسة و منظمة و فير و كل حاجه .. و عندي الامكانية انني استمر في شغلي هنا و اخد الدكتوراه من جامعة شتوتجارت و اخد الجنسية بعد 3 أو 4 سنين من دلوقت .. بس لو استمريت في ألمانيا حفقد اقامة كندا و ده الي صعبان عليا .. عاجبني في كندا التنوع و فكرة ان الواحد مش حيحس فيها انه غريب او اجنبي لان كندا كلها مهاجرين اصلا ..

[arabiccanada]

تاني لو عندك فرصة تفضل في ألمانيا اوعي تسيبها وتيجي كندا,,,,المانيا دولة جبااااارة فيها كل حاجة في متناول الجميع,,,هنا الوضع أسوأ بكتير

[arabiccanada]

قراري النهائي هو اني استمر في الدراسة الترم الجاي ,,,,وادور في الصيف علي وظيفة (انشالله كاجوال) وابدأ دراسة السنة الجديدة بارت تايم بس من غير قرض,,,,هتكون الدراسة أطول وأصعب بس مش هبقي شايلة هم القرض

[arabiccanada]

علي فكرة انا حاسة اني عايشة في كندا ومش عارفة حاجة عن كندا ,,,بقرا عن اماكن كتير هنا جميلة في الصور وصعب أروحها من ناحية علشان الوقت ومن ناحية علشان التكاليف. المشكلة ان كندا كبيرة والسفر فيها مكلف,,,,يعني يادوب علشان اروح تورونتو اللي قريبة مني 1500 دولار ,,,,,,بس مش مشكلة هفضل اقرا واجمع معلومات لغاية ما اعرف ازور كل الاماكن.

نفسي بردو اختلط بالناس هنا أكتر ,,,حاسة اني في دوامة ومش عارفة أكلم حد,,,,,كل الناس مشغولة. نفسي في حياة هادية اكتر,,,مش كسل والله ,,,لاني بحب الشغل ,,,بس الحياة اللي الواحد فيها في دوامة مش بتخليك تعرف تفكر.

[شعبان متولي]

مرة تانية اشكرك على التعليق رغم انك ما شرحتيش انتي ليه شايفة ألمانيا افضل من كندا .. حضرتك كنتي بتدرسي في ألمانيا؟

عموما انتي قلتي ان في ألمانيا كل حاجه في متناول الجميع .. اتصورانك تقصدي جودة المواصلات العامة و القطارات و نطامها و الاسعار ارخص نسبيا من الحياه في كندا .. خصوصا لو ربطنا ده بكلامك عن تكاليف سفرك الكبيرة لتورونتو رغم انها قريبه نسبيا منك (ده سفر بالباص؟) ...

ايوه انا عندي فرصة البقاء في ألمانيا و الشغل في مجالي و عمل الدكتوراه في نفس الوقت مع الحصول على اقامة دائمة ثم جنسية .. انا بس فكرت في كندا عشان 1- التنوع الثقافي و العرقي 2- اللغة الانجليزية 3- اتصور انني ممكن اعمل فلوس اكتر على المدى الطويل ..

أما بالنسبة لقرارك باستكمال الدراسة و تجنب القرض فأعتقد انك احسن تاحدي القرض عشان تخلصي دراسة اسرع .. اعتقد ده اهم هدف بالنسبالك دلوقت .. الانتهاء من الدراسة باسرع وقت ..

انا خبرتي مع كندا متواضعه جدا .. يا دوب اسبوع اللاندينج في مونتريال بس ... انا كمان كنت اتمنى اروح اماكن تانية في كندا و اعرفها اكتر

[عبير يونس]

مرة تانية اشكرك على التعليق رغم انك ما شرحتيش انتي ليه شايفة ألمانيا افضل من كندا .. حضرتك كنتي بتدرسي في ألمانيا؟

عموما انتي قلتي ان في ألمانيا كل حاجه في متناول الجميع .. اتصورانك تقصدي جودة المواصلات العامة و القطارات و نطامها و الاسعار ارخص نسبيا من الحياه في كندا .. خصوصا لو ربطنا ده بكلامك عن تكاليف سفرك الكبيرة لتورونتو رغم انها قريبه نسبيا منك (ده سفر بالباص؟) ...

