براءة شفيق ونجلي مبارك في قضية أرض الطيارين وكل المتهين

[herohero]

بتتسلوا .. طيب

أسعد الله اوقاتكم ...

ماهو مادام رايك مش هيقدم ولا هيأخر وغيرك هو اللي بياخد القرار وهو اللي بيفهم ومحتكر الفهم له بس يبقى كلامنا ولا هيقدم ولا هيأخر يبقى نتسلى

[شرف الدين]

عزيزي هيرو .. هي حيثيات الحكم صدرت ؟؟

بصراحة اللي اعرفه إن الحيثيات بتكون بعد فترة من الحكم ..

----------

تم تعديل 20 ديسمبر 2013 بواسطة شرف الدين

[التونسى]

كلو عايزلو قميص ل كتاف .... من أوطى ما فيهم للهاااااااااااى .. سلملنا بقى ع التروماى

[herohero]

عزيزي هيرو .. هي حيثيات الحكم صدرت ؟؟

بصراحة اللي اعرفه إن الحيثيات بتكون بعد فترة من الحكم ..

----------

ده اللي مكتوب في وسائل الاعلام ، وبيتقال ف التليفزيون وانا شاي ف ان ده مش مشكلتنا خااااااااااااالص معرفش اصلا انا شايف ان قضية زي ده تضييع وقت اللي اعرفه الي اخد حاجه يرجعها وخلصنا مش ممستاهلة قضايا ،المصيبة ف اللي عمل حاجات ما ينفعش تتصلح

مش فاهم الناس زعلانه ع ايه

[Salwa]

صباح الخير.

طيب ممكن اقول حاجة من نفسى ؟..

أصل ياعالم بقى الواحد حايعيش لبكرة والا لأ.....قصدى يعنى لما يبقى فيه حرية وديمقراطية وكدة يعنى ..!!

نبدا بسم الله.

بداية يعنى ........أنا مش من انصار فريق معين ...لا أنا من انصار حزب دينى ولا انا من انصار حكم عسكرى .....حلو كدة؟؟

طيب.

اللى بيحصل (( حاليا )) شئ يصيب بالغثيان فعلا .

سبق لنا وقلنا ان النتيجة اصبحت ...(( لم ينجح احد ))..

الكل اثبت فشل ذريع..

مش علشان كلهم فشلة ؟؟؟ لالالالالا.......لكن لأن الكل طمع.. لما شاف أن سهل جدااا يسيطر على مصر بشوية ناس.. (( كتار شوية يعنى )) يطلعوا يصرخوا ويقولوا ( ارحل ) ويهزوا الدنيا كلها.
الكل طمع ....لما شاف ان كل المصريين الشرفاء صدقوهم وطلعوا يصرخوا ويتمنوا الخلاص الحقيقى من كل الوباء ده اللى اصاب مصر فى مقتل عظيم على مر سنين طويلة واصبحت شريحة كبيرة تعيش تحت خط الفقر وفى اعشوائيات وفى المقابر ...!!

صرخ الفقراء ومحدودى الدخل ومتوسطى الدخل ....صرخ المقهورين فى بلادى ..
و...

ظهرت (( زواحف كانت تختبئ بين الجحور ))...ظهرت ...تحلم بالقيادة

الكل طمع لما شاف التورتاية موجودة ....والشعب حايبدأ يستطعم حلاوة العيش .

مش معنى ان الاخوان ( خربوها ) ...ان التانيين...( ملايكة)..
حانبدأ بقى نقلب الاسطوانة على الوش التانى ؟؟

حانبدأ نطبل لبتوع زمان اللى كانوا هم فعلا (( اصل البلاء ))...؟؟

دول هم اللى كانوا ....كل اسباب ..ثورة 25 يناير..الثورة كانت عليهم يانااااااااااس..

يعنى الصراحة كل اللى بيحصل اصبح شئ مش طبيعى ...يعنى وصلت السيطرة على العقول لدرجة انهم بيقولوا مفيش حاجة اسمها خمسة وعشرين يناير ولا حاجة اسمها ثورة ....الله؟؟؟

الله؟؟

يعنى يقولك ..افهموا بقى .خمسة وعشرين يناير ده عيد الشرطة فقط..

ويرجع يقولك ان خمسة وعشرين يناير كانت هوجة وكانت مش عارف ايه؟؟

لالالا.....فوقوا بقى ..

الثورة َ( حتى لو كانت شئ تم تخطيطه كى يصرخ الف شخص ) ...اصبحت واقع وخرج كل الشعب يصرخ وينادى يالحرية والعدالة الاجتماعية .

كانت ثورة .......كانت ثورة نظيفة رائعة .

كانت ثورة جميلة ..

