رجالة في المطبخ

[Scorpion]

نداء الي زملائي الخناشير فقط ( الفكيهات يمتنعن ) ....

محتاج وصفة الكشري ... بس باسلوب مبسط عزابي ابوس ايديكم علشان انا ممنوع عليا اقعد في المطبخ اكتر من عشرين دقيقة منعآ للمصائب ...

اخوكم المعذب سكوب فلتس السرياقوسي

[nightmare]

نداء الي زملائي الخناشير فقط ( الفكيهات يمتنعن ) ....

محتاج وصفة الكشري ... بس باسلوب مبسط عزابي ابوس ايديكم علشان انا ممنوع عليا اقعد في المطبخ اكتر من عشرين دقيقة منعآ للمصائب ...

اخوكم المعذب سكوب فلتس السرياقوسي

يعني انت ياعم Scorpion مش جايه تطلب معاك كشري الا دلوقتى والطماطم مولعة ناااااااار ومفيش حد لاقيها:lol:

اللى اعرفه بخصوص الكشري ان اهم حاجة في عمله هو التقلية بتاعته باين , حرق العدس ابو جبه والدقه وكده , ما تطلبه ديليفري ياعم وريح راسك :D ,انا عمري ما كلته الا من كشري التحرير في عماد الدين.

مع تحياتي

[Scorpion]

استفدت انا ايه صلاة النبي من مداخلتك اللي فاتت دي .... ان كان عالطماطم ... مش مشكلة .. لسه الطماطم اللي عاصرها عصام من الوصفة اللي فاتت موجودة في التلاجة .. و ما تجيبش سيرة تاريخ الصلاحية ....

ده ايه الهم ده .. هو انا طلبت ساركوزي دي سوشيس و لا مكرونة بيرلوسكا بالمانفيللة ... ده كشري يا عالم ... كشري ...

لأ و يقوللي اطلبه ديليفيري ... طب ابقي بص علي ال Location اللي تحت اسمي اللي عاليمين دي و احسبلي بقي طبق الكشري حيكلفني كام ...

اففففف

ماشي يا بني آدمييين ....

[الغريب]

أولا وحشنا جدا يا سكوب

ثانيا والله فعلا بقالي أسبوع عمالي أتحايل على مراتي تعملي كشري وهي منفضة ويوم تقولي أصلي بنسى أنقع العدس ويوم مش عارف حبيت أعملك أيه وهكذا..

وتقريبا أنا هسمي وأدخل برجلي اليومين دول مستغلا الويك إند وأجرب حظي بكرة

ياريت سي السيد أبو طارق قصدي أبو عمر ينزل بالوصفة السحرية، بس عاوزين حاجة سبشيل كدة مش عادية ، عاوزين حاجة زي أبو طارق اللي تحس أنه بيعمل جاتوه متفتفت مش كشري..

تم تعديل 28 أكتوبر 2010 بواسطة الغريب

[pink rose]

استفدت انا ايه صلاة النبي من مداخلتك اللي فاتت دي .... ان كان عالطماطم ... مش مشكلة .. لسه الطماطم اللي عاصرها عصام من الوصفة اللي فاتت موجودة في التلاجة .. و ما تجيبش سيرة تاريخ الصلاحية ....

ده ايه الهم ده .. هو انا طلبت ساركوزي دي سوشيس و لا مكرونة بيرلوسكا بالمانفيللة ... ده كشري يا عالم ... كشري ...

لأ و يقوللي اطلبه ديليفيري ... طب ابقي بص علي ال Location اللي تحت اسمي اللي عاليمين دي و احسبلي بقي طبق الكشري حيكلفني كام ...

اففففف

ماشي يا بني آدمييين ....

مش انت اللي قولت بعضمة لسانك

نداء الي زملائي الخناشير فقط ( الفكيهات يمتنعن )

خلاص قابل بقى يا معلم

:closedeyes:

[Howayda Ismail]

طريقة عمل الكشرى المصرى

...........................