ايوه انا عندي فرصة البقاء في ألمانيا و الشغل في مجالي و عمل الدكتوراه في نفس الوقت مع الحصول على اقامة دائمة ثم جنسية .. انا بس فكرت في كندا عشان 1- التنوع الثقافي و العرقي 2- اللغة الانجليزية 3- اتصور انني ممكن اعمل فلوس اكتر على المدى الطويل ..

أما بالنسبة لقرارك باستكمال الدراسة و تجنب القرض فأعتقد انك احسن تاحدي القرض عشان تخلصي دراسة اسرع .. اعتقد ده اهم هدف بالنسبالك دلوقت .. الانتهاء من الدراسة باسرع وقت ..

انا خبرتي مع كندا متواضعه جدا .. يا دوب اسبوع اللاندينج في مونتريال بس ... انا كمان كنت اتمنى اروح اماكن تانية في كندا و اعرفها اكتر

أستاذ شعبان

أسمح لي ارد على حضرتك

ما تضيعش ابدا فرصة المانيا

اوروبا لا تزال و ستظل أرقى من الامريكتين و بها التنوع الثقافي الحقيقي و أصوله

اذا على اللغة الانجليزية فالحقيقة انا عن نفسي ارتاح لها جدا لانها ثقافتي الاجنبية الاولى لكن لو حضرتك عرفت الماني يبقى مفيش مشكلة

و عموما الالماني و الانجليزي اولاد عمومة :)

اما حكاية تعمل فلوس في كندا دي فانا مش حا تكلم اكيد حايردوا على حضرتك اللي هناك :cry:

كندا تاخد فلوسك بس و بعدين تديك اعانات لما ما تلاقيش شغل و لو اشتغلت كل ما دخلك يزيد الضرايب تزيد :)

يعني كل اللي قرأت لهم هنا شبه اجمعوا ان كندا مش سكة اللي عايز يعمل فلوس خااااااااااااالص و في زملاء كتير هنا كانوا بيسيبوا أسرهم في كندا و يرجعوا همة لشغلهم في الخليج عشان يقدروا يصرفوا عليهم !!!

احمد ربنا على نعمة ألمانيا

ياريت حضرتك تفتح موضوع عن ألمانيا نتعرف عليها أكثر من خلالك و خلال تجارب زملاءنا هنا

بالتوفيق ان شاء الله لحضرتك في كل قراراتك

و ربنا يكتب لك الخير

[شعبان متولي]

اشكرك يا استاذه عبير على التعليق ..

انا فعلا كنت بفكر انني افتح موضوع عن خبرتي في ألمانيا (دراسة و عمل) و كلامك شجعني انني ابدأ

تحياتي

[عبير يونس]

اشكرك يا استاذه عبير على التعليق ..

انا فعلا كنت بفكر انني افتح موضوع عن خبرتي في ألمانيا (دراسة و عمل) و كلامك شجعني انني ابدأ

تحياتي

جميل جدا

و انا حكون اول المتابعين

انا من عشاق العلوم و تحديدا الفيزياء و اعتقد ألمانيا هي جنة الفيزيائين :)

ده غير ان الثقافة الألمانية جديرة بالمعرفة

في الانتظار يا فندم

:flr1:

[arabiccanada]

شكرا يا عبير ويا أدهم علي الردود,,,,

أنا كنت في ألمانيا بعمل دكتراه في علم المصريات من جامعة

FU Berlin

الميزة الوحيدة اللي هتلاقيها في كندا عن ألمانيا انك مش هتحس انك غريب هنا,,,والكنديين بسطاء جدا بعكس الالمان اللي فيهم شوية تكبر وخشونة ,,,,رغم اني بموت فيهم لأني شايلة الجميل انهم ادوني منحة 4 سنين وعلموني حاجات جميلة. لو تحب تقرا عن طبيعة الشعب الكندي هنا:

http://www.arabiccanada.com/2013/11/blog-post_18.html

[arabiccanada]

اقرو القصة دي ,,,مش هتصدقكو ان فيه حد عايش كدة في كندا,,,بس الحقيقة ان فيه طبقة كاملة هنا كدة http://www.arabiccanada.com/2014/01/blog-post_14.html