كانت ثورة ......وتمت سرقتها .

لكنها كانت ثورة نقية جميلة .

لماذا يتم تشويهها الآن؟؟ لماذا يريدون حتى الغاءها من قاموس مصر؟؟وتاريخ مصر؟؟

اعلام مأجور ......اعلام كل اللى فيه متسلق ومنافق .

وجماعة اسلامية وصولية .....ملهمش لا مبدأ ولا دين ولا حتى ....رب.

وشيوخ تبيع نفسها والآخرة ف سبيل الدنيا ومباهجها..
يعنى اللى حصل ف السنوات دى يجعلنى اقول بكل ثقة وراحة ضمير ....

محدش من اللى كان ماسك البلد دى ( ف اى وقت ) حبها..ولا حب شعبها...ولا كان قلبه على الغلابة من شعبه.

ولا حد فكر ف.مصر...مصر كمصر ...ولا ف المصريين.
وكل اللى مسك حكمها ...اما كان بيبحث عن مصالح شخصية ...أو...بيحاول ينشئ شئ ف خياله هو وجماعة اتزرع فيها.

محدش حبها..

نيجى بقى للاتهامات......سواء الاتهامات اللى اتهم بيها الرئيس المخلوع وانصاره.

أو...الرئيس المعزول وانصاره..

بالطبع فيه جزء كبيييييييير من الاتهامات............صحيح..
لكن؟؟

عنصر (( التهويل )) ..........كان مش طبيعى بصراحة.

كلنا فاهمين وعارفين وشايفين اللى بيحصل دلوقت ....شايفين الحرب الدايرة ف سيناء ودخول قوات غريبة تحارب المصريين وشايفين الاسلحة وشايفين الناس اللى بتتقتل ..((( لحد دلوقت مفيش اى سبب مقنع لكل اللى بيحصل ...وواضح انها محاولات لتفتيت وتدمير مصر فقط لاغير ....وانسوا حكاية الخلافة الاسلامية والعبط اللى بيضحكوا بيه على الناس ده)))..

الفريق شفيق ..والسادة المحترمين .علاء وجمال ..اخدوا براءة؟؟

طيب .وماله...

وماله..

ما يجراش حاجة يعنى .......عادى.

ماحنا كان حايحكمنا واحد زى ....ايمن نور .

والناس كانت بتهلل له برضه..

ماحنا اصبحنا ف زمن اللامعقول ..
ومبارك برضه برئ.....واحنا آسفين ياريس.
ومرسى غلبان ......وعلى نياته.,انضحك عليه ..وياولداه كان بس بيعزم وياكل بالملايين ف السنة اللى حكم فيها مصر وسلمها ...على المفتاح.

الله؟؟
الله؟

ودلوقت الكل بينادى ........بحكم عسكرى .

وحتى الناس اللى كانت بتصرخ وتنادى بحكم مدنى .رجعت تقول عايزين حكم عسكرى .

محدش سأل نفسه ليه؟؟

محدش فكر وقال ..........ان مواطنين زينا ......مش تبع أى حزب .

بيقولوا ....صح .

عايزين يد من حديد تمسك البلد دى؟؟
ليه؟؟لأننا شفنا لأول مرة ف مصر ...

الاسرة نفسها تتفكك.

الاسرة الواحدة اصبحت منقسمة .

فيها السلفى وفيها الاخوانى وفيها ضابط الشرطة وضابط الجيش.
المجتمع اصبح مجتمع غريب ...تقاليد غريبة على الشعب المصرى .

كل شئ اصبح.....ملخبط.

يوجد بصيص أمل ......أن يسترد الشعب المصرى هويته .
يرجع شعب مصر....

يعود الشعب لصوابه بعد المتاهة اللى عشناها..

يفوق..

ياريت نفوق ..
ياريت نفوق وننسى ....ننسى انهم حاولوا يقسمونا ويفرقونا ويصنفونا كل حسب ديانته ومذهبه .

بعد ما سرقونا ودمرونا وحرقونا وغرقونا ...

كأنهم بيسلمونا لبعضهم .كل واحد يحطمنا شوية .

كأن الشعب المصرى اصبح......مجرد حطب يشعلوا بيه مشاعل يمشوا بيها ف طريقهم الملعون..
والآن؟؟

كل اللى بنتمناه .......حكم وحاكم عادل .

يعرف ربنا ويراعى ضميره .

يتقى الله فى شعبه .

وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ

صدق الله العظيم.

[التونسى]

يابلدنا قلوبنا موجوعه

دى القربه بجد مقطوعه

ما العدل أسير ف زنزانه

والظلم أوامره مسموعه

يا بلدنا قلوبنا موجوعه

[عبير يونس]

ودلوقت الكل بينادى ........بحكم عسكرى .

