انفجار في القاهرة وأنباء عن إصابة أجانب

[عصام]

وقع انفجار في وسط العاصمة المصرية القاهرة قرب المتحف المصري. وقالت مصادر أمنية إن قنبلة ألقيت من فوق جسر قرب المتحف المصري، مشيرة إلى مقتل مصري واحد وإصابة 4 من الأجانب (اسرائيليان وروسي وايطالية) بجروح.

وقال مصدر في الشرطة المصرية إن القنبلة القيت من اعلى جسر وانفجرت قرب محطة لوقوف الحافلات تقع على مقربة من المتحف المصري.

وقد عثر على جثة تحت الجسر بعد دقائق من وقوع الانفجار.

وقد اقامت قوات الامن حواجز في منطقة الحادث، ونشرت عناصرها في المنطقة.

ومن ناحية أخرى قالت مصادر الشرطة المصرية السبت إن قريب متهم هارب في قضية التفجير الذي أودى بحياة ثلاثة سائحين في منطقة الازهر بالقاهرة منذ عدة أسابيع توفي في المعتقل.

وأضافت المصادر، التي رفضت الكشف عن هويتها، قائلة إن المتوفى يدعى محمد سليمان يوسف ويبلغ من العمر 40 عاما وهو ابن عم المتهم الهارب في قضية التفجير بالازهر.

وقالت إنه تمت إعادة جثمان المتوفي، الذي كان يعمل مدرسا في مدرسة إبتدائية في شبرا الخيمة، إلى قريته شمالي القاهرة للدفن.

وقال أحد زملاء المتوفى انهم ذهبوا لتعزية أسرته فلم يجدوا أحدا في المنزل، مشيرا إلى وجود شقيقين آخرين له في المعتقل.

ولم تتضح ملابسات وفاة يوسف، وقال متحدث باسم وزارة الداخلية انه ليس لديه معلومات عن الموضوع.

وقال المجلس القومي لحقوق الانسان الذي تموله الحكومة في تقريره السنوي الاول الذي صدر هذا الشهر ان تسعة مصريين على الاقل ماتوا في المعتقل في العام الماضي وان التعذيب شائع في أماكن الحجز.

وقال محققون إنهم حددوا هوية ستة من الجماعة المتشددة التي دبرت التفجيرات، وتعتقل السلطات ثلاثة منهم

المصدر

[bashmohandes]

مراسل الجزيرة: مقتل سائح وإصابة آخر في انفجار بميدان عبد المنعم رياض وسط القاهرة

www.aljazeera.net

[bashmohandes]

الحادث وقع قرب المتحف المصري

مقتل سائح واحد على الأقل في هجوم بقنبلة في وسط القاهرة

دبي - العربية.نت

قتل سائح واحد على الأقل في هجوم بقنبلة ألقيت من على جسر 6 أكتوبر قرب المتحف المصري وسط القاهرة اليوم السبت 30-4-2005. وبحسب مراسلة "العربية" في القاهرة، فإن سائحا واحدا على الأقل لقي حتفه في هذا الهجوم إلى غاية الآن. وأغلقت الشرطة المصرية كل الطرق المؤدية إلى مكان الحادث القريب أيضا من مبنى التلفزيون المصري.

وافاد مراسل وكالة الأنباء الفرنسية في القاهرة انه تم على الفور فرض طوق امني حول مكان الهجوم الذي وقع في ساحة اللواء عبد المنعم رياض خلف متحف القاهرة وقبالة فندق الهيلتون. كما ارسلت سيارات اطفاء الى المكان.

www.alarabiya.net

[se_ Elsyed]

إيه القرف ده ؟

عشان تتبسط وزارة الداخلية اللي مسحوبين من لسانهم وأول ما أنفجار خان الخليلي تم من غير ما يعرفوا هو في إيه ومين رايح فين ... يقولك ده حادث فردي وكل شيء تمام !!!!! أهي طلعت خليه منظمة وفي ولد منهم هربان وما مسكهوش وتلاقيه هو اللي عمل البومبة دي للفت الأنظار فقط ..

للأسف تنقصنا حنكة التعامل إعلامياً مع مثل تلك الأحداث .. ونحن بحاجة إلى مزيداً من الشفافية ؟

شفافية إيه يا عم س س هو إيه اللي عندك في بلدك فيه شفافية عشان تبقى وزارة العسس والبصاصين عندهم شفافيه ؟

أستر يارب ومايكونش الموضوع أكبر من بومبه وتعدي ؟

جلبي مش مستريح للموضوع ده وحاسس بغدر من الحزب الوطني القادر ...

[se_ Elsyed]

ومن ناحية أخرى قالت مصادر الشرطة المصرية السبت إن قريب متهم هارب في قضية التفجير الذي أودى بحياة ثلاثة سائحين في منطقة الازهر بالقاهرة منذ عدة أسابيع توفي في المعتقل.

شوفتوا بقى مين فينا الإرهابي ؟

طب بالله عليكم بإي ذنبٍ تم قتل هذا الشخص ؟

وهل لا قدر الله لو الواحد له قريب إرهابي يبقى يستحق يموت بسببه ؟

طبعاً الحكومة عاملة زي إسمه إيه ده السعران وبتضرب في هذا الوقت في جميع الإتجاهات ومستعدة تقتل سلسال أي واحد يعمل حاجة مش مظبوطة في هذا التوقيت بالذات ...

ولنا في عشرات المعتقلين بعد تفجيرات طابا أقرب عِبره .. الناس دخلوا المعتقل ومنهم نساء وما حدش يعرف لهم طريق جره ..

منتهى الظم والجور

[Sherief AbdelWahab]

لنعترف ..

أننا صرنا نعيش ظروفاً أسوأ بمراحل من هوجة الجماعات المتطرفة في أواسط الثمانينيات التي شكلت تحدياً حقيقياً لحسني مبارك في فترة ولايته الأولى..

في تلك المرحلة كان المتطرفون قلة منبوذة ، على علاقة بالجماعات الطهرانية ، لم يكن لفكرهم وجود يذكر ..

أما الآن فصارت الأرضية مهيأة لدخول عدد كبير من الشباب الغاضب لسلك التطرف أو التصوف .. لا حل وسط .. فقر وبطالة وسيادة للجهل والبيروقراطية وتوحش للفساد وانهيار للثقافة المصرية في مواجهة أنماط ثقافية مستوردة من كل أنحاء العالم.. ماذا تنتظرون؟

الحل يحتاج لذكاء ، لا يتوافر لدى الحرس القديم في الحزب الوطني الذي يعشق لعبة "اضرب اليسار بالتيار الديني واضرب التيار الديني بالطرق الصوفية".. لحكمة تجعلك ترى الأشياء من أعلى ومن أسفل وبشكل موضوعي وعقلاني ..

بالنسبة للحادث الأخير لا داعي لسبق الأحداث ، ولا للانجراف وراء أي تصريح حتى تلك التي تخرج بعد الحادث و يعلن فيه مسئولية جماعة كتائب اللمبي أو عصابة أبو رجل مسلوخة عنه.. فحصر المشكلة الحقيقية في هذه الجماعة أو تلك هو الغباء الصارخ بعينه!

خلص الكلام

[emmyyy]

انفجار ثاني في للسيده عائشه في اقل من ساعتين و المنفذ فتاتين

تم تعديل 30 أبريل 2005 بواسطة emmyyy

[bashmohandes]

مقتل شخصين في حادث إطلاق نار بالقاهرة بعد انفجار عبد المنعم رياض

القاهرة : أطلقت فتاتان منقبتان اليوم الرصاص علي حافلة سياح بالقرب من مسجد السيدة عائشة في منطقة مصر القديمة، مما أدي مقتل شخصين ، وذلك بعد ساعات من مقتل شخص وإصابة 8 آخرين بينهم إسرائيليان وإيطالي وروسي إضافة إلى 4 مصريين في انفجار وقع اليوم بميدان عبد المنعم رياض وسط القاهرة.

وذكر مراسل قناة الجزيرة القطرية أن قوات الامن المصرية أطلقت الرصاص علي الفتاتين عندما حاولتا مهاجمة حافلة السياح بالقرب من مسجد السيدة عائشة في منطقة مصر القديمة ، مما ادي إلي مصرعهما. وكان مصدر أمني مصري قد أفاد بمقتل شخص وإصابة 8 آخرين بينهم إسرائيليان وإيطالي وروسي إضافة إلى 4 مصريين في انفجار وقع اليوم بميدان عبد المنعم رياض وسط القاهرة.

وتشتبه السلطات المصرية في أن القتيل هو منفذ الانفجار لكنها لم تتأكد بعد من صحة تلك الشكوك.

ويعد هذ الانفجار هو الثاني من نوعه خلال شهر بعد الانفجار الذي استهدف منطقة الأزهر يوم التاسع من الشهر الجاري وأسفر عن مقتل أربعة أشخاص بينهم سائح أمريكي وسائحة فرنسية فضلا عن منفذ العملية بالإضافة إلى إصابة 19 آخرين.

وقالت وزارة الداخلية المصرية فى بيان لها، إن منفذ العملية، ويدعى حسن رأفت بشندى، البالغ من العمر 18 عاماً.. كان مرتبطًا "بمجموعة متطرفة تضم أربعة عناصر شاركوا كلٍ بدوره فى الترتيب وتنفيذ العملية.

.

.

.

.

.

.

.

.

www.moheet.com

[عبدوس الوزير]

أنا مش هتكلم عن الناحية الدينية لأن ده أمر مفروغ منه

بس أنا عايز أفهم، الناس دي ماعندهاش أي نوع من العقل والتفكير؟

اشمعنى دلوقت بس حبك اللي يحصل ده ومحصلش أيام غزو العراق وما قبله؟

ولمصلحة من أن يظهر أنه لا خيار إلا في الحكومة الحالية وإلا كان التغيير وبالا على المصريين، في الوقت ده بالذات؟ ومع العلم أنه الآن وقت خمول نسبي في العراق وإسرائيل ولم نسمع عن حدث قريب مثل الأحداث التي هزت الوجدان سابقا.

أنا مش من أنصار اتهام الحكومة، الأرجح أنه منفذي هذه التفجيرات أغبياء لأقصى حد.

والسلام.

[mohamed]

أنا مش من أنصار اتهام الحكومة، الأرجح أنه منفذي هذه التفجيرات أغبياء لأقصى حد.

او مخترقين لأقصى حد

[Cleo]

اليوم على قناة الجزيرة:

- وقوع انفجار فى وسط القاهرة، مراسلنا فى مكتب الجزيرة، مصرع كام و إصابة كام، و التعرف على هوية المتهم :o

- وقوع انفجار ثانى منذ دقائق فى السيدة عائشة ومصرع منفذتى العملية :wub:

فى نفس التوقيت على الفضائية المصرية:

- يضم قصر الطاهرة مجموعة من الساعات الناااااااادرة التى كان يحرص الملك فاروق على امتلاكها.. :wub:

- نجفة من الفيروز و الكريستال و المورانو مهداه من شااااه إيران...

- تم ترميم قصر الطاهرة فى عهد السيد الرئيس محمد حسنى مبارك :) :D

:P

[عبدوس الوزير]

مع العلم أن وسائل الإعلام العالمية تنقل عن تصريحات وزارة الداخلية مش جايبة حاجة من عندها

شكلها إن التلفزيون المصري لازم ياخد الأوكي الأول قبل ما ينشر أي خبر علشان كده بيتأخر، حتى لو كان مصدر الخبر وزارة الداخلية

[G.G]

في تصريح لأحد مسئولي الأمن على قناة الجزيرة,,أشار أن العمل الإرهابي الاخير ,من ملاحظة بدائية صنع المتفجرات و نقص التخطيط ,يتضح أنه عمل فردي و لا يرقى لأن يطلق عليه تنظيم..

هل العمل الإرهابي الفردي أقل وطأة من عمل يقوم به تنظيم ما؟..

هل تحول أفراد عاديين من يوم و ليلة لإرهابيين شئ بسيط؟..

في رأيي ليس أدل على فشل سياسة الحكم أكثر من نجاحها في صناعة الإرهابي الفردي بهذا النجاح ..

بل تفوقت و امتدت لصناعة الإرهابي العائلي,,

حسب قناة الجزيرة ,فتاة من الفتاتين المنقبتين هي أخت منفذ عملية ميدان عبد المنعم رياض,و الأخرى هي خطيبته..و الجميع يرتبط بصلة قرابة مع شخص قتل في ظروف غامضة اثناء التحقيق معه لمحاولة القبض على متهم هارب ... يعني بدل ما كان 1 أصبحوا ثلاثة..في هذا الوقت القياسي..

و لكن, نرجع نقول,, ما زالت العملية "فردية"!

[emmyyy]

مبروك علي حكومتنا الغاليه و ارجو لها المزيد من الموت و الدمار

اهيب بالساده المسؤلين بسط يد العون للمواطنين و مساعدتهم في التخلص من حياتهم البأسه التعسه

عملوا فينا ايه الناس دي وصلوا الشعب لانه يري ان الموت هوالسبيل الوحيد لخلاص

الناس دول عاشوا حياتهم مظلومين و ماتوا ظلمين لكن ذنبهم في رقبت حكومه ظالمه فاجره جبانه

[kotoz9]

انا مش عارف ايه اللى بيحصل فى مصر ده؟؟؟؟ ده احنا دلوقتى ما شاء الله .....ما شاء الله بنافس العراق فى اخبار التفجيرات والمفرقعات.

بس فى حاجة مستغربها هم قتلوا قريب المتهم الهارب فى المعتقل وتركوا اخت مرتكب الحادث علشان تقوم بالعملية

وطبعا اعضاء حزب "هشتكنا وبشتكنا ياريس"ما صدقوا جنازة وشبعوا فيها لطم وكلام عن حكمة قانون الطوارئ

[se_ Elsyed]

وكالات الأنباء

أعتقال 200 شخص بمنطقة شبرا الخيمة وهي المنطقة التي يعيش فيها الشخص الذي فجر نفسه

وأنا باسأل : طب ليه ؟وجبتوا الظلم ده كله منين ؟ طب ما تجيبوا طيارات هليكوبتر وتحرقوا شبرا والخلفاوي وموقف عبود وتريحونا

برضوا مازال

السؤال التقليدي يطرح نفسه : هو مين الإرهابي ؟

[se_ Elsyed]

لو سمحتم سلفوني عقلكم لدقايق وهارجعهولكم تاني صاغ سليم...

الشرطة قالت إنهم لما ضيقوا الخناق على هذا الإرهابي ومن مطادرتهم له رمى نفسه من فوق الكوبري لينتحر وكان واضع العبوة الناسفة وهي عبارة عن متفجرات ومسامير في رقبته داخل رقبة صناعية !!!!!! فلو سمحت إعتبروا س س ده نزيل في مستشفى العباسية عنبر ج جنب الطرقة اللي في الوش ... وقولوا لي إزاي قنبلة ومعاه مسامير بورمه توضع داخل رقبة إلا بقى لو كانت رقبة فيل ؟ أو رقبة زرافة بالطول ؟..

وبعدين معنى كده إن الشرطة كانت بتجري وراه ساعتها فالواد إتزنق ورمى نفسه ؟ ده طبعاً كِذب وإفترا

خدوا الحته اللي جايه وخليكوا معايا

بصوا الصورتين بتوع البنتين اللي موتوا نفسهم في السيدة عائشة واللي منشورين في صدر الصحفة الأولى للجمهورية وبرضوا سيبوا لي عقلكم شويه عشان محتاجة

طب يا حكومة إنتوا قولتوا إن البنتين كانوا منقبتين وأطلقوا 3 رصاصات فقط من الطبنجتين العتيقتين اللي كانت معاهم على الزجاج الخلفي للأتوبيس السياحي الفاخر .. وبعدين ( قرب وشوف يا جدع ) وبعدين إنتحروا في نفس المكان...

طب عدم اللامؤخذه إنتحروا إزاي ؟ بإسفكسيا الخنق ولا كان معاهم سم في الخاتم وشربوه زي كليوباترا ؟ إذا كان كل اللي إنضرب 3 رصاصات - ورصاصة ما تزال في جيبي - إلا بقى لو كانت الرصاصات الثلاثة دخلت في قزاز الأتوبيس الخلفي وفضلوا ماشيين لحد البرابريز القدماني وبعدين نفدوا من الناحية التانية راحت هبت رياح شماليه غربية جافة محملة بالسُحب الممطلرة وراحت مغيره إتجاه الرصاص - زي الجون اللي دخله روبيرتو كارلوس في فرنسا - وبعدين لفوا حوالين الأتوبيس وراحوا راشقين في النتيين - المشهد ده مستوحى من فيلم مات ريكس واحد :blink: -

وبعدين لما هما إنتحروا ... عدم اللامؤخذه إحنا بنتكلم ومش عايزين نولعها ... إيه الخراطيم اللي متعلقة للبنت دي .. ورابطين دماغها ليه ؟ عسى ما يكونش جالها صُداع بعد ما ماتت بس .. هازعل قوي ؟

وبعدين الصورة اللي علي الشمال وشها متنفخ وعنيها مزرقة من الضرب ليه ؟ إن شالله بس ما تكونش إنتحرت عن طريق بإن ضميرها أنيبها بعد ما ضربت السياح فنزلت ضرب في نفسها باللكميات لحد ما موتت روحها من الضرب ... أو يكون جوزها الإرهابي - على فكرة إسكتوا مش طلع جوزها .. أصل أول ما الحادثة حصلت قالوا إنه بتربطوا بها علاقة عاطفية - نزل فيها ضرب فطهقت من حياتها وقررت الإنتحار ..

ده كان تعليق ساخر على كذب وإفترا حكومتنا الرشيدة ورجال العسس المحيطين بها والتي تظن بإنهم هم درعها الأول وحاميين الحما ...

فعلاً قلبي مع أهل شبرا الخيمة . زمان كل واحد شاءت أقداره وقاله هذا الولد في يوم من الأيام حتى لو سنة 1966 السلام عليكم .. أو أقعد بالعافية .. زمانه متعلق دلوقت من رجلية عشان أمن الدولة يقرره ملابسات وظروف تلك التحية .. وهل كانت عبارة عن سيم بينه وبين الإرهابي الخطير . أم هي جملة متفق عليها ووراءها أغراض دنيئة لقلب نظام الحكم ...

[seastar44]

عندمـــــا ينــــــادى الجميــــــع بضــــرورة إلغــــــــاء قـــــــانون الطوارىء .......

فلابد من وجــــود أحـــداث تبرر استمــــرار العمل بـــه ......

حد فاهم حـــاجه ؟؟؟؟؟

[Amira Khaleel]

عندمـــــا ينــــــادى الجميــــــع  بضــــرورة إلغــــــــاء قـــــــانون الطوارىء .......

فلابد من وجــــود أحـــداث  تبرر استمــــرار العمل بـــه ......

حد فاهم حـــاجه  ؟؟؟؟؟

<{POST_SNAPBACK}>

أيوه أيوه يا سيدى فاهمة أيوه فاهمة و حاطة على راسى جالوس طين و ساكتة .. و ياريتنى ما كنت فاهمة

و ياريت يارب أطلع حمارة و غبية و ما كونش فاهمة

طبعا كلنا أكلنا البالوظة .. إن المسلمين المتطرفين الوحشين هما اللى عملو كدة ... طيب ياريت ياريت حتى يكون خط الصعيد إنما اللى فى دماغى أخطر من كدة

تصوروا مش قادرة أقول ... طيب أقول إيه

بالعقل - و ياريت تانى أكون بخرف - اللى نفذوا العمليات دى كانوا مخدرين او تحت سيطرة حاجة عملالهم شلل فى تفكيرهم و دى سهل من له مصلحة يعملها و سمعنا عنها كتير فى الحواديت

يعنى البعدا خدوهم و خلوهم ادمنوا و هوبا يا بشندى إعمل عجين الفلاحة يعمل .. نومة العازب إزاى يعمل ... إقتل أمك يا شمندى يعمل ...

فاكرين من كام يوم ولد أمه مدرسة إننجليزية فى المعادى قتل أمه علشان شمة زفت هيروين !!

الحدوتة اللى سمعناها مش راكبة على بعضها .... من إمتى الإرهابى بيقف لما يموت ببساطة و مايحاولش ينجى من الموت ... و من إمتى الإرهابى بيكون مهذب و مؤدب و يقتل نفر و الا اتنين بس.

يارب اكون غلطانة لكن الفكرة دى لابسانى و حخش السراية و آدى الكزرونة !!

[se_ Elsyed]

يارب اكون غلطانة    لكن الفكرة دى  لابسانى      و حخش السراية    و آدى الكزرونة !!

يا عصام تعالى لم الكزرونات المتنطورة في كل حته وعماله تكعبل الناس دي ..

بصي يا أميرة ... حكاية متخدرين وبيعملوا عجين الفلاحة دي فكرة مستبعدة على الأقل بالنسبة لي لإننا كده هاندخل في نظام أفلام عربي لما محمود المنيجي كان دكتور نفساوي وبيعالج عم عماد حمدي وكان بيخليه يرتكب جرايم وهو متنوم مغماطيسي .. ومساء الخير يا نينه ..

لكن المنطق أو العقل بيقول إن البنات دول والولد إتعرضوا لظلم بشع عن طريق إعتقال أهاليهم وأقربائهم اللي إتبعتوا على أبو غريب وهناك طبعاً إتنفخوا على 45 ومنهم واحد مات وأمن الدولة رموا لهم جثته من غير حتى ما يبعتوا مع الجُثة شُريك وبلح أبريمي رحمه ونور على الراجل ..

فتصوري واحد والدته أُعتقلت وأتهتك عرضها وقرايبه بيتنفخوا لحد ما بقوا زي المناطيد بتاعت زبلن في الحرب العالمية الثانية ... يبقى خلاص الواحد ما قداموش حل إلا الإنتقام الأعمى وهدم المعبد على الجميع ..

صح ولا أنا لابس كزرونه برضوا ؟