[أدهم الشرقاوى]

اقرو القصة دي ,,,مش هتصدقكو ان فيه حد عايش كدة في كندا,,,بس الحقيقة ان فيه طبقة كاملة هنا كدة http://www.arabiccanada.com/2014/01/blog-post_14.html

الدنيا كلها مليئة بالفقراء و المساكين و المعاقين و أصحاب العاهات. الطبقة الكادحة هى الطبقة السائدة و الأكبر فى العالم و حالة الفقر هى الحالة العامة فى معظم دول العالم بس فى كذا شاهد هنا لازم نقف قدامهم، أولا هى لاجئة يعنى هربانه من مأساه إنسانية بكل المقاييس فى بلدها و جت على كندا و على الأقل لقت الأمان اللى مش موجود فى بلدها الأصلى يعنى إشترت حياتها و عمرها، ثانياً هى حتى لو شغالة بالمينيمم ويدج فهى فى النهاية بتشتغل و لا تحتسب كعاطلة و قادرة تاكل و تشرب و تعيش و فى 4 حيطان حواليها فى آخر الليل و دى حاجة - فى رأيي - كبيرة و إنجاز حقيقي لأن فى ملايين فى دولة زى مصر بيناموا تحت الكبارى و فى البرد و الحاجة الثالثة إنها مثابرة و فهمت السكة صح و عرفت إنها بالدراسة و هتوصل لوظيفة محترمة.

قصة واقعية تستحق القراءة و التأمل.

[arabiccanada]

اللي أنا قصدي فيه ياأدهم ان الحالة دي مش استثناء دي حالة منتشرة في كندا. واللي عايزاك تفهمه ان دي مشكلتها مش انها لاجئة ولا أن ابوها معاق. المشكلة انها بتشتغل بالحد الادني للاجر وفيه زيها مليون واحد في كندا من الكنديين نفسهم. الطبقة دي مطحونة تماما ولو شفت حياتهم ماتصدقشي ان دي كندا....بس هي دي كندا ياعبلة

[أدهم الشرقاوى]

اللي أنا قصدي فيه ياأدهم ان الحالة دي مش استثناء دي حالة منتشرة في كندا. واللي عايزاك تفهمه ان دي مشكلتها مش انها لاجئة ولا أن ابوها معاق. المشكلة انها بتشتغل بالحد الادني للاجر وفيه زيها مليون واحد في كندا من الكنديين نفسهم. الطبقة دي مطحونة تماما ولو شفت حياتهم ماتصدقشي ان دي كندا....بس هي دي كندا ياعبلة

قصة مؤثرة فعلاً...

بس صدقينى هى فى النهاية حسب تخيلك للواقع هناك و قرايتك و بحثك عنه، يعنى فى ناس بتروح و راسمة الحياة وردى و دول يا عينى أكتر ناس بيتصدموا لما بيروحوا هناك و كتير منهم بيرجعوا مصر!! يا عينى مش عارفين إن كندا هى فى النهاية بلد زى بلاد كتير فيها الكويس و الوحش و الغنى و الفقير و العيان و اللى صحته كويسة و فيها الحرامى و المسالم، بلد بيديرها بشر زينا بيصيبوا أحيانا و بيخطئوا أحيانا، عادى يعنى فيها و فيها.

و فى ناس، زى حالاتى عارف إنها لأ مش سهلة و مغامرة كبيرة و ممكن أخسر كل حاجة أنا كسبانها فى مصر بس أنا قابل المغامرة كلها كدة بحلوها و بمرها، قابل إنى ممكن أتمرمط فى الأول قابل إنى أدرس من أول و جديد و قابل إنى أشوف تحديات جديدة فى حياتى بس أنا عارف إية هى التحديات و بحاول أستعد لها نفسياً، أنا قابل كل دة فى مقابل مزايا كندا.

