السيسي أفضل شخصيه في العالم لعام 2013 في استفتاء التايم الامريكية

[عبير يونس]

ملحوظة

رئيس الجمهورية المؤقت اسمه عدلي محمود منصور و ليس عطية

[herohero]

استاذه عبير هو حضرتك مش بتعترفي بالارقام ، مش عارف اردوغان وحش وشرير وفاشل [امارة ايه ؟؟؟ هو حضرتك ماتعرفيش ان تركيا بقت أملة لكثير من الشعوب العربية ماتشوفي الانجازات بجد اللي حصلت هو احنا ليه بنتعامل ع مستوى الشخصيات ماتشوفي الدكتور زويل قال ايه ف حق اردوغان ماتشوفي النجاحات اللي الراجل عملها ،مش فاهم ليه اختلافنا مع مفهوم سياسي للشخص يخلينا نفقد الحيادية

تركيا تقدمت جداااااااااااااا بفضل اردوغان ده الواقع اللي حضرتك عاوزة تنكريه عادي انما التقارير الاقتصادية بتتكلم والواقع موجود شوفي كده ابسط شئ برنامج خاوطر لما جاب تجارب تركية ف حل الكثير من المشكلات

استاذه عبير " طق الحنك " مفيش اسهل منه انما الحقيقه اردوغان شخص ناجح واداري ناجح ايا كان اختلافك مع توجهه السياسي والكلام ده مكتوب ومذكور مع كامل احترامي من شخصيات لها ثقلها والارقام والتقارير بتقول كده

[عبير يونس]

خلونا نتكلم بصراحه لا مرسي ولا اي رئيس يقدر يعادي أمريكا حاليا ،لكن يجب ان نكون واضحين انا ف نظري مرسي والفريق السيسي كلاهما ساهما ف تدمير فكرة الاسلام السياسي ، وان فكرة قيام نظام حكم يستند ع الحكم الاسلامي نام فاشل ده الراسلة اللي عاوز يوصلها مرسي بغبائه والفريق السيسي وحزب النووووووووووور اللي حضراتكم فاكرين انه بيشتغل لمصلحه تطبيق الشريعه بالعكس ده أكثر واحد ضر الاسلام هو النماذجالشاذة اللي الكل كان بينتقدها ماهي كانت تبعه مين لالي اتكلم ع زواج البنت وهي 9 سنوات والبلكيمي وغيره وغيره فالكل تحالف ع اسقاط لدي الناس فكرة ان الاسلام هو الحل

عموما معنى شخصية العام ليس معناها انه انجح شخصية او افشل شخصية ده شخصية تم تناولها كثيرا وكانت محط اهتمام وعادي لو الفريق السيسي شخصية العام هل ده هيرفع من مستوى دخل المواطن المصري

هو المواطن المصري البسيط بيقرا مجلة التايمز اللي ثمنها من سنييييييين 16 جنيه !!!!!

المواطن المصري همه ياكل ويشرب كويس يطلع مين شخصية العام مش مهم

و هو فعلا الاسلام السياسي مرفوض تماما

و غير مرحب به في مصر نهائيا

و شكرا لغباء و مرسي و بلاهة حزب النور و دهاء السيسي

بس اسمح لي المواطن المصري دي فحضرتك بتتكلم في 90 مليون ..مش كلهم زي ما حضرتك متصور

و في في مصر أثرياء من غير ما يروحوا الخليج ممكن اوي يشتروا التايمز و اللي اتشددوا لها كمان :)

اتفاءل شوية يا هيرو

الحياة حلوة بس نفهمها ... وش فريد الأطرش :)

[عبير يونس]

استاذه عبير هو حضرتك مش بتعترفي بالارقام ، مش عارف اردوغان وحش وشرير وفاشل [امارة ايه ؟؟؟ هو حضرتك ماتعرفيش ان تركيا بقت أملة لكثير من الشعوب العربية ماتشوفي الانجازات بجد اللي حصلت هو احنا ليه بنتعامل ع مستوى الشخصيات ماتشوفي الدكتور زويل قال ايه ف حق اردوغان ماتشوفي النجاحات اللي الراجل عملها ،مش فاهم ليه اختلافنا مع مفهوم سياسي للشخص يخلينا نفقد الحيادية