الكمية تكفي: 5 أشخاص

وقت التحضير: 15 دقيقة

وقت الطهي: 90 دقيقة

المقادير: 250 جرام مكرونة صغيرة جدا

250 جرام مكرونة اسباغيتي

250 جرام عدس أسمر

2 كوب أرز مصري

1/2 1 كوب شعرية

250 جرام حمص الشام.

4 ثمرات بصل كبيرة

2 م ك صلصة

عصير 5 ثمرات طماطم كبيرة

رأس ثوم

زيت ذرة

2 م ك خل

ملح وفلفل أسود وهيل مطحون وكمون

التحضير: 1- يغسل الأرز جيدا.

2- يغسل العدس جيدا

3- يقشر الثوم ويفرم.

4- ينقع الحمص لمدة 6 ساعات على الأقل.

الطبخ: 1- تسلق المكرونة وتصفى.

2- يسلق العدس بدون إضافة ملح وتقلل عليه النار جدا عندما يغلي وبعد نضجه يصفى جيدا ويضاف له الملح والفلفل الأسود وقليل من الحبهان والكمون.

3- تحمر الشعرية في الزيت ويضاف لها الأرز والملح ويقلبان معا لدقيقة ثم يضاف الماء وبعد غليانه تقلل النار ويترك - مع التقليب – حتى ينضج.

4- يقطع البصل أنصاف حلقات ويحمر في زيت غزير إلى حد ما حتى يصبح لونه أقرب إلى اللون البني ثم يصفى من الزيت جيدا بالضغط عليه ويترك ليتقرمش.

5- يسلق الحمص بدون ملح.

6- يتم عمل الصلصة بوضع الثوم المفروم في الزيت حتى يحمر ثم يضاف الخل فورا ويليه عصير الطماطم والصلصة ويترك حتى يثقل (حوالي 20 دقيقية) ثم يضاف الملح والفلفل.

7- هناك نوعان من التقديم أولهما خلط المكرونة مع العدس مع الأرز وتقليبهم ثم إضافة الحمص والبصل والصلصة على الوجه، ووثانيهما رص الكشري طبقات أي: المكرونة أول طبقة ثم الأرز ثم العدس ثم الحمص ثم الصلصة ثم البصل

ملاحظات: يمكن الاستغناء عن الحمص

الكشري اكلة مصرية شعبية جدا

جربت كما قالو العضوات في مناقشة الموضوع طريقة لقرمشة البصل

وهي رش قليل من الدقيق على البص وتقليبه جيدا ولكن لا يوضع في الزيت الا بعد ان يسخن الزيت جيدا جدا لكي لا يلتصق بالقاع

الوصفة منقولة من موقع وضعته الاخت الفاضلة نهى الحلبى

وده الرابط لكيفية عمل جميع انواع الاطعمة

الرباط الخاص بي

[pink rose]

طريقة عمل الكشرى المصرى

...........................

الكمية تكفي: 5 أشخاص

وقت التحضير: 15 دقيقة

وقت الطهي: 90 دقيقة

المقادير: 250 جرام مكرونة صغيرة جدا

250 جرام مكرونة اسباغيتي

250 جرام عدس أسمر

2 كوب أرز مصري

1/2 1 كوب شعرية

250 جرام حمص الشام.

4 ثمرات بصل كبيرة

2 م ك صلصة

عصير 5 ثمرات طماطم كبيرة

رأس ثوم

زيت ذرة

2 م ك خل

ملح وفلفل أسود وهيل مطحون وكمون

التحضير: 1- يغسل الأرز جيدا.

2- يغسل العدس جيدا

3- يقشر الثوم ويفرم.

4- ينقع الحمص لمدة 6 ساعات على الأقل.

الطبخ: 1- تسلق المكرونة وتصفى.

2- يسلق العدس بدون إضافة ملح وتقلل عليه النار جدا عندما يغلي وبعد نضجه يصفى جيدا ويضاف له الملح والفلفل الأسود وقليل من الحبهان والكمون.

3- تحمر الشعرية في الزيت ويضاف لها الأرز والملح ويقلبان معا لدقيقة ثم يضاف الماء وبعد غليانه تقلل النار ويترك - مع التقليب – حتى ينضج.

4- يقطع البصل أنصاف حلقات ويحمر في زيت غزير إلى حد ما حتى يصبح لونه أقرب إلى اللون البني ثم يصفى من الزيت جيدا بالضغط عليه ويترك ليتقرمش.

5- يسلق الحمص بدون ملح.

6- يتم عمل الصلصة بوضع الثوم المفروم في الزيت حتى يحمر ثم يضاف الخل فورا ويليه عصير الطماطم والصلصة ويترك حتى يثقل (حوالي 20 دقيقية) ثم يضاف الملح والفلفل.

7- هناك نوعان من التقديم أولهما خلط المكرونة مع العدس مع الأرز وتقليبهم ثم إضافة الحمص والبصل والصلصة على الوجه، ووثانيهما رص الكشري طبقات أي: المكرونة أول طبقة ثم الأرز ثم العدس ثم الحمص ثم الصلصة ثم البصل

ملاحظات: يمكن الاستغناء عن الحمص

الكشري اكلة مصرية شعبية جدا

جربت كما قالو العضوات في مناقشة الموضوع طريقة لقرمشة البصل

وهي رش قليل من الدقيق على البص وتقليبه جيدا ولكن لا يوضع في الزيت الا بعد ان يسخن الزيت جيدا جدا لكي لا يلتصق بالقاع

الوصفة منقولة من موقع وضعته الاخت الفاضلة نهى الحلبى

وده الرابط لكيفية عمل جميع انواع الاطعمة

الرباط الخاص بي

يا مدام هند ليه كده بس

طيبة قلبك دي هاتجيبنا(نون النسوة) لورا كده

كنتي سبتيه لاصحابه الخناشير ينفعوه wst::

تم تعديل 28 أكتوبر 2010 بواسطة remo

[Scorpion]

عقلي الباطن :

يا فرحة ابلة ظاظا فيا ..... لما بقي نخش نجر ناعم احسن الواحد جتته مش خالصة .. مش حيبقي في البيت و المحاورات

يا مدام ريمو ... انتي مش فاهمة .. الموضوع لو كان علي وصفة الكشري ما كانش الواحد حيغلب .. مجرد سؤال في باب المطبخ و ستات المنتدي الله أكبر في الوصفات دي مافيش حد يعلا عليهم ... لكن انا حطه في باب الأبتسامات و للخناشير علشان الواحد بدل ما يموت من اللي بيطبخه يموت من الضحك .. بس كده ...

يعني انا بصيت عالوصفة اللي حطتها الفاضلة هندعلي كتر الف خيرها و شكلي و شعري بقم زي الأخ ده ...

يا نهار اسود .. كل ده علشان طبق كشري ... و كمااان العملية فيها راااااس تووم بحالها .. ده انا ام جونيور لو حطيت اكتر من فصين توم في اي أكلة بتعلن الأحكام العرفية في البيت .. و بتتصل ببتوع البيئة ييجوا يرشوا ...

لأ يا أختي مش لاعب ... و لسه مصر ان فيه حد من الخناشير حييجي يحطلي وصفة عزابي .. حاكم دي اللي بتبقي اسهل وصفة علشان احنا عالم كسلانة و بتوفر في وقتهما و مجهودها و مكونات طبيخها ...

ياللا بقي يا شباب .. ما ينفعش كده .. فرحتوا فينا الفكيهات ...

[Howayda Ismail]

يا مدام هند ليه كده بس

طيبة قلبك دي هاتجيبنا(نون النسوة) لورا كده

كنتي سبتيه لاصحابه الخناشير ينفعوه wst::

معلش ياريمو كله بثوابه

[Scorpion]

و بعدين يعني ايه "هيل مطحون" .... انا ما هيلتيش حاجة ...

ما تكلمونا شعبي

[Howayda Ismail]

و بعدين يعني ايه "هيل مطحون" .... انا ما هيلتيش حاجة ...