وحتى الناس اللى كانت بتصرخ وتنادى بحكم مدنى .رجعت تقول عايزين حكم عسكرى .

محدش سأل نفسه ليه؟؟

محدش فكر وقال ..........ان مواطنين زينا ......مش تبع أى حزب .

بيقولوا ....صح .

عايزين يد من حديد تمسك البد دى؟؟

ليه؟؟لأننا شفنا لأول مرة ف مصر ...

الاسرة نفسها تتفكك.

الاسرة الواحدة اصبحت منقسمة .

فيها السلفى وفيها الاخوانى وفيها ضابط الشرطة وضابط الجيش.

المجتمع اصبح مجتمع غريب ...تقاليد غريبة على الشعب المصرى .

كل شئ اصبح.....ملخبط.

يوجد بصيص أمل ......أن يسترد الشعب المصرى هويته .

يرجع شعب مصر....

يعود الشعب لصوابه بعد المتاهة اللى عشناها..

يفوق..

ياريت نفوق ..

ياريت نفوق وننسى ....ننسى انهم حاولوا يقسمونا ويفرقونا ويصنفونا كل حسب ديانته ومذهبه .

بعد ما سرقونا ودمرونا وحرقونا وغرقونا ...

كأنهم بيسلمونا لبعضهم .كل واحد يحطمنا شوية .

كأن الشعب المصرى اصبح......مجرد حطب يشعلوا بيه مشاعل يمشوا بيها ف طريقهم الملعون..

والآن؟؟

كل اللى بنتمناه .......حكم وحاكم عادل .

يعرف ربنا ويراعى ضميره .

يتقى الله فى شعبه .

وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ

صدق الله العظيم.

ايوة يا ماما سلوى

انا من الناس اللي بينادوا بحكم عسكري للبلد

أنا من اللي مشتتين ما بين اخوات و اقارب كل واحد له انتماء

و نسيوا كلهم انتماءهم لمصر !!!

عارفة ان الجملة دي مبقتش تعجب حد

و معرفش ليه في ناس بتحمل مصر دايما أي ضيق بيمروا بيه ؟؟؟؟!!!!

مش من عادتي أعلق الفشل على شماعات

لكن لا أبرأ منظومة الاعلام

و لا الأدب الساخر

من الخلط بين حب الوطن و بين السخرية من سلوكيات الحكام

و في هذا شجون لا يتسع لها المقام هنا

و لنعد تحديدا لما نمر به من أزمات فجرتها و أبرزتها و بلورتها أحداث 25 يناير و ما بعدها

كنت قبل 25 يناير

باقول ايه العبط ده اللي ناويين تعملوه و حا تبقى مظاهرات خايبة

و يومها كنت متوقعة انها هوجة وحا تخلص بشوية اعتقالات و الباقي يرجع يجرجر اذيال الخيبة

و يومها لما الوضع تأزم و الناس اتهرست بالدبابات

تغيرت الهتافات و بقت ارحل

و لا أنكر أنني كنت أصرخ بها في بيتي وسط اولادي و الدموع تغرق وجهي

18 يوما كاملة لم أكن انام و أصحو إلا على اخبار مصر و لم أكن أملك سوى الدعاء بأن ينتقم الله من الظالم

لذلك أعذر الكثيرين الآن عندما يشاهدون قناة الجزيرة و هي تصور رابعة و هم ضحايا مقتولين محروقين تغرق دماءهم مصر