تركيا تقدمت جداااااااااااااا بفضل اردوغان ده الواقع اللي حضرتك عاوزة تنكريه عادي انما التقارير الاقتصادية بتتكلم والواقع موجود شوفي كده ابسط شئ برنامج خاوطر لما جاب تجارب تركية ف حل الكثير من المشكلات

استاذه عبير " طق الحنك " مفيش اسهل منه انما الحقيقه اردوغان شخص ناجح واداري ناجح ايا كان اختلافك مع توجهه السياسي والكلام ده مكتوب ومذكور مع كامل احترامي من شخصيات لها ثقلها والارقام والتقارير بتقول كده

اتحفظ على عبارة طق الحنك

بس حاقبلها من اخويا الصغير اللي حماسه زيادة شوية :)

ما ينجح قردوغان يا هيرو

و تركيا تبقى أملة يا فندم

همة في حالهم واحنا في حالنا

ناجح و تركيا بيموتوا فيه احنا مالنا ؟؟؟ وحايفيد المصريين في ايه ده ؟؟

احنا يهمنا مصر حضرتك

هو يبقى لنا احنا ايه ؟؟

انا ارفض مقارنته بأقل مصري في مصر لأني طبعا مش حاختار تفضيله هو

بس كده و ببساطة

أما انجازاته الاخوانية فتابع اخباره عمل ايه في شعبه لما تظاهروا

:)

[محسن محمد سميح]

اردوغان المسلم المتعاطف أقرب الي من السيسي القاتل لابناء وطنه
((لا يوجد مبرر للقتل ))
ما فعله السيسي من جرائم فى حق ابناء شعبه يخرجه من الوطنيه ثم يخرج الينا المغنيين والراقصات يتغنون تسلم الأيادى
اي ايادى تسلم بعد هذا القتل البشع بل شلت الأيادى اللتى قتلت جاري واعتقلت اخى بمجرد انه يسير فى مظاهرة سلميه
اردوغان هذا الذى يسمى الان قردغان ،المذيعين المنافقين ايام مرسي كانوا يتغنوا به ويطالبون بحاكم مثله لمصر

((من ظن ان الباطل سينتصر على الحق فقد اســـــاء الظن بالله)) يوما ما سيحاكم التاريخ السيسي على جرائمه

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

اختلف معك استاذه عبير بشدة

[عبير يونس]

محسن محمد سميح, on 07 Dec 2013 - 3:10 PM, said:

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

اختلف معك استاذه عبير بشدة

و أنا احترم رأي حضرتك و لا يزعجني اختلاف حضرتك معي في اختيارك لمن يكون ولاءك

وإن كنت أرى أن الولاء ل " فكرة" الأوطان أبقى و أدوم بينما "الأشخاص" يفنون

و اتفق مع حضرتك بشدة في الدعاء اللي حضرتك كتبته

و أقولها معك بكل يقين في الله تعالى

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

امين امين امين

[محسن محمد سميح]

شكرا لسعة صدرك وتقبلك الرأي الاخر

[herohero]

اتحفظ على عبارة طق الحنك

بس حاقبلها من اخويا الصغير اللي حماسه زيادة شوية :)

ما ينجح قردوغان يا هيرو

و تركيا تبقى أملة يا فندم

همة في حالهم واحنا في حالنا

ناجح و تركيا بيموتوا فيه احنا مالنا ؟؟؟ وحايفيد المصريين في ايه ده ؟؟

احنا يهمنا مصر حضرتك

هو يبقى لنا احنا ايه ؟؟

انا ارفض مقارنته بأقل مصري في مصر لأني طبعا مش حاختار تفضيله هو

بس كده و ببساطة

أما انجازاته الاخوانية فتابع اخباره عمل ايه في شعبه لما تظاهروا

:)

طق حنك كلمة مافيهاش حاجه ، استاذه عبير خاللللللللللص ده كلمة تعبر عن واقعنا اننا بنتكلم كثير عن امجادنا ف الماضي انما الحاضر شاهد ع واقعنا عموما انا بعتذر لو حضرتك فاهماها غلط

