مطلوب بعض المعلومات عن مكة من الاخوة بالمنتدى

[hossien]

السلام عليكم و رحمة الله

ازيكم يا شباب

انا انشاءالله مسافر مكة قريبا و كنت طالب بعض المعلومات عن المعيشة في مكة هناك

اولا كنت عايز اعرف السكن في شقة بها غرفتين و صالة مساحتها جيدة و مطبخ و حمام تتراوح تكلفتها تقريبا بكام في المناطق الراقية و المناطق المتوسطة او الجيدة و ايضا اسماء تلك المناطق علشان اعرف اذا كانت قريبة من العمل ولا لا ...

ثاينا عايز اعرف تكلفة المعيشة الشهرية تقريبا كام لاسرة مكونة من زوج و زوجة و طفل مع العلم ان الطفل مولود جديد , وهل يوجد مصاريف شهرية معتادة غير الطعام ؟

ثالثا هل يوجد اماكن ترفيهية للاسرة ممكن نتفسح فيها زي سينيما او صالات بولينج او اي حتة الواحد يخرج فيها ولا كله موجود في جدة؟؟؟

رابعا المواصلات ايه ظروفها هناك يعني التكسي يوم ما يتمعظم حياخد كام و لو عايز اشتري سيارة تبدا من كام و ممكن اشتري حاجة مستعملة ؟؟؟

ولو فيه معاومات تانية ممكن تفيدني غير الاسئلة دي يا ريت تيفيدوني بيها

والف شكر لكم ..........

[عبير يونس]

أهلا بحضرتك أستاذ حسين

الايجارات في مكة تكون غالية بعض الشيء كلما كانت المنطقة راقية

في العزيزية غرفتين وصالة دلوقت واصلة ل 16000 في السنة بمعدل 1300 ريال تقريبا شهريا

طبعا العزيزية منطقة راقية و بها الاسواق و قريبة للحرم و لمناسك الحج

الايجار في مكة سنوي

في بياخدوا الايجار كل 6 شهور و في بالسنة

و في كمان شقق خروج حج يعني تأجرها 10 شهور بس و تخرج شهرين من محرم لحد نهاية شوال

و دي بتبقى انضف و ارخص لكن الخروج بهدلة محققة للأسر الكبيرة

في مناطق تانية راقية زي الستين و الرصيفة و النزهة و الزاهر والعوالي

و كل منطقة بيبقى فيها الجزء الراقي القريب من الخدمات و الجزء اللي جوة و بعيد عن الخدمات ومحتاج عربية طبعا للتنقل بيبقى ارخص شوية

ده بالنسبة للشقق

2- بالنسبة للمصاريف

طبعا اكل وشرب مش أقل من 1500 ريال شهريا ( طبعا ده لأسرة صغيرة) بمعدل 50 ريالا يوميا ل 3 وجبات و ده طبعا لاكل البيت

لو من برة فالدجاجة بالرز ( الاكل السعودي التقليدي) ب28 ريال و ممكن تشتري نصف فرخة لو حابب و بتبقى كمية الرز مناسبة جدا

و طبعا الوجبات السريعة مش أقل من 20 ريال للوجبة ساندوتش و بطاطس ومشروب ( كنتاكي و ماكدونالدز و هارديز ) و طبعا البيتزا الصغيرة مش اقل من 25 ريال بلا أي طلبات جانبية

في سندوتشات مصرية فول وطعمية و بتنجان وبطاطس عند محلات جحا في مناطق متعددة الساندوتش من 3 الى 4 ريال

و في وجبة البيك ( فراخ بروست زي كنتاكي ) ب 12 ريال دينر بوكس نصف فرخة او جمبري ب 18 ريال

و في الفول اليمني او الافغاني مع عيش اسمه تميس دي تعتبر ارخص أكلة علبة الفول ب2 ريال و رغيف التميس بريال