فهذه القناة هي من رافقتنا في ال 18 يوما الأولى من 25 يناير إلى يوم التنحي

الآن و بكل وضوح

لم أعد اؤمن بأنها كانت ثورة حقا

هي كانت تماما كمشهد الفيل و العميان

كل منهم أمسك بجزء من الفيل و تصوره شيئا مختلفا عما تصوره الآخرون

هناك من رآها ثورة

وهناك من رآها مؤامرة باجندات خارجية

وهناك من رآها فرصة للحكم الاسلامي

و هناك من حلم فيها بدولة مدنية و حريات

ربما كانت كل ذلك

ربما كانت جزء من المؤامرة الماسونية الكبرى

لم أعد أعرف حقا

و الأهم أنني لم أعد أريد أن أعرف

فقد سئمت التحليل

أريد فقط مصر التي أعرفها

حتى لو كانت بفسادها

لا أريد التخلص منها و القائها في دار العجزة

أقبلها كما هي بكل ما فيها

و أريدها آمنة و محمية

و لا أعرف بعد حماية المولى عز وجل غير حماية الجيش

أمن مصر رقم واحد عندي

و لما نتلم تاني زي ما كنا نبقى نشوف مشاكلنا بالراحة و بالهداوة

قلتها هنا مرات عديدة

التغيير يبدأ من الداخل و لم ولن يجدي أبدا فرضه من الخارج

من يريد التغيير حقا عليه أن يبدأ بنفسه

و الفساد مهما كبر بالونة دبوس يفرغها من الهواء

بس مصر ترجع الاول

و بعدين نبقى نعالجها

و لا أملك كلاما غير ذلك

أعيدوا لنا مصر

و بعدها نتحدث كيف نعمرها من جديد

عن نفسي أرضى بأي حاكم يعيد لنا مصر كما كانت

و بالنسبة للموضوع الأصلي

فأحب أقول كلمة مهمة جدا

يمكن أن يتحدث الناس كما يريدون عن فساد الحكام والمسؤولين و اجرامهم

كما يمكن أن يوجد من ظلموا شخصيا منهم

لكن القانون لا يحكم بالحكايات

و لا بالفرقعات الاعلامية

يحكم بالأدلة و المستندات

على مدى 3 سنوات من قام بجمع تلك الأدلة ؟؟

أو بمعنى أدق

من فعل شيء غير الكلام و التحليل ؟؟!!!

[التونسى]

عبير .... من أظلم الأوقات فى تاريخ الأمم ...هى الاوقات التى يؤمن فيها الانسان بأن الشر هو الطريق الوحيد للخير .... وكفى

من كتاب الجمعيات السريه لعلى ادهم

تم تعديل 20 ديسمبر 2013 بواسطة محمود البصيلى

[عبير يونس]

عبير .... من أظلم الأوقات فى تاريخ الأمم ...هى الاوقات التى يؤمن فيها الانسان بأن الشر هو الطريق الوحيد للخير .... وكفى

من كتاب الجمعيات السريه لعلى ادهم

إما الدينية او العسكرية

هل يوجد خيار آخر ؟؟

دلني على طريق ثالثة و أنا أسير بها

[herohero]

سبحان الله يعني الشعب المصري كان متوحد وكان زي الفل وكل الخراب ده والتغيير المفاجئ حصل له ف خلال سنتين !!!!!!!!!!!

سبحان الله مش عارف هو انتم مكنتوش عايشين ف مصر مش عارف محدش كان بيمشي ف الشارع ياسادة المجتمع اتغير فعلا بس من زماااااااااااااااااااان ع الاقل كان ف خلال ال30 سنة ويمكن من بداية عهد الانفتاح الاقتصادي وبدات التغييرات بس احنا الي مش عاوزين نشوف وكانت المؤشرات واضحه من افلام المقاولات "بدولارات الخليج "الى افلام العهر والمخدرات اللي تبناها الفاضل محمد سبكي الى افلام العنف الفظيييييييييييع

سبحان الله كل ده مش متوقعين انه يأثر ف المجتمع اصلا ده موجود ف المجتمع

اتعجب ممن يعتبر ان 25 يناير وما بعدها هو اللي عمل كده لا ياسادة الخلل موجود من زماااااااااااان ولكن كان مش ظاهر اللي حصل انك طلعت كل السلبيات وظهرت

واتعجب الدراما يا سادة معبرة عن الواقع كان فيه ارهاصات ف الدراما تقول للاعمي البلد هتنفجر خد بالك ، مازلت اتعجب من فيلم زي "رامي الاعتصامي" ده قبل 25 يناير كانه هو اللي عمل ثورة 25 يناير وافلام خالد يوسف من 2008 وكان بيتقال ففيها اللي حصل ومظاهرات امام مجلس الوزراء ايه نسيتوا

البلد محتاجه حاكم عسكري تمام جدا 60 سنة حكم بخلفية عسكرية وصلنا لايه ؟؟؟؟؟؟؟؟ عموما انا عارف ان غالبيتنا نفسهم قصير ولا يروا حرجا ف ان السلبيات اللي موجوده تفضل مستمرة وهي اتعودت خلاص ويفضل المصري طول عمره لو مش عاجبه البلد كندا او الخليج موجود

يا اخي من ارتضى بالذل والفساد هو حر لكن لا يفرضه ع من سيأتي بعده "ليس بالامكان افضل مما كان " ابوس ايدكم ماتقتلوش اي امل او حلم لغد أفضل

يامن ارتضيتم الذل والفساد اتركوا لغيركم الأمل ليس أكثر وبلاش حكاية الشعب المصري له خصوصية منفرده

[herohero]

إما الدينية او العسكرية

هل يوجد خيار آخر ؟؟

دلني على طريق ثالثة و أنا أسير بها

فين الدولة الدينية وفين العسكرية !!!! استاذتي انت معندكيش نظام واضح انت حاله فريدة من نوعها عندك نظام خلطبيطة ، زي ماكانوا بيقولوا مصر اقتصاديا نظام رأسمالي بعقلية اشتراكية