استاذه عبير هو المواطن المصري اللي بيشتري مجلة التايمز !!!هو نفسه اللي بيعاني من عدم توافر رغيف الخبز ابو 5 قروش هو اللي عنده أزمة البوتوجاز اما الباقي مش فارق معاه استاذه عبير هو نسبة قراء مجلة التايمز ف مصر اد ايه !!!استاذه عبير الناس اللي بتقرا مجلة التايمز امورها ماشية سواء مرسي جه ولا السيسي ولا غيره استاذتي ، حضرتك مصرة تتعاملي مع الامور بعاطفية وده شئ ثاني ، انا راجل عملي وبحب الارقام هات ليا تقارير التنمية البشرية من ايام مبارك وهاتي ليا ارقام التقارير الاقتصادية !!!استاذتي انا كنت من المعجبين والمتيمين بجمال مبارك ولا اخجل من ذلك وكنت ضد سياسات والده لكن هل جمال مبارك كان يصلح لمصر 90 مليون !!!!! لاطبعاااااااااااااا

الخلاصة للاسف أردوغان بالارقام والتقارير هو أحسن من كثيرين عندنا في مصر وللاسف الشديد هو نجح ف تحقيق الكثير

وده كلام مسجل والانجازات تتحدث

اوعي تكوني بتتفرجي ع مسلسلات تركية !!!!

[Hossam Siyam]

خد اللقب او ماخدوش

السيسى اصبح بطل شعبى وتربع باقتدار على عرش قلوب المصريين

حضرتك انا مصري والسيسي متربعش على قلبي ولا على كلويا الرجاء عدم التحدث بالنيابة عني

[tarek hassan]

يا ريس مرسي كان فاشل ومتامر على مصر هو وامريكا

ماشي الكلام

وجاء السيسي البطل ليخلص مصر من فشل مرسي ويوقف المؤامرة الامريكيه

فعزل مرسي وكمان طرد السفير التركي

طب خليه يكمل جميله (كمل جميلك) ويخلصنى من المؤامرة ويقطع العلاقات ؟

قطع بد أمريكا وأرجلها في البلد في هو الإنجاز

تنفيذ مخططاتها كانت هي الخيانة بعينها

فعل ذلك وهو ليس رئيسا فما بالك لو كان الرئيس

تم تعديل 7 ديسمبر 2013 بواسطة tarek hassan

[herohero]

ياجماعة الخير فين بس قطع يد أمريكا !!!!اتعجب هو يعني لما الاقي دعم من دول اخليج بشدة وبسخاء غير معهود ياترى ده لقطع يد أمريكا !!!اينما وجد الخليج فأمريكا هناك النفس اللي بيتنفسه الخليج باذن أمريكا ،امريكا تقول ادي مصر يدي مصر ، ادي لبنان بيدي لبنان

وبما ان هناك دعم لامحدود خليجي لمصر حاليا يبقى الكلام ده ع كيف أمريكا هذا هو منطق الامور

[عبير يونس]

طق حنك كلمة مافيهاش حاجه ، استاذه عبير خاللللللللللص ده كلمة تعبر عن واقعنا اننا بنتكلم كثير عن امجادنا ف الماضي انما الحاضر شاهد ع واقعنا عموما انا بعتذر لو حضرتك فاهماها غلط

استاذه عبير هو المواطن المصري اللي بيشتري مجلة التايمز !!!هو نفسه اللي بيعاني من عدم توافر رغيف الخبز ابو 5 قروش هو اللي عنده أزمة البوتوجاز اما الباقي مش فارق معاه استاذه عبير هو نسبة قراء مجلة التايمز ف مصر اد ايه !!!استاذه عبير الناس اللي بتقرا مجلة التايمز امورها ماشية سواء مرسي جه ولا السيسي ولا غيره استاذتي ، حضرتك مصرة تتعاملي مع الامور بعاطفية وده شئ ثاني ، انا راجل عملي وبحب الارقام هات ليا تقارير التنمية البشرية من ايام مبارك وهاتي ليا ارقام التقارير الاقتصادية !!!استاذتي انا كنت من المعجبين والمتيمين بجمال مبارك ولا اخجل من ذلك وكنت ضد سياسات والده لكن هل جمال مبارك كان يصلح لمصر 90 مليون !!!!! لاطبعاااااااااااااا

الخلاصة للاسف أردوغان بالارقام والتقارير هو أحسن من كثيرين عندنا في مصر وللاسف الشديد هو نجح ف تحقيق الكثير

وده كلام مسجل والانجازات تتحدث

اوعي تكوني بتتفرجي ع مسلسلات تركية !!!!