الفرخة ب 16 ريال نية و اللحم الكيلو مش اقل من 30 ريال .... ووجبة متوسطة من السمك الطازج نوعين او تلاتة بمعدل كيلو او اتنين ممكن توصل 300 ريال

و التسوق بيبقى من السوبر ماركت المشهورة باندا و بن داوود والنوري

و في سوق اسمه الكعكية متكامل من كله بأسعار الجملة لحم وخضار و فواكه وسمك ومنظفات ..الخ كل ما تحتاج

و بما ان ماشاء الله البيبي لسه مولود فمصاريفه حتبقى الحفاضات بس و دي تكلفتها حسب الاستخدام و حليب صناعي لو محتاج

مصاريف الشهر : اكل وشرب وفواتير كهرباء وتيلفون و(موبايلات و نت ) و دي شركات الاتصالات بتعمل لها عروض باستمرار واحيانا استهلاك مياه لو العمارة كبيرة

الملابس في منها الرخيص و المتوسط و الغالي ( الماركات)

بس اهل مكة بيتسوقوا من جدة

لأن معظم المنتجات هنا بتبقى أي كلام بيلزقوها للحجاج و المعتمرين

لكن ما يمنعش ان في حاجات جيدة و بتعيش

3- الترفيه هنا في المولات تتسوق و في قعدة ظريفة حواليها المطاعم الشهيرة و الايس كريم

و في الحدائق العامة بتبقى ظريفة بالليل في الصيف و في الويك ايند لحد الفجر

مفيش طبعا سينما :)

معرفش اذا في صالات بولينج بس لو موجودة في الصالات الرياضية بتبقى للرجال فقط

معظم الناس بتتفسح في جدة في قرى سياحية على البحر ( بيسموها الكباين ) بيبقى لها مصاريف دخول و بتقضي اليوم كله هناك و الاكل اوبن بوفيه

و طبعا مطاعم ومولات جدة

4- بالنسبة للمواصلات

مفيش مواصلات غير التاكسي او ميكروباص بيبقى عادة للحرم بس ما جربتوش في اماكن تانية بيبقى ب من 3 ل 5 ريال للفرد و طبعا في المواسم كله بيضرب في العالي اوي

لكن مفيش مشوار مهما كان بسيط اقل من 10 ريال و انت طالع بقى حسب المسافة

و بالنسبة للعربيات زي ما تحب في زيرو و في بالتقسيط و في مستعمل

5- العلاج و الرعاية الصحية

مفيش مجاني

في مستشفيات حكومية بفلوس لغير السعودين و لازم تروحها بتحويل

و في المراكز الطبية و المستشفيات الخاصة

و في المستوصفات الكبيرة و الصغيرة

طبعا لو عندك تأمين صحي تبع العمل بيبقى افضل

نصيحة اقبل على الحياة بايجابية

و ما تسمعش للشكاوي السلبية

و الناس الزهقانة المحبطة

كل مكان في الدنيا بيبقى صعب في الاول

لحد ما تتكيف على الاوضاع

و كل مكان فيه الحلو و الوحش

توصلوا بالف سلامة

و حاضرة لأي سؤال تاني :)

[hossien]

الف شكر ليكي يا استاذه

بس كان ليا استفسار على نقطة

مصاريف الشهر : اكل وشرب وفواتير كهرباء وتيلفون و(موبايلات و نت ) و دي شركات الاتصالات بتعمل لها عروض باستمرار واحيانا استهلاك مياه لو العمارة كبيرة

بغض النظر عن الموبايلات ... الكهربا و المياه ايه نظامهم تقريبا في المصاريف

[عبير يونس]

الف شكر ليكي يا استاذه

بس كان ليا استفسار على نقطة

مصاريف الشهر : اكل وشرب وفواتير كهرباء وتيلفون و(موبايلات و نت ) و دي شركات الاتصالات بتعمل لها عروض باستمرار واحيانا استهلاك مياه لو العمارة كبيرة

بغض النظر عن الموبايلات ... الكهربا و المياه ايه نظامهم تقريبا في المصاريف

حسب استهلاك الاجهزة الكهربائية خصوصا المكيفات و المكواة و الفرن الكهربائي بيسحبوا كتير

و المياه حسب المناطق

العزيزية دلوقت بقت ببلاش المية اللي في الحنفيات في مناطق تانية بيجيبوا وايت مياه أكتر من مرة كل شهر و فلوسهم بتتقسم على السكان

لكن بتشتري مياه للشرب و للطهي طبعا

وفي مناطق جديدة مفيهاش مجاري بيجيبوا لها كل شهر وايت ينزحها برضه بفلوس تتقسم على السكان

[عبير يونس]

صورة لمنطقة العزيزية بمكة المكرمة

سوق الحجاز بمكة وبه مكتبة جرير

بمنطقة الحمرا

على طريق مكة جدة السريع

[عبير يونس]

مكة مول بمنطقة العزيزية

[eslam elmasre]

أهلا بحضرتك أستاذ حسين

الايجارات في مكة تكون غالية بعض الشيء كلما كانت المنطقة راقية

في العزيزية غرفتين وصالة دلوقت واصلة ل 16000 في السنة بمعدل 1300 ريال تقريبا شهريا

طبعا العزيزية منطقة راقية و بها الاسواق و قريبة للحرم و لمناسك الحج

الايجار في مكة سنوي

في بياخدوا الايجار كل 6 شهور و في بالسنة

و في كمان شقق خروج حج يعني تأجرها 10 شهور بس و تخرج شهرين من محرم لحد نهاية شوال

و دي بتبقى انضف و ارخص لكن الخروج بهدلة محققة للأسر الكبيرة

في مناطق تانية راقية زي الستين و الرصيفة و النزهة و الزاهر والعوالي

و كل منطقة بيبقى فيها الجزء الراقي القريب من الخدمات و الجزء اللي جوة و بعيد عن الخدمات ومحتاج عربية طبعا للتنقل بيبقى ارخص شوية

ده بالنسبة للشقق

2- بالنسبة للمصاريف

طبعا اكل وشرب مش أقل من 1500 ريال شهريا ( طبعا ده لأسرة صغيرة) بمعدل 50 ريالا يوميا ل 3 وجبات و ده طبعا لاكل البيت

لو من برة فالدجاجة بالرز ( الاكل السعودي التقليدي) ب28 ريال و ممكن تشتري نصف فرخة لو حابب و بتبقى كمية الرز مناسبة جدا

و طبعا الوجبات السريعة مش أقل من 20 ريال للوجبة ساندوتش و بطاطس ومشروب ( كنتاكي و ماكدونالدز و هارديز ) و طبعا البيتزا الصغيرة مش اقل من 25 ريال بلا أي طلبات جانبية

في سندوتشات مصرية فول وطعمية و بتنجان وبطاطس عند محلات جحا في مناطق متعددة الساندوتش من 3 الى 4 ريال

و في وجبة البيك ( فراخ بروست زي كنتاكي ) ب 12 ريال دينر بوكس نصف فرخة او جمبري ب 18 ريال

و في الفول اليمني او الافغاني مع عيش اسمه تميس دي تعتبر ارخص أكلة علبة الفول ب2 ريال و رغيف التميس بريال

الفرخة ب 16 ريال نية و اللحم الكيلو مش اقل من 30 ريال .... ووجبة متوسطة من السمك الطازج نوعين او تلاتة بمعدل كيلو او اتنين ممكن توصل 300 ريال

و التسوق بيبقى من السوبر ماركت المشهورة باندا و بن داوود والنوري

و في سوق اسمه الكعكية متكامل من كله بأسعار الجملة لحم وخضار و فواكه وسمك ومنظفات ..الخ كل ما تحتاج

و بما ان ماشاء الله البيبي لسه مولود فمصاريفه حتبقى الحفاضات بس و دي تكلفتها حسب الاستخدام و حليب صناعي لو محتاج

مصاريف الشهر : اكل وشرب وفواتير كهرباء وتيلفون و(موبايلات و نت ) و دي شركات الاتصالات بتعمل لها عروض باستمرار واحيانا استهلاك مياه لو العمارة كبيرة

الملابس في منها الرخيص و المتوسط و الغالي ( الماركات)

بس اهل مكة بيتسوقوا من جدة

لأن معظم المنتجات هنا بتبقى أي كلام بيلزقوها للحجاج و المعتمرين

لكن ما يمنعش ان في حاجات جيدة و بتعيش

3- الترفيه هنا في المولات تتسوق و في قعدة ظريفة حواليها المطاعم الشهيرة و الايس كريم

و في الحدائق العامة بتبقى ظريفة بالليل في الصيف و في الويك ايند لحد الفجر

مفيش طبعا سينما :)

معرفش اذا في صالات بولينج بس لو موجودة في الصالات الرياضية بتبقى للرجال فقط

معظم الناس بتتفسح في جدة في قرى سياحية على البحر ( بيسموها الكباين ) بيبقى لها مصاريف دخول و بتقضي اليوم كله هناك و الاكل اوبن بوفيه

و طبعا مطاعم ومولات جدة

4- بالنسبة للمواصلات

مفيش مواصلات غير التاكسي او ميكروباص بيبقى عادة للحرم بس ما جربتوش في اماكن تانية بيبقى ب من 3 ل 5 ريال للفرد و طبعا في المواسم كله بيضرب في العالي اوي

لكن مفيش مشوار مهما كان بسيط اقل من 10 ريال و انت طالع بقى حسب المسافة

و بالنسبة للعربيات زي ما تحب في زيرو و في بالتقسيط و في مستعمل

5- العلاج و الرعاية الصحية

مفيش مجاني

في مستشفيات حكومية بفلوس لغير السعودين و لازم تروحها بتحويل

و في المراكز الطبية و المستشفيات الخاصة

و في المستوصفات الكبيرة و الصغيرة

طبعا لو عندك تأمين صحي تبع العمل بيبقى افضل

نصيحة اقبل على الحياة بايجابية

و ما تسمعش للشكاوي السلبية

و الناس الزهقانة المحبطة

كل مكان في الدنيا بيبقى صعب في الاول

لحد ما تتكيف على الاوضاع

و كل مكان فيه الحلو و الوحش

توصلوا بالف سلامة

و حاضرة لأي سؤال تاني :)

معلومات اكثر من قيمة

اتذكر عندما ذهبت للحج في عام 2004 وبعد ان اديت العمرة وتحللت بدأت جولتي في مكة على قدمي فانا بحب المشي جدا وكان كل المرا فقين يذهبو بالمواصلات الا اني في خلاال يومين كنت كما يقولون مغر ب ل البلد على رجلي و عارف اقصر ا لطرق للمبيت وكنت ا ذهب بعد صلاة العشاء كل يوم الى العزيزية على رجلي من عند الحرم وحتى العزيزية ذهاب ومجيء وايضا اماكن الشعائر ومنها ا لى المبيت ا يضا على رجلي واحينا جري فكانت اختي تقوللي ماتقولش لحد كانت خايفة لحد يحسدني هههههههه

المهم العزيزية منطقة تجارية رهيبة وفيها حركة تجارة واسعة جدا لكن فعلا ما لاحظته ان مستوي المنتوجات كان متدني للغاية ورغم ذلك كانت المبيعات رهيبة يمكن عشان ده موسم يمكن

انا ما عرفش دلوقتي العزيزية وصلت لفين لكن وا ضح انها تطورت جدا من الصور

وعشان دي شهادة حق هاقول ان الشرطة والحكومة كانو مابيضاليقوش الزوار وكانو بيخدموهم جدا ومش عارف الكلام ده في الموسم وبس

[عبير يونس]

معلومات اكثر من قيمة

اتذكر عندما ذهبت للحج في عام 2004 وبعد ان اديت العمرة وتحللت بدأت جولتي في مكة على قدمي فانا بحب المشي جدا وكان كل المرا فقين يذهبو بالمواصلات الا اني في خلاال يومين كنت كما يقولون مغر ب ل البلد على رجلي و عارف اقصر ا لطرق للمبيت وكنت ا ذهب بعد صلاة العشاء كل يوم الى العزيزية على رجلي من عند الحرم وحتى العزيزية ذهاب ومجيء وايضا اماكن الشعائر ومنها ا لى المبيت ا يضا على رجلي واحينا جري فكانت اختي تقوللي ماتقولش لحد كانت خايفة لحد يحسدني هههههههه

المهم العزيزية منطقة تجارية رهيبة وفيها حركة تجارة واسعة جدا لكن فعلا ما لاحظته ان مستوي المنتوجات كان متدني للغاية ورغم ذلك كانت المبيعات رهيبة يمكن عشان ده موسم يمكن

انا ما عرفش دلوقتي العزيزية وصلت لفين لكن وا ضح انها تطورت جدا من الصور

وعشان دي شهادة حق هاقول ان الشرطة والحكومة كانو مابيضاليقوش الزوار وكانو بيخدموهم جدا ومش عارف الكلام ده في الموسم وبس

ماشاء الله اللهم لا حسد

كان هذا استهلالا لابد منه

العزيزية في تطور دائم لأنها عصب مكة في مواسم العمرة والحج

و هي لا تخلو من الناس ليل نهار و كلها مليئة بالخدمات

و بتكون زحمة غير طبيعية في الحج ..ما بنطلعش من البيت الا لو حا نحج لو ما حجتش مبنتحركش انا والولاد

بالنسبة للشرطة فهم للامانة لا يضايقون أي أحد في أي وقت إلا لو مخالف يعني مقيم غير شرعي

و بيبقى أغلبهم مش من مكة اساسا بيجوا من كل المناطق وقت الحج للمساعدة في التنظيم

احنا من انصار امشي عدل يحتار عدوك فيك

عشان كده بعد توفيق ربنا لم تحدث لنا أي مضايقات من أي نوع معهم ولله الحمد

من جهة المنتجات فحتى البائعين نفسهم و لاننا زباين طول السنة يميلوا علينا كده و بهمس يقولوا لنا تعالوا بعد الحج :)

و الناس ( المعتمرين والحجاج) بيبقوا عارفين انها بضائع رديئة و بيشتروها برضه

هدايا لاهاليهم ..اهي حاجة من ريحة مكة وخلاص :)

في اماكن كويسة هنا و بضايعها بتعيش مش شرط يعني

التعميم آفة كبرى :)

[hossien]

ماشاء الله اللهم لا حسد

كان هذا استهلالا لابد منه

العزيزية في تطور دائم لأنها عصب مكة في مواسم العمرة والحج

و هي لا تخلو من الناس ليل نهار و كلها مليئة بالخدمات

و بتكون زحمة غير طبيعية في الحج ..ما بنطلعش من البيت الا لو حا نحج لو ما حجتش مبنتحركش انا والولاد

بالنسبة للشرطة فهم للامانة لا يضايقون أي أحد في أي وقت إلا لو مخالف يعني مقيم غير شرعي

و بيبقى أغلبهم مش من مكة اساسا بيجوا من كل المناطق وقت الحج للمساعدة في التنظيم

احنا من انصار امشي عدل يحتار عدوك فيك

عشان كده بعد توفيق ربنا لم تحدث لنا أي مضايقات من أي نوع معهم ولله الحمد

من جهة المنتجات فحتى البائعين نفسهم و لاننا زباين طول السنة يميلوا علينا كده و بهمس يقولوا لنا تعالوا بعد الحج :)

