البقاء لله

[achnaton]

http://members.lycos.co.uk/el3aelat/yyyyyy/34.JPG

[سقراط المصري]

:P :P :D

يالهوي يالهوي

الضمير خلاص مات

هنعمل إيه من غيره

ياسبعي

ياجملي

طيب والعيال دول مين اللي هيربيهم ويعلمهم الاخلاق

هو اينعم الضمير كان معيشنا في عيشه ضنك .......بس كان ساترنا

اما انا صحيح واحده ست نكديه

طيب

انا بعد الاربعين بيوم هروح اتجوز البيه اللي اسمه الفساد

عيشه هنيه ولقمه نضيفه ............ ويغور كلام الناس :blush:

سقراط

تم تعديل 4 مايو 2005 بواسطة سقراط المصري

[achnaton]

كتب سقراط :

هو اينعم الضمير كان معيشنا في عيشه ضنك .......بس كان ساترنا

معاك حق والله يا سقراط .. فقد قطع بينا .. !! وموته سود ليالينا ..

الضمير راح يا سقراط خلاص .. مات ..

مات !!! وساب الناس كلها فى ازمة

اجدع موظف شريف ..مش قادر يجيب جزمة

ويوم ما يفكر يجيب للولد بدله والمدام فستان

تبقى مصيبة وحطت عليه مالشعر للجزمة !!

----------------

ما ت الضمير ..! وكنا احنا السبب فى وفاته

لما اصابه المرض وضاعت بعض اعضاءه

وقعدنا نبحث له عن ايد يضرب بيها

أو حتى عين يشوف بيها .. لكن كان الجزام صابه

---------------------------

مات الضمير ..! والشرفا قالوا نعمل للفقيد دا ضريح

ونجيب مؤذن ينادى بالثورة والتصحيح

رفض الموظف المرتشى بعظمة وكبرياء

وقال السفيه المنافق ..لأ !!..يلزم لكم تصريح ؟!

---------------------

مات الضمير ..! وماتت معاه الفضائـــل ؟

ورفضوا بناء الضريح .. وحطوا ميت حائل

مادام مفيش لحلوح أو شقة تمليك أو كارت من مسئول

يبقى الجرى والسعى من غير واسطة ..بلا طائل

---------------------

مات الضمير..! والحقيقة دا ماماتشى ..دا تم اغتياله

وراح لرب العباد يشكى ليه حالـــه

لقى غلابا كتير من مصر

على باب الكريم بيبكوا قدامـــه

---------------------

مات الضمير ..! ولما شاف الغلابا بتبكى

بكى تمام زيهم .. وقعد كمــان يحكى

على اللى شافه فى المحروسة ارض مصر

من نفاق وسرقة ونهب وعنطزة تركى

----------------------

مات الضمير ..! وقالوله فى الجنة ما تبكيش

اللى بيحصل فى مصر النهارده مش حايعيش

وبكره يعود ولاد مصر الفراعنه

يبنوها من جديد ويسعدوا الحرافيش

----------------------

مات الضمير ..! وعمر الفراعنه ما سرقوا رغيف جارهم

وعمر الصعايده ولادهم .. ما اتقفل دارهم

ولا عاش بناتهم منافق ولا نصاب

ولا مرتشى كذاب .. وبيخافوا من عارهم

-----------------------

:blush: :P