النهارد عيد الأب ... كل سنه وانتم بخير

[achnaton]

للجميع .. بنات وبنين .. كل سنه وانتم طيبين .. النهارده عيد الأب .. وجانى من شويه بوكيه ورد ظريف من الشقى الحفيد الحقيقى نيابة عن أمه وابيه .. وعليه بطاقة صغيره .. بتقول

" جاى اهنيك بعيد الأب مساء اليوم ياجدى .. فحضر اللعب أنتى وستى .. - يقصد جدته -

تماما كما يحدث عندنا فى عيد الأم .. بيزونا الأولاد ومعاهم الأحفاد - الحمد لله عندى حفيد واحد - والا بيتحول البيت الى سرك او مدينه ملاهى ..

والفرق بين عيد الأم وعيد الأب .. الأول بتكتر الهدايا لست الحبايب .. وبيحضره الحاضر واللى غايب .. أما فى عيد الأب " العتويل " فالموال طويل.. فى وقت تانى احكى لكم عليه .. المهم ان فيه بتفض الزوجه الأغلال .. وتسيب الحرية كامله لسيد الرجال .. ومن النجمه تلاقيه بره البيت .. يقابل زملائه واصدقائه ويحتفل معاهم بالعيد .. حفل رجالى كامل بدون وجود النص التانى .. ويتغدى الاباء مع بعضهم فى الحانه او صالة الحفلات .. ويستعيدوا الذكريات .. أيام الشقاوة.. ايام ماكانوا شباب أحرار ..

ولأخوانا الأقباط .. كل عام وانتم بالف سلام .. وخير وهنا .. النهارد عيد صعود المسيح عليه السلام للسماء بعد ما احتفلتم بعيد القبامه من أيام ..

ولهذا اعتمدوه هنا عيدا للأب ..

مره أخرى .. كل سنه وانتم جميعا بخير