لان بلد كانت بتحكم بمن تربوا وتعلموا ف عهد الاشتراكية وجايين يعملوا بيزنس وتجارة !!!!! هههههههههههههههه فكرتوني بالنظام الجمهوملكي "سوريا " وكانت مصر

احنا بلد مدنية ولن يحكمها الا رئيس مدني

[عبير يونس]

يا اخي من ارتضى بالذل والفساد هو حر لكن لا يفرضه ع من سيأتي بعده "ليس بالامكان افضل مما كان " ابوس ايدكم ماتقتلوش اي امل او حلم لغد أفضل

يامن ارتضيتم الذل والفساد اتركوا لغيركم الأمل ليس أكثر وبلاش حكاية الشعب المصري له خصوصية منفرده

مش عارفة ليه بتتكلموا عن مصر كأنها شارع ؟؟؟!!!

مش دولة بها 26 محافظة !! و 90 مليون انسان

فاكرين الحاكم معاه عصا سحرية حيشاور بيها على المزابل تبقى حدائق

و والنبي اوعى حد يقول لي ان مرسي اتحارب ومحدش وقف معاه لاحسن خلاص الواحد طهق من الكلام ده

و من الناس اللي مش قادرة تعرف ان مرسي اصلا كان هو اللي مش مدي فرصة لحد يقف جنبه أساسا

نرجع للفساد

الفساد موجود منذ بدء الخليقة وحتى قيام الساعة

و من يتخيل انه ممكن يقضي عليه يبقى زي دون كيشوت بيحارب طواحين الهواء

كل المطلوب ان كل واحد يعمل لنفسه حياة نظيفة

و يواجه تحديات حياته مش يرمي كل مصيبة يقع فيها على الحكومة

وكأن الحكومة هي اللي حتحل كل حاجة وحدها

تمام زي اللي بيسأل جوجل فين مفاتيح عربيتي !!!

احنا كده زي اللي قاعدين في اوضة متبهدلة و كل ما حد يفكر يشيل حاجة و يعدلها

يتقال له حا تعدل ايه و الا ايه ؟؟ دي انخربت خلاص

اوك

احنا فشلة وراضيين بالذل و الفساد

اقترحوا يللا يا شباب حا نحلها ازاي ؟؟

و الاهم ان الاوضة على وشك تولع باللي فيها و احنا لسه بنتجادل مين الصح و مين الغلط؟؟

سأظل أكرر قوله تعالى

((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]

احنا عايزين ايه ؟؟؟

ايه اهدافنا ؟؟

على المستوى المجتمعي و مستوى الدولة ؟؟

أنا شخصيا اؤمن بالاولويات

هناك تهديد خارجي ( اعترف من اعترف و أنكر من أنكر )

و مؤكد لا أريد تقسيم بلدي و لا تمهيد الطريق لدولة اسرائيل الكبرى من الفرات للنيل

و لن أسمح بتفتيت جيشي و التحريض عليه

هذا هو الهدف الآن

و غير ذلك كله مهاترات و كلام " طق حنك " :P

المهم اوي بقى و اللي يغيظ بجد ان خلال 3 سنوات محدش جهز نفسه يحكم مصر

طب مش يبقى في بدائل نختار منها طيب ؟؟؟

فين البدائل ؟؟

فين الناس اللي مش عسكر ؟؟

هه؟ فين ؟؟ هه؟ هه؟ فييييييييييييييييييييين ؟؟؟

[التونسى]

هدى نفسك يا عبير ،، دغدغتى حيطان الموضوع هههههههه ... الطريق الثالث هو طريق العداله وتطبيقها قولا وفعلا ...حتى لو حكم البلد نيتنياهو شخصبا...... عن نفسى والله ما بتفرق معايا الاسماء مع الاعتذار لمحمد صبحى ...عسكر اخوان ليبرال وات إيفر ،،،، انا اللى يفرق معايا العدل وتطبيق ونفاذالقانون بصرامه على الكبار وببعص الرحمه على الصغار ..وما يحدث الان ويتوقع ان يمتد حدوثه هو عكس ذلك تماما وهو ما يترسخ فى كل احكام البراءه السالفه والحاليه لأئمة الغى والافك والضلال والفساد

انا عارف انى لم اشفى غليلك واجاوبك تحديدا عن طريق ثالث واقعى وغير اعتبارى ،، لكن الشئ الوحيد اللى عايزك تتأكدى منه ان الطريق ده حيتوجد وحيتم تعبيده وتمهيده بعد ما الحبال الدايبه اللى الناس متعلقه بيها حتنقطع وحينهار معاها كل شئ عفن ووسخ وقذر وقمئ وفاسد فى البلد دى ... ده وعد الرب .. ووعد الله حق .... ان الله لا يصلح عمل المفسدين ...إيفر .. نيفر

