عايزنّى اعيش لكن..........

[هشام الجنيدى]

عايزّنى اموت ........

عايزنّى اروح فى اى داهيه والسلام

عايزين يقومو الصبح يلقو كل شىء تمام

عايزين يشوفو جثتى متعلقه........

واديا رابطينها ورايا بالحديد ومفيش كلام

عايزنّنى اموت .......

لكن مطاطى وراسى تبقى جوه طين

عايزين يزلونى واموت مكسور حزين

عايزين يخلونى مثل يتحاكو بيه......

وانا اللى سيرتى عمرها زى الذهب غاليه وتشهد لى السنين

لا.............

دول حتى مش عايزنّى اموت

عايزنّى اعيش..........

علشان اشوف بعنيه دول ازاى حياتى ماتسويش

علشان اشوف فى عيون حبيبتى دمعها نازل مطر

علشان بعينى اشوف بكاها وجرحها ووقت الخطر...

مقدرش حتى اروح اليها واضمها ولا اقول فى سرى ماتخفيش..

وانهار واقع يمكن اموت

وارتاح ويحضنّى التابوت

لكن ما موت .........

وافوق ولسه صوت بكاها زى نار .....

قايده بتحرق فى السكوت........

وانظر لها نظره زليل عاجز ....

بتقولها رغم الدموع جايز ....

لما اموت يفكو اسرك ويسبوكى

لانك انتى عشان حبيبتى......عذبوكى

يا حبيبتى كمان شويه هيجبوكى ...ويقولولك

تمن حياتك يا حبيبة القلب راسى

هيقولولك تضربينى فوق رقبتى بحد فاسى

وتبقى اول مره ليّه اتمنى قلبك يبقى قاسى

وتقتلينى.........

...............

.عشان تعيشى...............................................................

اتمنى انها تعجبكم.....

تم تعديل 10 مايو 2005 بواسطة هشام الجنيدى

[رعد الاسكندرانى]

بصراحه انا من اشد المعجبين بكتاباتك يا هشام وافكارك كمان حلوه قوى ومعبره قوى

بس مقلتلناش قتلت حبيبها ولا لأ

بس الموقف صعب جدا ان يضطرحبيب ان يطلب من حبيبته تنفيذ حكم الاعدام فيه واعتقد ان القصيده دى وطنيه بحته ولا ايه يا هشام

تشبيهاتك وانتقالاتك بين الافكار كانت موفقه وعجبتنى جدا وانا مش عارف اقول ايه اكتر من شكرا على امتاعك لينا ومنتظر الجديد :)

[bentmasria]

هشام

حلوة بجد

فكرة ومعالجة

وفى كلمتين حقولهم لك ف سرك بعدين

لا بجد الفكرة جديدة وقاسية وممكنة فى نفس الوقت

جميل وياريت كل يوم من ده

مصر تستاهل الحب

والوعد

والالم

والصبر

والحب

والنغم

مصر

ست الكل

وعلى رأى احمد الحجار

ياريت تعود

[مهيب]

و من وسط أطنان الشغل .. قريت رسالتك .. و قريت موضوعك الجديد ... أى قسوة يا هشام !! ... أى تغيير طرأ عليك يا فتى العامية !! ... بجد الحالة النفسية بقت تقلق .. صورة قاسية جدا ... ادجارية آلانية جدا (من ادجار آلان بو) ... بس حلوة ...

وعلى الرغم من انكسار الموسيقى فى بعض السطور (الطويلة منها تحديدا) .. لكن كان فى موسيقى من الأفكار المتدفقة مصاحبة كلامك من أوله لأخره ... فكرنى الموضوع بحاجة كنت كتبتها فى المنتدى زمان كان اسمها (اركض و حين تتوقف سنقتل حبيبتك) ... بس أعترف ان صورتك قاسية ... أحيانا بيبقى الحب نفسه نوع من الترف .. من الرفاهية .. من روقان المزاج ان صح التعبير .... و مصر دايما باقية ... قطف الأمانى على رأى فؤاد نجم ....

استمر ... و ماتغبش علينا كتير كده ...

عجبنى قوى المقطع

(لا.............

دول حتى مش عايزنّى اموت

عايزنّى اعيش..........)

رهيب و قاسى و مؤلم ...

[هشام الجنيدى]

شكرا يا اخت بنت يا مصريه وشكرا للاخ مهيب والاخ رعد الذى انتظرته كثيرا

بس الحاله النفسيه وحشه اليومين دول وحاسس ان البلد فى خطر وفيه حاجه غريبه ومريبه بتحصل اليومين دول مش مطمنانى

وربنا يستر

تم تعديل 8 مايو 2005 بواسطة هشام الجنيدى

[هشام الجنيدى]

بعدما لفت الاخ مهيب مشكورا نظرى لوجود قصور فى موسيقى بعض الجمل اعدت قراءه ماكتبت واعدت تصحيح ما رايته معيبا

اشكرك جدا يا اخ مهيب ................ :)

[shahd]

مش عارفة اقول ايه زلزلت كياني بجد قمة في الأبداع

والتمكن سلمت اناملك

[هشام الجنيدى]

سعدت جدا بمرورك العاطر وحمد الله على السلامه يا اخت شهد............ :ninja: