نعم للدستور نعم للاستقرار

[egyptawy]

نعم للدستور نعم للاستقرار

نعم لدستور خلصنى من نسبة 50% عمال وفلاحين

[tarek hassan]

شكرا فعلا لعمرو موسى ... كان ختام أعماله مسك ...الجميع أنجز من أول لجنة العشرة مرورا بكل أعضاء لجنة الخمسين حتى حزب النور ....

تحية لممثلي تمرد وقد كنت متخوفا منهما

أتمنى أعلى نسبة تصويت بنعم

تم تعديل 1 ديسمبر 2013 بواسطة tarek hassan

[Salwa]

http://www.youtube.com/watch?feature=player_embedded&v=BuhAhuHR34w

يارب تكون دى بداية الاستقرار .

هذه وصلة من جريدة الوفد تظهر ممثل المعوقين يبكى اثناء عزف السلام الوطنى.

هذا الانسان الجميل معاق ( جسديا فقط ) لكنه غير معاق ذهنيا ككثيرون يرتعون فى بلهنية العيش ولا يشعرون بالكادحين من ابناء هذا البلد الطيب .
كم انت عظيم اايها المصرى الأصيل .

كم انت عظيم ياشعب مصر الطيب .

ان شاء الله سوف تنتصر مصر على نفسها اولا .....وعلى كل من يحاول تدميرها .

ربنا كبير وعظيم وقادر على كل شئ .
قادر على تبديل الحال ..الى الأفضل .

تحيا مصر .

تحيا مصر عظيمة قوية متماسكة .

يارب اصلح الحال واجمع شمل ابناء بلدى .

[أبو محمد]

مدام سلوى

شكراعلى الموضوع وشكرا على وصلة "الوفد"

التى عرضت ختام العمل العظيم

وسمحت لنفسى بإظهار الفيديو بدلا من الوصلة

ليكون مسك ختامها فى صدارة موضوعك

فى الحقيقة تابعت عملية التصويت بكل الفخر

عصر اليوم رأيت عدم حصول أربع مواد على 75% من الأصوات

خرجت لبعض شأنى .. وعدت فوجدت اللجنة قد توافقت على المواد الأربع

شاهدت أجمل ختام لأفضل عمل يضارع فى عظمته

ما تقوم به قواتنا المسلحة والشرطة من حرب على الإرهاب الأسود

ترقرقت عيناى لرؤية العضو متحدى الإعاقة يحمد الله ثلاثا ويمسح دموعه

ورؤية المحامية الحقوقية منى ذو الفقار وعيناها محمرتان

قارنت هذا المشهد بذاك المشهد منذ عام

وحمدت الله كثيرا على أول استحقاقات 30 يونية

ستنزل جموع 30 يونية لتبدى رأيها فى أول إنجازاتها

على طريق الخروج من ظلام الاستبداد ودولة ولاية الفقيه

إلى نور حكم الشعب بالشعب للشعب

تحيا مصر وتسقط عصابة اليد السوداء

[أبو محمد]

الفاضل إيجيبتاوى

يبدو ان اليوم هو يوم الاعتذارات لك

:)

لسبب ما ظهرت مداخلة مدام سلوى بمجرد فتحى للموضوع

أكيد مش حتزعل عندما نسبت فضل فتح الموضوع لمدام سلوى

:)

ماهى أختك الكبيرة برضه

[herohero]

أتمنى ان الناس تكون عارفه وان يتم توعيتها بالمواد في الدستور وما التعديلات اللي اتعملت ع دستور الظلام !!!!! لان ده تعديلات لا اظن ان الدستور اتعمل من أول وجديد عموما أتمنى ان يتم عرض مواده كما تم عرض مواد دستور الظلام الا لو عاوزين الناس توافق ع دستور لسه نسخته النهائية صدرت من سويعات