ههههههههههههههههههههههههههه

انا مش بس باتفرج على مسلسلات تركية

أنا بي دماء تركية كمان :)

الاوطان والشعوب هي التي تستحق المحبة

و هي من تبذل في سبيلها الدماء و تسترخص من أجلها الأنفس

لكن الأشخاص يذهبون و تذهب ريحهم

نجاح أردوغان لا يعنيني و لن يرفع المستوى الاقتصادي للمصريين

و لا نجاحه وانجازاته تصب في مصلحتنا

كونه بقى لم يتم اختياره شخصية العام فده لا يلغي نجاحاته وانجازاته

لكن أساس هذا الموضوع

و هو فوز الفريق السيسي

أسعدني و أسعد فصيلي الذي انتمي إليه و الذي يرى السيسي منقذا من هلاك محقق

هي دي الحكاية بمنتهى البساطة :)

[herohero]

استاذه عبير زيما قولت انا مش بنظر للامور نظرة عاطفية يعني فوز الفريق السيسي ف مجلة التايمز لن سضيف للمواطن البسيط شيئا كما هو حال بفوز عمرو دياب بجائزة الميوزيك اوارد ، وكما هو الحال بفوز الدكتور أحمد زويل بجائزة نوبل هو فوز عاطفي لكن مردوده لم يشعر به المواطن البسيط

تصحيحا وتوضيحا لما ذكرت انا لا اهتم بأردوغان وحده لا حضرتك أنا أهتم : اردوغان - مهاتير محمد - لولا دي سيلفا وكل شخص ناجح نهض بدولته وكل ماكانت دولته اقرب لنا ف ظروفها فده شئ يدفعني الى الامل بأنه قد يكون هناك مصري يفعل ذلك نجاح اردوغان افادني وافاد المصريين هو انه هناك أمل تركيا ظروفها زي مصر اقتصاديا وتعاني من نفس المشاكل تقريبا انسي اردوغان اعتبريه اكس من الناس نهض بدولته وفق اسلوب ادارة اراه ناجح جدا ،عندك مهاتير محمد ، عندك الصنايعي الحرفي لولا دي سيلفا "البرازيل" كل النماذج ده لاتعني للمواطن البسيط لكن تعني لمن هم ف النخبة ان يتعلموا وان يستفيدوا من تجاربهم

سبحان الله اردوغان ومهاتير محمد كانوا محط اهتمام الكثيرين دلوقت بقوا اعداء !!! ايا كان انا فوز الفريق السيسي او اردوغان كمواطن مصري عادي مش هيفرق معايا بالضبط كفوز منتخب مصر بدورة او كأس

يعني مشاعر فرح عاطفي لن تترجم الى ارض الواقع

[Alshiekh]

على فكره القتل والحرق مش انجاز دا اجرام

كلمينى على انجازات السيسي ولا تحدثينى عن فشل مرسي ؟

هون على نفسك يا استاذ سميح

اهم انجازات السيسي أذكرك بها إن لم تكن تراها،

1- حافظ على وحدة الجيش.

2- استطاع ان يصبح بطلا شعبيا على الرغم من علو صوت مأمأة الخرفان عبيد المرشد والإمام.

3- توحيد المصريين (الكفار) بما فيهم السلفيين وراء هدف واحد الا وهو النهوض بمصر وتوحيد الهدف.

4- الانجاز وهو في نظري ابسط الاشياء التي قام بها، هو عزل مرسي وتحجيم التنظيم وكشف الجماعات الارهابية والخلايا النائمة.