[herohero]

ثاني يا استاذه عبير هنرجع لنفس النقطة التغيير من الشعب ولا من النظام وقولت لحضرتك ان الناس بتبقى محتاجه ليدر يمشيها ويوجهها ياستي ف حياتنا الانسانية الرسل والانبياء كانوا بيقوموا بالمهمة ده

وزي ما انت شايفه النظم هي اللي غيرت ف الناس كل الدول اللي تقدمت وفقت ف قادة لهم رؤية !!!!مش رؤيا !!!!

هات لي شخص برؤية وانا معاه اعرف بس هيعمل ايه ويكون كمان معاه اليى لتحقيق رؤيته

مفيش حد مناسب معاكي طبعا وهيبقى فيه حد مناسب ازاي وامتى ؟؟؟ وانت عارفه ان السياسة اللي كانت متبعه ان اي حد ممكن يكون له مستقبل كان بيتركن ع جنب ، مرسي مكنش صح وخسر اللي كانوا ممكن يساعدوه وغلط نفس الغلطة والي انا بكرهها جداااااااااااااا احتكار الفهم

مفيش حد بينزل من بطن امه بيفهم احنا ماعندناش ممارسة خلينا ننمارس ونتعلم ويبدا الشعب يفهم انما الكارثة ان اللي بطالبي بيه غيرك اصلا شايفين اننا غير مؤهلين للتعلم حتى واهو انتوا شوفتوا 25 يناير 2011 وكست البلد وخربتها انتوا مالكوش دعوة واحنا هنمشي البلد وخليكم انتوا ع الكنبة ده لسان حالهم

للاسف استاذه عبيرة حق الاختيار هتتحرمي منه عن قريب ، ومالكيش دعوة بطق الحنك :gather:

تم تعديل 20 ديسمبر 2013 بواسطة herohero

[عبير يونس]

هدى نفسك يا عبير ،، دغدغتى حيطان الموضوع هههههههه ... الطريق الثالث هو طريق العداله وتطبيقها قولا وفعلا ...حتى لو حكم البلد نيتنياهو شخصبا...... عن نفسى والله ما بتفرق معايا الاسماء مع الاعتذار لمحمد صبحى ...عسكر اخوان ليبرال وات إيفر ،،،، انا اللى يفرق معايا العدل وتطبيق ونفاذالقانون بصرامه على الكبار وببعص الرحمه على الصغار ..وما يحدث الان ويتوقع ان يمتد حدوثه هو عكس ذلك تماما وهو ما يترسخ فى كل احكام البراءه السالفه والحاليه لأئمة الغى والافك والضلال والفساد

انا عارف انى لم اشفى غليلك واجاوبك تحديدا عن طريق ثالث واقعى وغير اعتبارى ،، لكن الشئ الوحيد اللى عايزك تتأكدى منه ان الطريق ده حيتوجد وحيتم تعبيده وتمهيده بعد ما الحبال الدايبه اللى الناس متعلقه بيها حتنقطع وحينهار معاها كل شئ عفن ووسخ وقذر وقمئ وفاسد فى البلد دى ... ده وعد الرب .. ووعد الله حق .... ان الله لا يصلح عمل المفسدين ...إيفر .. نيفر

ثاني يا استاذه عبير هنرجع لنفس النقطة التغيير من الشعب ولا من النظام وقولت لحضرتك ان الناس بتبقى محتاجه ليدر يمشيها ويوجهها ياستي ف حياتنا الانسانية الرسل والانبياء كانوا بيقوموا بالمهمة ده

وزي ما انت شايفه النظم هي اللي غيرت ف الناس كل الدول اللي تقدمت وفقت ف قادة لهم رؤية !!!!مش رؤيا !!!!

هات لي شخص برؤية وانا معاه اعرف بس هيعمل ايه ويكون كمان معاه اليى لتحقيق رؤيته

مفيش حد مناسب معاكي طبعا وهيبقى فيه حد مناسب ازاي وامتى ؟؟؟ وانت عارفه ان السياسة اللي كانت متبعه ان اي حد ممكن يكون له مستقبل كان بيتركن ع جنب ، مرسي مكنش صح وخسر اللي كانوا ممكن يساعدوه وغلط نفس الغلطة والي انا بكرهها جداااااااااااااا احتكار الفهم

