المناطق الشمالية والجنوبية vs جــــدة

[حسام الغرباوي]

أستاذ حسام الغرباوي

كلام حضرتك معقول. 2000 ريال فرق م بين العرضين مش هو اللي يخللي الواحد يعيش نفسيا قرفان, وخصوصا إن الواحد مش طالع يحوش وبس. ده غير إني عرفت مؤخرا من خلال تصفحي لبعض المواضيع هنا ع المنتدي إن بعض من المدن المذكورة ف بداية الموضوع الحياة فيها بدائية وقبلية لحد كبير (علي سبيل المثال عرعر دي هى بلد صغير جدا تبعد عن العراق 55 كيلو متر لها شارعين رئيسيين فقط هما الشارع العام والشارع الاصفر. ولا توجد اماكن للترفيه نهائيا بعرعر)

الكلام اللي جي من علي ويكيبيديا:

النشاط الاقتصادي[عدل]

الرعي[عدل]

يتصدر الرعي جميع الأنشطة الاقتصادية في المنطقة، وقد ساعد على ذلك توافر المراعي الطبيعية من النباتات التي تزدهر في فترة الربيع والأخرى التي تتوافر في زمن الصيف. ويرعى السكان الإبل والأغنام. وقد أنشئ في عرعر مكتب لتحسين المراعي وإرشاد الرعاة، إضافة إلى القسم البيطري الذي يسهم في رعاية الحيوانات وحمايتها من الأمراض.

مظبوط كلامك ...انا شخصيا جالي عرض في عرعر من شركة تصنيف اول براتب حلو جدا وانا شغال محاسب ومع ذلك مرحتش مع اني عزابي ...بس انا دايما بحط بند مهم جدا ...وهو مش هتبقي غربة وحالة نفسية مش حلوة ....خصوصا لو الفرق ضعيف

وزي ما ابوزيد قال ...سعرك مفروض اعلي من كدا بكتير ....رواتب المهندسين عندي الخبرة 4 سنين بتعدي ال8 و 9 وف الرياض عادي يعني ...انتا خبرة حوالي 10 سنين راتبك مفروض ميقلك اصلا عن 12

[zemanova]

AbuZeyad

شكرا جدا علي نصايحك الغالية, وجاري التفاوض مع مكتب جده للحصول علي عرض أفضل. بس اعمل حسابك ف حالة السفر هاطلب منك رقم التليفون عشان لو احتجت حاجة ابقي اتصل بيك :)

mzohairy

كلام حضرتك مظبوط طبعا, موضوع المصاريف دي حاجة نسبية. لكن أنا مش من النوع المسرف ويمكن ده اللي مخلليني مطمن شويه. و الحمد لله مليش ف الشيشة.
شاكر ليك مرورك, ونصيحتك. وجزاك الله كل خير.

حسام الغرباوي

متفق معاك كليا إن الواحد مينفعش يشتغل ف مكان من غير م يكون مستريح فيه نفسيا
ده نفس السبب اللي مخلليني عايز امشي من المكان اللي انا فيه, مع إن الشركة اللي شغال فيها كبيرة - أوراسكوم بالمناسبة - والمشروع لسه قدامه حتي 2015, لكن فعلا الناس مش مريحين ف التعامل وده مخلليني مش طاااااااايق.

كلامك بخصوص الراتب اللي مش المفروض يقل عن 12 طبعا مظبوط عشان أعرف زملاء كتير سافروا علي الرقم ده ونفس دفعة تخرجي تقريبا. لكن زي م كنت لمحت قبل كده أنا اللي طلبت الرقم ده من غير م اسأل ولا اعرف المفروض أطلب كام. دي غلطتي.

ياريت يا جماعة الموضوع ميتقفلش علي كده, وأي عضو حابب إنه يفيدني أكتر بمعلومات يبقي له جزيل الشكر.

تم تعديل 23 ديسمبر 2013 بواسطة zemanova

[AbuZeyad]

تنور ان شاء الله وتحت امرك في اي سؤال

[حسام الغرباوي]

AbuZeyad

شكرا جدا علي نصايحك الغالية, وجاري التفاوض مع مكتب جده للحصول علي عرض أفضل. بس اعمل حسابك ف حالة السفر هاطلب منك رقم التليفون عشان لو احتجت حاجة ابقي اتصل بيك :)

mzohairy

كلام حضرتك مظبوط طبعا, موضوع المصاريف دي حاجة نسبية. لكن أنا مش من النوع المسرف ويمكن ده اللي مخلليني مطمن شويه. و الحمد لله مليش ف الشيشة.