5- يكفيه فخرا انه طلب من المصريين النزول للشارع بعد 48 ساعة، فنزل الشعب ملبيا دعوته لاثبات ثقة الشعب به وموافقتع على ما اتخذه ضد محمد مرسي.

قارن ذلك بدعوات مرسي التي لم يكن يلبيها سوى القتلة والارهابيين والخراف والنعاج.

[عبير يونس]

استاذه عبير زيما قولت انا مش بنظر للامور نظرة عاطفية يعني فوز الفريق السيسي ف مجلة التايمز لن سضيف للمواطن البسيط شيئا كما هو حال بفوز عمرو دياب بجائزة الميوزيك اوارد ، وكما هو الحال بفوز الدكتور أحمد زويل بجائزة نوبل هو فوز عاطفي لكن مردوده لم يشعر به المواطن البسيط

تصحيحا وتوضيحا لما ذكرت انا لا اهتم بأردوغان وحده لا حضرتك أنا أهتم : اردوغان - مهاتير محمد - لولا دي سيلفا وكل شخص ناجح نهض بدولته وكل ماكانت دولته اقرب لنا ف ظروفها فده شئ يدفعني الى الامل بأنه قد يكون هناك مصري يفعل ذلك نجاح اردوغان افادني وافاد المصريين هو انه هناك أمل تركيا ظروفها زي مصر اقتصاديا وتعاني من نفس المشاكل تقريبا انسي اردوغان اعتبريه اكس من الناس نهض بدولته وفق اسلوب ادارة اراه ناجح جدا ،عندك مهاتير محمد ، عندك الصنايعي الحرفي لولا دي سيلفا "البرازيل" كل النماذج ده لاتعني للمواطن البسيط لكن تعني لمن هم ف النخبة ان يتعلموا وان يستفيدوا من تجاربهم

سبحان الله اردوغان ومهاتير محمد كانوا محط اهتمام الكثيرين دلوقت بقوا اعداء !!! ايا كان انا فوز الفريق السيسي او اردوغان كمواطن مصري عادي مش هيفرق معايا بالضبط كفوز منتخب مصر بدورة او كأس

يعني مشاعر فرح عاطفي لن تترجم الى ارض الواقع

ما اختلفناش

كل ينظر للأمر بنظرته الخاصة

و هذا لن يقلل من أي شخص و ليس هناك مفاضلة بين نظراتنا للأمر

نماذج النجاح جديرة بالمشاهدة و التعلم منها

مع الوضع في الاعتبار أن ظروف كل بلد من تلك البلاد تختلف من بلد لآخر

حتى و إن وجدت أوجه للتشابه بين بلد وآخر أو تجربة وأخرى

قليل من الايجابية في النظر إلى مصر لن يضر

الفساد موجود بالطبع

لكن مستحيل أن تكون نسبة السلبيات عالية بهذا الشكل

الملايين في 26 محافظة لايزالون يعيشون و يتعلمون و يتزوجون و ينجبون و يفرحون و يذهبون للتنزه و يفكرون للمستقبل

مصر بخير

و دي مش مجرد عاطفية و رومانسية

ده يقين و إيمان

[Alshiekh]

نرجع لأصل الموضوع

السيسي أُختير "رجل العام 2013"

هذا ليس مدحا أو ذما على الرغم من اننا كمصريين اعتبرنا الموضوع مدح وذم.

الموضوع ببساطة يعكس الاهتمام العالمي بالشخصية التي خطفت الاضواء سواء الاضواء الصحفية المقرؤة أو المسموعة أو المرئية،

وقد فاز السيسي ومعه شعب مصر بانه وانهم كانوا محط انظار العالم خلال العام 2013 وتردد اسم السيسي كان هو القاسم المشترك الذي لم تخلو منه النشرات او الندوات الحوارية عالميا، وكل ده بسبب اهمية مصر.

يعني الموضوع من الآخر (من وجهة نظر منظمي الاستفتاء) استفتاء على الشهرة اي كانت الاسباب.

[أبو محمد]

بالنسبة للاخ ابو محمد

مادام امريكا بتتامر على مصر وبتدعم الاخوان ، واخو اوباما اخوانى

والسيسي واقف قدام المخطط الامريكى الصهوينى الحلزونى

طب يلا خلي السيسى الرجل الوطنى يطرد السفير الامريكى واسحبوا السفير المصري من امريكا

زى ما عمل مع تركيا !!!!!!!!!!