ما تكلمونا شعبي

يانهار ابيض حتى التوابل مش عارفين اسمها

مش كفاية طول اليوم فى المطبخ لما كركبتوا المواعين كلها فوق بعضها ولسة ماعملتوش الكشرى

على العموم الهيل هو الحبهان

[عنبو]

موضوع جامد اخر حاجه على رأى العيال الفرافير

الموضوع بسيط جداً

حضرتك هتجيب الحله اللى سين سين كان بيغسل فيها الشرابات وكمان الحله بتعت الملوخه وتبعت سين سين

لفولانه يستلف كمان حله

وبكده نكون معنا عدد 3 حله

وتقوم بالصلاة على النبى كده تحط الرز فى حله والمكرونه فى حله اخرى ويتبقى حله ابقى حط فيها العدس

وتقوم غاسل الرز غسله محترمه كده بس متكترش الصابون السايل لان اسمع انه مش كويس علشان الصحه يعنى

وبعد لما تغسله تقوم مفضيه على غطا الحله وتقوم حاطط الحله على النار وتجيب نص معلقة سمنه

وبعد لما السمنه تسيح تبدأ فى اضافة المياه تقريبا نص الحله وتقوم باضافة الملح وتخلى سين سين

ياخذ معلقه من الخليط لكى يتذوقه ولما يقول تمام

تقوم بانزال الرز اللى على الغطا فى الحله وتقلب يا معلم تفضل تقلب تقلب تقلب

لحد لما يتكون خليط ويكون المكون كلوودال غروى يعنى

وتسيبه على النار وكل شويه تقلبه تقلبه لحد لما يبقى تمام وطفى النار وبكده نكون عملنا الرز

ندخل بقى على المكرونه نفس الكلام بالظبط بس كل ما الموضوع ان المكرونه مش تغسلها لانها اساسا

بتتسغل فى المصنع وبنفس الطريقه تقوم بطهى المكرونه فى الحله وبكده يكون ليدنا

الرز والمكرونه يتبقى لنا العدس

العدس ده بقى يستخدم فى تزين الطبق

يعنى حضرتك تحط شوية رز مع شوية مكرونه وترش فوقهم شوية عدس على الوش يعنى

وممكن بقى لو عاوز بقى تعمل حاجه اشيك كمان

تجيب بصله وتقشرها حلو كده وتقوم بقى تخلى سين سين يقطعها قطع صغيره علشان عينه تدمع

وبعدين بقى تقوم محمرها فى الزيت لحد لما لونها يتغير

ولو انت بقى بتحب الغوامق زى هتخلى البصل يسود ولو من النوع اللى مالوش فى الغوامق زى برده

هتخلى يادوب ياخد كلر كده

وترش برده شوية بصل فوق شوية العدس بس خد بالك برده لازم العدس يظهر يعنى من تحت البصل يعنى

وبالهنا والشفا

اقوم انا بقى اشوفلى مطعم اتعشا فيه

تحياتى

الشيف عنبو

[أبوعمار]

موضوع جامد اخر حاجه على رأى العيال الفرافير

الموضوع بسيط جداً

حضرتك هتجيب الحله اللى سين سين كان بيغسل فيها الشرابات وكمان الحله بتعت الملوخه وتبعت سين سين

لفولانه يستلف كمان حله

وبكده نكون معنا عدد 3 حله

وتقوم بالصلاة على النبى كده تحط الرز فى حله والمكرونه فى حله اخرى ويتبقى حله ابقى حط فيها العدس

وتقوم غاسل الرز غسله محترمه كده بس متكترش الصابون السايل لان اسمع انه مش كويس علشان الصحه يعنى

وبعد لما تغسله تقوم مفضيه على غطا الحله وتقوم حاطط الحله على النار وتجيب نص معلقة سمنه

وبعد لما السمنه تسيح تبدأ فى اضافة المياه تقريبا نص الحله وتقوم باضافة الملح وتخلى سين سين

ياخذ معلقه من الخليط لكى يتذوقه ولما يقول تمام

تقوم بانزال الرز اللى على الغطا فى الحله وتقلب يا معلم تفضل تقلب تقلب تقلب

لحد لما يتكون خليط ويكون المكون كلوودال غروى يعنى

وتسيبه على النار وكل شويه تقلبه تقلبه لحد لما يبقى تمام وطفى النار وبكده نكون عملنا الرز

ندخل بقى على المكرونه نفس الكلام بالظبط بس كل ما الموضوع ان المكرونه مش تغسلها لانها اساسا

