أرقام مباحث الانترنت

[عادل أبوزيد]

حركة جديدة على تويتر تدعو للابلاغ عن الصفحات التي تحرض ضد الجيش أو الشرطة

"#حركة_كايدينهم رجاء النشر ارقام مباحث. الانترنت للابلاغ عن الصفحات المحرضه على.الشرطة و الجيش.. 0227921490 - 0227921491 - 0227921487."

9:51 PM - 29 Nov 2013

[Egizio]

حركة جديدة على تويتر تدعو للابلاغ عن الصفحات التي تحرض ضد الجيش أو الشرطة

"#حركة_كايدينهم رجاء النشر ارقام مباحث. الانترنت للابلاغ عن الصفحات المحرضه على.الشرطة و الجيش.. 0227921490 - 0227921491 - 0227921487."

9:51 PM - 29 Nov 2013

السلام عليكم ،

تحياتى أستاذ عادل.

قمت بواجبى بالإبلاغ عن عن أحد الصفحات المحرضة ضد الجيش والشرطة والأزهر ، بل المحرضة على الفتنة بين المصريين .

تريد أن تعرف ماذا حدث :

أمسكت بالهاتف وإتصلت بالرقم :0020227921490 جرسسسسسسسسسسسسسسس طويل -لكن كل يهون علشان خاطر مصر-

-

وفى النهاية: أيو يا باشا

سلام عليكم مباحث الإنترنت، أيو ياباشا لحظة واحدة ها وصلك بالمكتب، إنتظار طوييييييييييل ثم ينقطع الإتصال

إتصلت مرة ثانية ، جرسسسسسسسسسسسس طويل -لكن كل يهون علشان خاطر مصر-

وفى النهاية :أيو ياباشا

لو سمحت أكلم حد من مباحث الإنترنت، لحظة واحدة ياباشا هاوصلك بالمكتب، إنتظار طويييييييييييل ثم ينقطع الإتصال

إتصلت مرة ثالثة،جرسسسسسسسس أطول من المرتين السابقتين -ولكن كل يهون علشان خاطر مصر-

لو سمحت مرتين تقولى هاوصلك بالمكتب وينقطع الإتصال، أنا باتصل من إيطاليا .

لحظة واحدة هاوصلك بالمكتب ، إنتظار طوييييييييييييييييييييييييييييييييييييييل مرة ثالثة ،-ولكن كل يهون علشلن خاطر مصر -!!!!!!!!!!

أيو يافندم مباحث الإنترنت ،تحت أمر حضرتك .

لو سمحت أنا عايز أبلغ عن أحد الصفحات المحرضة على .............................. بين المصريين .

حضرتك علشان تبلغ ، لازم تعمل توكيل لمحامى ويتولى الموضوع هو !!!!!!!!!!!!!!!!!!!!!!!!!!

طيب أنا باتصل من إيطاليا، ها وكل محامى إزاى!

يبقى لازم حضرتك تعمل توكيل فى السفارة وهم يتولى المهمة!!!!!!!!!!!!!!!!!!

أمال الإعلان اللى إنتو حاطين على النت ( فالصو) ولا إيه!!!!!!

لا يافندم مش فالصو ، إحنا حاطينو علشان نقولك تعمل إيه !!!!

شكرآ مع السلامة.

عوضى على الله فى ثمن المكالمة !

الأن أتذكر قول المرحوم /محمود درويش :

أيلام الذئب على عدوانه إن يك الراعى عدو الغنم

[عبير يونس]

الفاضل أستاذ فرماوي

الحقيقة انا قرأت مداخلة حضرتك و كنت بالفعل سأرد على حضرتك

بس للأسف انشغلت

مش عارفة الحقيقة اقول ايه... بس اللي حصل مع حضرتك

قد يكون اهمال وظيفي من المنوطين بالرد على حضرتك و ما كانوش عايزين يشتغلوا

و ليته كان ذلك وحسب

لكن الخوف ان تكون الارقام مغشوشة لمنع الناس من التبليغ

ونسيان الامر

لا اود أن يفوتني أن أشيد بايجابية حضرتك و استعدادك للمساعدة و هذا شيء ايجابي جدا بارك الله فيك

و أوجه دعوة مع حضرتك لمن يرى الموضوع من السادة المسؤولين للوقوف على حقيقة أمر هذه الأرقام

و هل هي صحيحة و من ردوا هم المقصرين

أم أن هناك تلاعب متعمد ؟؟؟

[Egizio]

يا أستاذة/ عبير تحياتى لحضرتك ،

من طريقة الرد واضح إنها-للأسف- صحيحة !

ولكن أنا نقلت ما حدث (للسخرية ) فقط من الوضع الحالى ، المشابه للسابق، المماثل للأسبق .

[عبير يونس]

يا أستاذة/ عبير تحياتى لحضرتك ،

من طريقة الرد واضح إنها-للأسف- صحيحة !

ولكن أنا نقلت ما حدث (للسخرية ) فقط من الوضع الحالى ، المشابه للسابق، المماثل للأسبق .

طبيعي يا أستاذي

و هل تغير الناس ؟؟

الموظفون همة همة .. ماذا تغيّر ؟

لا ينبغي الافراط في التفاؤل كما لا ينبغي الغرق في الاحباط

نجونا من موت محقق

لكن لازالت الصحة معتلة و يلزمنا العلاج

لكن لا تفقد يقينك

التغيير ليس مستحيلا

شريطة ان يكون من الداخل للخارج

تحياتي لايجابية حضرتك