للمتزوجون - ممنوع دخول الزوجات منعا باتا

[لماضة مصرية جدا]

السلام عليكم و رحمة الله و بركاته

و انا في ركن افتح بوقك ورينا طقم سنانك...(باب الابتسام و كدهوت)

اتكعبلت في الموضوع اللوذعي دهوت لاستاذنا اسود سواد غامق اوي...(داركر يعني...مش انا اللي قولت....القاموس قدامي صفحة 270)

و لفت نظري البوقين اللي جايين دولم

سابعا: لازم يكونلك كلمة في البيت يعني مثلا:

1)شيل إشتراك الصفر و المباشر من التليفون يإما هتأرفك كل شوية إتصالات على الموبيل.

2)متاكلش أكل بايت أبدا خليها تطبخ كل يوم 3 وجبات.

3)ممنوع إستعمال التليفون أبل 3 العصر و لا بعد6 المغرب علشان تتلهي في التليفون في الفترة إي بتناملك فيها شوية.

4)إذا ماعجبهاش الحال تلم شنطتها و تروح بيت أهلها أحسن (و الله تبأى ريحتك). :D  :D  :D  :D

مش عارفة ليه افتكرت نجم الجل و الفوزلين احمد ماهر و هو مركب حتة موكيت علي راسه و بيقول عبارته الخالدة....الراجل مش بس بكلمته...الراجل برعايته لبيته و أسرته

و بعديها خبط لزق افتكرت جملة لطيفة كنت بسمعها زمان

الراجل لازم يدبح القطة لمراته من اول يوم....(طب قسما عظما اللي هيمد ايده علي القط بتاعي...انا ممكن...مش عارفة اعمل فيه ايه...بس اكيد هعمل حاجة...وش حد بيحاول يبقي شرير و بيفشل)

ما علينا

بعد هذا الفاصل من اللت و العجن

حبيت اقولكم

انا برفع التوبيك

حطوا بقي خبراتكم

لو متجوزين....او متجوزات

الاحياء منهم و الاموات

كان معكم

لماضة.....مشروع مأذون...او مأذوناية

[doctors]

عندكم حق الرجالة والستات هيفضلوا طووول عمرهم بيناكفوا فى بعض