واتمنى ان لاارى تظاهرة للتصويت بنعم ولا استغلال دور العبادة ولا اي مظهر من المظاهر السلبية اللي ظهرت من قبل الناس تقرا وتفهم ومهمة الاعلام توضيح هذا للرجل البسيط اتمنى فعلا ان يكون هذا ولما نشوف

كم اتمنى ان تتم مقارنة دستور 2012 بالدستور المعدل عشان الامور تبقى واضحه والناس تبقى ع بينة اما لو عاوزين توجيه الناس وخلاص يبقى شئ ثاني يعني نعمل زي اللي كنا بنعيب عليهم والجوامع تشتغل بنعم والكنائس

هي جملة امتداد مصر الاسيوي وكانت من اضافه عمرو موسى موجوده ف التعديلات ولا اتشالت !!!!!! طبعا ع اساس ان سيناء ف افريقيا طبعا

تم تعديل 1 ديسمبر 2013 بواسطة herohero

[eslam elmasre]

ايوا كده

خلينا نخلص

الواحد كان بدأ يقلق بجد لكن الحمد لله تم تنقية الدستور من المواد المعيبة والتي لا تليق بمصر 2013

[herohero]

مقارنة أتمنى من الافاضل الاضافة اليها حتى يكون الراي والاختيار مبني ع شئ ملموس بعيدا عن اهوئنا الشخصية

بين دستور 2012 و دستور 2013.pdf

[egyptawy]

مقارنة أتمنى من الافاضل الاضافة اليها حتى يكون الراي والاختيار مبني ع شئ ملموس بعيدا عن اهوئنا الشخصية

الفاضل هيرو وهل يجوز مقارنة اعظم دستور فى تاريخ البشرية الا هو دستور 2012 باى دستور اخر

اكيد المقارنة هتكون ظالمة وغير عادلة

كبر مخك يارجل

تم تعديل 2 ديسمبر 2013 بواسطة egyptawy

[herohero]

الفاضل هيرو وهل يجوز مقارنة اعظم دستور فى تاريخ البشرية تلا هو دستور 2012 باى دسستور اخر

اكيد المقارنة هتكون ظالمة وغير عادلة

كبر مخك يارجل

هههههههههههه هو 2013 دستور جديد ؟؟؟ الامر ملتبس عندك لا هو تعديلات مبنية ع دستور 2012 دستور الظلام وع فكرة الاستاذ عمرو موسى كان في دستور الظلام برده في 2012

شوف ياعزيزي لو حضرتك بتحب تتعامل مع الامور زي ماهي كده ومع الرايجه ده شئ ثاني انما لو بتحب تاخد قرارك بناء ع اقتناع ده شئ ثاني فيعني اللي اتوقعه ان اللي عاوز يفهم ويستوعب لازم يقارن ويشوف السلبيات اتعالجت ولا لا ، اما لو نظام اه ده احسن دستور ومفيش زيه يبقى ده شئ اخر وفعلا كبر مخك

يكفي ان الدستور الحالي اتشالت منه امتداد مصر الاسيوي وكان صاحب الجملة ده عمرو موسى وبالتالي يبقى مصر مالهاش وجود في أسيا

تم تعديل 2 ديسمبر 2013 بواسطة herohero

[tarek hassan]

هههههههههههه هو 2013 دستور جديد ؟؟؟ الامر ملتبس عندك لا هو تعديلات مبنية ع دستور 2012 دستور الظلام وع فكرة الاستاذ عمرو موسى كان في دستور الظلام برده في 2012

شوف ياعزيزي لو حضرتك بتحب تتعامل مع الامور زي ماهي كده ومع الرايجه ده شئ ثاني انما لو بتحب تاخد قرارك بناء ع اقتناع ده شئ ثاني فيعني اللي اتوقعه ان اللي عاوز يفهم ويستوعب لازم يقارن ويشوف السلبيات اتعالجت ولا لا ، اما لو نظام اه ده احسن دستور ومفيش زيه يبقى ده شئ اخر وفعلا كبر مخك