شاكر ليك مرورك, ونصيحتك. وجزاك الله كل خير.

حسام الغرباوي

متفق معاك كليا إن الواحد مينفعش يشتغل ف مكان من غير م يكون مستريح فيه نفسيا

ده نفس السبب اللي مخلليني عايز امشي من المكان اللي انا فيه, مع إن الشركة اللي شغال فيها كبيرة - أوراسكوم بالمناسبة - والمشروع لسه قدامه حتي 2015, لكن فعلا الناس مش مريحين ف التعامل وده مخلليني مش طاااااااايق.

كلامك بخصوص الراتب اللي مش المفروض يقل عن 12 طبعا مظبوط عشان أعرف زملاء كتير سافروا علي الرقم ده ونفس دفعة تخرجي تقريبا. لكن زي م كنت لمحت قبل كده أنا اللي طلبت الرقم ده من غير م اسأل ولا اعرف المفروض أطلب كام. دي غلطتي.

ياريت يا جماعة الموضوع ميتقفلش علي كده, وأي عضو حابب إنه يفيدني أكتر بمعلومات يبقي له جزيل الشكر.

غريبة اوي انك انتا اللي حطيت عرض لنفسك

انا في واحد صحبي شغال في مكتب استشاري هنا في الرياض راتبه 22 الف ريال ( مواليد 86 ) ....العملية نسبية جدا وكل ما تكون واثق من نفسك في الكلام معاهم كل ما راتبك بيزيد وبيتمسكوا بيك اكتر (( وعن تجربة شخصية معايا انا برضو ))

[zemanova]

غريبة اوي انك انتا اللي حطيت عرض لنفسك

انا في واحد صحبي شغال في مكتب استشاري هنا في الرياض راتبه 22 الف ريال ( مواليد 86 ) ....العملية نسبية جدا وكل ما تكون واثق من نفسك في الكلام معاهم كل ما راتبك بيزيد وبيتمسكوا بيك اكتر (( وعن تجربة شخصية معايا انا برضو ))

يعني اطلب 22 ألف وعلي ضمانتك :)

لأ الفكرة إن ف المقابلة سألني إنت متوقع الراتب يكون ف حدود كام ؟ ف طبعا أنا عشان معرفش فطلبت 10. هو بقي كمان قاعد يفاصل ف ال10 لحد مخلاهم 9

طبعا بعد كده, عرفت إن اللي انا باقوله ده مش منطقي وبعيد عن الأصول. فعملت ساعتها زي عادل إمام في مسرحية "شاهد ما شافش حاجة" لما قعد يلطم ويقول: م انا لو اعرف كنت خدت بااااالي. :)

والنبي يا جدعان محدش يتريق عليا.

تم تعديل 23 ديسمبر 2013 بواسطة zemanova

[حسام الغرباوي]

يعني اطلب 22 ألف وعلي ضمانتك :)

لأ الفكرة إن ف المقابلة سألني إنت متوقع الراتب يكون ف حدود كام ؟ ف طبعا أنا عشان معرفش فطلبت 10. هو بقي كمان قاعد يفاصل ف ال10 لحد مخلاهم 9

طبعا بعد كده, عرفت إن اللي انا باقوله ده مش منطقي وبعيد عن الأصول. فعملت ساعتها زي عادل إمام في مسرحية "شاهد ما شافش حاجة" لما قعد يلطم ويقول: م انا لو اعرف كنت خدت بااااالي. :)

والنبي يا جدعان محدش يتريق عليا.