حضرتك بس مش واخد بالك

أمريكا لسه زعلانة من مصر والمصريين والسيسى والكل كليلة

أمريكا لم تعين سفيرا حتى الآن بعد رحيل سفيرتها لدى التنظيم

عندها "قائم بأعمال" وليس سفيرا اسمه دافيد ساترفيلد

وطبعا حضرتك عارف هى زعلانة ليه وموقفة المساعدات العسكرية ليه

[أبو محمد]

على فكرة يا جماعة

لم تقرر المجلة بعد وضع صورة السيسى على الغلاف

كرجل العام

السيسى فاز باستفتاء القراء وهذا احد معايير الاختيار وليس الوحيد

السؤال يجب أن يكون

لماذا وضعت المجلة السيسى كأحد المرشحين

ولماذا وضعته فى مقابل إردوغان ؟

الإجابة على هذا السؤال تعطى الأستاذ محسن إجابة على سؤاله الكبير

^{كلمنى عن انجازات السيسى}

السيسى لم ينجز شيئا .. سوى إعلان الحرب على الإرهاب

والوقوف فى صف الشعب

وندعو الله بالنصر له وللجيش وللشعب فى هذه الحرب المعلنة

الشعب المصرى هو صاحب الإنجاز .. والسيسى اتخذ قراره المؤيد للشعب

فحق عليه عداء ولعنات أعداء الشعب

مثلت الانجاز "المصرى" وموقف أمريكا منه كالآتى

واحد كان واضع يده على أرض جماعة فلاحين

يزرع ويحصد فيها وعامل كمان مشروع تسمين عجول

ولم يأخذ فى حسبانه أن أهل هذه الأرض يمكن أن يقفوا فى وجهه

فى يوم من الأيام

وفى يوم 30 يونية 2013 فوجئ بأن الفلاحين أهل الأرض

قاموا بحرق المحصول وتسميم البهايم وشالوا ناظر العزبة عميل المغتصب

ووقف شيخ الخفر يحميهم

بس .. هو ده الانجاز

المهم أن يعرف الفلاحون أن المغتصب وناظر العزبة العميل

مازال لهم عصابة لابدة فى الدرة همها الأكبر تدمير الأرض بالكامل

شيخ الخفر والخفر وراهم

وأصحاب الأرض مفوضينهم فى "عمل اللازم" للقبض على العصابة

مش مهم يقتلهم .. بس المهم الأرض تنضف من إجرامهم

[محسن محمد سميح]

"التايم" تكذب الانقلابيين وتنفي فوز السيسي بشخصية عام 2013

وتفضح مواقع "اليوم السابع والوفد وصدى البلد" بالإسم.. وتؤكد: هذه المواقع حشدت للتصويت للسيسي (الذي وصفته المجلة بأنه قائد الانقلاب العسكري علي أول رئيس منتخب ديمقراطيا) ومع ذلك لم يحصل إلا علي 440 ألف صوت فقط في دولة عدد سكانها 85 مليون نسمة

وأضافت المجلة أن شخصية العام يختارها محرروها وسيتم الإعلان عنها الأربعاء القادم 11 ديسمبر، بينما فاز السيسي بالاستطلاع الالكتروني فقط بعد حشد المواقع الإخبارية المؤيده له

الرابط
http://poy.time.com/2013/12/06/how-egypts-gen-al-sisi-won-times-person-of-the-year-poll/

[أبو محمد]

مجلة التايم نشرت اليوم مقالا بعنوان

How Egypt's Gen al-Sisi won Time's Person of the Year Poll

ستعلن مجلة التايم عن اختيار الشخصية

التى ستوضع صورتها على غلاف العدد السنوى

وذلك يوم 11 ديسمبر

قد يكون السيسي وقد يكون غيره

ولكن على أية حال جاء الاستفتاء ليظهر مدى شعبية الرجل "الوطنى"

مقارنة بشعبية الخليفة العثمانلى فى مصر وخارج مصر