يكفي ان الدستور الحالي اتشالت منه امتداد مصر الاسيوي وكان صاحب الجملة ده عمرو موسى وبالتالي يبقى مصر مالهاش وجود في أسيا

هو صحيح اسمه تعديل .... بس يعتبر دستور جديد لأن كل مواده تقريبا قد تم تعديلها بالإضافة لما حذف ولما أضيف .. ولا تنس إن عمرو موسى انسحب من لجنة دستور 2012

تم تعديل 2 ديسمبر 2013 بواسطة tarek hassan

[herohero]

انسحب ليس اعتراضا ع الدستور كله وبعدين التعديبلات ليست جوهرية ولو كان 2012 دستور ظلامي لما كان تم تعديله وما كنت بنادي به ان لا نكون كمن عيبنا عليهم ماهم برده كانوا بيقولوا نعم للدستور نعم للاتقرار نعم عشان العجلة تمشي

بذمتكم هل تم طرح مواد الدستور اعلاميا كما طرح من قبل 2012 ياراجل كانوا بيمسكوا حرف حرف وانا امبارح شوفت الطرح الاعلامي مختلف خااااااااااااالص يعني اللي يقولك مش مهم لو مادة ولا مادتين ولا 10 مش عاجبينك المهم الباقي

انا بتكلم بالمنطق اما لو عاوزين نعمل زي ما اللي عيبنا عليهم ماعملوا خلاص واتمنى ان لا ارى استغلال لدور العبادة !!!!!!!!!1 ولا دلوقت هيبقى استغلال محمود واتمنى ان لا ارى تدخلا لرجال الدين واتمنى ان يكون الاعلام بيعرض فقط وغير موجه لراي الناس

ده اللي امتناه وانا ارفقت ملف فيه مقارنة بين 2012 وال2013 واعلم ان القليل من يفكر بهذا الهدف هو الموافقة وخلاص او ع الطرف الاخر الرفض لمجرد الرفض

وبصراحه ده ما يفرقش كثير عن اسلوب من كنا نعيب عليهم توجيههم للناس او زي مابتقولوا خرفاااااااااااااااااان هو نفس سياسة القطيع

[tarek hassan]

ولو كان 2012 دستور ظلامي لما كان تم تعديله

أنت تعلم أن جميع من اشتركوا في خارطة الطريق أجمعوا على إسقاط الدستور ماعدا حزب النور وهدد بالانسحاب فتم إرضاؤه بكلمة تعديل بدلا من إسقاط ....

[أبو محمد]

أنت تعلم أن جميع من اشتركوا في خارطة الطريق أجمعوا على إسقاط الدستور ماعدا حزب النور وهدد بالانسحاب فتم إرضاؤه بكلمة تعديل بدلا من إسقاط ....

هو حزب النور فى الحقيقة شارك مشاركة فعالة

ما سابش مادة إلا وامتنع عن التصويت عليها

يعنى هو المندوب بتاعهم كتر خيره

كان بيجيب "الجتة" الصبح وياخدها بعد الضهر

وما نساش - برضه كتر خيره - يطلع بره القاعة

يرد على التليفون ساعة عزف النشيد الوطنى

بس أكيد حتلاقيه دلوقتى فى عزومة الغدا

[herohero]

برده مش ده قصدي يعني انا أتمنى ان الاقي مناقشات وعرض ف الاعلام لمواد الدستور ونقول كان كده في 2012 وغيرناها للاحسن او للافضل ما يبقاش ابالسلوب الي انا بشوفه تطبيل وخلاص ولازم كلنا نقول نعم

وخلاص ومازلت مصر انه شوية تعديلات مش جوهرية عما كان في 2012 ويمكن تمتاز بأن اي كلمه فيها اسلام اتشالت ده التغيير الجذري وموضوع ان مصر لها امتداد أسيوي غير كده انا شايف ان ف مجمله ما يفرقش عن 2012 وانا حطيت مقارنة وعارف ان الاعضاء هنا مش هيعجبهم مجرد الكلام او التفكير لكن ما ينفعش اون بعيب ع فصيل واعمل زيه واتمنى ان لا اجد استغلال لدور العبادة ولا الاعلام ولا توجيه الناس لقول نعم عشان الاستقرار وده نفس كلام الاخوان من قبل

" مش مهم مادة او مادتين او 10 مواد المهم ننزل ونقول نعم "" لميس الحديدي !!!!