ههههههههههههههه

لا مقصدش انك تطلب 22 , انا بس بوضحلك ان عرضك قليل مش اكتر وفي فروق كتير برضو ...يعني صحبي دا شغال معاهم اصلا من اربع سنين تقريبا فراتبه بيزيد وكدا ,, فانا اقصد الفكرة بشكل عام ان مفروض انتا كنت تقلو مثلا 14 ...بعد المفاوضة ممكن توصل 12

وعموما خير ياهندسة وربنا يكتبلك اللي في الخير ,, وواهه كلها خبرة برضو واديك عرفت الدنيا ماشية ازاي

[AbuZeyad]

بس سؤال يا هندسة

انت وصلت لهم ازاي؟؟ يعني هما نزلوا اعلان وانت قدمت فيه ولا بعت لهم على النت ولا ايه؟؟

[zemanova]

بس سؤال يا هندسة

انت وصلت لهم ازاي؟؟ يعني هما نزلوا اعلان وانت قدمت فيه ولا بعت لهم على النت ولا ايه؟؟

سعودي ديار كانوا منزلين إعلان ف الجرنان بتاع الجمعة, الكلام ده ف شهر سبتمبر. إعلان صغير كده علي جنب متتخيلش إنه لشركة محترمة وبعديها عملوا مقابلات سريعة في الفرع بتاعهم هنا ف القاهرة ف مدينة نصر.

دار الرياض كانوا برضه عاملين إعلان ف جرنان الجمعة, الكلام ده من 3 أسابيع بالظبط. بعديها عملوا مقابلاتهم هنا ف جراند حياة ف القاهرة وكان اللي بينظملهم العملية وحملة التوظيف شركة توظيف كبيرة هنا ف القاهرة إسمها Climax International Recruitment

أنا غالبا مصادري معظمها جرنان الأهرام بتاع الجمعة بيبقي فيه فرص كويسة أحيانا. بس الإعلان مبيوحيش خالص إن الشركة أو المكتب اللي وراه مكتب تقيل أو محترم يمكن عشان بيبقوا محتاجين عدد محدود من الوظايف, فمبيكتبش إسم الشركة لنفس السبب.

تم تعديل 23 ديسمبر 2013 بواسطة zemanova

[zemanova]

ههههههههههههههه

لا مقصدش انك تطلب 22 , انا بس بوضحلك ان عرضك قليل مش اكتر وفي فروق كتير برضو ...يعني صحبي دا شغال معاهم اصلا من اربع سنين تقريبا فراتبه بيزيد وكدا ,, فانا اقصد الفكرة بشكل عام ان مفروض انتا كنت تقلو مثلا 14 ...بعد المفاوضة ممكن توصل 12

وعموما خير ياهندسة وربنا يكتبلك اللي في الخير ,, وواهه كلها خبرة برضو واديك عرفت الدنيا ماشية ازاي

كلامك صح وجربته ف المقابله التانية, طلبت 13 ووصلت معاهم ل 11

شغل 3 ورقات واللي تغلب به العب به ده أنا مكانش ليا فيه, عشان معظم الأماكن اللي اشتغلت فيها كان بيبقي في كادر معروف للمهندسين. دفعة كذا بياخد من كذا لكذا, وبرضه كان بيبقي في نوع من التفاوض البسيط.

لكن واضح إن السفر ليه حيثيات تانية, ولو كنت طلبت 2000 ريال كان بيتهيألي برضه هيفاصلوا معايا فيهم :)

في ميزة تانية ف موضوع السكن ف جده مش شايف حد هنا اتكلم عنها خالص, ألا وهي قرب المسافة من مكة (80 كيلو تقريبا علي حد علمي). هو ده مش أوبشن برضه يا جماعة ولا إيه ؟؟

بمعني لو العمل في أي مكان تاني ف المملكة هيوفرلك مبلغ معين من المال, ولقيت نفسك ف جدة براتب أقل شويه بس واخد ميزة إنك قريب من الحرم. بيتهيألي ممكن تضحي شويه ف مقابل كده, ولا الكلام ده مش صح ؟؟

طبعا مع الأخذ ف الإعتبار إن المعيشة ف جدة أغلي حاجة بسيطة زي م حضراتكوا ذكرتوا, بس انا رأيي برضه الأوبشن يستاهل التضحية.