مفيش حد بينزل من بطن امه بيفهم احنا ماعندناش ممارسة خلينا ننمارس ونتعلم ويبدا الشعب يفهم انما الكارثة ان اللي بطالبي بيه غيرك اصلا شايفين اننا غير مؤهلين للتعلم حتى واهو انتوا شوفتوا 25 يناير 2011 وكست البلد وخربتها انتوا مالكوش دعوة واحنا هنمشي البلد وخليكم انتوا ع الكنبة ده لسان حالهم

للاسف استاذه عبيرة حق الاختيار هتتحرمي منه عن قريب ، ومالكيش دعوة بطق الحنك :gather:

اوك كلامكم جميل طبعا و لا اعتراض عليه

فين بقى العدالة و حا تيجي منين ؟؟

بوضعنا ده مفيش غير انتظار المهدي المنتظر لتحقيق العدل الالهي

سلمنا خلاص

مهو مفيش حد مناسب حاليا

يبقى نعمل ايه ؟؟

نفضل في فوضى لحد ما يأتي المهدي المنتظر ؟؟؟

و الا نفضل نبكي على اللبن المسكوب و نشتكي خراب الماضي ؟؟

بجد باسأل

ايه الحل ؟؟

العدل حا يجي منين؟؟

و المفروض نعمل ايه عشان العدل ده يجي ؟؟

[التونسى]

اولا يا عبير لا تعينى الظالم على ظلمه .. فهذا يبطئ فى مجئ العدل ... هو ده اضعف الايمان لو تقدرى ،، ولا تستسلمى لليأس الذى يكاد ان يلقي بكى فى احضان طواغيت العصر

[herohero]

استاذه عبير هقولك ايه سؤال ف الصميم بس للاسف الرد عليه هيكون بسؤال اصل القصه والله انا من زمااااااااااااااان بفكر فيها ومش عارف اوصل لحل مش عاوز اقولك من 2007 حتى الان ومش لاقي لها حل

كام واحد فينا حب يعمل الصح
ومعملش
لان الزمن ده عايز الغلط

كام واحد فينا حب يقول الحق
ومقلش
لان الزمن ده مليان باطل

كام واحد فينا حب يحقق العدل
ومحققش
لان الزمن ده بيحب الظلم

كام واحد فينا بيتكتف لما يحب يكون حقاني

كام واحد فينا بيتقيد لما يحب يكون نضيف

العيب فينا احنا؟
اللي اخدنا خلاص علي الرشاوي والذمه الواسعه والسرقه والفساد والاستسلام قصاد كل الحاجات دي

ولا العيب في الزمن ؟
اللي قلب الموازين وخلي البني ادم النضيف اللي اتربي علي الصح
مغفـــــــــــــــــــــــــــــــــــــــــــــــ ــــــــــــــل
في دنيا قانونها لا يحمي المغفلين

او بمعني اصح دنيا مش عايزه مغفلين

استاذي سيد حجاب قالها " ازاي هنمشي عدل والسكة معووجة "

ف انتظار اللي يعدل السكة

[عبير يونس]

اولا يا عبير لا تعينى الظالم على ظلمه .. فهذا يبطئ فى مجئ العدل ... هو ده اضعف الايمان لو تقدرى ،، ولا تستسلمى لليأس الذى يكاد ان يلقي بكى فى احضان طواغيت العصر

ده يتوقف على تحديد من هو الظالم

من على الحق ومن على الباطل ؟؟

مين يقدر يحدد ده ؟؟

الاخوان وتابعيهم شايفين نفسهم على الحق و ان السيسي ظالم

و انا شايفة السيسي بفضل الله و توفيقه خلصنا من كابوس ...من على حافة الهاوية

الاخوان و تابعيهم شايفينه مجرم بيقتل فيهم و بيدعوا عليه و علينا معاه بكل السوء

و انا شايفاه بيحميني و بيحمي ولادي و بلدي من مجرمين لو اتسابوا حا يدمروا البلد

في على الطرفين ناس مخلصين بجد و مؤمنين بإنهم على الحق

و في برضه ناس مجرمين على الطرفين

انت يمكن شايف الاخوان انظلموا

وانا شايفة انهم لسه بدري اوي على ما ياخدوا جزاءهم اللي يستحقوه في الدنيا قبل الاخرة ( اتحدث عن التنظيم الدولي لهم و مش على الغلابة اللي مصدقينهم و ضحوا بأرواحهم ايمانا بافكار يظنونها الخير )

مين الظالم أخي محمود ؟؟

و مين يقدر يحدد ده لكل واحد فينا ؟؟

[عبير يونس]

استاذه عبير هقولك ايه سؤال ف الصميم بس للاسف الرد عليه هيكون بسؤال اصل القصه والله انا من زمااااااااااااااان بفكر فيها ومش عارف اوصل لحل مش عاوز اقولك من 2007 حتى الان ومش لاقي لها حل