دة إذا كانت أمريكا اللى إسمها أمريكا مليانة مجرمين و هوملس و مشردين و معدلات الفقر عالية جداً، فعادى إن يكون فى مليون واحد فى كندا بالشكل دة، الحياة عموماً سواء كنتى جوا كندا أو براها هى غير عادلة بالمرة فمش معنى إن موقعهم الجغرافى جوة كندا إنهم لازم يعيشوا كويس أو يبقوا مبسوطين، مفيش ضامن لأى حاجة فى الدنيا، فى دول كاملة كل شعوبها عايشة عيشة أسوأ من كدة بمراحل، على الأقل دول لاقيين مينمم ويدج، فى غيرهم مش لاقى الأكل ولا أبسط أنواع العلاج.

تم تعديل 17 يناير 2014 بواسطة أدهم الشرقاوى

[شعبان متولي]

اكيد الفقر موجود في كل حتة في العالم .. لكن النسبة بتختلف من مكان للتاني .. النسبة دي منخفضة جدا في ألمانيا .. الدولة بتدي اعانة بطالة تكفل حياة كريمة لكل شخص .. لكن الوضع في امريكا و كندا مختلف .. المنطق هناك: البلد قدامك .. بلد الفرص .. انطلق و حقق احلامك .. بس لو نمت على الرصيف ما حدش حيساعدك ..

بس ده من الاسباب اللي كانت مخلياني عاوز اروح أمريكا الشمالية و اسيب ألمانيا .. ان امريكا و كندا بلد الفرص .. تقدر فعلا بالصبر و الكفاح تبقى حاجه كبيرة اوي و تعمل فلوس كتير جدا ..

[عبير يونس]

اكيد الفقر موجود في كل حتة في العالم .. لكن النسبة بتختلف من مكان للتاني .. النسبة دي منخفضة جدا في ألمانيا .. الدولة بتدي اعانة بطالة تكفل حياة كريمة لكل شخص .. لكن الوضع في امريكا و كندا مختلف .. المنطق هناك: البلد قدامك .. بلد الفرص .. انطلق و حقق احلامك .. بس لو نمت على الرصيف ما حدش حيساعدك ..

بس ده من الاسباب اللي كانت مخلياني عاوز اروح أمريكا الشمالية و اسيب ألمانيا .. ان امريكا و كندا بلد الفرص .. تقدر فعلا بالصبر و الكفاح تبقى حاجه كبيرة اوي و تعمل فلوس كتير جدا ..

فعلا امريكا وكندا بلد الفرص

بس ده لو سبتك من موضوع الوظائف و اشتغلت حر

زي الكندي T Harv Eker

صاحب كتاب أسرار عقول المليونيرات

The Secrets of the Millionaire Minds

كان مفلس و لما ضبط مفاهيمه عن المال و الثورة بقى مليونير

الكتاب ممتع

و على فكرة ممكن تنجح بمباديء الكتاب ده ..في أي مكان

كنت كتبت عنه في الموضوع ده

http://www.egyptiantalks.org/invb/index.php?showtopic=121770

[arabiccanada]

والله عاجبني حماسكم جدا,,,ونفسي يستمر طبعا ,,,,بالنسبة ليا كنت متحمسة جدا قبل ما اجي,,,لكن بعد ماجيت وشفت ان المهاجر بيهلك دراسة وشغل وفي الاخر يادوب بيجيب حق الايجار والاكل,,,والكنديين نفسهم بيطحنو نفسهم علشان يجيبوا اساسيات الحياة,,حماسي قل كتير ونزلت لأرض الواقع

بالنسبة بقي للفرص ,,,لسة مش حاسة ان دي بلد فرص,,,,الوظائف قليلة والاعمال الخاصة عايزة رأس مال تبدأ بيه ,,,مافيش منح دراسية زلا برامج تساعد المهاجر بجد,,,,كل اللي بيقدمه مركز المهاجرين معلومات ممكن تلاقيها علي النت.

شعبان متولي : يارب تبقي قررت تخليك في ألمانيا, بس لو قررت تيجي , حاول تنزل الربتا او بريتش كولومبيا او حتي تورنتو,,,,اوعي تهوب ناحية المقاطعات الشرقية : نوفا سكوشيا نيوفوندلاند ونيوبرنزويك,,,دخول منخفضة وضرايب عالية ووظائف نادرة والكنديين نفسهم بيهربو منها للغرب.

بحاول ما ييأسي,,لان الرجوع لمصر مش مقبول خالص بالنسبة ليا,,,قال ايه اللي جبرك علي الهم :)