[AbuZeyad]

انا قلت لك في اول رد ليا ان من مزايا جدة قربها من مكة والمدينة

القرب دا لدرجة ان فيه ناس عايشين في مكة وبيتشتغلوا في جدة والعكس المشوار حوالي ساعة واحدة

دا بيديك ميزة ان اي حد من اسرتك او اصحابك جاي عمرة ممكن تشوفه وطبعا سهولة زيارة الحرم

طبعا القرب دا بالاضافة الى مزايا الحياة في جدة يستاهل التضحية

بس التضحية لازم تكون بحدود علشان متكرهش عيشتك

التضحية متوصلش لدرجة انك تسافر بمبلغ اقل من سعرك حوالي 3000 ريال لمجرد انك تكون في جدة

خلي بالك مجرد السفر من مصر فيه تضحية حتى بالظروف اللى مصر فيها برضة تضحية لانها بلدك في الاخر يمكن انت مش حاسس بالتضحية دي بس عارفها كويس اللى له مدة طويلة زي حالاتي

اول تضحية انك بتضحي بمكانك في مصر! وخصوصا انك شغال في مكان كويس متستغربش في خلال 3 -4 سنين سفر غالبا هاتلاقي معظم معارفك من الشغل نسيوك وحتى المديرين اللى علاقتك كانت بيهم كويسة وممكن يساعدوك بتلاقيهم مشيوا وجه مكانهم ناس تانيين ميعرفوكش ولا هايسعدوك لو حبيت ترجع

دا غير سنك الى هايكون كبر ومسئولياتك اللى كبرت وولادك اللى اتعودوا على عيشة معينة كل دا بيخلي رجعوك لمصر اصعب

تضحية بحياة اسرتك الاجتماعية لما تلاقي ان اولادك ميعرفوش قرايبهم اللى من سنهم

تضحية بانك مش عايش في بلدك

تضحية بانك لما تتعب مش بتلاقي حد من اهلك جنبك وانك ممكن يموت لك حد عزيز عليك ومتعرفش تسافر علشان عندك مشكلة في الورق او مش لاقي تذكرة

هاقولك ايه ولا ايه

بس ارجع واقول الحمد لله

علشان كدا لو هاتضحي لازم تكون التضحية بمقابل يتناسب مع التضحيات التي بتقدمها

معلش يمكن بصدمك بس انا شايفك ميال قوي للسفر لجدة وبتحاول تقنع نفسك وبتتغاضى عن حقيقة ان المبلغ المعروض عليك قليل على سنك وخبراتك

لازم تحاول تتفاوض تاني

وزي ما انت قلت ان السفر والتفاوض فيه له حيثيات تانية

مفيش نظام ان مهندس دفعة 2000 مثلا راتبه كذا والمهندسين كلهم رواتبهم حسب السن والخبرة مفيش الكلام دا

الموضوع كله حسب انت وشطارتك في التفاوض يعني عادى تلاقي واحد اصغر منك او من سنك وراتبه اعلى علشان عرف يتفاوض كويس بالعكس انت لو اتفاوضت كويس ممكن تروح تلاقي انك بتاخد اكتر من مهندس في سنك بس له معاهم 5 سنين مثلا

لما تتفاوض علشان تاخد عرض مرتاح خلي بالك من الحاجات دي

اول حاجة انهم يكونوا محتاجين لك جدا يعني مثلا انك عندك خبرات نادرة او مؤهل هما محتاجينه بشدة فبالتالي تعرف تطلب براحتك

تاني حاجة انك تحسسهم انك مستغي طبعا بحدود بس اوعى تحسسهم انك محتاج الشغل او ميت عليه وممكن تقولهم بصراحة انا اعتدت التفكير ولقيت اني باخد في مصر كذا وعلشان اسافر محتاج كذا

تالت حاجة لازم تكون واثق من نفسك وراجل شيك دي مهمة قوي

وبالتوفيييق

تم تعديل 23 ديسمبر 2013 بواسطة AbuZeyad

[AbuZeyad]

سعودي ديار كانوا منزلين إعلان ف الجرنان بتاع الجمعة, الكلام ده ف شهر سبتمبر. إعلان صغير كده علي جنب متتخيلش إنه لشركة محترمة وبعديها عملوا مقابلات سريعة في الفرع بتاعهم هنا ف القاهرة ف مدينة نصر.