بتتسغل فى المصنع وبنفس الطريقه تقوم بطهى المكرونه فى الحله وبكده يكون ليدنا

الرز والمكرونه يتبقى لنا العدس

العدس ده بقى يستخدم فى تزين الطبق

يعنى حضرتك تحط شوية رز مع شوية مكرونه وترش فوقهم شوية عدس على الوش يعنى

وممكن بقى لو عاوز بقى تعمل حاجه اشيك كمان

تجيب بصله وتقشرها حلو كده وتقوم بقى تخلى سين سين يقطعها قطع صغيره علشان عينه تدمع

وبعدين بقى تقوم محمرها فى الزيت لحد لما لونها يتغير

ولو انت بقى بتحب الغوامق زى هتخلى البصل يسود ولو من النوع اللى مالوش فى الغوامق زى برده

هتخلى يادوب ياخد كلر كده

وترش برده شوية بصل فوق شوية العدس بس خد بالك برده لازم العدس يظهر يعنى من تحت البصل يعنى

وبالهنا والشفا

اقوم انا بقى اشوفلى مطعم اتعشا فيه

تحياتى

الشيف عنبو

يا سلالالالالالالالالالالالالالالالالالام

شوفت ازاي؟

والله ما قصرت يا أخ عنبو

الوصف التفصيلي ده خلاني جسمي قشعر

وأنا بأتخيل الكشري . ولا طعمه يا عيني ع اللي هيأكله

عموما يعني وكلمة في سركم كده

ومن غير ما ستات المنتدى يسمعوا

الكشري والمحشي والحاجات اللي بتوجع الدماغ دي

تخلوها للناس المخضرمين في المطبخ

انما المبيتدئين زي حالاتنا

يروح مع عنبو لنفس المطعم

أو مطعم تاني مش فارقة

فكرتني بأشرف عبد الباقي في مسلسل مش فاكر اسمه

لما مراته ما كانتش عارفه تطبخ

وقاعدين استشارات أونلاين بالتليفون

عشان الكشري برضو

وفي الآخر راحوا يأكلوا في المطعم

أرزاق

لازم أصحاب المطاعم يأكلوا عيش

واحنا نأكل كشري

[Scorpion]

استني بس يا ابو عمار .. احنا ما صدقنا نلاقي وصفة ننفع نشتغل عليها ... من غير راس توم و لا هيل ...

ايه الحلاوة دي يا عنبو... انت تعبت من شوية يا أخي .. ما هو من خدماتك للناس اللي زينا كده و وصفاتك ليهم ..

شوف بما انك الوحيد من قبيلة الخناشير اللي عبرني فيا ريت تكمل جميلك و تحكيلي شوية عن الصلصة .. اصل انا عقبال امالتك مدكن علي حلة عصير طماطم في التلاجة من فترة و نفسي اتفشخر بيها بقي ... فهل ما يسمي بالدقة اللي بتتحط عالكشري بيدخل في مكوناتها الطماطم و الا لأ ... و بالمرة تديلي اشارة عن المقادير .. يعني كام كبشة رز .. كام كبشة معكرونة ... كام حباية عدس .. و كده يعني ..

و زي ما بيقولوا أخواننا السودانيين والله ما جصرت ...

علي فكرة الف مبروك علي المداخلة رقم 2000

شفت اهي مداخلة مهمة و فيها بتقدم خدمة للناس و بالذات انا ...

حياكم الله يا طويل العمر

[Scorpion]

عقلي الباطن

أقطع دراعي ان فكيهات المحاورات ايديهم عمالة تاكلهم علشان يخشوا يقولوا حاجة في الوصفات السحرية دي ... لكن ولو ..

يا ساااااتشر عالحكد

[doha]

مدام بتنادي على الخناشير يبق اسمي انكتب في المحضر ..

بص ياسيدي ..

هقولك اسهل وابسط طريقة لعمل الكشري وهي مش طريقتي للامانة هي طريقة جوزي ربنا يحفظه من كتر ماعجبتني بطلت اعمل الكشري المعتاد وبقت كل مانفسي تهفني على الكشري اقوله ايه رايك تعمل لنا بايديك الحلوين دول الكشري بتاعك .. منت عارف مبعرفش اظبطه زيك :blush2: ..

