شكوى في مكتب العمل

[AbuZeyad]

السلام عليكم ورحمة الله

انا لسه ناقل قريب من شركة ورحت شركة تانية وانتهت اجراءات نقل الكفالة والموضوعات المتعلقة بيها

شركتي القديمة بيماطلوا في سداد مكافئة نهاية خدمتى بالاضافة انهم محتجزين جزء من راتب اخر شهر ليا وعاوزين يعتبروني مستقيل مع انهم هما اللى طلبوا عدم تجديد العقد ومعايا ورقة بدا

طبعا مستقيل يعني خصم تلتين نهاية الخدمة لكن لو انهاء خدمات استحق نهاية خدمتى كاملة

انا لسة باتفاوض معاهم في الموضوع دا بس اذا وصلت الامور لطريق مسدود بفكر اقدم شكوى لمكتب العمل

السؤال هو : هل مكتب العمل بياخد وقت طويل في الشكاوي اللى من النوع دا؟ وهل فعلا ممكن الشركة القديمة تماطل في السداد لحد ما تتعبني حتى لو مكتب العمل حكم لي؟

سؤال تاني: انا لو حبيت انقل كفالة لشركة تالتة هل وجود شكوي بيني وبين شركتى الاولي في مكتب العمل ممكن يعطل نقل الكفالة للشركة الجديدة؟

وشاكر مقدما لكل الردود.

[حسام الغرباوي]

قدم شكوة ومتسبش حقك

بخصوص نقل الكفالة لشركة تالتة ...ملوش علاقة ...انتا وضعك القانوني صحيح جدا ناقل كفالة ومعاك إقامتك الجديدة وكل شيء

[AbuZeyad]

شكرا استاذ حسام

كنت حابب اسال انا اذا نقلت لشركة تانية احتمال كبير تكون في الرياض وانا حاليا مقيم في جدة

هل اذا قدمت الشكوى هاحتاج ارجع جدة تاني وقت نظر الشكوى؟ وهل الموضوع دا ممكن امشي فيه لوحدى ولا محتاج محامي؟

وهل ممكن اقدم الشكوى دى من مكتب العمل في الرياض ولا لازم اقدمها في جدة لان الشركة مقرها جدة؟

وهل الموضوع بياخد وقت ؟

شكرا ليك

[حسام الغرباوي]

بخصوص تقدم الشكوي في جدة او الرياض انا حقيقة معرفش بس اعتقد ممكن من الرياض لان وزارة العمل مقرها هنا

مش محتاج محامي انتا الشاكي

[MZohairy]

و هي دي عايزه سؤال؟؟؟؟

انت خسران ايه؟؟؟؟؟؟

[AbuZeyad]

و هي دي عايزه سؤال؟؟؟؟

انت خسران ايه؟؟؟؟؟؟

انا حبيت اسال علشان لو حد مر بتجربة زي دي يقولي

وعلشان فيه ناس بيخوفوني من مكتب العمل وانه بيضيع وقت كتير علشان تثبت حقك وان السكة طويلة مع مكتب العمل

علشان كدا كنت بسال

[MZohairy]

لو خدت حقك تبقى كسبان

و لو ماخدتش حاجه تبقى ماخسرتش حاجه و كسبت كرامتك قدام نفسك في انك ماخوفتش من حد و طالبت بحقك و ناضلت من اجله

[AbuZeyad]

معاك حق طبعاً وانا مش ناوي اتنازل عن حقي