دار الرياض كانوا برضه عاملين إعلان ف جرنان الجمعة, الكلام ده من 3 أسابيع بالظبط. بعديها عملوا مقابلاتهم هنا ف جراند حياة ف القاهرة وكان اللي بينظملهم العملية وحملة التوظيف شركة توظيف كبيرة هنا ف القاهرة إسمها Climax International Recruitment

أنا غالبا مصادري معظمها جرنان الأهرام بتاع الجمعة بيبقي فيه فرص كويسة أحيانا. بس الإعلان مبيوحيش خالص إن الشركة أو المكتب اللي وراه مكتب تقيل أو محترم يمكن عشان بيبقوا محتاجين عدد محدود من الوظايف, فمبيكتبش إسم الشركة لنفس السبب.

معظم الشركات لما بتنزل اعلانات بيكتبوا لشركة هندسة او لشركة هندسية كبرى

مش عارف مش بيكتبوا الاسم ليه

[zemanova]

أبو زياد

كلامك عن التضحيات طبعا له مني كل التقدير, ومتفق معاك فيه كليا. أنا شخصيا تعرضت لمواقف زي اللي بتحكي عنها لأني مش أول مرة أسافر (يمكن ده اللي مخلليني متجرأ شويه ع السفر ومش قلقان أوي), بس فعلا صادفني كل المواقف اللي بتحكي عنها: يعني علي سبيل المثال عمي توفي ومقدرتش انزل عشان احضر جنازته مع إنه كان من أعمامي المقربين جدا. أخويا الصغير اتجوز وبرضه مقدرتش أحضر فرحه. إبني الأولاني معرفتش أنزل يوم ولادته وكان ده من أصعب المواقف علي نفسي واللي اتعرضتلها خلال فترة سفري بره مصر.

لكن كلمتك برضه لسه بترن ف وداني. التضحية متوصلش لدرجة انك تسافر بمبلغ اقل من سعرك حوالي 3000 ريال, لكن كوني إني ميال للعمل أو التواجد في جدة والسكن فيها دي حقيقة مقدرش انكرها. مش بحاول اقنع نفسي بالعرض بالعافية ولا حاجة, ونصيحتك ليا بإعادة فتح باب التفاوض فعلا بدأت في تنفيذها (بعت mail النهارده للناس هناك ف جدة ومنتظر الرد).

موضوع إني محسسسهمش إني ميت ع الشغلانة ده بقي لعبتي. وإن كانت بطني بتغلي من القلق بيني وبينك, لكن أكيد الموضوع يستاهل المحاولة والأرزاق دي حاجة بتاعت ربنا. بس تفتكر هينفع ؟؟

مش مصدوم من كلامك ولا حاجة, وطول م في مصريين أفاضل زي حضرتك والإخوة هنا بتقدم النصيحة لمن هم في مثل موقفي فأنا مش قلقان.

[AbuZeyad]

كويس انك بعت الميل

الافضل لو تعرف تتواصل مع الشخص اللى عملك المقابلة في مصر وتتكلم معاه لان الميل في الغالب بيروح الموظفين الموارد البشرية وهما لسه يشوفوا

لكن لو عرفت تتواصل مع الشخص اللى اتقابلت معاه يكون افضل والكلام المباشر اظن هايكون احسن من الميلات

حاسس ببطنك اللى بتغلي انا برضه كنت في موقف شبة دا قريب بس زي ما قلت لك ما تحسسهمش انك محتاك الشغل

خليك تقيل بس بالعقل

[AbuZeyad]

غريبة اوي انك انتا اللي حطيت عرض لنفسك

انا في واحد صحبي شغال في مكتب استشاري هنا في الرياض راتبه 22 الف ريال ( مواليد 86 ) ....العملية نسبية جدا وكل ما تكون واثق من نفسك في الكلام معاهم كل ما راتبك بيزيد وبيتمسكوا بيك اكتر (( وعن تجربة شخصية معايا انا برضو ))

بعد اذنك استاذ حسام

لو تقولي على اسم المكتب او الشركة دي حتى ولو في رسالة خاصة

يمكن ادور على شغل في يوم من الايام

وشكرا

[حسام الغرباوي]

بعد اذنك استاذ حسام

لو تقولي على اسم المكتب او الشركة دي حتى ولو في رسالة خاصة

يمكن ادور على شغل في يوم من الايام

وشكرا

حاضر هجبلك الاسم وابعتهولك