وسبحانك ربي نفسي مبتهفنيش على الكشري ده غير لما يكون ورايا حاجات مهمه ومش فاضية اطبخ .. صدفة اكيدsmk: ..

المهم بجد الكشري بتاعه روعه وطريقته سهله جدا زي ماقلت لك ..

هتجيب عدس اصفر وكمية من الرز يعني نقول قده مرتين تقريبا. . قلب ده على ده واغسلهم مع بعض بعدين اطبخ عادي خاااالص زي الرز العادي .. وخلصت

شفت ازاي مفيش اسهل من كده ولا تقولي عدس بني ولا تقلية ولا وجع راس ..وصدقني تقريبا مفيش فرق بينه وبين الكشري المعتاد ابو قلبة ووجعه راس .

شوف كده يوم يكون عند ام جونيور تنفيض ولا حاجه واعمل هولها وذقني الخنشوري اهيه ان ماكانت تحلف بالكشري بتاعك بعدها ..

[Howayda Ismail]

:blush2: ..

وسبحانك ربي نفسي مبتهفنيش على الكشري ده غير لما يكون ورايا حاجات مهمه ومش فاضية اطبخ .. صدفة اكيدsmk: ..

شوف كده يوم يكون عند ام جونيور تنفيض ولا حاجه واعمل هولها وذقني الخنشوري اهيه ان ماكانت تحلف بالكشري بتاعك بعدها ..

ياه يامدام ضحى انا كنت فاكرة انى لوحدى باتلكك واقوله اتصرف انت وهات لنا اكل

اصل صراحة جوزى مالوش فى المطبخ واحسن برضه اصل انا محبش حد يكون معايا فى المطبخ

واناعملت كده انهاردة ماليش مزاج اطبخ كفاية طول الاسبوع فاخدت انهاردة اجازة

[عنبو]

يا نهار هو انا مردتش على عم ك(ق)امل من وقتها الواحد لما الغرور بياخده بيطفش المعجبين لازم اقعد مع نفسى من تانى علشان الواحد يحافظ على المستوى الرهيب اليى وصل له فى الشيفشه (( الطبخ يعنى))

تحياتى

الشيف عنبو

[Salwa]

قريته والله يا ناش أومال هانظلمكو في الإنذارات دي ... حاشا لله ... بس انا قولت لكي يطمئن قلبي من ناحية الفراخ اصلي ما بأكلهاش ... بالمناسبة بقى خدي الحته الرجالي دي ... المطاعم الصيني بيعملوا الوصفة بتاعتك دي بالبط " duck " بس تجنن

هل يمكن الاستغناء عن ورق التوت اللى اوردته فى مداخلتك دا بورق جوافة ؟

اصلي سمغت كتير عن فوائد رق الجوافة

الاخت نجفه ... ممكن بس لما يكون عندك كُحه

ورق الجوافة يُستخدم فقط لعلاج السُعال

وورق التوت بيستخدم كطعام لدودة القز عشان تطلع لنا حرير هندي ولولي وحاجات مندي

ماهو الجندوفلك؟

ده زي أم الخلول بس كبير

وازاى اعرف الكابوريا مذكر سالم ولا مؤنث غانم ؟

طريق سهلة جداً ...

تجيبي الكابوريايا ... وتكسريها

لو اتكسرت ... تبقى أنثى

ولو أتكسر .. يبقى ذكر ...

شكراً

رد متأخر شوية ياسى السيد .

ده مش الجندوفلى .........ده بلح لبحر .

معذور اصلك مش اسكندرانى .

واليك صورة الجندوفلى وكمان طريقة تقديمه.

وسوف اضع هنا ايضا طريقة بلح البحر

وبالهناء والشفاء

http://www.youtube.com/watch?v=QIPdhkZ-Sos

[Salwa]

شكل الجندوفلى

http://www.google.es/imgres?q=الجندوفلى&um=1&hl=es&sa=N&biw=1024&bih=485&tbm=isch&tbnid=QDE-V7tr0koWRM:&imgrefurl=http