و الناس ( المعتمرين والحجاج) بيبقوا عارفين انها بضائع رديئة و بيشتروها برضه

هدايا لاهاليهم ..اهي حاجة من ريحة مكة وخلاص :)

في اماكن كويسة هنا و بضايعها بتعيش مش شرط يعني

التعميم آفة كبرى :)

الف شكر ليكي يا استاذة عبير على المعلومات القيمة و الاكتر من ممتازة و الف شكر ليك يا استاذ اسلام على الاضافة الرائعة عن الامن و الاماكن هناك

انتوا الحمدلله طمنتوني جدا بالنسبة لمكة

بس فيه حاجة نسيت اسأل عليها تماما

هي الشقق هناك مفروشه ولا لا ... وازا كانت كلها من غير عفش العفش تقريبا يتكلف كام لو انا جبت حاجات بسيطة و خشب مضغوط عادي ( مش لازم زان يعيني و الحاجات العالية دي :) )

[hossien]

معلومات اكثر من قيمة

اتذكر عندما ذهبت للحج في عام 2004 وبعد ان اديت العمرة وتحللت بدأت جولتي في مكة على قدمي فانا بحب المشي جدا وكان كل المرا فقين يذهبو بالمواصلات الا اني في خلاال يومين كنت كما يقولون مغر ب ل البلد على رجلي و عارف اقصر ا لطرق للمبيت وكنت ا ذهب بعد صلاة العشاء كل يوم الى العزيزية على رجلي من عند الحرم وحتى العزيزية ذهاب ومجيء وايضا اماكن الشعائر ومنها ا لى المبيت ا يضا على رجلي واحينا جري فكانت اختي تقوللي ماتقولش لحد كانت خايفة لحد يحسدني هههههههه

المهم العزيزية منطقة تجارية رهيبة وفيها حركة تجارة واسعة جدا لكن فعلا ما لاحظته ان مستوي المنتوجات كان متدني للغاية ورغم ذلك كانت المبيعات رهيبة يمكن عشان ده موسم يمكن

انا ما عرفش دلوقتي العزيزية وصلت لفين لكن وا ضح انها تطورت جدا من الصور

وعشان دي شهادة حق هاقول ان الشرطة والحكومة كانو مابيضاليقوش الزوار وكانو بيخدموهم جدا ومش عارف الكلام ده في الموسم وبس

الف شكر ليكي يا استاذة عبير على المعلومات القيمة و الاكتر من ممتازة و الف شكر ليك يا استاذ اسلام على الاضافة الرائعة عن الامن و الاماكن هناك

انتوا الحمدلله طمنتوني جدا بالنسبة لمكة

بس فيه حاجة نسيت اسأل عليها تماما

هي الشقق هناك مفروشه ولا لا ... وازا كانت كلها من غير عفش العفش تقريبا يتكلف كام لو انا جبت حاجات بسيطة و خشب مضغوط عادي ( مش لازم زان يعيني و الحاجات العالية دي :) )

الف شكر ليك يا استاذ اسلام على المعلومة دي

[عبير يونس]

العفو يا أخي الكريم :)

العفش بقى له عدة اختيارات

عندك معارض المفروشات المستعمل و دي بتبقى محلات جنب بعضها في منطقة اسمها الششة قريبة من العزيزية

و دي تاخد منها الكنب و الدواليب وممكن تلاقي قطع لخزانات المطبخ

و في عندك الحراج

مكان واسع وكبير في محلات مستعمل

و النصيحة انك تقف على أوله و تشوف العربيات وهي جايبة العفش لسه ما دخلتش بيه جوة

او في ناس مصريين غالبا ممكن يسيبوا لك الشقة بعفشهم اللي فيها تشتريه منهم

و طبعا مفيش عفش بيعيش

انت مش في دمياط :)

كله بيبقى ايطالي من زقتين يقع

عشان كده خسارة مبالغ عالية في جديد

طبعا المفروشات اللي هي المراتب و المخدات و الملايات والبطاطين هي بس اللي لازم تبقى جديدة