كام واحد فينا حب يعمل الصح

ومعملش

لان الزمن ده عايز الغلط

كام واحد فينا حب يقول الحق

ومقلش

لان الزمن ده مليان باطل

كام واحد فينا حب يحقق العدل

ومحققش

لان الزمن ده بيحب الظلم

كام واحد فينا بيتكتف لما يحب يكون حقاني

كام واحد فينا بيتقيد لما يحب يكون نضيف

العيب فينا احنا؟

اللي اخدنا خلاص علي الرشاوي والذمه الواسعه والسرقه والفساد والاستسلام قصاد كل الحاجات دي

ولا العيب في الزمن ؟

اللي قلب الموازين وخلي البني ادم النضيف اللي اتربي علي الصح

مغفـــــــــــــــــــــــــــــــــــــــــــــــ ــــــــــــــل

في دنيا قانونها لا يحمي المغفلين

او بمعني اصح دنيا مش عايزه مغفلين

استاذي سيد حجاب قالها " ازاي هنمشي عدل والسكة معووجة "

ف انتظار اللي يعدل السكة

اسمح لي ده حال الدنيا كلها في كل مكان و كل زمان

الصدمة بتحصل لما تتصور أن الشر مش موجود و ان الشرير لازم يكون شكله وحش و بيخوف

احيانا اللي اتربى على الاستقامة بيعتقد ان الناس كلهم زيه

و بيرفض احتمال ان حواليه شر و يبدأ يدور على اسباب للي بيحصل

ما أراه أنه مفيش حاجة اسمها خير مطلق و لا شر مطلق

كل انسان فيه الخير و الشر

اوقات يرتفع فيها الجانب الخيّر و اوقات يرتفع الجانب الشرير

زي سوائل كده جوانا بتهيج و تفور و تطلع على السطح أو تخمد و تنزل للقاع

ياما شفت ناس كانوا جدعان جدا معايا و غيري بيعيطوا منهم بالدموع و العكس صحيح

الانسان نفسه متقلب بين الخير و الشر في مواقف و لحظات في حياته قد تتحكم فيها المبادئ التي تربى عليها و في لم يتربوا على مبادئ أصلا

و في اتربوا عليها و تركوها اثر صدمة مثلا و في اعتنقوا مباديء عن خبرة وتجربة

الانسان كائن معقد و في ناس بتعيش و تموت من غير ما يفهموا نفسهم مش اللي حواليهم !!!

عشان كده محتاجين لصلة بالسماء تأخذ بيدنا وقت الضيق و الخوف و الجزع والحيرة

اكيد كل واحد فينا عنده تجارب سيئة تعبته و خصوصا لو كانت دفاع عما يراه حق و رؤيته لما يراه باطلا يعلو وينتصر

لكن كل دي حاجات فردية مهما كبر عدد المأزومين

المشكلة الكبرى اننا عشان نقدر نتواصل مجتمعيا لابد نعدل الاسلاك بداخلنا أولا

لتنجح شبكة مجتمعية صغيرة تكبر فيما بعد

الاصلاح مش صعب

و مش محتاج بيئة نقية 100 %

محتاج بيئة آمنة أولا

و ما أراه اننا لا يجب أن ننتظر العدل من البشر أبدا

فلا عدل غير العدل الالهي

و على رأي الغائبة الحاضرة لماضة هانم

دي وجهة نظر

[herohero]

مين قال لحضرتك ان السكو معووجة ف كل مكان ؟؟؟؟؟؟؟؟؟ ههههههههه تعالي جربي ف مصر تقفي ف اشارة مرور بالليل ومفيش عسكري كارثة

اما ف دول كثير منهم دول كنا بنعلمهم وبنساعدهم !!! بتقفي ف اي وقت لانك اعتادت هنرجع برده لنفس القصه حضرتك مفترضة ان اي اصلاح لازم يكون ان الناس تكون ملائكة حضرتك ليه مش مقتنعه ان لازم يبقى فيه قانوووووووووون يطبق ع الجميع الناس مش بتنزل متعلمه من رحم امهاتهم استاذتي برجع وبقول السلم بيتكنس من فوووووووووووق

لازم يبقى عندك قانون صح ويطبق صح ويبقى فيه قيادة صح ، الكارثة ان اصلا كثير من اللي مهمتهم يعملوا ده غير صالحين ، يعني لما ابقى وكيل نيابة متعين بالرشوة ياترى انا كده هيكون عندي مبادئ ايه ؟؟؟؟ وانا اعرف ناس بأمانة لا تصلح بالمرة وبقت ف النيابة وغيرهم كثير وبالتالي " السكة معووووووووووووووووجه "