تم تعديل 2 ديسمبر 2013 بواسطة herohero

[أبو محمد]

الدكتور جابر نصار رئيس جامعة القاهرة .. والبكاء فرحا

تحية له رغم رسالتى "القاسية" التى حملتها لأحد أصدقائى

كان مسافرا للقاهرة وضمن جدوله زيارة لمكتب الدكتور

قسوت عليه لخروجه يوم الخميس متهما الشرطة بقتل محمد رضا

وعبت عليه وهو رجل القانون الجليل تنصيب نفسه مدعيا وقاضيا

(اليوم أعلنت النيابة أن محمد رضا قتل من داخل الجامعة وليس من خارجها)

اليوم أحييه واقدره وأقدر جميع أعضاء الخمسين عدا واحدا

رفض الوقوف للنشيد الوطنى واعترض أو امتنع عن التصويت

على جميع مواد الدستور تقريبا

http://www.youtube.com/watch?feature=player_embedded&v=R_tk5tJOpAY

[herohero]

"باسم القانون يُضيع العدل.. وباسم الديمقراطية تُبدد الحرية.. وباسم هيبة الدولة تهدد الكرامة".

هكذا كتب دكتور مصطفى حجازي المستشار السياسي للرئيس، على صفحته على فيس بوك في 11 أكتوبر 2012.

أتحدى يقدر يقولها دلوقت او غيره !!! حيادية بالمهلبية

[أبو محمد]

كان هذا الرجل العظيم

هو نجم جلسة التصويت الختامية

[tarek hassan]

كان هذا الرجل العظيم

هو نجم جلسة التصويت الختامية

فعلا ... هذا الرجل ... كان نجما خلال المناقشات وكان نجم النجوم يوم التمام منها .... جعلني أبكي وهو يقول الحمد لله الحمد لله الحمد لله .... تحامل على نفسه وقالها وهو يقف احتراما للسلام الوطني ...

هو وطني في الوقت الذي تهرب غيره الغير معوق بدنيا من التعليق أو حمد الله أو الوقوف احتراما للسلام الجمهوري تحية لمن اكتشفوا واختاروا الدكتور العبقري : محمد المساح للجنة الخمسين

مليون تحيه للدكتور محمد المساح ممثل ذوي الاحتياجات الخاصة بلجنة الخمسين لوقوفه للسلام الوطنى رغم اعاقته الجسديه كان بيبكى وبيردد السلام الوطنى حسيت فى نظرة عنيه بيحب مصر قد ايه مع ان كل الظروف ضده بيشتغل علشان بلده وفى نفس اللقطة بنشوف ممثل حزب النور بينسحب علشان مايقفش للسلام الوطنى .

نفسى اسأله ياترى انت ظروفك اصعب من ظروفه ولا مصر جت عليك اوى علشان كدة كرهتها

تم تعديل 2 ديسمبر 2013 بواسطة tarek hassan

[tarek hassan]

يجب التصويت بنعم علشان الشريعة

• 
  
  
  

  
  

  
  

  
  

  
  

  
  

  
  

  
  
  
  
  
• 
  
  
  

  
  

  1,938 مشاركة

  
  

  
  
  
  
  
• 
  
  
  

  

  
  

  
  

  
  

  
  

  
  

  Mary Kamal مسيحيه وموافقه عليها

  
  

  أعجبني · الرد · 153 · منذ 2 ساعات