غير كده السراير مستعمل طبعا

و الخزانات بانواعها مستعمل برضه

و لو حضرتك من النوع اللي تحب تعيش بشياكة و في نفس الوقت باسعار معقولة و عفش بيعيش ...ده اتجاه اشجعه جدا ( بس قدام شوية مش اول ما تروح)

فعليك وعلى ايكيا في جدة

العفش اللي بيجيلك في صناديق مضغوطة وممكن تنقله حضرتك في عربيتك و توفر حق النقل

و حضرتك اللي بتقوم بالتركيب بارشادات على كل قطعة عفش

الاجهزة الكهربائية في مستعمل و في جديد

و في ماركات شهيرة و في ماركات تقفيل وطني

محتاج تلاجة وغسالة و بوتجاز و مكيفات و مكواة و ميكروويف لو متعودين عليه

و لانكم لسه اسرة صغنططة ربنا يبارك يارب مش محتاجين ديب فريزر او ممكن ديب فريزر محندق

الحاجات دي كلها لفة واحدة في اكسترا او العيدروس تجيبها بالسلامة :)

طبعا اللي يحدد كل ده الامكانيات المادية .. ما تصرفش كتير اول سنة عشان لو لا قدر الله معجبكش الحال ..

جيب الضروري اوي الاول و لو عجبك الحال و حاتجدد يبقى ضبط اللي ناقص

بالتوفيق يارب

:)

[Scorpion]

و طبعا مفيش عفش بيعيش

انت مش في دمياط :)

كله بيبقى ايطالي من زقتين يقع

حضرتك متأكدة انه ايطالي .. مش صيني مثلآ ..

علشان اللي اعرفه ان الأثاث الأيطالي هو اجود انواع الأثاث علي الأطلاق ..

[عبير يونس]

حضرتك متأكدة انه ايطالي .. مش صيني مثلآ ..

علشان اللي اعرفه ان الأثاث الأيطالي هو اجود انواع الأثاث علي الأطلاق ..

اوباااااااااااااااا

هي جت فيك ؟ طب معلش معلش

المصطلح ده دوما كنت اسمعه من بتوع الموبيليا في مصر

خشب ايطالي يعني مش بيستحمل

مش زي الزان

عشان كده نمت برأسي تلك الفكرة عن الخشب الايطالي

لكن اهي فرصة اننا نتأكد من المعلومة دي

:)

[خالد شحاته]

مشاء الله مدام عبير قاموس في مكه المكرمه ربنا يتم عليكي الصحه

[MZohairy]

سنة 94 عشت في مكه سنه انا و مراتي

مكانش فيه حتى مطعم نروحه مع بعض

المكان الوحيد اللي ممكن نخرج فيه مع بعض كان سوبر ماركت بن داوود

او نروح نقعد في منى و مزدلفه

كانت سنه زفت بصراحه

[AbuZeyad]

اظن ان صورة مكة مول دي هي صورة وقف الملك عبد العزيز من الداخل

مش كدا يا مدام عبير؟

[hossien]

متشكر جدا يا استاذة عبير على المعلومات القيمة

واسف جدا اذا كنت تعبتك معايا

ولو فيه اي اضافات جدبدة او معلومات جديدة عن مكة لا تبخلي علينا بها

والف شكر مرة اخرى

[عبير يونس]

أخي خالد شحاتة

ربنا يعطيك الصحة يارب بعض ما عندكم يا فندم :)

أخي AbuZeyad

اعتقد ان الصورة لمكة مول و انا دايما باروحه لكن معرفش وقف الملك عبد العزيز ده شكله ايه ... عموما هو جوجل افندي اللي اعطاني الصورة دي

بعد كده حانقل لحضراتكم صور حية من موبايلي باذن الله تعالى :)

أخي الفاضل hossien

تحت أمر حضرتك في أي استفسار

و حأحاول أخللي الموضوع ده مختص بكل خبايا مكة المكرمة بعون الله :)