رجالة في المطبخ

[Scorpion]

يعني انا كل ده كنت عمال اقمع في بسلة ... و انا اقول البامية في مصر اتسخطت كده ليه و قلت بركتها ...

[suma]

الموضوع أكتر من جميل ومبهج بجد أخذني من المرض والتعب شوية.

ما عليه انا بقى كنت محتاسة في موضوع الدقة دي كله عادي لدي حتى الشطة بنتي بتسويها كويس وتبعتهالي احتفظ بها .

شكرا على وصفة الدقة وشكرا على الضحكة الجميلة اللي انا كنت محتاجاها .

سومه

[Scorpion]

يادي الهنا يادي السعد .. مدام سومه كمان انضمت لينا ...

طيب علشان المناسبة الجميلة دي .. حوصفلك طريقة عمل الكيكة اللي كنت بعملها ايام العزوبية و بفطر بيها يوم العيد لما بكون وحدي .. او بعافية شوية ..

شوفي حضرتك ...

المقادير :
كيك جاهز
سكينة
أطباق بلاستيك

الطريقة :
يتم تقطيع الكيكة بالسكينة ثم يتم وضعها في الاطباق البلاستيك
و بالهنا و الشفا

ملحوظة . يفضل شراء كيك مقطع

[أبو محمد]

يادي الهنا يادي السعد .. مدام سومه كمان انضمت لينا ...

طيب علشان المناسبة الجميلة دي .. حوصفلك طريقة عمل الكيكة اللي كنت بعملها ايام العزوبية و بفطر بيها يوم العيد لما بكون وحدي .. او بعافية شوية ..

شوفي حضرتك ...

المقادير :

كيك جاهز

سكينة

أطباق بلاستيك

الطريقة :

يتم تقطيع الكيكة بالسكينة ثم يتم وضعها في الاطباق البلاستيك

و بالهنا و الشفا

ملحوظة . يفضل شراء كيك مقطع

وليه الظروطة دى كلها

إنت أكيد كنت بتحلم يا سكوب

[mamdowh]

الكفته بالدمعه

لقيت كيس كفته مجمد معروض فى بنده مكتوب عليه كفته بالخلطة المصريه, واشتريت واحد وخدته البيت قلت أجربه

خطوات العمل:

- اولا تسيب الكفته تسيح وحاول تاخد على قد الطبخه وتشيل الباقى فى الفريزر

- بعد ما تسيح ابتدى شغل الحاجه بتاع زمان يا تعملها صوابع ودى هاتاخد وقت ......أو إعملها كور صغيره او مبططه أو حسب الرغبه

- خلصت تصبيع وتكوير خش على طاسه فيها زيت واقلى ياريس الكفته وبعد القلي

- جيب بصله وسط واضربها فى قطاعه البصل بحنيه مش كتيروحطها فى حله مع سمن أو زيت حسب مزاجك وقلب حتى تحمر البصله واديها شوية ميه

- لو عندك طماطم تكون عاصرها ماشى أو استعمل معلقتين صلصه

- حط الطماطم أو الصلصه فى الحله مع البصل وسقط الكفته معاها وزودها ميه لحد ما تغطى الكفته وزياده شويه

- خلى الميه تغلى وما تنساش الملح ( حسب الضغط اللى عندك)

- لما تغلى الميه وطى النار وسيبها وروح اتفرج على التليفزيون

- شويه وبص عليها هاتلاقى الكفته نفشت شويه من الرز اللى فى الخلطة

- سيبها تشرب شوية المرقة بس اوعى تلزق منك يعنى المرقة تنشف ( يعنى تحس ان الصلصه بقت تقيله شويه) ولو نشفت شويه زودها ربع كوب ميه واديها غلوة بسيط

- اطفى النار وسيب الحلة تستهدى

- اغرف بقى وجهز يا العيش أو الرز

هو انت لسهه ما عملتش الرز ؟؟؟؟ ياراجل طب كلها بالعيش غمس المرقه

واهى حاجه تفكرنا بمصر

كان معكم بعد حوسه الشيف وحيد فريد الاطرش

تم تعديل 4 فبراير 2014 بواسطة mamdowh

[Scorpion]

يا أهل المحاورات الكرام ... نويت اني اعمل حواوشي ...

و دي الحاجة الوحيدة اللي اعرفها في الموال ده  ... اني أنوي  ...

 

الباقي بقي محتاجه منكم من فضلكم ...

 

بيتعمل ازاي بقي ؟؟؟